{ ...الدكتورة رشا الصفي تجيب على استفسارتكم ..} استضافة اسبوعية

[د. رشــا الصفــي]

هلا ولله بدكتوره رشا
ابي استفسار بسيط
انا عندي بنتي الوحيده عمرها 6 اسنين ونص .جسمها ضعيف ومو طويله مثل اللي في سنها و خايفه عليها حيل ارجو الافاده

عزيزتي اذا ما عليج أمر

ممكن الطول و الوزن ؟

و اذا البنت تعاني من اي مشاكل صحية او نفسية ؟؟

و طبيعة الأكل

و النشاط طبيعي و لا لأ ؟

شاكرة لج وايد

 

[د. رشــا الصفــي]

السلام عليكم
شلونج دكتورتنا ان شاء الله طيبه .. الف شكر لج على مساعدتج لنا ..جزاج الله كل خير
حبيت اخذ رايج بخصوص شغله اللي اهي الله يسلمج بنتى توها كملت سنتين بس صار لها فتره ما تاكل كلش و اذا ياعت كلت يمكن لقمة عيش بس او روبه ..
المهم الدكتور قالي السبب انه صدرها تعبان علشان جذي ما لها نفس تاكل و قالي اعطيها كمام جلسه وحده الحين عشان يريحها (( و بنتى فيها كحه و زادت الكحه بعد الكمام )
و بعد قالي اشتريلها vital iron plus
2.5 ml
هل الفيتامين هذا مناسب حق عمرها؟
و عادي اخلطه مع العصير لانها ما قدرت تتقبله المسكينه

و مشكووووره حبيبتى

مت تشوف شر بنتج

بس يتحسن صدرها راح ترد شهيتها مثل اول بإذن الله

و الفيتامين انا انصحج انج تعطينها اياه اذا كانت تعاني من نفص حديد او كالسيوم

و لكمن اذا البنت ما عندها نقص معين

فما أفضل الفيتامينات كلش

لأن ما نضمن آثارها اذا زادت عن المعدل الطبيعي بالجسم

و تقدرين تخلطينه مع العصير مو مشكلة

 

[د. رشــا الصفــي]

يعطيج العافية دكتورة.....ودي اسألج ما عليج أمر
أنا ولدي عمره 8 شهور و نص (23\12\2008 يكمل 9 شهور) و اكله الصبح بسكوته (فيرليز) كامله مع الحليبه والغداه خضروات مع دجاج او لحم والمغربية بعد ما يقعد من النوم محلبية داناو أو فاكه اليهال المعلبة أو عصير وبالليل أخر شي قبل لا ينام حليبته (الحليب ماركت سيميلاك), سؤالي هل هذا النظام الغذائي جيد ولا في شيء ناقصه؟؟؟؟
أمي تقول ليش ما تعطيه سيريلاك أو ميلوبا؟؟؟؟
يريت تفيديني جزاج الله خير......وشكرا

نظامه ممتاز تبارك الرحمن

بس اعتقد انج ناسية تقولين لي عن الرضعات صح؟

مو معقولة 9 شهور و بس أكل ؟

اكيد ما كتبتي الرضعات

الله يخليلج ولدج

 

[د. رشــا الصفــي]

دكتووووووووووووره بلييييييييييز ولدي عمره سنه واربع شهور وبغير حليبه النوفلاك وبعطيه بدياشور لان ولدي قصير ووزنه زين ماشاء الله شلون انتقل من حليب الي حليب

تبدلين رضعة وحدة باليوم من الحليب اليديد

يعني اذا يشرب 4 رضعات نوفولاك باليوم

تخلينهم 3 نوفولاك و 1 بيدياشور

ثاني يوم

2 نوفولاك و 2 بيدياشور

ثالث يوم

1 نوفولاك و 3 بيدياشور

و اليوم الرابع

كل الرضعات بيدياشور

ملاحظة: العدد اللي كاتبته مثال فقط و مو عدد رضعات تتبعينه
انتي شوفي ولدج جم ياخذ و سوي نفس الطريقة

 

[د. رشــا الصفــي]

السلام عليكم دكتورة انا ولدي عمرة 25 يوم
سؤالي الاول : انا قاعده اعطية دوا اسمة bebecal من لبنان جان سامعه عنه مكتوب بورقة الارشادات انه يزيل اوجاع الامعاء والمغص ويساعد على الهضم ويزيل توتر اعصاب الرضيع عند الوجع وعند ظهور الاسنان كما يحسن نوم الرضيع والجرعه من عمر صفر الى شهرين 2.5 ملل مرة واحده باليوم
والحمدلله احس ان ولدي مرتاح عليه والغازات قاعده تطلع بس حبيت اتطمن اكمل علية او لاء واذا ايه ليه متى اكمل عليه او ليه اي عمر و استخدمه على طول او عند اللزوم ؟

خليه عند اللزوم حبيبتي لأنه يخدر البيبي و يخليه دايخ و يبي ينام على طول

السؤال الثاني :انا ارضع ولدي 30% طبيعي والباجي صناعي بس ماني قادرة انظم وقت الرضعات

صعب تنظيم الرضعات بهالعمر

الرضاعة بهالعمر نسميها feed om demend يعني الرضاعة حسب رغبة البيبي بالنسبة للكمية و الوقت لما يكبر شوي و تقدرين تتحكمين بالتوقيت

اسم الله عليه اذا نام وطول بالنوم يقعد يوعان اعطية مثلا رقمين من كثر ما اهوا دايخ يشرب رقم واحد وينام احاول اقعده ما يقعد ويكتفي بهالرقم وينام ... ومرات لمن احاول اقعده علشان يكمل الرضعه يقعد عقب ربع او نص ساعه ويرضع اشوي ومايكمل الرضعه ويرد ينام وبعدها بنص ساعه بعد يقعد يوعان ويرد ينام وما يكمل الرضعه وجذية دخلنا على الرضعه إلي بعدها ويضل على هالحال طول النهار احس انه ما يشبع وعلى طول يبي يرضع بس احس ان شبعن ومنغث بنفس الوقت يعني طول ما اهوا قاعد او يبي ينام يبي يشرب حتى اضطريت اعطية مصاصة قلت يمكن اقدر ارتب رضعاته مرات اقدر اقص عليه بالمصاصه واحس ان اهوا بس يبي يمص علشان ينام ومرات لا ما تعجبة ويعصب عليها ويبي صج الحليب

اتوقع من توقفين البيبي كال راح يصير انشط و يطلب الرضاعة اكثر و تبدا تتنظم الرضعات

اذا عنده غازات اخذيله ماي غريب من المستوصف ممتاز او نقط ديسفلاتيل او غاز بمبي ... هذى الأدوية ما تأثر على نومه و تخليه على طول دايخ مثل البيبي كال و البيوسان و ماي غريب المصري

ما منهم مضرة الأدية اللي ذكرتها بس اذا قاعدة تأثر على النشاط و الرضاعة لأ نوقفهم احسن


شسوي استمر على إللي انا فيه او في حل ثاني او ادخل ميلوبا بين الوجباتن .... وبالنسبة للميلوبا متي انسب عمر ااعطيه انا ماشية على كلام الدكتورة بالمستشفى يوم ولدت قالت لي لا تعطينه اي شي غير الحليب حتى ماي ما يحتاج ليه عمر ثلاث شهور

تو الناس عالميلوبا

المفروض بعد 4 شهور

و كلام دكتورج صحيح بس بدال 3 شهور خليهم 4 شهور

آسفة طولت عليج ودخلت بمواضيع وايد ... والله يعينج علينا وعلى شغلج بالاساس .... والله يعطيج الصحه والعافيه ويخلي لج اعيالج

حبيبتي مشكورة عالدعاء و الله يخليلج ولدج

 

[د. رشــا الصفــي]

السلام عليكم دكتوره ويعطيج الف عافيه الصراحه وجودج واايد فادنا احنا الامهات ..و حبيت استفسر عن شغله ثانيه بخصوص بنتي ,, عمرها شهرين ونص ومن فتره بدا يطلع بويهها حبوب حمر صغار وجافين مادري من شنو امي تقول يمكن لأني انومها على بطنها !!

ممكن تفيديني لأن بس ويهها جسمها مافي شي ؟؟

لا تحاتينها هذي شغلة طبيعية تطلع بويه البيبي

سببها ان مثل اي وجه عادي يطلع منه عرق و افرازات


الحبوب هذي تكون بسبب انسداد المسامات اللي بويه البيبي فتتجمع هذي الافرازات

و المطلوب منج انج تمسحين ويه البيبي بقطنة مبللة بماي دافي قبل الرضعات و بعدها لأنه وقت الرضعة اهو اكثر وقت

يعرق فيه البيبي فلما تمسحين ويهه مع الوقت المسامات تتفتح و تطلع الافرازات

بس ما منها خطورة و لا تحطين لها كريمات ولا شي

 

[SweeTa_4ever]

مرحبااا دكتوووره شلونننننج

ولدي كل 9 شهور وليلحين ماسنن !! اسنانه مبينه من تحت اللثه بس مابرزوو شنوو اسوي كل الي بعمره واصغر سننو الي يقولي سوييله اشعه ولي يقولي اخاف مو طبيعي ولي يقولي ولدج كبير مفروض الحين اسنانه كله طالعه والله يخوفووني وديته كذاا دكتوره عطاني بودره الكالسيوم العلبه الحمرا عفيه نصحيني شسوي عشان يبرزون ولدي وايد مضااايق بس يبجي ويسعبل وزنه اسم الله علي 8.10 طبيعي وله قليل؟؟

وسؤال ثاني اهووو حليبه بروميل غيرته الى سيميلاك هل الحليب له صله بعدم تسنين اي مافي حديد كااافي ؟؟؟

ومشكوووره واااايد حبيبتي اشكرج على تعاونج معانه وانه كل ماوجهت مشكله على طوول الجألج الله يكتبلج في ميزان حسناااتج

 

[الاخلاص]

جزاج الله خير دكتوره

 

[ضي-الشمس]

ممكناستفسار وإجابة أسرع ولد إختي توها جايبته يعني بالأربعين قالو فيه أحماض بالدم شنو يعني وهل هو خطير وشنو إعلاجة وبعدين سمعت أن تحليل الدم للكشف عن الأحماض يتم عملة بمختبرات بره يعني موبالكويت وبعديين يطرشون النتيجه ليش وشلون؟؟؟

 

[ملكة الانوثه]

والله شوفي بصراحة ما عنديخبرة بالملح و العسل بالنسبة للكلام

مكن يفيدونج المهتمين بطب الأعشاب احسن مني

بس بالنسبة لكلام الولد اهم شي انج تتأكدين انه يسمع زين و ما عنده مشاكل بالسمع

و لازم تتأكدين انكم بالبيت تكلمونه بلغة وحدة و تتكلمون معاه مثل الكبار و تقرين له قصص و تسولفين معاه


اللي عمره 7 شهور اللي يسويه شي طبيعي و يبيله وقت مو اكثر

و بالنسبة للأكل تقدرين تطينه فواكه و خضار و عيش و بسكويت و سيريلاك و ممكن تبدين تدخلين اللحم و الدجاج كميات بسيطة



و ليش تعطينه فيتامين د ؟؟ عنده لين عظام ؟؟

و بعمر 7 شهور عادي انه ما يحبي و لا عنده اسنان بس اذا تبينه يقلب خليه نايم عالأرض اغلب الوقت و راح يقلب

لا دكتوره هو ماعنده لين عظام بس الدكتور وصفه شهر واحد واحسه مافاده بشي
وهو الى الان مايجلس بقي اسبوع ويدخل الثامن واذا جلسته احس راسه مو ثابت ينزله للامام
ودكتوره وزنه سبعه كيلو تمام وزنه ولا ناقص؟؟ويادكتوره بالنسبه للاكل ماياكل مايدخل بطنه اي شي
على طول يرجعه من هو في السادس وهذي طريقته والله تعبت

 

[ranoona55]

السلام عليكم مشكورة دكتوره علي طول بالج وسؤالي عن فطام الطفل انا ولدي عمرة سنه وشهر ومتي ابدي اعوده علي الحمام وانتي بكرامه مع العلم انه توه بدا يزحف وديته طبيب قالي عادي ممكن بمشي متاخر

 

[د. رشــا الصفــي]

مرحبااا دكتوووره شلونننننج

ولدي كل 9 شهور وليلحين ماسنن !!

عادي حبيبتي تو الناس

عنده مجال لي السنة

اسنانه مبينه من تحت اللثه بس مابرزوو شنوو اسوي كل الي بعمره واصغر سننو

مو شرط .. لا تقارنينه بأحد ثاني

و سمعي كلام الطبيب بس

الي يقولي سوييله اشعه ولي يقولي اخاف مو طبيعي ولي يقولي ولدج كبير مفروض الحين اسنانه كله طالعه والله يخوفووني وديته كذاا دكتوره عطاني بودره الكالسيوم العلبه الحمرا عفيه نصحيني شسوي عشان يبرزون ولدي وايد مضااايق بس يبجي ويسعبل وزنه اسم الله علي 8.10 طبيعي وله قليل؟؟

بيطلعون بروحهم

لا تحاتين و مالج شغل بكلام الحريم

و الوزن زين ما شاء الله ممتاز

وسؤال ثاني اهووو حليبه بروميل غيرته الى سيميلاك هل الحليب له صله بعدم تسنين اي مافي حديد كااافي ؟؟؟

نسبة الحديد ثابتة و حسب المقاييس العالمية في جميع انواع الحليب بدون استثناء

فماله علاقة التسنين بتغيير الحليب

ومشكوووره واااايد حبيبتي اشكرج على تعاونج معانه وانه كل ماوجهت مشكله على طوول الجألج الله يكتبلج في ميزان حسناااتج

حياج الله حبيبتي

و يسعدني و يريحني دعاءكم

 

[د. رشــا الصفــي]

جزاج الله خير دكتوره

وياج يا عمري

و انا مابي منكم الا الدعاء

بالصحة و العافية و التوفيق لي و لعيالي و ابوهم

 

[د. رشــا الصفــي]

ممكناستفسار وإجابة أسرع ولد إختي توها جايبته يعني بالأربعين قالو فيه أحماض بالدم شنو يعني وهل هو خطير وشنو إعلاجة وبعدين سمعت أن تحليل الدم للكشف عن الأحماض يتم عملة بمختبرات بره يعني موبالكويت وبعديين يطرشون النتيجه ليش وشلون؟؟؟

وايد في اسباب لزيادة الأحماض بالدم

اول شي ممكن يكون السبب بسيط مثل الجفاف او اي التهاب

و ممكن يكون خلل في كيميائيات الدم

و هذا يحتاج تحاليل زيادة الي هي الأحماض اللي قالولكم عنها

و نطرشها بره لأنها مو متوفرة بالكويت حاليا بالدقة المطلوبة و تيينا النتيجةبالفاكس او الايميل و نبلغ فيها الأهل طبعا

بس ما فهمت شنو ليش و شلون ؟

 

[د. رشــا الصفــي]

لا دكتوره هو ماعنده لين عظام بس الدكتور وصفه شهر واحد واحسه مافاده بشي
وهو الى الان مايجلس بقي اسبوع ويدخل الثامن واذا جلسته احس راسه مو ثابت ينزله للامام
ودكتوره وزنه سبعه كيلو تمام وزنه ولا ناقص؟؟ويادكتوره بالنسبه للاكل ماياكل مايدخل بطنه اي شي
على طول يرجعه من هو في السادس وهذي طريقته والله تعبت

حبيبتي ما يفيده لأنه مو محتاجة بالأساس

لازم نسوي تحليل اول بعدين نعطي فيتامين د

لأنه الرخاوة ممكن تكون من شي ثاني مو لين العظام

وزنه معقول بسبالنسبة للشغلات الثانية لازم يشوفه طبيب اطفال مختص مو اي واحد

تقدرين تاخذين له تحويل من مستوصفكم على العيادة الخارجية بالمستشفى التابع لمنطقتكم و هناك يسوون له اللازم

 

[د. رشــا الصفــي]

السلام عليكم مشكورة دكتوره علي طول بالج وسؤالي عن فطام الطفل انا ولدي عمرة سنه وشهر ومتي ابدي اعوده علي الحمام وانتي بكرامه مع العلم انه توه بدا يزحف وديته طبيب قالي عادي ممكن بمشي متاخر

الحمام تعلمينه لما يقرب من عمر السنتين

ممكن يكون متأخر شوي بالمشي مثل ما قالولج

 

[@الياسمين@]

السلام عليكم ...
يعطيج العافيه دكتوره وجزاج الله خير على هالمجهود الرائع اللي مريح الامهات
انا ودي اسألج عن اكل البيبي ,يعني متى بالضبط نبلش وشنو الجدول الصحي
ما عليج امر لو تحطين لنا الطريقه الصحيحه لاطعام الطفل
انا بنتي بعد يومين تكمل 5 شهور وارضعها طبيعي
مشكوره مقدما

 

[الهدف]

السلام عليكم
دكتورة
لدي ثلاث بنات 8 سنوات ثلاث سنوات والصغرى ستة اشهر عندهم الربوا وراثي حسب ما قال الطبيب ولكنة خفيف والحمد لله يعني بالسنة مرة وما لاحظ آثار تعب عندهم لما يلعبوا او يركضوا لكنهم وقت النوم واحياننا عند استيقاضهم يكحوا .
دكتورة هل كل ما كح الاطفال يجب ان استخدم البخار ام انة قد يكون اعراض برد وكيف افرق بينهم
كم الجرعة لكل منهم علما باني كنت اعطيهم فينتولين مع اتروفين مع نورمل سيلان
شكرا لكي مقدما دكتورة

 

[malak_alroo7]

مت تشوف شر بنتج

بس يتحسن صدرها راح ترد شهيتها مثل اول بإذن الله

و الفيتامين انا انصحج انج تعطينها اياه اذا كانت تعاني من نفص حديد او كالسيوم

و لكمن اذا البنت ما عندها نقص معين

فما أفضل الفيتامينات كلش

لأن ما نضمن آثارها اذا زادت عن المعدل الطبيعي بالجسم

و تقدرين تخلطينه مع العصير مو مشكلة

مشكوووره و جزاج الله خير دكتوره
الله يسلمج الدكتور ما سوى حق بنتى لا فحوصات و لا شئ .. و قالي اعطيها vital iron plus
على اي اساس اعطيها و اهو ما يدري اذا عندها نقص معين او لا؟؟!
عموما من بعد كلامج انا ما قمت اعطيها خفت الصراحه جزااج الله خير و ما قصرتى حبيبتى و ربي يوفقج ان شاء الله

 

[د. رشــا الصفــي]

السلام عليكم ...
يعطيج العافيه دكتوره وجزاج الله خير على هالمجهود الرائع اللي مريح الامهات
انا ودي اسألج عن اكل البيبي ,يعني متى بالضبط نبلش وشنو الجدول الصحي
ما عليج امر لو تحطين لنا الطريقه الصحيحه لاطعام الطفل
انا بنتي بعد يومين تكمل 5 شهور وارضعها طبيعي
مشكوره مقدما

هلا حبيبتي

موضوع الأكل تكلمت فيه وايد وايد بهالموضوع

اذا ما عليج كلافة تسوين بحث بهالموضوع و تقرين الردود اللي كتبتها اكثر من مرة عن نفس الموضوع

شاكرة مرورج عزيزتى​