نادي الكتاب لشهر12 رواية-17 لعبدالوهاب السيد

[^^نـــواره^^]

shiny star انتي صج صج اسم الله عليج شايني ستار

خليج على هالمود واللي يعافيج حركي البنات اللي عندنا حددددهم نايمين وانا منهم طبعا

المهم انا قبل لا اسافر كتبت تعليقي على اول 4 قصص بس

اللحين باكمل التعليق على كل القصص يالله استعدوا،، تدرون شلون ،، بسويهم على شكل جدول وانزلهم نطروا علي شوي،، شايني ستار دام اسم الله عليج حرجة يالله جمعي البنات علشان نسوي اجتماع الشهر الياي ونحدد الكتاب القادم ماذا سيكون

والاخت ناتشوو لان عندها ظروف فطلبت مني اني اعطيكم سؤال الكتاب الشهري واهوا راح يكون 5 اسئلة مو سؤال واحد راح ادزه لكم بالخاص والاجابة تكون هني بهالموضوع، واللي احسن اجابة راح نعطيها وسام كتاب شهر 12 ((كتاب 17)) ولو اني عارفة من اللحين من و اللي بتاخذه

شايني ستار،، ابوي بغيتج بكلمة راس

 

[pure feminine]

shiny star

كفيتي ووفيتي فصفصتي الكتااااب
يعطيج العافيه

 

[Shiny Star]

shiny star انتي صج صج اسم الله عليج شايني ستار

خليج على هالمود واللي يعافيج حركي البنات اللي عندنا حددددهم نايمين وانا منهم طبعا

المهم انا قبل لا اسافر كتبت تعليقي على اول 4 قصص بس

اللحين باكمل التعليق على كل القصص يالله استعدوا،، تدرون شلون ،، بسويهم على شكل جدول وانزلهم نطروا علي شوي،، شايني ستار دام اسم الله عليج حرجة يالله جمعي البنات علشان نسوي اجتماع الشهر الياي ونحدد الكتاب القادم ماذا سيكون

والاخت ناتشوو لان عندها ظروف فطلبت مني اني اعطيكم سؤال الكتاب الشهري واهوا راح يكون 5 اسئلة مو سؤال واحد راح ادزه لكم بالخاص والاجابة تكون هني بهالموضوع، واللي احسن اجابة راح نعطيها وسام كتاب شهر 12 ((كتاب 17)) ولو اني عارفة من اللحين من و اللي بتاخذه

شايني ستار،، ابوي بغيتج بكلمة راس

دام أنك قلتي ( أبوي ) واللللللللللللللله لو تطلبين عيوني ما أردك آمري يالغالية

 

[بدوره 22]

السلام عليكم

بنات معاكم اختكم بدور .... اخت عبدالوهاب ....

الله يعطيكم العافيه وانا كنت متااااابعه لكم بصمت

اتمنى تكونون استمتعتوا

شايني ستار .... شيد .... ام عبدالمحسن .... ناتشو ...

الله يعطيكم العافيه واتمن اني ما نسيت احد :ggdw:

 

[kikoo]

بالاستعانه بلي اكتبته شاين ستار بعلق على اللي كتبته

نكمل.......
الكتاب يشتمل على 17 قصة في 254 صفحة
1- جريمة مزدوجة ( 12 صفحة)
قصة جريمة واقعية القصة حلوة ونهايتها مفاجأة لكن ما أتخيل إن في إمرأة ممكن تطعن زوجها بالسكين حتى الموت دون أن يدافع عن نفسه أو يبدي أي مظهر من مظاهر المقاومة !!!!!!!

غلطت شاين بهل الحكم لأنه واايد قصص بأمريكا صارت واقعيه وبالكويت اللي توه اذبحت ريلها واطعنت نفسها علشان تبعد الشبهات عن عمرها

2-الحلم الفضائي (17 صفحة)
قصة خيال علمي science fiction لمن يحب هذه النوعية من القصص أبدع فيها المؤلف بإعطاء الكثير من الحقائق العلمية المؤكدة ( 4 حقائق) واستخدمها بشكل رائع في أحداث القصة
هل القصه اتذكرني بفلم اسمه سفير تعطي مثل الجو مع أنه الفلم كان تحت البحر

3- المسرحية (9 صفحات)
عجججججججججججججيبة هالقصة صج نهاية غير متوقعة وأنا شخصيا اندهشت من الحبكة المتقنة للقصة، قصة واقعية
حتى أنا وايد حبيتها لأنه دشو بعقل المجنون وماكو وايد قصص تتكلم عن المجانين

4-الساعة (15 صفحة)
قصة خيال علمي science fiction مرة أخرى فيها هالمرة عدد ( 2 حقيقة علمية) تتكلم مثل عدد من الأفلام الأجنبية عن إبادة الجنس البشري على كوكب الأرض لإنقاذ المستقبل
لا تعليق على هل القصه دارجه وايد بالافلام

5- حوض الزهور (11 صفحة)
قصة جريمة يتم اكتشافها بطريقة جدا غريبة ، قصة جريمة واقعية
واااايد حبيتها مسكين كسر خاطري بالنهايه قعدت أضحك

6-أغرب الجرائم (16 صفحة)
أحلى قصة بوجهة نظري بالكتاب صج أبدع المؤلف بهالقصة وتشتمل على حقيقة علمية ، قصة جريمة محبوكة بشكل مدهش واااااااااااااااااااااااااو

7-الآخر (12 صفحة)
قصة حلوة تتكلم عن فكرة الاستنساخ الجسدي، قصة خيال علمي
حبيت الاستنساخ يفتح مجال للخيال

8-ذلك الجار الغامض (18 صفحة)
مرة أخرى قصة خيال علمي تتكلم عن مخلوقات فضائية تعيش بيننا


9-ليلة في المخفر (8 صفحات)
قصة واقعية وأكثر من رائعة ، تندرج من قصص البوليسية

وااايد اعجبتني أنا بعد وخصوصا تعطي جو أفلام الاف بي أي و التحقيقات

 

[kikoo]

10- خادم الغزاة (16 صفحة)
قصة خيال علمي وتتكلم عن مركبة فضائية تحط على كوكب الأرض ويعيش ركابها بيننا ، تشتمل على حقيقة علمية واحدة

11-الثمن (10 صفحات)
قصة واقعية أحداثها تشد القارئ جدا ومشوقة
اعجبتني لأنه الطموح يدفع الناس لأبعد الحدود

12-الدائرة (15 صفحة)
قصة تحتاج أنك تقرأها مرة أخري من روعتها، قصة خيال علمي تتكلم عن موضوع السفر عبر الزمن بس بطريقة جديدة فيها أربع حقائق علمية
واااايد حلوه فكره السفر عبر الزمن واتشجع الشخص يقرا القصه أكثر من مره

13-لقطات من الأزمان الغابرة ( 12 صفحة)
قصة غريبة جدا ورووووووووووووعة نهايتها غير متوقعة تتكلم عن اكتشاف لكريستال يحتوي على صور لعصور وأزمنة قديمة
نهايه غير متوقعه صراحه انظلم فيها عالم وكثير اتصير هل المشاكل بسبب تسرع الأشخاص

14- جمعية عشاق الغموض (13 صفحة)
قصة خيال علمي فيها 3 حقائق ونهايتها مفتوحة يعني المؤلف ترك للقارئ الحرية باستنتاج ما سيحدث
مثل تعليق شاين ستار

15-ما بعد الحادث (12 صفحة)
تندرج ضمن قصص ما وراء الطبيعة تتكلم عن توأم يتعرضون لحادث غريب المؤلف استعان بثلاث دلائل علمية
فكره غريبه واتشجع الخيال والاستنتاج

16-أويجا (7 صفحات)
مرة ثانية قصة تتكلم عن ما وراء الطبيعة بس صج صج حلوة وشوي تخوف عن الأرواح والأشباح
صراحه قصه فيها كوميديا ورعب وايد حلوه

17-المحفظة (6 صفحات)
قصة واقعية وفيها شيئ من الكوميديا الممزوجة بالنهاية المفاجأة
صراحه قصه دارجه وكثير منا يقع بشر استعجاله

 

[kikoo]

صراحه شاين ستار تعليقج وفا وكفا وتعليق ولا أروح مشالله عليج لج مستقبل بالتحليل

 

[أم منصـ 85 ـور]

شنو الكتاب الجاي اللي راح تقرونه ؟؟

 

[بدوره 22]

شايني ستار الله يعطيج العافيه

ها بنات شنو راح نقرى ؟؟


شرايكم بقصه اجتماعيه ؟؟؟؟

 

[^^نـــواره^^]

بدوره حبيبتي نبي من الاستاذ عبدالوهاب توقيع حلو حق منتدى كويتيات

يالله ان شاء الله الشهر الياي راح تمسكه شايني ستار وراح يكون عندنا تصويت حق كتاب الشهر اليديد

 

[^^نـــواره^^]

والله وعرفنا لج يا شايني

حبيبتي انتي جيكي الخاص حالا بالاً

 

[Shiny Star]

صراحه شاين ستار تعليقج وفا وكفا وتعليق ولا أروح مشالله عليج لج مستقبل بالتحليل

مشكورة يالغالية عاد صج أنا أحب وايد التحليل المنطقي

 

[بدوره 22]

بدوره حبيبتي نبي من الاستاذ عبدالوهاب توقيع حلو حق منتدى كويتيات

يالله ان شاء الله الشهر الياي راح تمسكه شايني ستار وراح يكون عندنا تصويت حق كتاب الشهر اليديد

هلا حبيبتي
والله هو الحين مسافر ...

وانشاء الله بس يرجع ما يصير خاطركم الا طيب_03ba:

 

[^^نـــواره^^]

اي صح فعلا اهوا مع مجموعة من الكتاب رايحين للدوحه لمعرض الكتاب اللي هناك

اي واللي يعافيج نبي توقيع حق منتدى كويتيات

 

[^^نـــواره^^]

بناااااااااااااااااااات يالله جهزوا للأسئلة

وآخر موعد للإجابة اهوا 31/12 والوسام راح نسلمه للفائزة بتاريخ 1/1 مع بداية السنه اليديدة الله يجعلها سنة خير وبركه علينا كلنا

 

[^^نـــواره^^]

باب الإجابة مفتوح لمدة 12 ساعة فقط يعني للساعة 3 العصر باجر

أسئلة كتاب 17 للمبدع عبدالوهاب السيد

حبيباتي ،، الرد على الاسئلة يكون على الخاااااااااااااااااااااااااص فقط ،، دزوا لي اجاباتكم على الخااااااااااااااص فقط

السؤال الأول:

في قصة من القصص تم ذكر حادة الطبق الطائر الذي هبط في محطة أم العيش ، اذكري اسم القصة ....

السؤال الثاني:

ذكر الكاتب اسم عبدالعزيز في كتابه ،، ما اسم قصة عبدالعزيز ....

السؤال الثالث:

(( لم نبحث في محتواها ... إنها مكتوبة باللغه اللاتينية ... ولا يوجد لدينا من يفك رموزها !!! )) في اي قصة وردت هذه الجملة ...

السؤال الرابع:

قصة من القصص تحدث عن فلم المدمر أو ال Terminator ....

السؤال الخامس:

ما هي الاويجا ...

ملحووظة ::: الاجابة ليست اجبارية

 

[pure feminine]

يعطيج العافيه نوار

 

[^^نـــواره^^]

يعافيج ربي يا حياوية

 

[طوق البنفسج]

اشلونكم يا قارئات كويتيات

حبيت اذكركم انه ما بقى شي على شهر 12 .. ياريت تبدون تختارون كتاب شهر 1 عشان يستمر الBooK CluB

 

[قصــب سكــر]

بناااااااااااااااااااات يالله جهزوا للأسئلة

وآخر موعد للإجابة اهوا 31/12 والوسام راح نسلمه للفائزة بتاريخ 1/1 مع بداية السنه اليديدة الله يجعلها سنة خير وبركه علينا كلنا

شلونج نواره

انتي حاطه اخر موعد 31 / 12 وفي الرد اللي وراه حاطه بعد 12 ساعه

ترى ضعت :eh_s(1):

وانا كانت عندي ظروف اليومين اللي طافوا خدامتي مريضه وانا --- >>> :dfgl:

المهم اذا في مجال اجاوب يا ابله معاي عذر طبي :dddds: