^fajoOra
New member
- إنضم
- 19 مارس 2007
- المشاركات
- 3,749
- مستوى التفاعل
- 1
- النقاط
- 0
من فتره ماكان لي خلق امر الجمعيه علشان اسوي حلو حق الزواره فقلت أألف حلو بالاشياء الموجوده عندي و سويت كيك دوائر و حشيته ..طلع رووعه الحمدلله و الكل استاانس عليه :ggdw:
المقادير :
سارالي باوند كيك كاكاو _ قفشة قيمر _ قفشة جوز الهند (او بندق او بسكوت مطحون )
للحشو :
كاكاو مالتيزرز( اذا استخدمتي البسكوت في الخلطه ) _ مارشميلوز _ جوز الهند مبشور (اذا استخدمتي جوز الهند في الخلطه ) _مكسرات ( اذا استخدمتي البندق ) _ اي نوع كاكاو ذايب .
الخطوات :
1- فتفتي الكيك و خلطيه بالخلاط مع القيمر و البسكوت او جوز الهند المطحون او البندق المطحون .
2- اخذي مقدار قفشه من الخليط و كوريها بايدج .
3- اختاري نوع من الحشوات اللي تحبينه و خلطي معاه الكاكاو السايح و احشي فيه الكره وردي كوريها .
4- قدميها بالطريقه اللي تحبينها .. انا سويتها على شكل مصاص وغلفتها بالقصدير و السولوفان ( فراغه لووول ) :dddds:
حطيتهم داخل فازه شفافه بدال الصواني
ملاحظه :
@ تقدرين تستخدمين اي نوع كيك تحبينه .
@ لاتكثرين القيمر علشان لاتتلزق الكيكه و ماتقدرين تشكلينها .
@ العلبه الوحده من سارالي كيك تسوي 20 كرة كيك .
@ ممكن تستخدمين ملون الطعام و قوالب الكيك اللي على اشكال مثلا انا استخدمت قوالب كيك الجوري و حطيت عليها سيرب فراوله ورشيتها جوز الهند مطحون ..
و من داخل ..
@ فكره ثانيه سويتها حق اليهال بس ما حشيتها شي وممكن تحطين عليها سيرب حسب النكهه اللي يحبونها ..
@ القواطي البلاستيك و الشوك من محل اسمه الخليج بسوق التمور يم سوق لندن ( حبيبتي نيروووووو مشكوووره اموااه :eh_s(6): ).
@ قوالب الجوري من تروفاليو .
@ ملون الطعام لوني فيه القيمر قبل لاتحطينه على الكيك احسن من العكس .
@ طبعا الطريقه من تاليفي اذا اعجبتكم عليكم بالعافيه و اذا مو شي السمووحه يا حلوييييين .
التعديل الأخير:
