طريقتج اليومية في تنظيف سيراميك بيتج

[التجارة شطارة]

السلام عليكم

بنات بغيت اسئلكم

شنو طريقتج اليومية في تنظيف السيراميك يعني شنو تحطين مواد بالماي

وشنو تستخدمين حق تلميع السيراميك والاستخدام يومي ولا اسبوعي فيدوني

وشلون طريقة استخدام معطرات السيراميك ووين احصل هالمعطرات

يعني باختصار قوليلي شلون تنظيف السيراميك من طاطق لسلام عليكم

وجزاكم الله الف خير

تحياتي لكم

 

[قطوطه 1985]

انا اخم بالمخمه العاديه بعدين احط اب طشت شويت ديتول اخضر مع ماي وامسح بس همن ماينظف لاني امس وامشي يبقع مكان ريلي سنتين وانا على هالحال وماادري شالحل

 

[روقاء]

اولا اخم وثانيا ماي مع كلوركس الوان الصراحه ينن ويلمع وريحه احلا

 

[التجارة شطارة]

تسلمون على تجاربهم احنا بعد نحطي ماي وصابون تايد شوية وبعدين نجيب ماي وديتول وبس

ابي طريقتة البنات يلا خلنا نغير بتنظيف البيت نبية يلمع

 

[حلا الشرقية]

اهلين انا احط داك وديتول اخظر وكلوركس الوان واحط اى عطر احبة بس شوى رشة وحدة ؟؟؟؟؟؟؟؟

 

[بشورة الأمورة]

انا خم اول و بعدين ماي و ديتول اختي تحب تحط كومفرت تقول ريحة عجيبة

 

[التجارة شطارة]

زين بنات الكل يستخدم نفس الشي

ليش ما تحطون صابون اشلون تصير نظيفة

 

[ضوء المنارة]

:ada::ada::ada:

 

[ضوء المنارة]

شوفي حبيبتي انا اعلمج طريقة اتخلي السيراميك يلمع ، اول شيء اخم السيراميك وبعدين اييب سطل احط فيه ماي حار مع صابون تايد واصبة على السيراميك وافرك السيراميك بالمخمة الخشنه البرش وفركي عدل عدل وبعدين مسحي الارضية وييبي سطل حطي فيه ماي نظيف وظيفي علية اي معطر انتي تحبينة وغسلي الارضية فيه ومسحي الارضية ونشفيها .
وسلامتج:ada::ada::ada::ada:

 

[بطة رشيقة]

انا اخم اول بالمكنسه الكهربا وبعدين امسح بشويه ديتول مع ماى ومع معطر سراميك بريحه المنجا حلووو وايد الريحه والارض تتنظف بس انا عجبتنى فكره الاخت اللى قالت عن الكلوركس الوان ,,, بس مايزلق ؟؟

 

[F.A]

انا الصابون مره كل اسبوعين
بس كل يوم نمسحه بديتول بالصنوبر أحسن شى

 

[بحر الرمال]

اهم شي ان الماي المستخدم يكون حار قد ما تقدرين
لان الماي الحار يشيل الوصخ و يذوب الدهون اكثر من الماي البارد
و الصابون استخدم منظف الارضيات اللي لونه اخضر بريحه الصنوبر
و هم ديتول منظف الارضيات بالليمون

 

[الاسطوريه]

في منظف ارضيات ماركة Dac في انواع من العطورات بخور و ورد وغيره مع ديتول وماي طبعا

وامسح .... وقبل كل هذا طبعا فاكيووم

 

[Virginia-Rose]

ماي تحطين فيه ديتول الادعم مع قطرة ولا قطرتين دهن عود والريحة وااااااااااااو

 

[التجارة شطارة]

بنات اليوم وانا افتر بالجمعية لقيت معطر كويك

شلون استخدامة احط معاة ماي شوية وامسح الارض بعد ما مسحتها بصابون وكلوركس الوان ولا شنوب الضبط

 

[<< أزيان >>]

حطي اي منظف ارضيات انا اشتري الجلنات من رامز مره استعمل الليمون ومره الورد في وايد انواع ضيفي للماي ومسحي الارضيه أماالصابون

مره بالاسبوع لأن تنظيفه متعب ياخذ كذا شطفه عشان يروح ومايدبق هذي طريقة كل الناس تقريبا

 

[ام ارجوان]

سبق انى جربت جميع تجاربكن لكن يطلع طبقه كأنها مغبره على السيراميك

عليكم( بجف ) مررررررره جووووووونان يخلي السيراميك يبررررررررق مو بس يلمع جربو وخبرونى بلنتيجه

 

[روضتي حلوه]

كيف الطريقه يا اختي مع جف افيدينا.

 

[أسمكي]

انا بيتي فارشته فينيل ( بلاستيك يعني)
ومتأذية !!!! بعد ماينشف الصابون من نفسه يصير باهت وما كأني منظفة
وكنت بسال اذا في مستحضر للفينيل خاص يلمع وينظف بنفس الوقت؟

 

[التجارة شطارة]

كيف الطريقه يا اختي مع جف افيدينا.

اختي ممكن تقوليلي شلون طربقة استعمالج للجف