حصري (( تبييض الاسنان )).. سؤال و جواب ..

[الحضن الدافي]

الحقيني يادكتورة

انا ركبت اسناني 6 اللي قدام والدكتور يقول لازم ابيض اسناني الباقيه اللي على الجنب واللي تحت وانا ارضع بنتي عمرها شهرين ونص شرايج

 

[دكتورة أسنان]

الحقيني يادكتورة

انا ركبت اسناني 6 اللي قدام والدكتور يقول لازم ابيض اسناني الباقيه اللي على الجنب واللي تحت وانا ارضع بنتي عمرها شهرين ونص شرايج

هلا حبيبتي

سؤال محيرني ليش لازم ؟؟ المفروض لون تلبيساتج تكون نفس لون اسنانج مو لون اسنانج على لون تلبيساتج !! اذن مفهومه ان العياده خاصه :eh_s(6):

اما اذا كان الغرض من التبييض مو بسبب التلبيسات .. شالمشكله ؟ خايفه من الليزر قصدج ؟؟ ماياثر ولكن علشان اخليج تطمنين بالمره ممكن تسوين تبييض بالكيور لايت ضوء عادي

 

[Bella^^swan]

يعطيج الف عافيه عالمعلومات القيمه ..

 

[بنوته جامعية]

انا اقول ما كو على المسواك
اول شي اهو يزيل الجراثيم ويطهر الفم .. ويزيل الروائح الكريهم ويبيض بعد
لا وفوق هذا كله تاخذين اجر عليه لأنه سنه

اما سوالف الليزر والخرابيط اليديده تخوووف

 

[دكتورة أسنان]

يعطيج الف عافيه عالمعلومات القيمه ..

الله يعافيج حبيبتي

 

[دكتورة أسنان]

انا اقول ما كو على المسواك
اول شي اهو يزيل الجراثيم ويطهر الفم .. ويزيل الروائح الكريهم ويبيض بعد
لا وفوق هذا كله تاخذين اجر عليه لأنه سنه

اما سوالف الليزر والخرابيط اليديده تخوووف

اسعدني مرورج

 

[um_yoyo]

دكتورتنا شلون على تلبيس القشره الي هابين فيها هالايام بدون بنج يسونها بعيادة الميدان اتسوي ابتسامتي هوليوديه

 

[كشموووشه]

يعطيج الف عافيه على الموضوع الحلووووووووو والمفيد جدا جداااااااااااااااااااااا

 

[بدوره 22]

دكتوره انا ما عندي مشكله بلون اسناني بس مشكلتي ان عندي بقع ابيض من لون ضروسي ... دكتور الاسنان اللي اراجع عنده قالي هذي من كثر الكالسيوم اللي بجسمج ....

اقدر اسوي تبيض ؟؟؟

 

[دكتورة أسنان]

دكتورتنا شلون على تلبيس القشره الي هابين فيها هالايام بدون بنج يسونها بعيادة الميدان اتسوي ابتسامتي هوليوديه

هلا حبيبتي قصدج الامينيت .. يتم برد 0.5 ميللي من الجهه الاماميه من الاسنان ثم تلصق قشور البورسلان بصمغ خاص و بس اذا مالها داعي ما انصحج تسوينه حرام اسنانج تضعف .. هذا راي طبعا

 

[دكتورة أسنان]

يعطيج الف عافيه على الموضوع الحلووووووووو والمفيد جدا جداااااااااااااااااااااا

الله يعافيج حبيبتي حياج الله

 

[دكتورة أسنان]

دكتوره انا ما عندي مشكله بلون اسناني بس مشكلتي ان عندي بقع ابيض من لون ضروسي ... دكتور الاسنان اللي اراجع عنده قالي هذي من كثر الكالسيوم اللي بجسمج ....

اقدر اسوي تبيض ؟؟؟

لا حبيبتي راح يبينون البقع ابيض من لونهم الاصلي ..

 

[بدوره 22]

لا حبيبتي راح يبينون البقع ابيض من لونهم الاصلي ..

يالله عيل شالحل !!!

تصدقين ... اذكر مره بعيادة الميدان .. عندي ظرس فيه نفس المشكله .. وكان فيه عصب .. عالجه لي الدكتور ومسك شغله جنها صبغ اظافر ولون ظرس وراحت البقعه:ggdw:

اقدر اسوي هالشغله حق الظرسين الباجين ؟؟؟ وشنو اسم هالشغله لانب الدكتور اللي سوالي هالشي طلع من العياده

 

[on line]

الامينيت .. يتم برد 0.5 ميللي من الجهه الاماميه من الاسنان ثم تلصق قشور البورسلان بصمغ
تسلمين دكتورتنا بس هذا يصلح علي السن اللي فيه حشوات وعلي الاسنان اللي تم تلبسها
عندي مشكله باسناني ان اغلبيتها تلبس وحشوات وفارق اللون حيل حتي من التنظيف فهل هذا يعتبر حل وضع القشره مع العلم سمعت انها جدا مكلفه وهل مدتها قصيره والا تدوم وفي احتمال يتغير لونها ولا ؟؟
من جد مشكوره علي رحابه صدرج وربي يجعله في ميزان اعمالج

 

[نووووونا]

 

[دكتورة أسنان]

يالله عيل شالحل !!!

تصدقين ... اذكر مره بعيادة الميدان .. عندي ظرس فيه نفس المشكله .. وكان فيه عصب .. عالجه لي الدكتور ومسك شغله جنها صبغ اظافر ولون ظرس وراحت البقعه:ggdw:

اقدر اسوي هالشغله حق الظرسين الباجين ؟؟؟ وشنو اسم هالشغله لانب الدكتور اللي سوالي هالشي طلع من العياده

حبيبتي الحل اذا كانت البقع مو وايد بالضرس الواحد ممكن تتغطى بنوع من الحشوات السائله اهي حشوه بس اقل لزوجه و تنشف بالضوء الكيور لايت العادي ... اما اذا كانت كثيره و مافي لون مماثل لهاا ممكن تسوين القشور البورسلانيه ( الامينيت ) ياتي بعدها التلبيسات السنيه طبعا هذا حسب الاقل ضررا للاكثر ضررا .

اي هذي حبيبتي اللي اقولج عنها مثل الفارنش اسمها كومبوزت سائل .

 

[دكتورة أسنان]

الامينيت .. يتم برد 0.5 ميللي من الجهه الاماميه من الاسنان ثم تلصق قشور البورسلان بصمغ
تسلمين دكتورتنا بس هذا يصلح علي السن اللي فيه حشوات وعلي الاسنان اللي تم تلبسها
عندي مشكله باسناني ان اغلبيتها تلبس وحشوات وفارق اللون حيل حتي من التنظيف فهل هذا يعتبر حل وضع القشره مع العلم سمعت انها جدا مكلفه وهل مدتها قصيره والا تدوم وفي احتمال يتغير لونها ولا ؟؟
من جد مشكوره علي رحابه صدرج وربي يجعله في ميزان اعمالج

الله يسلمج حبيبتي .. يصلح للاسنان الطبيعيه و اللي فيها حشوات ولكن لايصلح للاسنان اللي فيها تلبيس ..
نعم هي مكلفه للاسف ومدتها اقصد عمرها الافتراضي مقارب للعمر الافتراضي للحشوات التجميليه اي تقريبا 6 سنوات تزيد او تنقص حسب الاهتمام بها قد يتغير لون الحواف بعد ذلك ..

حياج الله حبيبتي و مشكوره على الدعاء الحلوو

 

[دكتورة أسنان]

حبيبتي و انتي بخير

 

[ضحكة بريئة]

علشان اخليج تطمنين بالمره ممكن تسوين تبييض بالكيور لايت ضوء عادي

التبيض هذا يعني اكثر امان واضمن للون يعني ؟؟؟

 

[ضحكة بريئة]

دكتورة انا قبل تقريبا 5 سنوات كان عندي مشكلة بسن من الأسنان الامامية بالفك العلوي
شال الدكتور العصب وحطلي حشوة راح الالم والمشكلة اللي كانت عندي
لكن مع الوقت تغير لون السن صار فيه بالنص مثل البقعة الصفرا

شنو الحل ؟؟؟