منو تعرف تسوي علبة للخواتم؟

[الروح المتوهجة]

السلام عليكم و رحمة الله و بركاته
اشلونكم بنات عساكم بخير


بنات انا حوستي حوسه مع الخواتم

و ابي اسوي علبة للخواتم

عندي علبة من بودي شوب ... هديه يايتني عبارة عن شاور جيل وكريم و هالسوالف

و العلبة وايد حلوة ومابي اقطها

بس محتاجه اقسمها للخواتم

منو تعرف تسوي شي للخواتم؟ اسفنج مثلا و اغلفه بمخمل او شمواه او اي قماش؟

ابي فكرة ممكن اطبقها اذا سمحتو

و مشكورين وايد وايد وايد

 

[عاشقة الوطن]

حبوبه خلي هالعلبه حق شي ثاني في استاندات خاصه حق الخواتم بايكيا

واذا عاجبتج هذي وايد يبي اسفنج عريض وسميك حيل ويبي خاتم من خواتمج ورسمي قياسه دائرته على الاسفنج بعدين يبي شفره ومقص وقصي الزايد ويبي قطعه خام ولبسيها الاسفنج وصمغيها قبل لا تلبسينها

اتمنى اتكونين فهمتي قصدي وقبل لا تبلشين نسيت اقولج خلي الاسفنجه مقاس العلبه عشان اتكفي انها اتكون داخل


اممممممممممم هذا كل الي اقدر عليه اهيا يبيلها تعب بس حاولي وان شاء الله اتصير معاج

 

[Desert-Girl]

اشتري علبة خواتم من الاسواق الشعبيه ويكون رخيص وطلعي الاسفنجه الي داخل العلبة وحطيها في العلبة الي تبينها

 

[<< أزيان >>]

اشتري علبة خواتم من الاسواق الشعبيه ويكون رخيص وطلعي الاسفنجه الي داخل العلبة وحطيها في العلبة الي تبينها

اايدها

 

[زوجي غرامي]

في بطيور الجنه اللي هو سوق بوميه بالفروانيه
عروسه تهبل تصلح لميز التواليت تعلقين فيها الخواتم
لان شكلها مثل العلاق صاير وبدينار وشي وحلوه

 

[قمه النعومه و الأنوثه]

عزيزتي شوفي سنتر بوينت ايببون علب مجوهرات اتصير مقسمه حق كل انواع المجوهرات

واذا تبين علب اكشخ عندج بومبي بسن سيتي وايد كشخه العلب واتصير جلد ومن داخل شمواه فاتح وايي معاها علب إضافيه كشخه بعد

جربت من سنتر بوينت جنطه حق الساعات ومن بومبي حق المجوهرات وايد حلو شكلهم وذرب ومن بره جلد بس طبعا نوعيه الجلد تختلف من محل لي محل

واتوقع بشويخ في محلات اللي اتجهز المحلات من مانيكانات وستاندات تلقين عندهم شي بروفشنال اكثر

وتذكرت في بعد تمثال ايصير على شكل ايد بس هذا وايد حلو بس ما ايشيل انا خليته حق التويلت مكرم القارئ اهو شكل واهو يفيدني لي فصخت خواتمي وهم حق المطبخ حلو وموجود بمحل اثاث بالأفنيوز اللي اتبيع فيه وحده ارمنيه مره عوده وسعره 8 دنانير

 

[الروح المتوهجة]

مشكورين بنات على التفاعل و الردود

والله نورتوني و علمتوني على اشياء ماعرفها

بفر على كل هالمحلات واشوف و باختار المناسب لي

مشكورين ماقصرتو حبيباتي

 

[**القلوب المسافرة لله**]

أأأأأأأأأأأأأأأأأأأب

 

[وروود]

اخذي كرتونة الشموع اللي ابمية فلس يكون فيها اكثر من شمعه
في كرتونه اهي للشموع شيلي الشموع وخليها للخواتم

 

[الروح المتوهجة]

كرتونه شموع؟ شي جديد هذا ماعرفه

مشكورة على الفكرة امر على بو اميه واشوف الموجود

 

[شمس نص الليل]

حبوبه انا نفسج عندي علبه حلوه مستخسره اقطها

جبت الاسفنج مال المواعين بدون ضحك هاهاهاهاهاها

وبعدين قصيته بالعرض وصفيته كله بالعلبه اللي عندي

صار على شكل صفوف وبعدين غطيته كله بلون احمر حرير

صراحه طلع رووووعه

 

[عاشقة ريكو]

ياناس انا عندي حب حق الكويت مو طبيعي