لا والله ماعرفه نصيحة لاتجربين اي صالون ترا الشعر لا اخترب يطول على مايرد
ممم اختي المهندسة بغيت اسئلج عن الي سويتيه اب لاليك تنصحيني فيه؟؟
انا شعري ما اصبغه كلش ليما كوعي ولما اتسبح شوي ينفش بس اهوا ناعم وفيه ردات حلوة طبيعية
بس احسه شوي ناشف .. شراايج تنصحيني فيه؟؟ وماعلييج امر تكتبين تجربتج عنه ابي استفيد
مشكووورة 
وان شاء الله البنات يفيدونج بالكيراتين
اكو بنات وااايد امدحو الكيراتين ابصالون صاير بالشعب بس ماني ذاكره اسمه
هلا والله باختي شفافه...بالنسبه لتجربتي ويا لاليك الله يسلمج انا وصديقتي سوينا عندهم الكيراتين بالديموند دست...ومادري صراحة شنو يفرق عن الكيراتين العادي..المهم..انا نوعية شعري ناعمه بس لما اغسل واسوي هواا بالسشوار ينفش ويصير فيه ردات يعني لازم اطقه سشوار ستريت لان شكله وهو جذي منفوش مو حلو مع ان ساعات يقولولي حلو عليج الكيرلي.. واذا سويتله سشوار قوي واايد يلزق لان مثل ما قتلج ناعم... يعني سشوار الصالونات حده يلزق شعري...
المهم..يوم قررت اسوي الكيراتين كان مهم عندي انه ما يلصق صوب قمه راسي ولا يبين امحسحس من تحت ..فهمتي عليي؟؟ كنت ابيه بيين طبيعي..وهذا اللي قالولياه الصالون يوم رحت اخذ موعد...وايد طمنوني انه ما يلصق ويبين طبيعي والاهم من هذا انه علاج طبيعي للشعر التلفان ويعيد فيه الحيويه واللمعه...
المهم نيي للسعر...انا الله يسلمج شعري كان كاريه طويل يعني لي تحت جتفي بشويه...جان يصكوني ب 350 دك واقنعوني انه اسويه بعد ما وصلوه لي السما
وان ما يروح من الشعر مجرد بس اسوي الجذور اذا طال..
وتوكلت على الله وسويته ويوم غسلته رديتلهم مرة ثانيه لان في بعض الخصل ما حاشتها الماده وفارقه عن باجي الشعر...طبعا ردوا عادوا عالخصل ببلاش..وهم قصوا شعري من تحت واسوه بس وسوولي حمام زيت تريتمنت خاص حق الكيراتين هم بلاش...وخذيت منهم شامبو وكريم وسيرم طلعوا عليي شي وثلاثين دينار فوق السعر...
المهم...شعري يوم غسلته اول مرة كان واايد ملصق حتى اذكر كنت باليوم اغسله مرتين عشان ينفش شويه..كنت اول ما اطقه هوا اوكي شكله وفعلا فيه نفشه طبيعيه ونعومه طبيعيه واحسن شي كان بالموضوع اللمعه واااو موطبيعيه...حتى قذلتي من جدام ماكنت اسشورها بس هواا وناسه...
ومره عن مره خف التلزق وصار روعه لما أغسله لمعه وحيويه ونعومه...حتى ماكنت مضطرة استخدم الحنمام زيت اللي شريته والسيرم ما كان لهم داعي كلش..
وبعد تقريبا شهرين او 3 شهور بدا يخف واايد عن شعري قمت احتاج اسشوره لان الردات ظهرت مره ثانيه..وهذا غير الشعر الجذور اللي طلعت لازم تتسشور...وبعدها بفترة اختفى الكيراتين تماما من شعري بالجذور وغير الجذور...وللاسف قصوا عليي بهالشغله يعني مو مثل ما قالولي انه ما يروح من الشعر وبس محتاجه اسوي الجذور:0bee2e8d89:
وبس هذي تجربتي مع صالون لاليك...بس اتوقع اذا مثل ما قلتي عن شعرج انه طويل ماشالله راح يصكونج فوق ال400دك..وفي وحده اهني كاتبه عنهم بالمنتدى انه هم شعرها طويل مثلج قالولها 450 دك وقالولها اشرايج نقص من شعرج اشويه عشان يقل السعر...وفعلا قصوا منه وخذا 350دك...
وانتي على راحتج اختي بس انا اقول حرام تسوين اذا مثل ما تقولين ان شعرج ما حاشته الاصباغ معناته مو تلفان من الصبغ مثل شعورنا والكيراتين اصلا علاج للشعر اللي حده حده تلفان من اثر الصبغ وغيره ويعيد فيه لمعته وحيويته..عالجي بحمامات الزيت والكريمات وراح تلاقين نتيجة ان شالله...
وانشالله تكونين استفدتي من تجربتي وشاكرتلج مرورج
