{ . مــانوع الإعاقة التي يعانى منها طفلك . }

[الصابرة المحتسبة]

السلام عليكم: أول شي أتمنى تقبلوني صديقة جديدة, وأنا أم طفل من ذوي الإحتياجات الخاصة واللي تبي تعرف أكثر عن فتحة الظهر تتفضل تزور الموقع:com.www.alsolb

 

[الصابرة المحتسبة]

الله يجزاج خير والله يوفقج ​

السلام عليكم:*أسأل الله العظيم أن يشفي جميع مرضانا ومرضى المسلمين

 

[HearT ChocolaTe]

السلام عليكم: أول شي أتمنى تقبلوني صديقة جديدة, وأنا أم طفل من ذوي الإحتياجات الخاصة واللي تبي تعرف أكثر عن فتحة الظهر تتفضل تزور الموقع:com.www.alsolb

حياج الله حبوبه
وعسى الله يشفيلج غاليج

 

[@شمس الضحى@]

حيا الله ام عزوزي شلونج شلون عزعز شفتي البرد وييييييييي تجمدنااا

 

[HearT ChocolaTe]

حيا الله ام عزوزي شلونج شلون عزعز شفتي البرد وييييييييي تجمدنااا

يا هلا وغلا بأسووم شلونج حناني انتي
لج وحشة وربي
عزوزتي بخير يسلم عليج والله ميته من الخوف يطيح علي
حاشته فلونزا خفيفه ..

 

[بنت الهنوف]

انا ولدي صار فيه نقص اوكسجين من الولاده والحين عمره 5سنين قالولي اول ماولدته وفيه عيب خلقي بالاعضاء التناسليه الحين حمدالله يقعد ويحبي وشوي شوي يحاول يمشي بس اريوله ماتساعده لأن ولدي متروس شوي وريوله مقوسه حمدالله يروح مدرسه خاصه مع العلاج الطبيعي صار احسن يحاول يتكلم بس في احرف مايعرف ينطقها عدل انشاءالله ربي يشافيه ادعوله

 

[الصابرة المحتسبة]

رفع

 

[الصابرة المحتسبة]

رفع

 

[أم الغلا7777]

انا بنتي عندها خلع بايدها وكانت ما تحركها كلش وسوت عمليه استفادت بس للحين الكف ما تحركه والله انها عسل الكل سبحان الله يحبها عوبه ودمها خفيف ابي اللي يقرا مشاركتي يدعيلها ولكل مريض واللي ودها تقدملي خدمه وتعرف احد يدلكها بالبيت ويكون متخصص بهالحالات اكون شاكره لها.

 

[الصابرة المحتسبة]

انا بنتي عندها خلع بايدها وكانت ما تحركها كلش وسوت عمليه استفادت بس للحين الكف ما تحركه والله انها عسل الكل سبحان الله يحبها عوبه ودمها خفيف ابي اللي يقرا مشاركتي يدعيلها ولكل مريض واللي ودها تقدملي خدمه وتعرف احد يدلكها بالبيت ويكون متخصص بهالحالات اكون شاكره لها.

هلا يالغالية ويارب يبلغج بشفاء وليدج
شوفي هالموضوع إن شاءالله يفيدج مستشفيات ومراكز وعيادات طبية منزلية !!!!!!!! (http://www.q8yat.net/showthread.php?t=348551)

 

[ويلاه ضاق الصدر]

السلام عليكم ورحمة الله وبركاته

اتمنى تقبلوني صديقه جديده لكم ....... انا ام لاطفال اثنين معاقين اعاقه ذهنيه حركيه مزدوجه
لما جبت بنتي ماكان فيها شي وما قالولي ان فيها شي وبعد شهرين صار فيها تشنج حراري ومن بعدها عرفوا ان فيها ضمور بالمخ والسبب مو معروف اما ولدي فانا متاكده ان اللي صار فيه بسبة الولاده النه طلع مختنق ولونه ازرق
ورحت لندن وماعرفوا يشخصون الحاله يعني ماعرفوا اذا المرض وراثي او لا بس قالولي لا تفكرين اتحملين مره ثانيه لانج راح اتجيبين معاق ثالث وبعد مارديت الكويت وبعد جم شهر الله اراد اني احمل واجيب احلى واجمل طفل بالعالم طبيعي ومافيه اي شي والحين عمره سنه واربع شهور عسى الله يخليه ياربي
وعيالي المعاقين احبهم مثل مااحب الطبيعي وما افرقهم عن بعض احسن اللبس اشتريلهم واحسن الرعايه موفرتها لهم

عسى ربي يشافيهم قولوا امين

 

[الصابرة المحتسبة]

حياج الله يالغالية بينا
وعسى ربي ياجرج وسبحانه ربي علام الغيوب يرزق من يشاء .
وعسى ربي يخليج لعييلج ويبلغج فيهم يارب.

 

[الصابرة المحتسبة]

رفع

 

[مغربية بقلبQ8Y]

انا عندي بنتي عندها ضمور بالمخ الشلل الدماغي الله يشفبها
وطبعا مو وراثي واكتشفته بالسونار وهي جنين ببطني بالشهر السادس
وقال الطبيب ماعندها مخ كلش بس تجويف الراس متروس ماي بدال المخ
طبعا تخرعت واغمى علي وانا بالسونار و
ورجعت البيت بحاله يرثى لها والحمدلله ع كل حال
وماجا المغرب الا انا بحالة طلق وولاده من الخرعه
وجبت حبيبتي بالسادس خدج والحين عمرها 14 جنها ملاك
بس ماتحرك ولاتشوف ولاتتكلم ولاتاكل ولاتقعد
بس احسها ذكيه وحبوبه ودايم مبتسمه فديتها الله لايحرمني منها ​

الله يشفيها انشالله وربي يخليها لكم

 

[مغربية بقلبQ8Y]

السلام عليكم ورحمة الله وبركاته

اتمنى تقبلوني صديقه جديده لكم ....... انا ام لاطفال اثنين معاقين اعاقه ذهنيه حركيه مزدوجه
لما جبت بنتي ماكان فيها شي وما قالولي ان فيها شي وبعد شهرين صار فيها تشنج حراري ومن بعدها عرفوا ان فيها ضمور بالمخ والسبب مو معروف اما ولدي فانا متاكده ان اللي صار فيه بسبة الولاده النه طلع مختنق ولونه ازرق
ورحت لندن وماعرفوا يشخصون الحاله يعني ماعرفوا اذا المرض وراثي او لا بس قالولي لا تفكرين اتحملين مره ثانيه لانج راح اتجيبين معاق ثالث وبعد مارديت الكويت وبعد جم شهر الله اراد اني احمل واجيب احلى واجمل طفل بالعالم طبيعي ومافيه اي شي والحين عمره سنه واربع شهور عسى الله يخليه ياربي
وعيالي المعاقين احبهم مثل مااحب الطبيعي وما افرقهم عن بعض احسن اللبس اشتريلهم واحسن الرعايه موفرتها لهم

عسى ربي يشافيهم قولوا امين

آمين يا رب والله يخليهم لج

 

[مغربية بقلبQ8Y]

الله يشافى عيالكم

 

[Snow angel]

الله يشفيهم ويعافيهم ويخليهم لكم آمين يارب العالمين

وهم عطيه من رب العالمين عسى الله يحفظهم

 

[@شمس الضحى@]

اللهم آميييييييين الله يحفظهم ويخليهم لناا ويشفيهم ويشفي كل مريض
جزاااااكم الله خيرر على دعواتكم ياخواتي

 

[أم عبدالرحمن 1]

السلام عليكم ورحمة الله وبركاته

اتمنى تقبلوني صديقه جديده لكم ....... انا ام لاطفال اثنين معاقين اعاقه ذهنيه حركيه مزدوجه
لما جبت بنتي ماكان فيها شي وما قالولي ان فيها شي وبعد شهرين صار فيها تشنج حراري ومن بعدها عرفوا ان فيها ضمور بالمخ والسبب مو معروف اما ولدي فانا متاكده ان اللي صار فيه بسبة الولاده النه طلع مختنق ولونه ازرق
ورحت لندن وماعرفوا يشخصون الحاله يعني ماعرفوا اذا المرض وراثي او لا بس قالولي لا تفكرين اتحملين مره ثانيه لانج راح اتجيبين معاق ثالث وبعد مارديت الكويت وبعد جم شهر الله اراد اني احمل واجيب احلى واجمل طفل بالعالم طبيعي ومافيه اي شي والحين عمره سنه واربع شهور عسى الله يخليه ياربي
وعيالي المعاقين احبهم مثل مااحب الطبيعي وما افرقهم عن بعض احسن اللبس اشتريلهم واحسن الرعايه موفرتها لهم

عسى ربي يشافيهم قولوا امين

امين يا رب

 

[شذا الياسمين]

انا ولدي عمره أربع سنوات كفيف (مايشوف) اهو البجر وما عندي غيره ..
اكيد لما دريت زعلت وكانت صدمة بالنسبة لنا خاصة انه أول فرحتي ووقت الحمل مالمحت لي الدكتورة عن شي .. بس كانت أمي الله يرحمها واقفة معاي وهي اللي ساعدتني عشان أتعدى مرحلة الصدمة واني أبدأ معاه مرحلة العلاج والمرحلة اللي بعدها من تأهيل وتعليم ونصايحها عن الصبر والرضا بالمقسوم والتحدي مع نفسي اني اخليه احسن واحد في الدنيا دايما في بالي (الله يرحمها ويغمد روحها الجنة) ..
وكون انه وحيد وماعنده اخوان احس انه هالشي أثر عليه من الناحية الاجتماعية والتواصل الاجتماعي للحين مايتكلم بس كلمات بسيطة ولما نروح بيت هلي كثير ينزعج من العيال ويعصب ويبينا نرجع البيت (عصبي حيل فديته) مع ذلك حنون ودمه عسل اذا كان مروق يحب يحضني ولما يحس اني متضايقة تخيلو شيسوي يحط راسي على صدره يحب الضحك واللعب نموووووت عليه وعلى كلماته القليلة والله بس ينطق كلمة جديدة تقوم الدنيا عندنا وماتقعد من الفرحة ونعلم الكل ..
أحس ان بعض اللي حولي على بالهم اني تعيسة وأكسر الخاطر وصار البعض يخافون على عيالهم من عيني مع ان والله عمري ماطالعت اعيالهم وان ولدي عندي بالدنيا انا وابوه مالي علينا حياتنا وصاير محور اهتمامنا نشتري له الغالي ونلبسه ماركات وحامدين ربي وشاكرينه ..
الحمــــــــــــد لله لك يارب ..
ربي يشفيه ويشفي عيالكم يارب .. لاتنسونه من دعاءكم أرجوكم ..