طريقتي بعمل خبز التورتيلا مع الحشوه المكسيكيه بالصور لاتطوفكم

[ريمه الكويت]

السلام عليكم

اليوم حبيت اسوي طبق جديد واخذته معاي حق ناس زايرتهم والطبق طلع عجيب وجديد

اولا الخبز
انا سويت كيلو طحين وطلع عندي يمكن 50 سندويشه صغيره عاد انتو وعددكم

طحين ابيض تقريبا ثلاث ارباع الكيس مال الطحين يعني كبلو الا ربع
طحين الذره الابيض كوبين كبار يعني النوعين يكونون كيلو طحين

نص ملعقه كبيره ملح

ماي حسب الحاجه
اعجنيهم عدل وغطي العجين وخليها ترتاح

بهذا الوقت نسوي الحشوه

الحشوه المكسيكيه

علبه فاصوليا حمره

صدور دجاج مقطع شرايح طوليه ومتبله بليمون وخل وفلفل احمر

2 بصل وحده مقطعه قطع صغيره ووحده مقطع شرايح

4 فصوص ثوم مفروم

2 طماطم مفرومه
فلفل اسود واحمر وملح وكمون وزعتر مجفف مع عصير نص ليمونه
+ صويا صوص+ رشه كركم
__
جبنه مازرولا
__________

اول شي بمقله حطي زيت زيتون واقلي البصل المفروم ولما يبدي يتغير لونه حطي نص كميه الثوم وحمريهم وحطي عليهم الطماط وعلبه الفاصوليا مع الماي مالها وطبخيهم مع اضافه الملح وفلفل احمر حار بودره وشويه زعتر اخضر مجفف ولما تبدي الصلصه تجمد مع الطبخ ظيفي عليهم عصير الليمون وبعدها حطيهم بالخلاطه



اللحين الدجاج

نحمس شرايح البصل بزيت مع اضافه الثوم لما تحمر نحط شرايح الدجاج بعد تصفيتها من التتبيله ونقلبهم مع بعض لما تحمر شرايح الدياي نحط عليها الكمون والفلفل الاسود والزعتر وملح + قفشه صويا صوص مع رشه الكركم



نخلي المكونات تبرد ونروح للعجينه

نكور العجين كور صغيره



ونرش الارضيه بالطحين حتى لاتلزق

نفرد كل كره عجين على سطح مرشوش بالطحين ونفردها بشكل خفيف ودائري ونقليها على الصاجه ( بدون زيت)



لما تبدي الخبزه تطلع مثل الفعات وتبدي تحمر نقلبها


وانتي تقلينهم خلي يمج علبه لو ماعون فيه غطا تحطين فيه الخبز حتى لاتجف الخبزه

اللحين نحشي الخبز
اول شي تمسحين كل خبزه بصلصه الفاصوليا


حطي عليها قطعه من الدجاج ورشي فوقها جبنه المزرولا


ولفي كل حبه بقطعه قصدير ورتبيهم بصينيه فرن



ادخليهم فرن حار حتى تذوب الجبنه




وقدميها لظيوفج وراح تسمعين المديح

وعوافي

 

[جارة القمر]

تسلم ايدج



وعليكم بألف عافييييييييييييييييية

 

[فرنسا]

ماشاء الله تشوق عليج بالعافية

 

[Snow angel]

واااااااااااااااااااو ماشاء الله شكله خطيييييييييييير

يسلمو هاليدين

 

[ريمه الكويت]

يعافيج ربي جارونه

 

[ريمه الكويت]

هلا وغلا بفرنس ومفدمه حبيبتي تفضلي

 

[ريمه الكويت]

منورتنا ياضيفتنا العزيزه

 

[سحيله_الحلوه]

واااو شكلها عجييبه
تسلم ايدج

 

[بساط الريح]

مشكورة وتسلم ايدج اقدر اسوي بخبز صاج لاني ماضبط العجين

 

[ريمه الكويت]

عيونج الحلوه سحيله

 

[ريمه الكويت]

بساط الريح اي تقدرين تسوينه على الصاج انا كنت ناويه اروح اشتري الصاج من امير الامراء عنده خوش خبز صاج بس قعدت الصبح شفت برد وهونت هههههههه وفيه اختلاف شويه خبزه التورتلا شوي اسمك

 

[mi$$ no0of]

ماشاء الله تبارك الله..

كل يووم تبهرينا بطبخاتك الرووووووووووووووعة..

الله يحرم هاليدين عبى النار يارب ,,

 

[ريمه الكويت]

شكرا حبيبتي على هالدعاء الي اسعدني واجمعين يارب

 

[فوفو الدلوعه]

يسلموووووووووووو
الله يعطيك العافية

 

[أم حسون]

تسلم ايدج يم يم

 

[لولي**]

تسلم الايادي
مشكووووووووووره

 

[سولاناعزوز]

الله تجنن تسلم دياتك

 

[زري منثور]

مشكوووووره حبيبتي

 

[ريمه الكويت]

فوفو الدلوعه الله يسلمج حبوبه

 

[ريمه الكويت]

تسلم ايدج يم يم

الله يسلمج :gathering::68_asmilies-com: