اليوم 14 من ترجيع الأجنة التحليل مو مبين

[كل الغلا زوجي]

بنات سلام عليكم

حدي مرتبكة اليوم 14 من ترجيع الاجنة من اليوم العاشر صار ينزل دم بني وبعدين دم احمر والحين تحليل الدم مالي مو مبين .

طمنوني الدكتورة مالت المختبر تقول مو مبين الحمل .

موعدي اليوم مع الدكتورة ماجدة بس خايفة حدي


طمنوووووووووووووووني

 

[eng.q8]

ان شالله خير يارب والله يعطيج اللي في بالج
بس شلون مو مبين يعني في ولا مافي ولا نسبه الهرمون ضعيفه!
سوي تحليل هرمون وان شالله يبين

 

[كل الغلا زوجي]

قالت لي الدكتورة ان التحليل طلع وردي يعني في بس مو متأكدين

قلت ما ني مسوية تحليل الهرمون لان موعدي مع الدكتورة ماجدة بعد شوي وراح افهم منها عدل .

مشكورة على الرد الغالية

 

[ماي الورد]

اختي العزيزة انا مثلك سويتها اول مرة نزل مني بني لمدة 3 ايام بعدين كلمت دكتوري قا لي وقفي الحبوب لان الحبوب حابستها وبنفس اليوم الي ما شربت فية الحبة نزلت مني طبيعة دم احمر
المحاولة الثانية مانزل مني ولا شي ولمن رحت يوم التحليل قالوا لي مو مبين حمل يعني مافي حمل وعدت التحليل مرة ثانية بعد يومين وطلعت النتيجة نفس الشي مافي حمل وقفت الحبوب بعد الحبوب بخمسة ايام نزلت طبيعي

لكن انتي اتمنى الوضع يكون غير عندج وتحللي وتفرحي قلبج وقلب زوجج انشاء الله

 

[ام تركي2008]

ان شاء الله حـــــــــــــــــــــــــــــــــــــامل
ربى لاتذرنى فردا وانت خير الوارثيين

 

[ايمانو حلوة]

الله يرزقج حياتي وتكونين حامل وتبشرينا
انا بعد شوي بروح المستشفى بسوي سونار عشان اشوف البويضات والله كريم وعسى ربي يرزقنا ويرزق كل محرومة

 

[كويتيه مذهله 87]

زين تسوين روحي لدكتوورتجهي الي تعرف ان شالله

وطمنييينا يااربي وان شالله بحق محمد وآل محمد حامل

 

[هيونه الكويت]

طمنينا عليج حبيبتي

 

[كل الغلا زوجي]

مشكورين خواتي

اللي صاراليوم صار من عمري والله ....


شسووا فيني الشغاليين بالعيادة الدكتورة ماجدة ، شقول ادعي عليهم ما اقول الا حسبي الله ونعم الوكيل

تخيلوا قاعدة على نار من الساعة ثمان الصبح ومجهزة نفسي للموعد والتحليل وبشوف تاليت الموضوع ولا احد هناك انا متعودة يدقون علي بالعشر ويقولون لي تعالي الموعد .... صارت الساعة 11 لبست ورحت المختبر وسويت تحليل الحمل ججان يطلع في حمل بس ضعيف والدكتورة مال المختبر الله يسامحها ما قالت في حمل قالت مو مبين .


انتظرت موعدي رحت البيت وصليت وعينت من الله خير وشربت مالي لين انبطيت وطقت جبدي ادق على العيادة مشغول وعشتوا الخط الساخن ما يردون ....

الساعة 2 ردت د. دميانه جان تعرفونها جان تقول اذا ينزل عليج دم والتحليل مو مبين معناه دورة ....وجان ابقها بكي وطلبت اكلم الدكتورة ماجدة بس قالوا لي عمليات ...


رديت على الثلاث اتصلت قلت لهم يجماعة عندي موعد جان يقولون لي منو حاط لج الموعد ومنو قالج عندج موعد جان اعصب واصارح واقول لهم انتو ما تفهمون اليوم 14 من ترجيع الأجنة وانتوا عطيتوني الموعد بعد ما طلعت من العمليات ... وقالوا بندق عليج ولا دقوا وانا البطن صار هبان من الضيجة والبكي مو عارفة راسي من ريولي ....

وهم رديت دقيت جان يحولوني على د. ناهد اللي مو عارفة الله وين قاطها ... اقول لها الحمل مو مبين تقول لي الدكتورة ماجدة تقول لك .. قلت لها انا ما بي عوار راس في موعد اليوم ولا لا ....


جان زعلت الخت وقالت انت لي متعصبه شوفوا الفراغة .... والله فاضية من وحده لي وحده ولا فاهميني ...

جان تاخذ التلفون الدكتورة ماجدة جان تكلمني بكل هدوؤ وطيبة وحبوبة هالمرة بس عيادتها زفت حشاكم ....


المهم قالت لي عيدي التحليل لو ايجابي كملي عالدوا وتعالي الاسبوع الياي .. واذا سلبي بطلي مثبتات وتعالي بموعد ...


وعطتني رقمها الخاص بس عقب شنو والله مالي ردة حق ذولاك الاوادم اللي ما يفهمون .

ايا ريلي من الدوام وا عليه طار فيني الشفا .. سويت تحليل وطلع ايجابي ضعيف بس الاسبوع الياي يبين 100 % وقررت انتظر رغم النزيف والعوار ليما الاحد او الاثنين واحلل مرة ثانية واكمل ادوية ...


والله مصاريني تتقطع من العوار بس الله يستر ويسهل والاجازة انتهت والحالة النفسية تحت ، والويه ما يتفسر بس الحمد لله والشكر لله
وسلامتكم



الله يرزق كل محرومة بحق محمد وال محمد

 

[q8nina]

يارب يكتب اللى فيه الخير ..

ويارب السموات والارض ارزق الاخت كل الغلا زوجي بالذريهالصالحه ووفقها ..

ولاتنسين بشرينا الاسبوع الياي ..
لان والله الشاهد نفرح لج .. مثل مانفرح لنفسنا ..

بيني وبينج سويت تلقيح صناعي عند ماجده .. والله ماارتحت وياها ..لان بقت تفجر بطني من الابر المنشطه واللى
سبب لي تجميع السوائل

باجر عندي موعد عند فوزيه القطان علشان ببتدي بالحقن المجهري
وباجر اول مراجعه لي عندها ..

يارب سهل اموري ..

 

[بدون هويه]

اول ثلاث ايم حسيتى بالالم اسفل البطن والا لاء انا اليوم لى 3 من الترجيع احس بالالم اسفل البطن ما ادرى شنو اهى والله خير العالمين

 

[أحلى عيون]

اختي انتي الله يهداكي لو من الاول مسويه تحليل هرموني مالج شغل بالدكتوره وسوالفها وبعدين معروفه بعد 14 يوم من ترجيع الاجنه تسوين تحليل هرموني من غير ما تستشرين لا دكتوره ولا شي واذا طلعت نسبه التحليل الهرموني اكثر من 100 يعني فيه حمل وواضح اما اذا طلع اقل من 20 يعني ما فيه حمل

والله يرزقك يارب

 

[Coffee-Girl]

الله يثبت حملج انشالله

 

[كويتيه مذهله 87]

لا تعصبينمو زين للاجنه

انتي جان سويتي تحليل هرمووني بأي عيااده موشرط موعد

ويااربي يرتفع الهرمون وتفرحين فيه

 

[غلاي غير]

الله يوفقج يارب

والله لو انا منج احط اكس على هالعياده واطير الحين لاقرب مختبر واسوي تحليل هرموني

واذا الله كتبلج هالمره حمال(يارب يتمم عليج بكل خير وتفرحين بثباته وتمامه ) راجعي عند دكتوره ثقه

 

[ألمأأس]

الله لايسامحها دكتوره ماجده نهيبيه اهي واللي معاها انا تبهذلت عندهم وبعدها تركتها عقب سنه ونص اهي ماااااااديه بس والمواعيد الله لايوريج تقعدين عندها بالساعات ولا احد يعبرج وتدخلج على اي دكتوره غيرها؟؟؟ بس اقول عسى الله يثبتج حملج ولا يحدج عليها امين الله يرزقج بالذريه امين يارب

 

[q8nina]

اول ثلاث ايم حسيتى بالالم اسفل البطن والا لاء انا اليوم لى 3 من الترجيع احس بالالم اسفل البطن ما ادرى شنو اهى والله خير العالمين

بعد التلقيح حسيت بانتفاخ بارحامي وماقاددره اتحرك وكبر الرحم وصار جنه فيه ماي ..
لدرجه اذا وقفت ما اقدر اوقف عدل لازم انحنى بظهري ..
وكله منسدحه من العوار والله العظيم لدرجة ابجي منه ..:krkrkr:

دقيت على عيادة ماجده محد رد علي .. رحت لهم كان وقتها الساعه 11 بليل ..
قالولي المواعيد توقفت ومانقدر ندخلج .. لان ماجده مو موجوده وقتها كان يوم جمعه
قالولي الموجوده سمر وعندها حالات ماتقدرين تدخلين

قالتلي السكرتيرة روحي مستشفى طوارئ اذا ماتقدرين :0bee2e8d89:

الله يسامحهم :0bee2e8d89:

مع ان تبويضي والله العظيم مافيه شي ونسبته فوق الممتاز .. بس الله يهدي ماجده عطتني ابر منشطه زياده ..
وغير الكلام اللى قالتلي ان فيني ورم حميد بالمخ اهو اللى سوا لي هرمون حليب مرتفع

وشككتني بنفسي و خرعتني وما ارتحت الا لما رحت الهادي وسويت رنين مغناطيسي لراسي والحمدلله مافيه شي
وقالي دكتور الاعصاب ان نسبة الهرمون الحليب مرتفع بنسبة 937 يعني مو درجة الورم .. الله يسامحها
خلتني اعيش اسبوع كئيب في حياتي لدرجة اني ظنيت بمووووت ..:0bee2e8d89:


من باجر ان شالله بغيرها بفوزيه القطان موعدي ..

وبشرينا عنج لاتنسين

 

[WaChoCha]

اللهم ثبت اجنة اختنا كل الغلا ,,, وارزقها الذرية الصالحة الطيبة المعافاة ... قادر يا رحيم على كل شي

 

[eng.q8]

اللهم ثبت اجنة اختنا كل الغلا

 

[bint_looda]

الله يثبتهم ويرزقج الضنا الصالح يارب العالمين