تعالوا سمعوا قصص الخدم اللي كانوا عندي والله والله ماراح تصدقون !!!

[ربي يفرج لي]

ربي يعوضني انا وياج بالخدامه الي تبرد الجبد

 

[Awash-82]

والله يخرعون هالخدم والله ستر عليج والله جان يمكن سووت في شي اعوذ بالله منهم .. انا توني والده واهلي يقولون طلبيلج خدامه ماراح تقدرين على شغل البيت بس انا الصراحه وااااايد اخاف منهم وطبيعتي ماحب احد يجيس اغراضي وسواسيه واااااااااااااااااااااايد فمابالكم اييب وحده والقى عندها اغراضي ولا مسويه سحر نوووووووووووو وييي

 

[ام يوسف23]

من بعد 6 خدم جربتهم
لغيتهم من حياتي وبيتي

الأولى اندونيسية عطت بنتي عمرها 3.5-4 سنوات سكينة عشان تطق اخوها حبيبي توه يحبي وبعدين تطقها ولما واجهتها ما انكرت
وعلى طول طيران المكتب رجعتها وخسرت فيها 200 دينار لأن الكفالة كانت توها منتهية


الثانية اندونيسية جكيتها تحط لنا ماي وصخ (دم دورتها ) بالبرادة عشان تسحرنا وكنت أيامها بالبيت عشان توني والدة بغيت أموت كله نايمة ما أقدر أقوم من الفراش من ألم العظام ( هذا الموت البطئ من أثر السحر ) وكاتبة أسامي عيالي وزوجي وأنا برسالتين حق ابوها

بعد واضحة عشان تسوي سحر
كانت حرامية وما تحب عيالها وأكثر من مرة ألاقيها بايقة أغراض من غرفتي وفلوس وعنيدة وشريرة وتخرع ، جكيتها تكلم واحد من الدريشة هندي وما عرفت شنو علاقتها فيه
وهذها كله كانت عندي 7 شهور
خفت منها ورديناها المكتب وطبعا خسرت فيها بعد

الثالثة هندية لما طلبتها أصغر مني ولما وصلت كبيرة وثقيلة يبيلها أنا أشتغل عنها ومو تشتغل عندي ورجعتها عقب اسبوع ورجعولي فلوسي كاملة

الرابعة هندية ثانية بس تبكي قطيعة موتتنا عشان توها والدة ويت الكويت على طول حتى صدرها كان يصب حليب ويعورها ورجعتها المكتب بعد 4 أيام ما تحملت مناحتها قطيعة
ورجعولي فلوسي كاملة الحمدلله

الخامسة سيلانية مرتجعة قعدت عندي شهر ونص بس
بس بارع بارع بمعني الكلمة مع أنها كبيرة
ما تطنبز إلا إذا شافت ريلي ، وتفل الشعر ( بنت كلب عليها شعر يهبل وطويل )بس إذا شافت ريال بالبيت

وإن وديتها عند أهلي مع ولدي لازم تقعد ممدة الريول يم أبوي بالصالة وتطالع التلفزيون

خليتها عند أختي لما سافرنا بالصيف وسوت نفس الشي مع ريلها وقضبتها الباب

السادسة بدعت سيلانية مسلمة مرتجعة أخذتها من وحدة الله لا يوفقها دنيا وأخره شفتها وأنا طالعة من مكتب الخدم وقالت لي عنها وسوت لي قصة أن خدامتها القديمة ارجعت وهذه زينة بس كله يتهاوشون عشان جذيه ما تبيها

خذيها جربتها اسبوعين وايد زينة وعقب حولت أقامتها وبس عرفت تحولت الإقامة صار شي ثاني ، ما ترضي تطلع معاي إذا ريلي بالبيت بروحه تبي تقعد معاه ولما سألتها ليش اشتكت حق امي ليش أنا أشك فيها
ومن يومها بدأ الفيلم تبسط بالصالة وتفرش أغراضها وتوسي روحا مجنونة وأنها تشوف جني جدامها وبس تقول الله وأكبر والله عشنها بفيلم رعب ثلاثة أيام منها ما نقدر ننام وأخذ العيال عندي بغرفتي ونقفل علينا خايفين منها أنا وزوجي

بس تصير الساعة 11 توقف عند باب الحمام يم غرفتي وتتلفت انها تشوف جني والله والله والله انها على وقفة وحده ليما الساعة 2.30 الفجر نفس الكلام ونفس الحركات

لما بأخر ليلة من كثر ما عصبت طقيتها طق خوفتنا بس مع إنها نتفة طولها أقل من متر وأنا ضخمة ما أقدرت أدزها
كأنها لوح بمسمار أنا قلت حق ريلي يمكن صج فيها جني
والحقيرة المرأة اللي باعتني اياها ادق عليها اقول حق بنتها وين أمك كله تقول امي مو موجوددة بعدين عرفت أنها كانت تسوي نفس الشي عندهم عشان جذيه ما يبونها بس أخر محاولة أتصال قلت لها قول حق أمك ما راح أحللها بفلوسي اللي خذتهم
وشفتها مرة بالمحاميد ولعنت ابو أسلافها سوت نفسها ما تعرفني وأنحاشت من المحاميد بكبره
ويوم ثاني صارت سوالف مع المكاتب عشان ياخذونها مرتجع ويفكوني منها
ونفس المكتب اللي يابها واحد جزاه الله خير خذاها وسلمها السفارة ودفعنا لها تذكرة وانجلعت
الله لا يردها بس خسرتها بعد فيها وفوها تذكرة
وعقب اسبوع اتصلت فيني من سيلان وسويت نفسي ما أعرفها بصراحة خفت منها وايد

لو أزحف على الأرض بعد ما تطب بيتي خدامة من اللي شفته
؟؟؟؟؟؟؟؟؟؟؟؟؟؟؟؟
لا لا لا الا ل الالالالالالالالا

اخيه حبيبتي والله انتي ملوتج بعد عفن عفن مو طبيعي

ولا هذي اللي معطه سجييييييييييييييييييييييييييييييييييين يعلهااا السجين انشالله بنحرهااا

 

[ام يوسف23]

والله يخرعون هالخدم والله ستر عليج والله جان يمكن سووت في شي اعوذ بالله منهم .. انا توني والده واهلي يقولون طلبيلج خدامه ماراح تقدرين على شغل البيت بس انا الصراحه وااااايد اخاف منهم وطبيعتي ماحب احد يجيس اغراضي وسواسيه واااااااااااااااااااااايد فمابالكم اييب وحده والقى عندها اغراضي ولا مسويه سحر نوووووووووووو وييي

لمن تييبلين الياهل بالسلامه راح تحسن انج محتاجتهم شر شر لابد منه :krkrkr:

 

[البرنسيسه سعاد]

صارت مصارعه فى بيتكم ههههههههههههه

انا ماااااحب الخدم بصراحه

ومشكووووووره على التحذير

 

[اسرار2009]

الله يعينا ويعينج اذكر وحده كانت تشتكي من نفس سالفتج وبعدين قامت اتصلي استخاره قبل لاتروح المكتب وتدعي وربي رزقها خادمه زينه وانصحج تتعاملين مع مكتب زين مثل اشكناني ثقه وينصحونهم ويعلمونهم قبل ايون وماعندهم مسترحعات وحوسه اتمنى اني فدتج وادعيلي

 

[أحلى همبه كويتية]

الله يعينا ويعينج اذكر وحده كانت تشتكي من نفس سالفتج وبعدين قامت اتصلي استخاره قبل لاتروح المكتب وتدعي وربي رزقها خادمه زينه وانصحج تتعاملين مع مكتب زين مثل اشكناني ثقه وينصحونهم ويعلمونهم قبل ايون وماعندهم مسترحعات وحوسه اتمنى اني فدتج وادعيلي

غلطانة
اشكناني أكبر نصاب ابالديرة حق الخدم
الخدامة الأولى اللي عطت عيالي السكين هذه من أشكناني
ولما بغيت أرجعها ما رضوا ولا يقصون عليج ترى أغلب خدمهم خريجين سجون يخرعون
ريل اختي يعرف واحد عندهم قاله الكلام ولا يقصون عليكم عندهم مسترجع وايد بس يطلعونهم حق الناس على أساس توهم واصلين

وصاحب المكتب اهو رئيس مكاتب الخدم او الإتحاد الخاص بمكاتب العمالة
اكبر حرامي


وحدة من أهلنا طلبت اندونيسية منهم وباسبوع واحد بس عندهم تبلت على ريلها واتهمته بالإعتداء عليها
وبهذلوه بهذله نيابة وفحص وبالأخر طلعت جذابة وسفروها بأمر من النيابة
وظل صاحب المكتب 7 شهور يماطل ويتهرب لما طلع روحهم على فلوسهم
لأنه عارف أنه محد أكبر منه منصب
لكن ربك ما يقصر

 

[^^نـــواره^^]

الله يعينج ويعيني على اللي عندنا

ومثل ما قلتي شر لا بد منه

 

[أساور]

الله يكافينا شرهم
صج شر لابد منه

 

[[..كـــــرك..]]

حبيبتي لاحظت عليج كلهم مسترجعات صح


انحاشي من هالاشكال

 

[دمعة المقهور]

الله يعينج حبيبتي
اقولج الصراحه طلبيلج وحده متعلمه عندها شهاده وتتكلم انجليزي على الاقل تقدرين اطقطقين معاها تفهمج وتفهمينها واهم شي عندها عيال لان بتحطينها عند عيالج الام قلبها غير على اليهال
واهم شي بعد تكون مو مشتغله بالكويت والسعوديه احسن اماكن انا اشوفه تكون بالاردن او دبي يكونون نظاف شوي اذا كنتي تبينها تكون مشتغله وتعرف عربي

 

[مس*فلحه*]

اي والله هالخدم شر لابد منه..

الله يكفينا شرهم

 

[هابي تايم]

عاد الله يستر شغالتنا اشتغلت في الكويت الله يستر لاتكون وحده من شغالتك

 

[ام يوسف23]

بناااااااااااات باركوووووووووووولييييييييييييييييييييي

ودييييييت خداااااامتي الاخيره المكتب ويبت ثانيه (((((((((((


طلعت تكلمممممممممممممم هنوووووووود ومصاااااااااروه وواحد مصري داز لها مسجاااااااات احبج ولازم اكلمج
وكانت تخربط وياهم بالحجي فهمتو شقصد طبعا

سكت عنها وزفيتها وهم يابت تلفون من وراي وتكلم بعد ريايييل وتحسينها كله بتدخل الحماااام وكله تقعد بروحها ومالها شغل بعيالي الله ياخذها

اخر شي قامت اطق عيااااااااااااااالي معنه والله عيالي الاثنين والله مساكين الله ياخذها

وخنشوف اليديده شبتسوي

 

[قهوة برية]

الله يعينج ع المأساة مع الخدم

شنو هذا ..


بس زين بردتي جبدج وكوفنتي الثانية .!

عمى بعينهم

يهب ياوجيهم اجرام .!

 

[$ أميرة الزين $]

يبا لمن تيبين خدامة جيبي بديقارد

 

[مسك حياتي]

الله يعينج و الله ما يبتلي الا المؤمن

والله ييسر امورج و تحصلين لج خدامه سنعه

 

[سكون الروح]

والله انهم شر لابد منه على الاقل للتنظيف
مع اني مااحب وجودهم ابدا ابدا ابدا احس ماارتاح بوجودهم واحب اجابل الشيء بنفسي اذكر كانت عندنا خدامه اندونويسيه وانا بالويك اند لازم اناااااااااام لحد مااقوم من نفسي المهم قمت وتسنعت وجابلت التلفزيون شوي ورحت بجهز للعشاء مو الغذاء بجهز للعشاء من الساعه 3 الظهر مااشوفها الا تقولي مدام اللحين غذاء متأخر وايد عاد انا قلت خلج بحالج احسن ومن ساعتها كرهتها ومابغيتها
الله يعينج اختي ويرزقج بوحده زينه

 

[ام يوسف23]

اي والله ماساة مشكورين عالمرور ادعولي حبايبي

 

[b6o6a]

واي ليش جذي كسرتي خاطري

طلبي يديدة وعلميها وفكي نفسج