اليوم 14 من ترجيع الأجنة التحليل مو مبين

[كل الغلا زوجي]

يعمري الله يسلمكم حبيباتي

انا والله ما ادري عن تحليل الهرمون بس الحين طيران بروح اسوي تحليل هرمون .

طيب بنات شسوي خايفة من الدم اللي جاعد ينزل علي ... وين اروح ابي اراجع عند دكتورة بالشف ولا السلام شتنصحوني ...

وبعدين بكرا بتخلص المثبتتات وماني رايحة لماجدة ... تهقون في دكتورة تقدر تقول لي اذا الأجنة في منهم موجود ولا لا .

فيدوني فديتكم الغاليات

 

[هيونه الكويت]

يعمري الله يسلمكم حبيباتي

انا والله ما ادري عن تحليل الهرمون بس الحين طيران بروح اسوي تحليل هرمون .

طيب بنات شسوي خايفة من الدم اللي جاعد ينزل علي ... وين اروح ابي اراجع عند دكتورة بالشف ولا السلام شتنصحوني ...

وبعدين بكرا بتخلص المثبتتات وماني رايحة لماجدة ... تهقون في دكتورة تقدر تقول لي اذا الأجنة في منهم موجود ولا لا .

فيدوني فديتكم الغاليات

حبيبتي روحي المكان الاقرب لج

لا تقعدين جذي

وقوليلهم انه حالتج طارئه لانه قاعد ينزل دم

والله كريم

 

[Swan]

اختي بتحليل الدم الهرموني يبين اذا في حمل والا لأ
فروحي بسرعه وسويه وشوفي شكثر النسبه لأن يبين بأي اسبوع من الحمل انتي
وان شاء الله اذا في حمل عيدي التحليل بعد يومين اذا ارتفع الهرمون للضعف معناته ان الحمل سليم باذن الله
وبالنسبه لعوار البطن اذا كان مثل مغص الهوا بالبطن وعوار بعضلات البطن فهذي من علامات الحمل

وان شاء الله تكونين حامل

 

[كل الغلا زوجي]

الغاليات

البارح سويت تحليل الحمل طلع 9.2 النسبة ما فهمت شي .
دقيت على دز ماجدة جان تقول لي مبكر الحين عيدي التحليل بعد يومين يبين عدل زدازمي على المثبتات .

المثبتات عندي لين بكرا وبخاطري اشوف غيرها تنصحوني ولا اكمل معاها الحين ليما تتوضح الرؤية عدل .


مشكورين بنات الله يوفق كل من دشت وردت اله الخلق امين .

 

[eng.q8]

كملي على كلامها لين تعرفين وضعج عدل بعدين غيري
خوفج الدكتور اليديد يضيعج لان مو عارف حالتج عدل
والله كريم ان شالله

 

[هيونه الكويت]

موفقه

 

[كويتيه مذهله 87]

اشصاار عليج يقلبي طمنيييينا عليج


ياربي حاامل ياااارب

 

[أحلى عيون]

اختي الغاليه ماابي اخرعج النسبه وايد قليله يعني يبين انه مافيه حمل

انا سويت مره وطلعت النسبه 29 واخر شي نزلت الدوره علي


بس انا انصحج بدكتور مدحت الشربيني استشاري اطفال انابيب بمستشفى الراشد والله خوش دكتور انا اراجع عنده لانه محد يعرف لشغلات الانابيب غيره

والله يرزقك يارب

 

[.>حــــــــ(و)ـــراء<.]

للاسف النسبه قليله

الله يرزقج الذريه يااارب

 

[++The DuchesS++]

الله يرزقج ويعوضج خير يار ب

 

[كل الغلا زوجي]

حياكم خواتي
لا تخافين إختي الغالية غفران اللي كاتبة الله بيصير والحمد لله على نعمة الايمان .

بكرا بسوي التحليل مرة ثانية للتأكيد يا إما ترتفع النسبة يا إما ما يكون في حمل .

ومشكورين على مروركم الغالي على قلبي .

الله يرزقكم جميعا الصحة والعافية والهداية في الدارين ورزق حلال من واسع خزائن الرحمن الرحيم بحق محمد وآله الطيبين الطاهرين .

 

[eng.q8]

الله ينولج اللي في بالج ياارب

 

[بيرق الكويت]

الله يرزقج بالحمل الثابت بدون علاج
وانشاءالله نتيجة التحليل تطلع خطأ وتلقين الهرمون مرتفع

 

[كل الغلا زوجي]

مشكورة بيرق
بنات الليلة ان شاء الله بسوي ختمة يس واهي ثوابها لسيدتي ومولاتي فاطمة الزهراء سلام الله عليها حقي وحق كل طالبة الذرية .

وشنو ما طلع التحليل باكر بيكون خير وبركة والله يرزق كل محرومة .

ومشكورين على المرور .

 

[كويتيه مذهله 87]

مشكورة بيرق
بنات الليلة ان شاء الله بسوي ختمة يس واهي ثوابها لسيدتي ومولاتي فاطمة الزهراء سلام الله عليها حقي وحق كل طالبة الذرية .

وشنو ما طلع التحليل باكر بيكون خير وبركة والله يرزق كل محرومة .

ومشكورين على المرور .

أنا بعد بسوي سوره يس بشقتي

وماشالله عليج ايمانج بالله قوي خليج دايما جذي تبارك الرحمن

ويااربي يعطيج الي اباالج ياااارب

ولا تنسيني بالدعاااء

 

[madam_cake]

ياعمري الله يرزقج الذرية الصالحة بس مو تنسين تبشريناااا

 

[كل الغلا زوجي]

هلا بنات

الحمد لله على كل حال اليوم من الصبح 6 ونص سويت التحليل وطلع سلبي .

يعني ما كتب الله لي اكون ام .

زوجي تكلف على عمره بمصاريف وقرض علشان اسوي العملية الله يعوضه خير ويادي دينه .

ما ادري متى ممكن نسوي العملية مرة ثانية والسبب مادي طبعا .

بس ان شاء الله الله بيكرمنا ويرزقنا ويرزق كل صاحب حاجة .

كلمت د. ماجدة تدرون شنو قالت لي : احنا سوينا اللي علينا بس هم ما لصقوا ..حبيبتي ارتاحي شهرين وتعالي سويها ... والله حسيت كلامها مثل الخنجر بصدري .. يعرفون البنات شنو العذاب اللي يتعذبه الواحد من ابر وادوية ونفس الوقت والمواعيد وغيرها ...

التجربة مو بسيطة بس الحمد لله الذي لا يحمد على مكروه سواه .


اللي بغيت اسال عنه هل يبين سبب لعدم وجود حمل .. هل هي الاجنة او انا ( سويت منظار وتنظيفات قبل العملية ماكو شي ) هل بسبب انو حطت 4 اجنة مرة وحدة هل ممكن نعرف السبب ؟؟؟؟


بس قلبي يعورني شوي ومو قادرة اتكلم ولا اكتب .

ربي يحفظ لي نظر عيني زوجي الغالي ويديمه تاج على راسي .

 

[ام مسااعد]

بعد عمري حاسة فيج عسى ربي يعوضج خير لاتتظايقين ولاتعترضين على حكمة رب العالمين ماتدرين يمكن هالحمل بسببلج مشاكل الله حاميج منها

اصبري واحتسبي من لنا غيرة سبحانه يعوضنا..

وبالنسبة لأسألتج والله ماعندي جواب بس حبيت اكتب شعوري

وعسى ربي يهون عليج مصابج ويخليلج ريلج ويسعدكم دنيا واخرة

 

[هيونه الكويت]

هلا بنات

الحمد لله على كل حال اليوم من الصبح 6 ونص سويت التحليل وطلع سلبي .

يعني ما كتب الله لي اكون ام .

زوجي تكلف على عمره بمصاريف وقرض علشان اسوي العملية الله يعوضه خير ويادي دينه .

ما ادري متى ممكن نسوي العملية مرة ثانية والسبب مادي طبعا .

بس ان شاء الله الله بيكرمنا ويرزقنا ويرزق كل صاحب حاجة .

كلمت د. ماجدة تدرون شنو قالت لي : احنا سوينا اللي علينا بس هم ما لصقوا ..حبيبتي ارتاحي شهرين وتعالي سويها ... والله حسيت كلامها مثل الخنجر بصدري .. يعرفون البنات شنو العذاب اللي يتعذبه الواحد من ابر وادوية ونفس الوقت والمواعيد وغيرها ...

التجربة مو بسيطة بس الحمد لله الذي لا يحمد على مكروه سواه .


اللي بغيت اسال عنه هل يبين سبب لعدم وجود حمل .. هل هي الاجنة او انا ( سويت منظار وتنظيفات قبل العملية ماكو شي ) هل بسبب انو حطت 4 اجنة مرة وحدة هل ممكن نعرف السبب ؟؟؟؟


بس قلبي يعورني شوي ومو قادرة اتكلم ولا اكتب .

ربي يحفظ لي نظر عيني زوجي الغالي ويديمه تاج على راسي .

الله كريم

والله ضيقتي خلقي

وعسى ان تكرهو شيئا وهو خيرا لكم

 

[eng.q8]

خلي ايمانج بالله قوي
ولاتنسين تقولين يارب اجرني في مصيبتي واخلف لي خيرا منهاااااا