نادي الكتاب Book Club لشهر يناير - جمان مجموعة قصصية لعلياء الكاظمي

[^^نـــواره^^]

قصب ،، كانت عندي نفس الملاحظة على شهد لوووووووووووووووووووول

بس قلت خل اسكت ، بعد لا تصير هوشة بالنادي ما عليه يمكن امها امريكية

 

[Shade]

مرحبا بنات شلونكم أدري إني مقصرة بس أنا ما أدخل النت وايد حدي مشغولة

وين وصلتوا بالقصص ؟

أنا قريت قصة الضرير وأقل قصة عجبتني بالكتاب مادري ليش ما تفاعلت معاها كلش

أو يمكن عشان أكون منصفة أكثر المؤلفة بدت الكتاب بأول قصتين وايد قويين بس هذي أقلهم كنت أتوقع نفس المستوى أو أفضل

 

[Shiny Star]

قصة الضرير

عنوان القصة : ما عجبني العنوان لأن القصة تركز على نور أكثر من عيسى ما دري ليش المؤلفة اختارت تسمي القصة باسم الضرير اللي هو عيسى لو مسميتها نور أو النور أفضل

أحداث القصة : أنا بعد نفس راي Shade أقول هذي القصة أقل مستوى من القصتين الأولى والثانية

بس ما أنكر إني تأثرت وايد بعيسى وبصراحة عورني قلبي علية أحسه وايد حساس ورقيق ( مثلي إحم إحم ) ودمعت عيني عشانه صج ما في إنسان كامل سبحان الله

 

[بدوره 22]

مساء الانور على احلى الامامير والاقمار :gathering:

قريت عندما تعود الافراح والضرير

اولا الضرير ..
انا اايد كلام اختي حبيبتي شايني ستار بأن القصه كان محورها يدور على نور اكثر من عيسى .

امممممم صح انا حسيتها اقل مستوى من بين باقي القصص.

عندما تعود الافراح :
عنوان القصه لا يوحي ابدا بالنهايه الكئيبه واللي عورت قولوني من القهر الصراحه ...

وردة فعل فرح كانت حيييييييييييل بارده .. مادري شلون كان المفروض تتصرف بس انا حسيت ان ردة فعلها ما توفي حق الموقف اللي مروا فيه هي وعمران.

بس مادري اذا لاحظتوا هالشغله في روايات علياء الكاظمي ... ؟؟؟؟

انا قريت لها بلا هويه .. والحين بيدي كتاب جمان ..

ما حسيتوا انها توصف البنات بشكل دقيق وايد وتحسسج انهم يتشابهون ... اوانهم كلهم جميلات ؟؟ انا ماقول ان الكويتيات مو حلوين الا والله ما عندنا الا الزين .. بس مادري هذا رأيي الشخصي .. انها ذكرت كل البنات وكانهم اميرات !!

وبعدين كل شخصياتها اللي بالقصه اغنياء او اصحاب املاك وعندهم حلال


بس هم ارجع واقول ان علياء الكاظمي كاتبه نفتخر بوجودها على الساحه وعلى الرغم من الكلام اللي انا قلته الا اني ابدا ما احس بأي ملل لمن يكون بيدي كتاب كاتبته علياء ..

بالعكس استمتع وفوق ما تتصورون

 

[Shiny Star]

مشكورة بدورة على تعليقاتك وأنا معاك إن قصة الضرير تدور أحداثها أكثر على نور من عيسى فالجدر أن تسمى القصة باسمها


وحتى قصة عندما تعود الأفراح نهايتها بااااااردة شوي

بس همن أقول مثل ما قالت بدورة الأمورة علياء الكاظمي كاتبة نفتخر بوجودها على الساحة

 

[Shiny Star]

وبانتظار بقية تعليقات البنات

 

[فرح الياسر]

بسم الله الرحمن الرحيم
عزيزاتي عضوات النادي.....
لدي خبر اتمنى ان يفرحكن كما افرحني كثيرا.......عندما كنت اتصفح مجلة اليقظه وجدت ايميل الكاتبه :عليا الكاظمي....فأرسلت لها دعوة للمشاركه في مناقشة مجموعتها القصصيه.....لم اصدق انها ردت بالموافقه.....وهذا نص الرساله....:​

عزيزتي فرح



أشكرك كثيرا على دعوتي وقد قرأت التعليقات الجميلة في المنتدى على كتابي جمان وأنا سعيدة جدا بها وان شاء الله سأشارك في المنتدى عندما تنتهون من قراءة الكتاب بالكامل حتى يكون لدينا مجال أكبر للمناقشة



جميل أنكم تشجعون بعضكن على القراءة



مع أطيب تمنياتي



علياء



​

صراحه.....ماني قادره اصدق انها ردت علي!!!!كنت خايفه ان الايميل قديم!!!

اشرايكم استاهل بوووووسه والا لا!!!!!

 

[^^نـــواره^^]

ونااااااااااااااااااااااااسة تستاهيل مو بوسة وحده الا بوستين


ونااااااااااااااااااااااسة فروحه


يالله بنات هالله هالله بالتعليقات السنعه يالله شدوا حيلكم ،، ادري انا اولكم ،، واااااايد تاخر بالتعليق

 

[فرح الياسر]

ونااااااااااااااااااااااااسة تستاهيل مو بوسة وحده الا بوستين


ونااااااااااااااااااااااسة فروحه


يالله بنات هالله هالله بالتعليقات السنعه يالله شدوا حيلكم ،، ادري انا اولكم ،، واااااايد تاخر بالتعليق

العفو.....:tek:ان شاءالله نشوفها بالمنتدى بالقريب العاجل......

 

[Shiny Star]

بسم الله الرحمن الرحيم
عزيزاتي عضوات النادي.....
لدي خبر اتمنى ان يفرحكن كما افرحني كثيرا.......عندما كنت اتصفح مجلة اليقظه وجدت ايميل الكاتبه :عليا الكاظمي....فأرسلت لها دعوة للمشاركه في مناقشة مجموعتها القصصيه.....لم اصدق انها ردت بالموافقه.....وهذا نص الرساله....:​

عزيزتي فرح



أشكرك كثيرا على دعوتي وقد قرأت التعليقات الجميلة في المنتدى على كتابي جمان وأنا سعيدة جدا بها وان شاء الله سأشارك في المنتدى عندما تنتهون من قراءة الكتاب بالكامل حتى يكون لدينا مجال أكبر للمناقشة



جميل أنكم تشجعون بعضكن على القراءة



مع أطيب تمنياتي



علياء



​

صراحه.....ماني قادره اصدق انها ردت علي!!!!كنت خايفه ان الايميل قديم!!!

اشرايكم استاهل بوووووسه والا لا!!!!!

مشكورة فروحة وصج تستاهلين بوسة

بس

أنا سبقتك لأني مطرشة ايميل أول ما أخترت الكتاب حق علياء وهو اصلا موجود بكتابها جمان طرشته لها آخر شهر 12 واتفقت معاها إنها تشاركنا بتعليق منها بس على نهاية مناقشتنا لكتابها يعني نهاية هالشهر

حسافة خربتي علي المفاجأة

بس الحلو اللي عجبني بعلياء الكاظمي إنها جدا متواضعة وردت على إيميلي ثاني يوم على طول وهذا شي ما كنت متوقعته
وهذا نص الرسالة



عزيزتي



أشكرك كثيرا على الايميل الذي أسعدني كثيرا و رأيك شهادة أعتز بها و ان شاء الله سأدخل على الرابط و سأشارك بالتريخ المحدد كما طلبت فقط ذكريني بالموعد قبلها



مع حبي



علياء



Alyaa Al-Kazemi


--- On Tue, 12/30/08, Shiny Star <[email protected]> wrote:

From: Shiny Star <[email protected]>
Subject: جمان
To: [email protected]
Date: Tuesday, December 30, 2008, 2:48 AM


مرحبا أخت علياء

أنا من قرائك ويشرفني التواصل معاك قريت لك بلا هوية (روعة)
واقرأحاليا (جمان)

عندي طلب ما عليك أمر إذا ممكن ، أنا عضوة في منتدى كويتيات النسائية وعندنا Book Club ، أخترت أنا كتاب شهر يناير كتابك (جمان) لقراءته ومناقشته خلال شهي يناير على الرابط التالي


http://www.q8yat.net/showthread.php?t=278883


تقدرين تتابعين ردود البنات على الموضوع

بس أتمنى ويا ريت لو تقدرين بنهاية مناقشتنا للموضوع يعني بتاريخ 28/1/2009 أنك تشاركين منتدانا ولو لمشاركة وحدة وتشرفينا بتعليق منك على الموضوع أو أي اقتراح

ناطرة ردك يالغالية وبالتوفيق ( لا تحرمينا من إصداراتك)

 

[Shiny Star]

بس ما حبيت أذكر هالموضوع عشان تكون مفاجأة

وبعد ما حبيت هالشي يأثر على مناقشتنا للكتاب

 

[Shade]

صج صج صج عن جد عفية عليكم بنات

فرح الياسر + شايني ستار

والله ما قصرتوا أحس صج تعبانين على البوك كلب ويعطيكم العافية

ولا تحاتين يا شايني المفاجأة حلوة وما راح يأثر هالشي على مناقشتنا للكتاب بالعكس راح يعطينا دافع أكثر إن نقرأ الكتاب ونتناقش بالقصص اللي فيه عشان حتى المؤلفة ( علياء الكاظمي) تستفيد وهذي بالأول والآخر بنت الكويت يعني وحدة منا وفينا وما راح نقصر معاها بشي

:q8:

ولو إنها ما شاء الله عيني عليها باردة كتابها جمان روووووووووووووعة

أنا عن نفسي انطر متى يصير موعد القصة الياية وبسررررررررعة ركض أدش المنتدى عشان أكتب رايي فيها وقاعدة أنطر تاريخ 14 عشان أناقش قصة غالية

:gathering:

 

[^^نـــواره^^]

لا لا لا لا

شنو هالمفاجآت الحلوة ؟؟؟؟؟؟؟؟؟؟؟؟؟؟؟؟؟؟؟؟

ما شاء الله كل وحده شاده حيلها اكثر من الثانية ،، اسم الله عليكم عيني عليكم بارده

جد جد جد

ما قصرتوا حبايبي وعساكم على القوة والله يعطيكم العافية

 

[^^نـــواره^^]

بس شايني حبيبتي كلمي طوق البنفسج بخصوص الكاتبة علياء و شوفي شنو تقول لج

 

[قصــب سكــر]

السلام عليكم شخباركم بنات

شنو هالمفاجآت الحلوه

جذي تخلونا ما ننتقد بس نمدح خخخخ

انتهيت من قصه عندما تعود الافراح

عنوان القصه شدني وكنت اقرى بلهفه وتوقعت القصه قويه بس وبصراحه ما كانت قويه مثل القصه السابقه

اشوف ان القصه مكرره ,, مافيها ابداع او فكره جديده

اثنين يحبون بعض , وحده تخرب عليهم تكتب رساله او توصل خبر لاحد الطرفين ان خلاص مايبيها

وبعدها يفترقون والكل يلوم الاخر ,, يوجد وسيط بينهم اللي مثلتها في هالقصه ريم ,, تحاول توصل الحقيقه

احداث القصه محبوكه تكاد لا تطابق الواقع بتاتا ,, يعني مو معقوله الصدفه تلعب هالدور الواضح في الواقع

صدفه ان بنت عمه تحبه , صدفه ان ولد خالها يبيها , صدفه ينسى التلفون وتطرش مسج ,, صدفه يروح حق مكتب السفريات مال صديقتها

بالنسبه لردة فعل فرح بالاخير لما عرفت الحقيقه انا اشوف ان ردة فعلها جدا منطقيه خصوصا واهي حامل يعني شنو تبونها تسوي ؟

تطلب الطلاق وتهدم بيتها ؟ وتشتت طفلها ؟

النهايه جيده جدا ,, لكن ردة الفعل اللي مو مناسبه للحدث اهي لما انقطعت عنه وماقامت تتصل كان وضعه عادي

صحيح حاول يطلع رقم ريم وكلمها بس ما اخذ منها حق ولا باطل كان الاجدر يسعى اكثر

انا اقول لو بالواقع فعليا ماراح يستسلم بهالسهوله واهي بعد في نفس الوقت لما كلمتها اجوان مو معقوله ردة فعلها على طول كسرت التلفون

يعني ما تسمع منه ؟؟ انا بالنسبه لي ما اصدق لما اسمع بنفسي واعتقد كثير منكم مثلي ,, هذا بالنسبه للاحداث

وهذا لا يمنع من ان القصه مليئه بالاستعارات الجميله والابداعيه ,, والاسلوب الجميل في السرد ,, واختيار المفردات ذات المعنى المعبر

عندي ملاحظه على جمله في ص 154 , السطر الثاني

" فانتثر شعرها المتماوج على كتفيها العاريتين . . "


اعتقد ان هذا خطأ مطبعي !!

 

[^^نـــواره^^]

عندما تعود الأفراح

اول شي احب اعلق على عنوان القصة - ما احس ان عنوان له ارتباط بالقصة لان احس نهاية القصة حزينة وما احس ان الفرح عاد بالعكس
ثاني شي احب اناقش الاسماء ما ادري شفيني على الاسماء -

فرح: احسه اسم لايق على وحده وحيده امها ودلوعتها وفعلا اهيا الفرحه في حياة امها بعد وفاة ابوها وموت الجنين
عمران: اسم غير دارج في الكويت بس موجود وبشكل نادر يمكن
أجوان: اسم غير دارج بالمرة ومعناه (اجوان جمع جُون: الخليج الصغير) احسه لايق على صاحبته لانها فعلا مث البحر اللي غرقت فيه قصة حب عمران وفرح ===== شفتو التحليل شلون صاير لووووووووول
وليد: اخو عمران ، ما ادري ليش بس كل واحد اسمه وليد يطلع حلو ودلوع وهذا انطبق على صاحبنا وليد اللي في القصة
فارس: اسم حلو وراقي واحسه لايق على اسم فرح اكثر من اسم عمران، وطلعت شخصية فارس من اسمه من موضوع لقيته في النت

"إنسان ذو شخصية منفتحة على الآخرين ويحب الجمعات والاختلاط بالناس..
متحدث لبق يجيد التعبير عن نفسه ويصرح بأفكاره.. يتصف بالشجاعة
وبأخلاق الفروسية.. كريم في تعاملاته يتخذ قراراته بشكل سريع دون
تفكير وأنصحه بالتروي في قراراته"

واحس هالوصف فعلا لايق على فارسنا

* * * * * *

انا عندي ملاحظة على البنات اللي بالكتاب ،، اغلبهم يدخلون كلية العلوم الإدارية ما ادري ليش؟؟؟
واحس في نمط متكرر في القصص الي قريتها، طبعا اغلبهم علوم ادارية، اغلبهم اذا مو كلهم مو متحجبات،، اغلبهم جميلات وشعورهم طويلة، و نصهم من عوائل ثرية ،،

* * * * * *

القصة بشكل عام احسها واقعية جدا ويمكن صايره لبنات وايد، انها ترتبط عاطفيا بواحد لكن في النهاية تتزوج واحد ثاني،، ومثل ما قالت قصب السكر ردة فعل فرح طبيعية، يعني ما تقدر تترك زوجها وتظلم البيبي اللي ببطنها علشان مجرد ان عرفت بموضوع اجوان وانها اهيا الي خربت عليهم ،، بس اتوقع لو ما كانت حامل جان تركت فارس لكن الامومة كانت اقوى من حب عمران.
وعندي ملاحظة ثانية، انا للحين مو عارفة شلون اجوان تفرق بينهم، احس السالفة مبالغ فيها شوية ، يعني مو معقولة فرح ما قالت حق عمران عن اجوان اوكي حتى لو اهيا زعلانة جان على الاقل يابت طاريها بس اهيا كللللللش ما يابت طاري اجوان بسرعه،، وبعدين فرح شلون تترك عمران واهيا ما سمعت حتى صوت عمران، جان على الاقل ردت عليه تخانقت معاه ،،

واللي شوية بعد حسيته مو منطقي، شلون عمران بعد هالاشهر تذكر انه لما كان في المستشفى نسى تلفونه عند اجوان،، احس هم صعبة شوية، يعني احنا ما نذكر تلفوناتنا وين تروح 24 ساعه، يعني احنا مرات وايد نكون متاكدين ان التلفون مثلا بالسيارة ويطلع بالجنطة فشلون اهوا تذكر هالشي الصغير و معقوله اجوان ما كانت حوالين تلفون عمران الا بهالموقف بس

تاخير عمران لموضوع زواجه من فرح علشان اخوه احسه واقعي جدا جدا جدا وهذا هو فعلا الشي الطبيعي اللي اي واحد بيسويه

وتصرف ام فرح بعد طبيعي، انها طلبت من عمران انه يتقدم لبنتها وبهالفترة ما يكلمها،، احس شخصيتها فعلا واقعية واغلب الامهات بيسوون جذي

ما ادري احس اللي كاسر خاطري باقصة كلها فارس، مسكين، احسه الانسان اللي قاعد يحب بصمت وصابر على اللي يحبها وعنده امل انها تكون من نصيبه، والله عطاه على قد نيته فرح صارت من نصيبه

 

[فرح الياسر]

بس ما حبيت أذكر هالموضوع عشان تكون مفاجأة

وبعد ما حبيت هالشي يأثر على مناقشتنا للكتاب

اسفه اختي شايني اذا خربت مفاجأتج......
بس يمكن لما تلقا رسالتين من نفس المنتدى راح تحس بجدية الموضوع....صح!!

هدفي الوحيد من ارسال الرساله....هو اثراء المناقشه.....وشكرا لجميع عضوات النادي......:tek:​

 

[Shiny Star]

الله وناسة بنات

صج ما قصرتوا على هالنشاط

ومشكورين Shade ونواره وقصب سكر وأكييييييييييييد فروحة الياسر على مروركم وتعليقاتكم المثرية للنادي

وحبيبتي فروحة حياتي والله مو قصدي خربتي المفاجأة بالعكس لا تزعلين كلش ما كان قصدي ، بالعكس والله حسيت إن مو بروحي اللي مشتطة حسيت إنكم معاي وحواليني وهذا الشي وايد ونسني ، ولولا وجودكم ما كان هالنادي راح يستمر

بس أنا اللي كنت خايفة منه إن البنات لما يعرفون راح يستحون يتناقشون عن القصص ويقولون رايهم بصراحة وبدون مجاملات

واحنا كلنا ايد وحدة وكلنا نشيل بعض

:friends::friends::friends:

 

[Shiny Star]

بس تري بالنسبة حق القصص الاجتماعية عموما نادر ما يكون فيها إضافة شيئ جديد دايما تكون قصص من واقع الحياة مصاغة بأسلوب قصصي يعني وايد صعب نحصل قصة اجتماعية رومانسية تتسم بالغرابة ، لا تنسون الكم الهائل من الفضائيات والمحطات التلفزيونية ما خلت شي ، وعرضت جميع أشكال القصص الاجتماعية لدرجة إنها صارت مكررة ومتشابهة !!!!

غير قبل لما كانت محطة واحدة تعرض مسلسل جديد واحد أو بالكثير اثنين برمضان فقط يعني القصص غير مستهلكة ، بس الحين كلشي عندنا منه وايد

وأبدعت علياء الكاظمي بطريقة سردها للقصص وتشبيهاتها الحلوة والجميل أيضا في كتابها إنك تحسبن بأنك قريبة جدا من الشخصيات وكأنك تعرفينهم أو عشتي بينهم أو حتى ممكن تكونين وحدة من هالشخصيات اللي بالقصة

 

[بدوره 22]

عيل انا مراسله علياء من الصيف لمن قريتها بلا هويه .... وفعلا البنت ادب وذوق واخلاااااااااااااق ما شاء الله عليها

بس للاسف مسحت رسالتها .... وما طولت علي بالرد يومين بالكثير


بس اذكر انها قالت راح تنزل كتاب جديد ومختلف عن كل الي كتبته لكن للاسف نطرت جديدها وما نزلت .... جمان الطبعه الثانيه ...


بانتظار جديديج يا عليااااااااااااااااااء :ggdw: