استفسار بنوتات عن ماليزياا ممكن تساعدوني

[مشتطة وبس]

انصحج بطيران القطرية تينن بس الاكل ضيم!!!!و المطار بايخ....شنو بقا اللي زين!!!!!!!...........واذا عندج ياهل وحوسة روحي دايركت ع الكويتية احسن ويخصمون لج بالوزن بالردة.......اما عن الفنادق لاتفكرين غير ببرجايا تايم سكوير بكوالالمبور..........واول يومين قعدي بسن واي لاغون جذي احسن وروحو جزيرة (بيننغ او لنكاوي) وروحو جنتنغ وافاموسا ودشي موقع دليل ماليزيا وايد عجيب ويفيدج

 

[om MaRyooM]

هلا حبيبتي ..


مشالله البنات كفوا ووفو


بس بالنسبة لكوالالمبور لاتقعدين فيها اكثر من خمس اياااام كافية حدها .. لأن اغلبها مجمعات وسوق
واماكن الترفيه والمناسبة حق اليهال اهيا منتجع افاموسا حلووو ويونس .. وثلاث ايام حلوين فيه

وروحو جنتنغ هايلاند عجيبة .. الجو شوي بارد هناك

وبشكل عام جو ماليزيا رطب بس أهون من جونا .. .



أما الطيران الله يسلمج انا جربت القطرية وجربت السيلانية


طبعا السيلانية قرف والله...واذا معاج يهال ديري بااااااااالج تروحون عليها
معاناااة والترازيت مقرف يقعدونج اكثر من 3 ساعات
ومابراعون بالوزن...احنا طلع علينا وزن زايد بالردة 200 دينار لوووول انصدمنا
لان حاسبين الكيلو بعشر دنانير الحرامية .



وبالنسبة للمصروف من غير تذاكر وسكن على حسب مشترواتكم...
واعتقد مابين 3 الى 3ونص كافية

 

[bdora]

منو راحت الكاميرون بماليزيا؟؟؟

 

[banota]

منو راحت الكاميرون بماليزيا؟؟؟

انا رحت الكاميرون وايد حلووووووة
واي سؤال انا حاظرة
انا رايحة ماليزيا 6 مراات

 

[شهدQ]

المصرف اليومي من غير تذاكر وفنادق

140 دينار

شامل ( رحلات + اكل + تاكسي )

ارخص طيران السيلاني وراقي وبتوفرين اذا رحتي عليه بس مشكلته الترانزيت متعب بس راح توفرين اكثر من 400 دينار اذا رحتي عليه خليهم للمشتريات افضل التعب فيج فيج

الفنادق

العاصمه
طبي وتخيري بفنادق العاصمه وانصحج بفنادق قريبه من شارع العرب بوكيت بيتانج

http://www.daleel-malaysia.com/modules.php?name=News&file=article&sid=356

بينانج

http://www.daleel-malaysia.com/modules.php?name=News&file=article&sid=354

الانسب لج واقتصادي وموقعه مميز انصحج بي فيو بس اثاثه على قده بس موقعه باخر شارع الليل عشان ماتحتاجين تاكسي

اما اذا ودج تبحبحينها حيل فلايعلى على فندق شانغريلا راسا سنغ الي بشارع باثوفرنجي ( شارع الليل ) بس دبل سعر الفندق السالف ذكره

لنكاوي

http://www.daleel-malaysia.com/modules.php?name=News&file=article&sid=353

الصور قدامج حابه فندق او نظام اكواخ بس لاتاخذين اكواخ برجايا لنكاوي اذا معاج اطفال لان الحمام كاشف على الغرفه ( رومانسيه ) ههههههه بس ماتصلح للعوائل

المواصلات

http://www.daleel-malaysia.com/modules.php?name=*******&pa=showpage&pid=102

طبعا حجزها عن طريق الاتفاق مع نفس الموقع والعضوه دهن عود امدحت طريقة تعاملهم

طبعا المواصلات انا اخذها من الكشك الي برى مجمع تايم سكوير على حسب المكان بس انتم ماشاء الله عايله اتوقع التعامل معاهم اريح لكم

واي شي حاضر وبالشوفه مايردج الا الكيبورد بس مقابل الدعوه لعيالي

عسى الله يشافيهم ويخليهم لي

 

[meen_ana]

حبوبه اذا تبين راحت قلبج وتوصلين بوقت مناسب روحي على الكويتيه وقتها وايد حلو حتن وقت الوصول

 

[lolo6688]

حبيبتي روحي عالكويتيه احسن شي لانها تروح دايركت - الترانزيت متعب وخصوصا انتو وايد وطريج الطياره 7 ساعات ممل يو دايركت احسن
طبعا ماتروح دايركت الا الكويتيه والماليزيه بس الماليزيه بس موسم الصيف وقت السفر
واذا ماحصلتوا كويتيه سعرها زين روحوا عالاماراتيه وناموا ليله مناك بفندق المطار اريح لان مطارهم زحمه والقعده فيه اقل شي ساعتين او 3 ممله
طبعا مناك السكن احسن شي تقعدين بمكان قريب من شارع العرب
الصراحه مادل الشقق بس الفنادق الي بشارع العرف حلوه ( ماريوت - ريتز - ميلانيوم - ويستن)
ويومين او 3 قعدين بصن واي لاقون اهو منجع كبير نفس اكواريوم وفيه فنادق وسووق كبير
ويومين قعدي بجنتنغ تهبببببل منطقه عالجبل فوق بااارده وفيها العاب وسوق وكل شي بس فندقهم عيبه 3 مادري 4 نجوم بس عادي لان طول اليوم بره تكونون
وشوفي الحجز كل مامان مبجر كان ارخص سواء تذاكر او فنادق
فحاولي تقررين بسرعه وتحجزين بسرعه