الحديث اليومي لأهالي الداون

[داون سندروم]

فعلا هو مركز يعمل دورات وندوات لأمهات
وله اعلان عندنا

 

[داون سندروم]

هو المركز المختص الوحيد
وهذي تلفوناتهم
99807546
24821542

 

[ام محمود]

فعلا دورة رائعه
ماشاء الله هتشمل جميع الجوانب التي تهم امهات اطفال الداون
وهتكون فرصه للتجمع لنقل الخبرات
اعرف هناك سيدة عظيمه تعرفت عليها اثناء اخذ دورة تخاطب
وهي ندرت نفسها للمجال وماشاء الله موسوعه لا تترك ندوة او دورة الا وتاخذها وتعمل بهذا المجال ولها اعمال خيريه كثيرة
جعله الله بموازين اعمالها

 

[داون سندروم]

تعبناك معنا ام محمود
الف شكر حبيبيتي بارك الله فيك وبأمثالك
فعلا أخت فاضله ماسكة التدخل المبكر فى المركز _مركز الدوان
جميل انك تعرفينها وكنتو تاخذون دورات مع بعض
واحنا بدورنا راح نخليها مرجع لنا بما أنها كانت معاك
وخليك على تواصل بكويتيات
تحياتي الطيبه

 

[ام محمود]

امانه ان ذهبتم لها تبلغوها بتحياتي وسلامي الحار لها
وان رقم ها تفي تغير وساحاول اتصل بها عبر المركز

 

[مرمر]

السلام عليكم

عموما الداون جدا اذكياء وعلي قد ما تعطينهم يعطونج
انا بنتي تفرغت لها بالكامل من ولادتها والحين عمرها سنتين ونص اصفر من محمود ب18 يوم

جلست عمرها 6شهور ووقفت مبجر كان مشكلتها القلب اول ما سوت العملية وكان عمرها سنة ونص مشت لان فلبها كان تعبان وايد

تمشي وتركض وترقص انجليزي ونقازي وحتي علي دقني
الله يحفظها امين

تقول بابا
ماما
مم الاكل
نام للنوم
حبيبي
احبج
باب
بح يعني تتسبح وناشر علي شعرها
العاب
قول لما تشوت الكرة
يوهو وترفع ايدها لما تسوي شي مستانسة منه
تنادي اخوانخا وجدتها وخالتها باساميهم
وقت الغدا تنادي غدا
من تشوف علامة ماكدونالز تقول مم لانها وايد تحبه
تحب الكمبيوتر وتقعد جدامه وتحط السماعات علي اذنها
تكتب واحد من زمان وتسوي بيدها وتعد علي ايدنا الي الخمسة بس بدون لفظ
تنوم باربيتها تغني لها وتسدحها وتلحفها وتاشرلنا اش نام
تحب بارني وتقول بارن

تعرف برش تيث تسوي بيدها
تنادي بغض رفيجات خواتها
تلعب فتحي ياوردة
وتسوي الدباية
والرسوم المتحركة بباي
وتعرف تزعل وتمثل انها زعلانه الين نراضيها
بعبع عن الحيوانات
طبعا تعرف للموبايل وتضغط الارقام وبعدين تتكلم محد رد تقول بح
طبعا خرابيط بالتيلفون
طاط عن البطاط وايد تحبه
وتعرف الكريم وتدهن روحها لما احط لها شوية بيدها

الحمدالله اشتغلت ونلت والله تهبل وانا كنت بمشي بمراحل تعليمها بس ما اعرف انزل صور وما لقيت تشجيع من المنتدي مع ان تجاربي مع بنتي لله الحمد وصلتها للطبيعي ماعدا الثقل باللسان وفي فترة فكرت افتح بيتي للاطفال الداون اعلمهم للاسف فكروا اني ابي اتاجر وانا بخليها مجانا لاني مريت مع بنتي بكل شي
غيرت رايي
حتي الدكتورة صديقة العوضي شافت بنتي بمركز الوراثة الدكتورة اصرت علي عرضها عليها لمستوي بنتي
وطلبت اني اكون بمجلس الامهات واشارك بالدورات
للاسف كنت وايد اسافر لامريكا وتوني استقر بالكويت
بدون مبالغة حتي الدكاترة هناك سالوني شنو تعطينها
تدرون ليش

لان مافي خدامة مسكت بنتي من ولادتها الي الحين واذا اطلع اخواتها يمسكونها

عموما الله يشافي ابنائكم وابناء المسلمين اجمعين

 

[ام محمود]

ربنا يحفظها لكي وتقري اعينك بها يارب
فعلا اهم شيء هو البيت والام
ربنا يعينك علي فعل الخير وتفرحي بها وتزيدها بركه

 

[ام محمود]

اخيرا وجدت طفله بمثل عمر محمود
مرمر
ياريت نشوف صورتها
لكن هل اتبعتي عملك بدون توجيه ام ادخلتيها مركز تدخل
وما دور العاب الذكاء والادراك معها
نريد ان نستفيد منكي ونفيد اكبر قدر من الامهات ان شاء الله

 

[ام محمود]

اسمحوا لي اضع رابط لمهارات محمود
واسال الله ان يجعلها نفع للجميع
يمنع وضع روابط لمنتديات أخرى

 

[مرمر]

اخيرا وجدت طفله بمثل عمر محمود
مرمر
ياريت نشوف صورتها
لكن هل اتبعتي عملك بدون توجيه ام ادخلتيها مركز تدخل
وما دور العاب الذكاء والادراك معها
نريد ان نستفيد منكي ونفيد اكبر قدر من الامهات ان شاء الله

ماني عارفة انزل الصورة حاولت وايد بشوف عيالي اذا يقدرون بعد الامتحانات
اولا انا عندي ستة قبلها وكبار وبلغني الدكتور ثاني يوم ولادة طبعا خذيت اجازة الوضع وقدمت استقالتي علي طولونفرغت لها
ولاني معاها 24 ساعة حتي الليل ما انامه لانها كانت تعبانه بالقلب والدكتور يقول فتحة صغيرة وبس واحساسي ومراقبتي التامة وطريقة رضاعتها عرفت ان القلب تعبان وايد وراسلت مستشفي بامريكا بس كنت انطر وزنها يوصل الي 10 كيلو او تكمل السنة وخلال هالفترة ومن اول يوم ولادة عرفت مشكلت التركيز وتاكدت انها تسمع وتشوف بالبيت وبعدين وهي عمرها 5 ايام وانا والدة قيصرية مابقي دكتور بالكويت تخصص اطفال حكومة او خاص مارحت له وجمعت معلومات من كل دكتور
ولان تخصصي انجليزي دخلت علي سايتات بالانجليزي وهذا كله في فترة نومها والاب توب علي حضني اخاف انام ويصير فيها شي الله يحفضها
وسجلتها بكل مكان وراكضت علي اوراقها
والصراحة انا مااستفدت شي من التدخل المبكر حتي العلاج الطبيعي كنت احسها تتعب والدكتورة تقول عادي ووقفتها وراسلت الدكتور بامريكا عن الاعراض وطلع كلامي صح ان الثقب يكبر مع المجهود

والله اني ماكتبت علشان امدح نفسي اصلا كل من يعرفنا يتعلق بمرمر من حركاتها وطريقتها بالكلام والتصرفات
كنت بفيد الامهات خاصة الجدد

انا اللي سويته علي طول جمعت عيالي وعرفتهم باعلقة اختهم وانهم لازم يساعدوني وخليتهم يشاركوني ويفرحون فيها ويفخرون
حتي في ناس من اهلي يقولون ليش تقولين انها داون
رديت انا ما اكذب علي نفسي هي داون بس التحدي انها انشاءالله توصل الجامعة وهذا هدفي باذن الله

 

[ام محمود]

ربنايلغلك فيها حبيبتي
ويشفيها لكي ويبلغك مرادك
لكن غريبه بان ثقب القلب بيتوسع من المجهود غريبه جدا
محمود ولد بثقب ولكنه اغلق ولله الحمد بدون علاج او جراحه من فضل الله علينا
والاغرب باني كنت اتبع معه بنفسي تمارينه بالبيت ويبذل مجهود ولم يتاثر
الحمد لله علي كل شيء الله كريم عالم بحالنا
اختي ام مريم
والله ذكرتيني بطريقه تصفحك للنت
انا ايضا كنت اجلس علي الكمبيوتر ومحمود نائم علي ارجلي لاتصفح وابحث لاجد اي معلومة
ربنا يصبرنا ويعطينا القوة
ويبلغنا بهم
وبالفعل الاخوات بيفيدوا طفل متلازمة داون جدا
وماشاء الله ابنتك حظك بتفرغك وباخوة يداعبوها اسرعوا بتطورها
ونفس الحال مع محمود
اخوتة واطفال العائله اسرعوا بالتعلم لديه
ربنا يحفظ ابنائنا ويبارك خطاهم يارب
اتمني ان تستفيدوا وتسعدوا بهذة المواضييع
يمنع وضع روابط لمنتديات أخرى

 

[ام محمود]

والله اني ماكتبت علشان امدح نفسي اصلا كل من يعرفنا يتعلق بمرمر من حركاتها وطريقتها بالكلام والتصرفات
كنت بفيد الامهات خاصة الجدد

طبعا ما تفعليه هو ابتغاء لوجه الله والله يجعله بموازين حسناتك

وربنا يقدرك علي خدمه الجميع و
تحميل صورة ابنتك وهذا رابطالتحميلhttp://www.arb-up.com/
اي موقع تحميل للصور واكيد صوره ابنتك هتكون مخزنة بالجهاز
هتحمليها وهتنسخي الرابط الخاص للمنتديات وتنزليه
وان شاء الله تقدري تنزليها يارب

 

[ام محمود]

انسخي الرابط الاخير كود المنتديات
هذة صورة لمحمود بعمر شهور

 

[داون سندروم]

هلا بأم محمود
شخبارك عساك بخير
مرمر
صراحه ماهقيت مرمر عندها تطورات ممتازه وبخلانه علينا جذيه
يعني لولا ام محمود ما كتبتي انجازاتك مع بنتج يامرمر
على العموم انا صارلي فترة وانا اطلب من كل ام تكتب تطورات ولده ابو بنتها
وام محمود راح تكون فاتحة خير على قسم الداون
يلا يلا أمهات طالبو بقسم مثبت لنا
تحياتي لكم :ggdw:

 

[ام محمود]

هههههههه اسكتي يا اختي داون سندروم اتركيها تبدع
الله يجازيها الخير

 

[داون سندروم]

والله ما قلت شي ام محمود
بس فعلا انا دايما اطالب ولا اجد مطالبه من امهات الداون حتي الحديث اليومي
الله يهديهم نادرا ما يشاركون

 

[داون سندروم]

ام محمود انا كنت باسئلك
تمارين الأصابع واليدين ايضا نستمر فيها لغااية كم سنه؟؟؟

 

[meme23_80]

الرد على مرمر

هلا فيج حبوبه

اول شئ ماشاءالله على بنتج والله يخليها لج ويحميها من العين

بصراحه وايد ونستيني بكلامج
وانا اقرى كلامج خذتني العبره وقمت ابجي ولاتساليني ليش مادري
انا اول مااشوف اي ياهل داون ابجي لاشعوريا
او اسمع او اقره احد يقول قصة وليده الداون اقعد ابجي من غير شعور
ماني عارفه ليش
انا بنتي عمرها الحين 6شهور توها داشه السابع
وانا قعدت من الدوام عشانها وليلحين ماخليت الخدامه تجيسها ومااحب احد ياخذها مني.. احس ان ماحد يعرفاها او اخاف يعورنها مادري والله مادري ليش بس اخاف حتى اطلع من باب البيت لاتمرض قبل مااطلع افكر اللف مره عشان اطلع لاني وايد احاتيها ادري اني ابالغ وايد
بس والله لو شفتوا اللي شفته انا يوم عمليتها كنتم عذرتوني مسويتلها 3 عمليات بقلبها
وانشاءالله بقولكم على قصتها يوم العمليه

 

[داون سندروم]

هلا ميمي
شخبار بنيتج عساها بخير

 

[meme23_80]

ميمي وين مشاركاتج بنوتج شخبارها
وين وصلت بالمهارات طمنيا؟؟؟؟؟؟؟؟

والله الحمدالله زينه ميمي وامس كان عندها موعد لدكتور القلب وقال زينه بس الخياط بارز لي بره بس قالي عادي بتجميل يروح
انا اراجع لبتي بمستشفى النفط بالاحمدي
وبخصوص الحركه.. ترفع راسها بس مووايد بسرعه تتعب مادري ليش
بس الانتباه زينه ماشاءالله.. بس التركيز ماتركز وايد
ولما انومها على بطنها ماتكمل 5 دقايق تقعد تبجي وماتبي .. وليلحين ماتحبي .. اهي الحين ادخلت بالشهر السابع.. احس متأخره ولا عادي..واحاول اقعدها تطيح ماتقدر تقعد..بس لوقعدتها على كرسي عادي تقعد..بس انا خايفه ان ليلحين ماسويتلها علاج طبيعي يقصر معاها خصوصا ايدها احس ماتستخدمها وايد ولو تبي شئ تستعمل فمها ماتستخدم ايدها انا قاعده احاول معاها بالتمارين اللي قاعده اقراها من تجاربكم مع عيالكم
بس ابي اعرف مافي اي عياده خاصه اومستشفى تقدر تسويلها علاج الطبيعي
وبخصوص المراجعه مافي احد شافها من بعد مارجعت من امريكا بقسم الوراثه قالوا احنا بندق عليج ومافي لاحس ولاخبر... يعني مافي دكتور خاص بالكويت اقدر اراجع عندنا فيدوني الله يخليكم