الحديث اليومي لأهالي الداون

[مرمر]

يعطيكم العافيه على المجهوووووود
بصراحه
انجاز
الله يشافي لكم اعيالكم يارب
ام مرمر بصراحه انتي انسانه راااااااااااائعه
وصج
صج
صج
صج
صج
ماقصرتي الله لا يحرمج من الاجر
وانتي مبدعه كثر الله من امثالج وهذي الهقوه فيج يالغاليه
ونبي نسمع عن انجازاتج لانها صج تشرف
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ام محمود
عطاء تشكرين عليه
وسلمت يداكي اختي الغاليه
وان شاء الله تفرحي ب محمود

حبيبتي والله
ماقصرتي حبيبتي

انا ابتعدت فترة لمرض مرمر

اسم الله عليها مرمر مثل ما قلت تكتب 1 وتقول ون تو والباقي ثقيل علي لسانها بس تسوي لنا بيدنا العدد حدها 5
طبعا حتي بطل الماي تطبل عليه وتحطه تحت اباطها وتغني حبيبي آآآآآآه حبيبي
وين باجي الغنية ضمير مسستر تقديره ؟؟؟؟؟؟؟؟؟؟؟؟؟؟

طبعا تقول شو يعني جوتي وانتوا بكرامه شوز وتركض كبتها وتطلع جوتي واذا قلت لأ ثاني تقعد تطلع لين تييب اللون المطلوب والحمدالله وماشاءالله تطلع الطبجتين نفس اللون

وتعرف اذا الجوتي وانتوا بكرامة مسكر لازم دلاق فتفتحت جرارة الدلاقات وطلع

طبعا عادي تلقين لبست من جواتينا وشالت جنطة وقالت باي وتسوي لنا بيدها وبوسة وين تروحين مرمر
ترد ديد عاب يعني بتروح الالعاب وديد السيارة

طبعا ذابحتنا تفتح البوك لوس يعني فلوس مرمر شنو نشتري من الجمعية تقول واوه حلاوه - بطاط - عج علج
واذا قلنا جمعية التفت علي ابوها ولا علي تمد ايدها لوس

طبعا تهبل مع العابها

تنومهم تدور فيهم وهي لامتهم وتقول لولو وتحط اصبعها علي حلجها اش نام
تحطهم علي الارض وتروح بعيد تفتح ايدها وتقول هلاهلاهلاهلاهلا
وتييب البامبرز وتلبسهم صح بس الا السكيره مالته ماعرفت لها ولا جان مانلحق علي البامبرز
واذا سوتها يات سكرت خشيمها وع وع وع يعني خايس

حق الطلعة لازم ميم يعني كريم -تس تس العطر - باصه شباصة مع انها ماترضي نمشطها وصراخ
بادين انا وخواتها معلمينها ئي بي سي دي هذولا اللي عرفتهم
واحاول بالجمل المركبة والالوان

لاتتوقعون لان انجليزي فليبينية تعلمها انا تخصصي انجليزي ونعودت اعلم عيالي الانجليزي من صغرهم
ولله الحمد الي الحين الخدامة دورها فقط تركض وراها بالالعاب وجمعتنا ما اعتمد عليها حتي بالاكل لان التغذية جدا مهمه لهم

خل اخلي الشغلات الثانية للمرات الثانية موكلها الحين
مرمر حياتي مواليد 25-6-2006

ناطره تعليقاتكم علي عسولتي ومرمرتي اللي من اقول لها منو احلي بنية بالعالم ترفع ايدها

 

[الصابرة المحتسبة]

باسم الله عيها ويارب يحفظها ويخليها لعين ترجيها

 

[مشاعل الشمري]

ياحياتي الله يحفظها لج
ودوم الدوم تطور
وهذا الشي مايه من فراغ الا من
الله ثم تعبج ووقفتج معاها:ggdw:

 

[مرمر]

يارب الله يفرحكم بعيالكم ولا يلوعكم عليهم

سبحانه عيالنا والله يعلمونا الصبر والمثابره

الله يخليهم لنا

 

[العبدة أم كشة]

ماشاءالله أم مجتهده شوفو حركات بنتها
مرامر عيدميلادهها هالشهر كل عام وهىبخير يعنى على المدارس تروح روضه
لكن ما قلتى كم نسبة ذكاءها اللى تطوري سووه لها اكيد قبل ما سويت اورقها طلبو الذكاء
يابختك بنتج ذكيه عطينا مفصل لأنهم يفصلونالأختبار مفصل علشان اللأمهات يستقيدون
مع ان التطوري كله يعطون العيال 30 او حدهم 50 هذا الذكى فقط والباقى كله اقل
ناطرينج لا تطولين علينا يالغاليه

 

[مرمر]

ماشاءالله أم مجتهده شوفو حركات بنتها
مرامر عيدميلادهها هالشهر كل عام وهىبخير يعنى على المدارس تروح روضه
لكن ما قلتى كم نسبة ذكاءها اللى تطوري سووه لها اكيد قبل ما سويت اورقها طلبو الذكاء
يابختك بنتج ذكيه عطينا مفصل لأنهم يفصلونالأختبار مفصل علشان اللأمهات يستقيدون
مع ان التطوري كله يعطون العيال 30 او حدهم 50 هذا الذكى فقط والباقى كله اقل
ناطرينج لا تطولين علينا يالغاليه

حياتي والله
وانتي بصحة وسلامه
موعدي لاختبار مستوي الذكاء الاسبوع الجاي انشاءالله لان مرمر صار لها فترة وايد تعبانه وقبلها صار لي جم ظرف

وانشاء الله ازوكم بالنسبة
بس انا كنت بامريكا مراجعة حقها الدكتورة هناك نادت دكتورة متخصصة بالداون وسوت لها جم اختبار والحمدالله نسبتها عالية
وسالتني الدكتورة عن علاجها او دوا اعطيها لها للوصول لهالمرحلة

1- ماء زمزم من اول يوم ولادة حق كل شي اسبحها - رضعتها - مايها للشرب -كل شي نفكرون فيه
2- قراءة القران عليها من قبل صلاة الفجر حتي طلوع الشمس بالتناوب انا وابوها
3- استقالتي من عملي بعد انتهاء اجازة الوضع حتي تاريخه
4-التفرغ لها تفرغ كامل ما قعدت عند خدامه علشان ما تتلخبط اللغة والافكار عندها
5-كل شي تسويه او تشربه اقول لها شنو اهو واسمه واكرر عليها تبين عصير او ماي مع اني ادري انها تبي ماي خليها تعطي لكل شي كلمة وانتي شوي شوي غيريها المهم كل شي له كلمه او حركة او صوت
6-الاكل جدا مهم والتغذية جدا مهمة لا تعتمدين علي خدامه
7-من الاربعين يبت طبيبة صينية مالوت المساج البيت لان كان فيها رخاوة وسوت لها مساج وتعلمت منها وكنت اسوي لها عند كل غيار بزيت الزيتون ولله الحمد مشت علي عمر سنه ونص
انا بنتي ما يصلح لها العلاج الطبيعي لظروف قلبها وبعدين سويت لها العملية بامريكا فكنت اعتمد علي المساج واحط ايدي تحت ريلها وتكون الريل مو ممدودة طبعا راح تتضايق وتدز عمرها علشان تريح ريلها
وهذا التمرين يعطي قوة للريل
ككاو نوتيلا حطيت اصابعها فيه واخليها تلحسهم لانه لذيذ هالحركة تتعرف علي ايدها وتتحكم باصابعها خصوصا كانت فيه تشنج بيدها اليمين والحمدالله تغلبنا عليه
عقب ما تحكمت بيدها يبت لها كرة صغيرة ام 100 فلس تلعب فيها بايدها علشان حركة اصابيعها
8- اهم شي التركييييييييييييييييييييييييييييييييييييييييز
كل شي يضيع اذا مافي تركيز بالاربعين لاحظت ان نظرها ما تركز في مكان واحد وعلي طول تطالع السقف
قمت احط الالوان بوجهي تطالع شوي وتوخر اغير الالوان راح ترد تطالع واذا ملت يبت الالعاب اللي فيها صوت واضواء وقمت الازعاج واشغلها
كل من يقول لي من صجج توها صغيره ولا ما تفهم شي حتي الطبيعية ماراح تفهم مو الداون
الحمدالله استوعبت وبدت تركز معاي شوي شوي لين صار اهتمامها لي

 

[العبدة أم كشة]

بس انا كنت بامريكا مراجعة حقها الدكتورة هناك نادت دكتورة متخصصة بالداون وسوت لها جم اختبار والحمدالله نسبتها عالية
وسالتني الدكتورة عن علاجها او دوا اعطيها لها للوصول لهالمرحلة

الله يطمنك طمنتينا عينى كم عالية فرحينا؟؟؟؟؟؟؟؟؟؟؟؟؟؟؟؟؟؟؟؟؟؟؟
شنو صار على موعدك مع اختيار الذكاء ترا ناطرين على احر من الجمر يلا مرامر يلا فرحي خواتك ترا ندعيلك نتيجة مرمر
بشارة خير لا تبخلين علينا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولك البشارة

 

[مرمر]

ويه ويه مرامر عسى النتيجه خير :krkrkr:
اخاف النتيجه مو زينه؟؟؟؟؟؟؟؟؟؟؟؟؟؟
طمنيا شغلتيني عليك يارب انا قلت ما يعطون الواحد حقه الأمهات كل يوقلون جذيه .؟؟؟؟؟؟؟؟؟؟؟؟


ناطرينج ناطرينج

لاوالله ما كملت اوراق الروضة وفي وقت واذا طاف ادخاها اول كورس علي حسابي
اسفة اهي حضانه مو روضة لان الروضه حدها مواليد 15-3-2006

مرمر دخلت المستشفي قبل موعدها بيومين وقعدت اسبوع
وضاع الموعد لازم الحين احدد مرة ثانية موعد اختبار الذكاء

حبيبتي انا عارفة مستوي بنتي وذكائها والحمدالله وماله داعي اسلوب الطنازة
وانا شاكه 90% انج داون سيندروم
انشاءالله اذا سويت لها الاختبار انزله بالمنتدي مصور علشان محد يشكك بتغيير الارقام

انتي ما ذكرت شنو اعاقة ولدج او بنتج

تحبين اعطيج موعد اختبار الذكاء تحضرين معانا انا ما عندي مانع بالمرة

 

[HearT ChocolaTe]

فديتج مرمر أحبج في الله ترفعي عن الغير ... وما في حد بالدنيا كلها يقدرر يشكك في مقدرتج
على عطائج لمرمر .. وعسى الله يفرحنا بغلاتنا مشافيه معافيه
ونسبة الذكاء إن شاء الله لاحقه عليها ... والأوراق ما تهم أي أم فالدنيا
هذي كلها شكليات رسميه حق الملفات يا أختي الفاضله ( العبدة أم كشه )


عضواتنا الفاضلات
الرجاء إحترام الغير وعدم التلفظ بأي كلام جارح لأي عضوة

 

[ام محمود]

اهلا وسهلا بالصحبه الحلوة

 

[الصابرة المحتسبة]

للتواصل

 

[eng.jacvara]

مرمر
ماااااااااااااااااااااااشاءالله علييج
عسى الله يخليلج بنتج
اسم الله عليها بالصورة تهبل
ماشالله واي مهتمه فيها عسى دوم انشاءالله
انا اختي الصغيرة داون وعمرها الحين 21 سنة
ماشاءالله عليها ذكية حيل وسوالفها تهبل تضحك والكل يحبها
الله يخليلها لنا انشاءالله

 

[مرمر]

هلا غلا

احاول ابعث لج لي الخاص مايروح المسج
اي والله يجننون
الله يخلي لج اختج شلونها وشلون سوالفها

والله نوارة بيتنا ومجمعتنا وماترضي تاكل الا تنادينا كلنا

 

[الصابرة المحتسبة]

رفع

 

[الصابرة المحتسبة]

رد : الحديث اليومي لأهالي الداون

رفع

 

[الريادة]

رد : الحديث اليومي لأهالي الداون

أم مرمر
ما شاء الله علييج فعلا أم بمعنى الكلمة
الله يبارك في جهدج و حرصج و إهتمامج
من جدّ وجد و من زرع حصد