حصري (( تبييض الاسنان )).. سؤال و جواب ..

[دكتورة أسنان]

التبيض هذا يعني اكثر امان واضمن للون يعني ؟؟؟

حبيبتي هذا مثل ماذكرت سابقا نفس نتيجة الليزر بس الفرق انه يحتاج عدة جلسات فقط

دكتورة انا قبل تقريبا 5 سنوات كان عندي مشكلة بسن من الأسنان الامامية بالفك العلوي
شال الدكتور العصب وحطلي حشوة راح الالم والمشكلة اللي كانت عندي
لكن مع الوقت تغير لون السن صار فيه بالنص مثل البقعة الصفرا

شنو الحل ؟؟؟

حبيبتي يمكن يكون جير .. راجعي طبيبج لاجراء الفحص اللازم طالما ماكو عصب معناته الضرس ميت

 

[**كتكوته الحلوه**]

يعطييج العافيه حبيبتيي بس الله ماكثر العياداات وأحنا عن جد محناا عارفيين وشكرااا

 

[دكتورة أسنان]

يعطييج العافيه حبيبتيي بس الله ماكثر العياداات وأحنا عن جد محناا عارفيين وشكرااا

الله يعافيج حبيبتي حياج الله

 

[@ام ضاري@]

يعطيج العافيه حبيبتي ع المجود اللي بذلتيه ماتقصرين والله

انا استعمل المره والملح يبيضون اسناني بس يبي استمرارر واحيانن انساهم وافرش في المعجون

والحمدلله ماعندي مشكله فيهاا وخاطري ابيضهم في عياده

 

[يالبا قلبي]

مرحبا دكتورة

انا اسناني شوي صفر مع اني مهتمه فيهم ... ابي ابيضهم شتنصحيني فيه ليزر ولا قشرة سيراميك
انا ابيهم بياض هوليودي ابيهم ابيض درجه بصراحه

 

[Shams O Gomar]

يعطيج العافية اختي عالموضوع المفيد

وعساج عالقوة

 

[حره ياعذالي حره]

هلا دكتوره انا بسوي تبيض في اى عياده تنصحيني ومشكوره ع المجود اللي بذلتيه

 

[دكتورة أسنان]

يعطيج العافيه حبيبتي ع المجود اللي بذلتيه ماتقصرين والله

انا استعمل المره والملح يبيضون اسناني بس يبي استمرارر واحيانن انساهم وافرش في المعجون

والحمدلله ماعندي مشكله فيهاا وخاطري ابيضهم في عياده

الله يعافيج ..

لا حبيبتي الملح و المواد الخشنه و الليمون خطر جدا على الاسنان يضعف المينا و يسبب تكسر الاسنان و حساسيتها على المدى البعيد .. ديري بالج
اما التبييض فايضا فيه مضار ولكن لن تكون بهذه القسوه فاذا ماتحتاجين التبييض ماله داعي تدخلين بمتاهات

 

[دكتورة أسنان]

مرحبا دكتورة

انا اسناني شوي صفر مع اني مهتمه فيهم ... ابي ابيضهم شتنصحيني فيه ليزر ولا قشرة سيراميك
انا ابيهم بياض هوليودي ابيهم ابيض درجه بصراحه

هلا حبيبتي ..

انا ما انصح بالتبييض بس اذا تبين مده اطول اختاري القشور ... بالحالتين الاسنان راح ترد لوضعها السابق ولكن مع البورسلان اطول اكثر ..بس يكون عندج استعداد كل 5 الى 6 سنين تغيرين القشور و اذا سويتيهم مره مافي رجعه لازم تلتزمين تغيرينهم لان لون الحواف راح يتغير ..

 

[دكتورة أسنان]

يعطيج العافية اختي عالموضوع المفيد

وعساج عالقوة

الله يعافيج حبيبتي مشكوره

 

[دكتورة أسنان]

هلا دكتوره انا بسوي تبيض في اى عياده تنصحيني ومشكوره ع المجود اللي بذلتيه

اهلين حبيبتي والله ما عندي علم السموحه

 

[عاشقة الجناات]

مشكووووووووووووووره اختى ويعطيك العافيه

 

[Chocolate Milk]

قوه شلونج

انا ودي اسوي تبيض انشالله

دام عمري داشه ال 17

شنو تنصحيني

الليزر و البرايت سمايل والبلازما

وشالفررق بينهم بس شكل الأجهزه ؟

والمده شكثر ؟

وايهو اغلى ؟

يعطيج العااااااااااااااااااااااااااااااافيه

 

[دكتورة أسنان]

الله يعطيكم الف عآفيه


يتروآلي آكثر آدميه بالكويت تحتآج هالموضوع هي ( آنـا ) وبكل فخر واعتزآز < الحمدالله والشكر ; p


دكتوره عندي جم سؤال سوري بغثّج شوي = )


آنا الله يسلمج ضروسي وايد وايد تلوع الجبد يعني لو اصورلها لج ماراح تنامين الليله وبكل تأكيد طبعاً


فـ هالشغله وايد مأثره ع ثقتي بنفسي حيل حيل كارهه عمري !


يوم كنت صغيره كنت افرشها دايماً وكنت اخلّص المعجون ( سقنل ) بغضون جم(ـن) يوم مايطول إلا وهو خالص


< تستانس عليه ههههههههههههههههههههه


شسوي طعمه يهبل ولا زال طبعاً ! الله يذكره بالخير اللي صانعه = )


انزين فـ استمرت معاي هالشغله سنين يعني كنت وايد حريصه ع ضروسي بعدها كرهت المعجون !


وماهمني فرشتهم او لا ألحين مهما اسوي ما اسوي ماكو فايده


السؤال يقول :


عادي بسني الصغير ( اقل من 20 سنه ) اركب طقم ؟! ولا عيب مايصير ؟!


هالشي ماينفع إلا للكبار صح ؟!


لأني كرهت عمري حيل وكل اللي حواليني يقولون لي ضحكي ابتسمي ولا ابتسم ليش !


ضروسي هي المشكله وايد وايد متأزمه من هالمشكله ! خاطري بضروس حلوه


اقصد الدكتور لا شاف ضروسي بيسوي لي خصم 50 % !


اي خصم اي بطيخ ! بيقولي تكفين بـ بلاش اسويهم لج بس عدليهم ..


ولا واحد من ضروسي صاحي .. فـ هالشي مأثر ع نفسيتي حيل !


والله ولا واحد .. مادري شسوي ؟!


سوس ع جير ع كسر ع واحد كبير والثاني نمله ولو ان ابتسامتي تهبل بس هالشي مانعني = )


حتى اللثه وايد واايد وايد تعبانه !! حيل تعبانه بشكل مو طبيعي ولا رحت الطبيب عشان السوس لثتي تنزف دم


ماقمت اروح الطبيب لأني اخاف اتألم بصراحه


< تمسح دموعها


قوليلي شالحل ؟!








​

الله يعافيج حبيبتي

الحل اكيييييد انج تروحين الطبيب اول تنظفين الجير و تهدين الالتهاب و تالي تعالجين التسوسات و بعدين اذا في شغل ثاني راح يقولج عنه الدكتور .. اما بالنسبه للطقم فبسوي روحي م سمعت هالكلمه علشان مرارتي الله يعافيج :eh_s(2):

توكلي على الله وروحي من باجر قبل لا يفوت الاوان على قولتهم و تالي بتتحسفين .. و طمنينا عليج

 

[دكتورة أسنان]

مشكووووووووووووووره اختى ويعطيك العافيه

الله يعافيج حبيبتي

 

[دكتورة أسنان]

قوه شلونج

انا ودي اسوي تبيض انشالله

دام عمري داشه ال 17

شنو تنصحيني

الليزر و البرايت سمايل والبلازما

وشالفررق بينهم بس شكل الأجهزه ؟

والمده شكثر ؟

وايهو اغلى ؟

يعطيج العااااااااااااااااااااااااااااااافيه

هلا حبيبتي

ماكو فرق بس الاسم و الجهاز بس و بما ان البرايت سمايل احدثهم فهو الاغلى و كلهم بجلسه وحده

الله يعافيج حياج الله

 

[frfoora]

قوه .......ابي اسأل عن التييض اللي يسمونه ابتسامه هوليود ماله اضرار؟ البنات يمدحون مبيض مؤقت عند الصيدليه اذا عندي مناسبه احطه بس انا ابي دائم علماً بأن اسناني نظيفه بس مو بيضه مصوفره لما احط الحمره لونهم مو حلو

 

[rayoomao-bas]

ميرسي ومنكم نستفيد

 

[SARA88]

يعطيج العافيه اختي على طرحج لهالموضوع ... و اشعلينا عندنا بنات بروفيشونال حق كل تخصص يا بختنا والله .. انا ودي اسوي تبيض اسنان بس عندي ضرس شايلته.. و متوهقه يا اني اركب جسر او اسوي زاعه .. اذا جسر حسافه يبردون ال 3 اسنان و يختربون احس(( ادري دشيت بموضوع ثاني ماله شغل بهذا )) لوول .. افضل الزراعه .. وين تنصحيني اسويها.. و هل تنصيحيني اني اسوي تبيض قبل الزراعه او عق و يعطيج العافيه حبوبه ..

 

[دكتورة أسنان]

قوه .......ابي اسأل عن التييض اللي يسمونه ابتسامه هوليود ماله اضرار؟ البنات يمدحون مبيض مؤقت عند الصيدليه اذا عندي مناسبه احطه بس انا ابي دائم علماً بأن اسناني نظيفه بس مو بيضه مصوفره لما احط الحمره لونهم مو حلو

اهلين ..
حبيبتي اهو نفسه البرايت سمايل اللي ذكرته .. مضاره طبعا اي نوع تبييض مضاره حساسية اللثه و الاسنان للاسف ماكو تبييض دائم