مشكوره حبي على الرد :tek:
ولدي مستحيل اخليه بعد عيني اهو قلبي مايعطيني أخليه
واذا على بارني اهو غراامة بارني من نصبح لين نمسي وبارني يطحن بالتلفزيون
وانا ريلي نتبادل ادوار عشان نلعب شنسوي بعد انقزرها
بس بارني أمو لايف شو يعني ولا شنو ؟؟؟
كات الشو مال بارني لايف شو .. تشوفون بارني وربعه واهوا يرقص ويغني على المسرح جدامكم وعقب الشو يروحون اليهال يصورون وياه .. بس لازم تروحين مبجر للعرض لان اخر عرض عندهم الساعه 5 او 6 ماني ذاكره فاول ماتروحين اليونيفيرسال بدي هالعرض لووول
وترى اليونيفيرسال فيها شغلات حلوه بعد لليهال مدينه مائية الماي يطشر عليهم من كل صوب اسمها كيريوس جورج وايد تونس لليهال انا اعيالي بالغصب شلعتهم من اهناك بس يركضون والماي يطشر عليهم من فوق وتحت وكل مكان والتعب علي انا الام بالتنشيف والتلبيس لووول بس والله بتستانسين من وناسته انشالله وفي العاب كات ان ذا هات هم حلوه لليهال والكبار
انا اول يوم كنت اروح ويا عيالي صغار حيل مايعرفون هالالعاب بس الحين ليش شافوا الرسوم والافلام عن هالشخصيات والالعاب افهمومها واستانسوا فيها وانشالله ولدج لي كبر بعد تودونه مره ثانيه
بنات السؤال اليديد اهو ؟؟؟
شسالفة تذكرة ديزني سمعت ان لازم تذكره وآخذها اسبوع او اكثر يعني شلون احجزها ؟؟؟
اهني من الكويت؟؟؟
ولا اهناك ؟؟؟ واهناك وين ؟؟؟ وبجم؟؟؟
كاات تذاكر ديزني على حسب في ام يوم ويومين و3 ايام و4 ولين 10 ايام
الحدايق 4 في ديزني ويبيلج اقل شي يوم كامل علشان تخلصين الحديقة الوحده انا عن نفسي العام خذت مني الحديقة الوحده يومين وماخلصتها كلها بعد لووول علشان جذي خذيت التذكره ام 7 ايام وكل واحد على حسب بالنسبه لج انصحج تاخذين ام 4 ايام او 5 "تحسبا لحالة الجو ساعات يصير مطر يخرب عليج يومج" لان ولدج اصغير واغلب الالعاب عائليه الا جم لعبه مثل ايفريست والعاب الرولر كوستر والعاب الرعب فاعتقد بالنسبه لاول مره تذكره 4 او 5 ايام لديزني كافيه
اليونيفيرسال يسوون عروض الحديقتين لمدة 7 ايام متواصلة "ورا بعض" بسعر اليومين وانا كنت اروح يوم وترك :eh_s(6):
حبيبتى روونه ما تقصرين دايما ذاكرتني بس والله والله انا داااايما موجوده و اقره كل كلمه تكتبونهه
بس تذكرت معلومه اليوم يمكن تفيد البنات اللى بيممرون نيويورك
اذااااا بيروحون تمثال الحريه ويبون يركبون فوق لازم يحجزون التذاكر من موقع على الانترنت احنه اخر مره جذى قالولنه بس دووورت الحين على الموقع ما حصلته
هلا ديجيتال ..
اي عدل كلامج لان يوم رحنا نيويورك ابوي ماكان حاجز قبل لتمثال الحريه ويوم رحنا اهناك زحمة مووووووووووووت ماتقدرين تدخلين واعتقد ابوي ماقدر يحجز وماصعدنا فوق .. فالافضل اللي تبي تصعد تحجز قبل واذا لقيتي الموقع ديجيتال عفيه حطيه للبنات .. ميرسي 
راونا ماتفقدين غالي حبيبتي
خبر مو حلو ان الدولار ارتفع
بالنسبة حق السفر انا افضل الترانزيت وتريحون ليلة
انا رحت كويت لندن ونمت ليله بلندن واليوم الثاني لي نيويورك لاني مسافرة على الكويتية
ونمت بنيويورك ليله
واليوم الثاني سافرت الولاية الي ابيها
انا افضل جذي
ويييييييي توفي انا لو اسوي جذي اكتئب لووووووول ما احب انزل جناطي وارد اخذهم "عيز" لووول احب اجكها مره وحده واوصل ولا احاتي جناط ولا طريج ولا مطار ولا طياره مره ثانيه
يعني اركب الطياره واسمتها نومه عادي ساعات انام طول الرحله او على الاقل 10 ساعات الرحله دايركت 14 ساعه اقعد اول ساعتين بعدين انام واقعد اخر ساعتين علشان ارتب اليهال لانهم ينامون معاي بعد فمااحاتي شي ولما اوصل المطار الترانزيت مو وايد ساعتين بالكثير 3 ناكل لنا شي فيهم وناخذ الطياره اللي تودينا لاورلاندو والدرب ساعتين بالطياره من دي سي يعني عادي بالنسبه لي اكون مصحصحه وبس اشم ريحة اورلاندو يروح كل التعب ويختفي اي اثر للنوم وماانام اذا وصلت علشان ما تعتفس نومتي اروح اقضي اغراض الجمعيه وهالسوالف وتالي انام مبجر وتلاقيني من الفير قاعده لوول
سلام مربع...طبعا من اقرا التجمع اشتط زياده..واليوم شيكت على القطريه لقيت عندهم خط لهيوتسن ومنها لين لوس انجلوس وبيفتجونه في شهر مارس..بس الرحله 21 ساعه!!!!!!!!!!!!!!!!!!!!!!!!!
شلون تروحين روونا كل هالطريج دايركت!!!!
احسه تعب..زوجي يقول نروح لين سنغافوره مثلا ونبات فيها وعقب نكمل لين لوس انجلوس احسن...
على فكره بنات انا من قطر يعني الدلتا ولونايتد ماعندنا
طوق حبوبه مو 21 ساعه يعني بتظلين طول هالمده بالجو!! لا تطيرين من قطر دايركت لين هيوستن اعتقد 15 ساعه بعدين ترانزيت ساعتين او 3 على حسب شنو حاطين لج بعدين من هيوستن لين لوس انجلوس 3 ساعات؟؟ مادري اشكثر بس جذي طريقتهم انا بالنسبه لي احب الدايركت اريح لي انا خصوصا مع يهال ما احب اوقف وايد علشان لا انا امل ولا هم يملون على الاقل بالدايركت يحطون راسهم وينامون لين جريب نوصل انا لاني مجربتها فعارفه انها اريح لي وكل واحد على حسب شنو يحب اكثر وشنو اللي يرتاح منه
السلام عليكم ورحمة الله وبركاته
انا مسافره من شهر 8 اللى طاف لأمريكا مع ريلي يدرس وانا بفلوريدا
وارلاندو قريبه عندي
وناااااااسه تبعد عنا ساعتين
وحابه اعطيكم عنوان موقع للى بيدرس بأمريكا
www.mostajed.com
وابيكم تدعولي ان الله يرزقني الشهر هذا بالحمل
لاني بغربه وبروحي
هلا حبوبه ..
انتي وين بتامبا فلوريدا؟؟ استانسي كثري ماتقدرين اهناك وانشالله الله يرزقج وتحملين وتيبين بيبي تلهين وياه شوي وترى اول شي لانج بروحج وماعندج شي يشغلج بتحسين بالغربه وبملل بس تالي راح تشتاقين لهذي الايام فاستمتعي فيها كثر ماتقدرين
وموفقه يارب :tek:
