سؤال لكل وحدة تشتغل كروشيه

[Nokia N95]

السلام عليكم بنات

ياليت كل وحدة تقول لنا شلون تشتغل بالكروشيه

مثلا .. بغيتي تسوين كبوس او وردة

تدورين بترون بالنت ؟ عربي والا انجليزي ؟ والا عادي عندج ؟
والا عندج كتب او مجلات ؟

او خلاص ... بالنظر بديتي تعرفين شنو تسوين ؟

 

[أم هـجـرس]

السلام عليكم غاليتي

بالبداية لازم يكون معاج الباترون علشان يطلع معاج الشغل دقيق وبقياسات دقيقه

ثاني شي يالغاليه في اذا عرفتي للباترون راح تصيرين محترفه بالكورشيه وراح يكون بالنسبه لج شي جدا سهل



هذي الصفحه مالي غنى عنها الصراحه حيل فادتني

مسكيها من اولها وحفظي شكل الغرزه مع التطبيق مالها وبهالطريقه راح تكونين حريفة كورشيه

وبالتوفيق

 

[q8iaSaMrA]

مراحب

بصراحه انا تعلمت من وحده لبنانيه هناك بلبنان وعلمتني الغرز وصرت بالنظر اعرف بدون باترون وساعات ادش اليوتيوب واكتب كلمه كروشيه وراح يطلع بالفيديو الطريقه بالنظر والواحد اذا حب هالشغله راح يتعلمها بسرعه وتصيرين تشتغلين بدون حتى بترون

 

[miss-fofo]

اذا شغله ما تعرفينها بالباترون واذا تعرفينها ومتعوده تسوينها بالنظر بس

وهم اشتري مجلات انجليزي وعربي

 

[princesse X]

السلام عليكم بنات

ياليت كل وحدة تقول لنا شلون تشتغل بالكروشيه

مثلا .. بغيتي تسوين كبوس او وردة

تدورين بترون بالنت ؟ عربي والا انجليزي ؟ والا عادي عندج ؟
والا عندج كتب او مجلات ؟

او خلاص ... بالنظر بديتي تعرفين شنو تسوين ؟

كل ماسبق

 

[Nokia N95]

السلام عليكم غاليتي

بالبداية لازم يكون معاج الباترون علشان يطلع معاج الشغل دقيق وبقياسات دقيقه

ثاني شي يالغاليه في اذا عرفتي للباترون راح تصيرين محترفه بالكورشيه وراح يكون بالنسبه لج شي جدا سهل



هذي الصفحه مالي غنى عنها الصراحه حيل فادتني

مسكيها من اولها وحفظي شكل الغرزه مع التطبيق مالها وبهالطريقه راح تكونين حريفة كورشيه

وبالتوفيق

مشكوووورة على الصفحة ...
انا مسوية لي ملف بالبيت فيه كل غرزة وشلون اسويها واسمها ورمزها واختصارها وعندي ياهم بالفيديو
الصراحة حيل فادوني

مراحب

بصراحه انا تعلمت من وحده لبنانيه هناك بلبنان وعلمتني الغرز وصرت بالنظر اعرف بدون باترون وساعات ادش اليوتيوب واكتب كلمه كروشيه وراح يطلع بالفيديو الطريقه بالنظر والواحد اذا حب هالشغله راح يتعلمها بسرعه وتصيرين تشتغلين بدون حتى بترون

ماشاء الله عليج
فعلا اللي يحب شغلة راح يتعلمها بسرعة ويبدع فيها
و يوتيوب وفر علينا اشياء وايد ...

اذا شغله ما تعرفينها بالباترون واذا تعرفينها ومتعوده تسوينها بالنظر بس

وهم اشتري مجلات انجليزي وعربي

شنو المجلات اللي تشترينها ؟
انا اطلب من النت مجلة crochet today

كل ماسبق

ماشاء الله عليج ... من وين تشترين الكتب و المجلات ؟
بركات ماعندهم الا الكتب اليابانية للكروشيه !!

 

[princesse X]

اشتري أحيانا من النتواحيانا من بركات الكتب اليابانيه واشتري من مصر وفرنسا بس صار عندي حالة تشبع علشان جذيه صار لي اكثر من 4 او 5 سنين ما شريت شي