جهاز البخار

[sara3]

بنات هذا الجهاز موجود عندنا بالكويت

جهاز التنظيف بالبخار لتنظيف كل شى الحمامات البيبان الطوفة البرسلان بدون استخدام اى منظفات كيماوية وهذى صورتة

 

[sara3]

:bbbiu::bbbiu::bbbiu:

ما شاءاللة


انزين مابى شى بس وحدة تبطل الوسيط واتشوف اذا موجودة وسعرها بس

 

[دلوعة ماما]

ممكن أعرف اذا يخرب البيبان الخشب وإلا لأ

 

[فربتشينوالسعوديه]

مرااااحب
اختي
من اسبوع وانا ابحث عن الة البخار000قبل مايطير المصروف00وطارفي الهوا شاشي00هههههههههه
المهم اوالجهاز ب200ريال ومايسوااا البخار يخلص بسرعه00والدفع البخارماينضف00هذي عندي



نداااء ندااااااااااء للكويتيات السنعاات منجربت ستيم مااكس مثله لاكن اكبر ويجيبونه بدعايات انتر ود نبي تجارب حقيقيه وذا فيه صور يكون احسن :krkrkr::krkrkr:

 

[Swan]

اليوم شفت بالجريده جهاز التنظيف بالبخار بس مو نفس الصورة غير شويه ولونه احمر
مسوين عليه سيل في يوريكا

 

[فربتشينوالسعوديه]

بناااااات مافي احد جرب الة البخار بقوة دفع اقوى تراها نقله في عالم التنضيف بس نبي تجارب :0bee2e8d89:

 

[sara3]

ليش هذى ما فيها قوة دفع ؟؟؟؟؟؟؟؟؟؟؟؟؟

واشكثر اتحطين فيها ماى للمرة الوحدة؟؟؟؟؟؟؟؟؟؟؟؟

وصج مثل ما قلتىنقلة كبيرة فى عالم التنظيف

 

[sara3]

ممكن أعرف اذا يخرب البيبان الخشب وإلا لأ

اذا تمسحين الباب على طول ما فى مشكلةلان الباب اساسا فية طبقة ورنيش تحفظة عن الماى والغبار

بعدين البيبان ما يبون جهاز مجرد مسح بفوطة مبللة وبعدين ناشفة الا اذا الباب فى دهون باب مطبخ مثلا

 

[sara3]

ماكينة التنظيف بقوة البخار

• تعليقات العملاء على المنتج

--------------------------------------------------------------------------


ألان ماكينة التنظيف بقوة البخار النفاث سوبر كلينر التي تستخدم لكافة أنواع التنظيف والتعقيم فهى تستخدم مثلا للملابس و للسجاد والستائر وازالة البقع وايضا لتعقيم الحمامات والاراضى والأسطح وغيرها وذلك من خلال قوة البخار الهائلة فهى مزودة بأجزاء لتناسب كل الاستخدامات معتمدة فى ذلك على قوة البخار الهائلة فهى سهلة الاستخدام فما عليك إلا وضع الماء فى الماكينة وخلال دقائق يتحول إلى بخار بقوة هائلة .



مفعول سحري بتنظيف الدهون والأوساخ المتراكمة

منظف بخارِ يُمْكِنُ أَنْ يُطهّرَ و يُعقّمُ الأسطح

متعدد الخراطيم والفرش ليناسب كافة الإستخدامات

له عدة رؤوس يمكن تبديله وأستخدام ما نشاء على حسب الحاجه

تنظيف الفرن غاز أو كهرباء

تنظيف جدران وسيراميك المطبخ

تنظيف الحزوز(الشربت)لسيراميك المنزل والمطبخ

تنظيف بقع العلك والبان من الموكيت والملابس والسيراميك

تنظيف الذهب

تنظيف النوافذ والأبواب والمقابض

تنظيف الموكيت والستائر عموماً

تنظيف النوافد

لا يَخْدشُ السطحَ المُنَظَّفَ

 

[sara3]

هذى صور يبتها من النت

 

[فربتشينوالسعوديه]

حبيبتي هاذا عندي ومركون بالكبت لانه ماينضف حتى المرحاض تكرمين والسجاد بعد امرور عليه عدة مرات كانه صار احسن

شوفي انا مهتمه بذا الموضوع وماعرف احط صور فيه جهاز اكبر واقوى ماغلبك ابحثي عنه وحطي صورته وشوفي تجارب البنات

 

[فربتشينوالسعوديه]

بنات معقوله محد جرب ستيم ماكس او اشباها خبري فيكم حركين هههههههههه


مشاللللللللللللللللللللللله

 

[sara3]

هلا اختى فربتشينوالسعوديه

انتى قصدك هذا

شوفى اختى بحكم انى مغتربة وما عندى شغالة الا وحده اتي تشتغل بالساعة فانا محتاجتها حيل وفعلا شريتها امس ووايد عملية انا اللى عاجبنى انها صغيرة ولابجة وعملية وما تاخذ حيز عندى فى الشقة

وامس جربتها وكان دفع البخار فيها قوى بس اول ما اتشغلينها لازم تنطرين يعنى 5 دقايق علشان يسخن الماى

بالنسبة للجهازاتعبينة كل مرة كوب القياس اثنين منة

واتنظف عدل نظفت الجولة والدهون اللى ورا البوتجاز والحمام وكل شى تمام


بالنسبة للكبيرةاللى فوق كانت عندى وحدة لونها اسود كانت اوكى تمام بس اختربت كاهى قاعدة بالستور تحت مع انى شريت لها قطع اضافية .
تدرين شنو السبب

السبب الماى فية كلس يسكرها

بس يوم شريت الصغيرة عطانى مثل الامبولات وقالى تحطينها فى الجهاز مع الماى تمنع تكون الكلس

وهذى صورتة

شكلى بنزل الستور واجربها مع الامبولات

 

[ام حنونة]

ساره من وين شريتي الجهاز .....؟ أدور على هالأجهزه ...

 

[sara3]

هلا حبيبتى

انا مغتربة وشاريتة من برة


بس فى العطلة اللى فاتت شفتة فى الوسيط جربى يمكن اتصلينة او شوفى الغانم او يوريكا
انا عاجبنى لانة خفيف وسلكة طويل

 

[فربتشينوالسعوديه]

يعطيك العافيه ياساره دايما السويرات شاطرات الي عندي ماركة كينود وانسدت فعلا بس عطينا الفرق بين الكبيره والصغيره مع ماركتها ومن وين اخذ مذوب الكلس ينفع حق غسالة المواعين نسيت وعطينا الواط كم قوته في كل وحده تراه مهم الي عندي 900w

اسفه كثرت عليك

 

[فربتشينوالسعوديه]

للرفع

 

[فربتشينوالسعوديه]

وينك ياساره توني امدح فيك كملي موضوعك لانه مهم

 

[sara3]

هلا حبيبتى

شوفى الصفرا اللى انا حاطتها الصغيرة 900 وات


والامبولات ما ادرى من وين اتحصلينهم.جربى الغانم


غسالة المواعين لها مستحضراتها الخاصة ولازم تسالين المحل اللى شريتيها منة


كينوود ماركة وايد حلوة وهفى ديوتى ما جربتها بس العجانة شغل عد ل وهذى صورتها من النت طبعا

وهذى قوتها 1400 وات يتراوالى مصيبة هذى البخار بيوصل بيت الجيران خخ خخ خخ

على فكرة انا لمن خذت الصفراء كان فى وحدة لونها ازرق قلت حق البياعة اى وحدة احسن قالت الصفراء

وهذى صورة الزرقاء

تصدقين عاد انا حطيت الموضوع ابى مساعدة من اى احد شراها اوكان عندة تجربة .

محد علق غيرك مع ان اللى دشوا واجد
ورحتوو شريتها لا بغيت الشى ما اعرف اصبر


على فكرة صج نقلة فى عالم التنظيف وعقب ما تستخدمينها اتحسين المكان نظيف نفسيا ترتاحين

 

[فربتشينوالسعوديه]

يعطيك العافيه