كل وحده تقول شقاثها

[الصابرة المحتسبة]

قولي آمين ........ بعد قولي آمين وبعد آمين يا عسى ربي يوفقج ياام عزووز وريح بالج وما يخسر التعب ويبعد عنج عيال الحرام ويسخر لج عيال الحلال والسامع يقول آمين.وألف ألف مبرووك والله يتمم عليكم.

 

[HearT ChocolaTe]

آمين يا الغاليات
مشكورين يا أحلى خوات دنياااا
الله لا يحرمني منكم

 

[HearT ChocolaTe]

مثل اليوم عزيز العام كان بالعنايه المركزة
قضى 21 يوم فيها كان بين الحيا والموت
وسبحان الله اللي لطف فيه العلي القدير
الواحد الأحد ربي بعد عيني ما قصر
كنت اروح وارد عليه وأنا حامل بالأشهر
الأخيرة في ولدي الصغير .. الحمدالله ربي
حفظه وطلعه لي بالسلامه

ذكرتيني بسالفته يا الصابرة .. عانيت معاناه ما يعلم
فيها الا رب العباد .. كنت أروح أقرأ عليه آيات الإستشفاء
وكنت أشوف نظرة بعيون دكاترته اليأس
والله يا بنات .. ماكنت أتوقع إن يرجع لي ولدي
كان كل ما يتحسن وبطلعونه الجناح يرجع ينتكس
مرتين يصير معاه انتكاس بالأكسجين
ومرت الأيام ..... وطلع للجناح بفضل من الله

 

[مرمر]

ام عزوز شصار علي موعد عزوز للتسجيل وين ودوه

 

[@شمس الضحى@]

الحمدلله ع كل حال يام عزوزي
نفس حالة اسوم قعدت شهرين بالمستشفى الاكسجين عندها تحت الستين
الله لايعيد ذيك الايام

 

[الصابرة المحتسبة]

مثل اليوم عزيز العام كان بالعنايه المركزة
قضى 21 يوم فيها كان بين الحيا والموت
وسبحان الله اللي لطف فيه العلي القدير
الواحد الأحد ربي بعد عيني ما قصر
كنت اروح وارد عليه وأنا حامل بالأشهر
الأخيرة في ولدي الصغير .. الحمدالله ربي
حفظه وطلعه لي بالسلامه

ذكرتيني بسالفته يا الصابرة .. عانيت معاناه ما يعلم
فيها الا رب العباد .. كنت أروح أقرأ عليه آيات الإستشفاء
وكنت أشوف نظرة بعيون دكاترته اليأس
والله يا بنات .. ماكنت أتوقع إن يرجع لي ولدي
كان كل ما يتحسن وبطلعونه الجناح يرجع ينتكس
مرتين يصير معاه انتكاس بالأكسجين
ومرت الأيام ..... وطلع للجناح بفضل من الله

سنه من السنين لما كان وليدي الغالي عمره أربع سنين كان بالمستشفى بين الحياة والموت الدكاتره كلهم ماعرفوا شنوفيه والتحاليل سليمه بس الحرارة وانه ما يقوم كله دايخ وما له خلق يبطل عيونه ويلعب خمول مو طبيعي الدكاترة بنفسهم مستغربين يقولون : موهذا الطفل اللي نعرفه ويطرشون على الإستشاري من المستشفى ابن سينا ويفتح فتحه صغيره براسه علشان يتأكد ان الشنت مو ملتهب , وتطلع النتيجه موجبه ماكو شي, ويطرشون على الإستشاري الأعصاب بمستشفى مبارك ويفحصه ويقول ما فيه شي , وربج اللي يحي العظام وهي رميم قومه لي بالسلامه الله لا يخلينا من رحمته.

 

[HearT ChocolaTe]

ام عزوز شصار علي موعد عزوز للتسجيل وين ودوه

قالوا لي اختاري اللي تبين وعطوني اللسته أختار منها
وان شاء الله يقبلونه .. سجلته اليوم بمدرسة خليفه

 

[HearT ChocolaTe]

سنه من السنين لما كان وليدي الغالي عمره أربع سنين كان بالمستشفى بين الحياة والموت الدكاتره كلهم ماعرفوا شنوفيه والتحاليل سليمه بس الحرارة وانه ما يقوم كله دايخ وما له خلق يبطل عيونه ويلعب خمول مو طبيعي الدكاترة بنفسهم مستغربين يقولون : موهذا الطفل اللي نعرفه ويطرشون على الإستشاري من المستشفى ابن سينا ويفتح فتحه صغيره براسه علشان يتأكد ان الشنت مو ملتهب , وتطلع النتيجه موجبه ماكو شي, ويطرشون على الإستشاري الأعصاب بمستشفى مبارك ويفحصه ويقول ما فيه شي , وربج اللي يحي العظام وهي رميم قومه لي بالسلامه الله لا يخلينا من رحمته.

الحمد الله على سلامته فديت عمرة أنا

 

[الخاطر]

الغالية أمر عزوز عسى الله يشافي ولدج و يعافيه يا رب
و بالنسبة للتخاطب وظفوا أخصائيات جدد روحي راجعي بأقرب فرصة و بإذن الله تتيسر أمورك
و انتبهي حبيبتي ما يليق نقول عن الله عز و جل " بعد عيني " و يا رب يفرج همج و يرزقج راحة البال

 

[HearT ChocolaTe]

الحمدلله ع كل حال يام عزوزي
نفس حالة اسوم قعدت شهرين بالمستشفى الاكسجين عندها تحت الستين
الله لايعيد ذيك الايام

يا بعد قلبي يا أسووم
الأكسجين قصتي قصة معاه يا أم أسووم
أنا شلته غصب عنهم .. بقدرة ربي اللي ما تنام عينه قدر يتنفس عادي

كنت ما أنام الليل أقوم وأقعد كان على جهاز يتركب بالليل عليه يسمونه ( c pip )
وغيروه بعد فترة قالوا ان ما ينفع الى جهاز ( p pip )
كنت اربط ادينه الثنتين .. وغرفته كلها أجهزه فديت قلبه
ويجاهد ينزل نفسه من الأجناب لم يوصل للكمام ويشلعه ..
بس استخرت ربي وشلعته منه .. اتوقظ طول الليل اشوف اكسجينه
وأحطله الأكسجين العادي بس عشان ما ينزل ومع الوقت شلته منه
ما تحملت اشوفه متأذي ... قلت ان ربي شاء بيحيه بدونه
والحمد الله شهر سته تدور سنه عليه

 

[الصابرة المحتسبة]

ربج كريم وارحم من الأم على ضناها.

 

[@شمس الضحى@]

الحمدلله الذي لايحمد على مكروه سواه

 

[الصابرة المحتسبة]

سبحانه

 

[HearT ChocolaTe]

اي ألف الحمد الله والشكر على كل حال

يا زين الصدفه با بنات
يعني بكل أشكالها حلوة ... وخاصة اذا شي كنتي تودينه من داخل وبخاطرج فيه

:eh_s(10): :eh_s(10):
شنو تتوقعون هذي الصدفه ؟؟؟

هي صارت لي وأنا بالمستشفى ... !!!

 

[@شمس الضحى@]

اي ألف الحمد الله والشكر على كل حال

يا زين الصدفه با بنات
يعني بكل أشكالها حلوة ... وخاصة اذا شي كنتي تودينه من داخل وبخاطرج فيه

:eh_s(10): :eh_s(10):
شنو تتوقعون هذي الصدفه ؟؟؟

هي صارت لي وأنا بالمستشفى ... !!!

ام عزوز قولي شصار لج لاتخليني انطر ::eh_s(10):

 

[HearT ChocolaTe]

ههههههههههه
شفت الريادة فديتها من بنت
لا إله الا الله أدب وأخلاق وكلام ينقط عسل
عسى الله يحفظها

يا زينها من صدفه يوم ألقاج يا أم أسووم

 

[الصابرة المحتسبة]

ما فهمت داشه عرض غصب طيب علموني

 

[الصابرة المحتسبة]

أم عزووزي وصلت الدعوه للمجموعه حطيت موضوع للمجموعه تخصنا

 

[HearT ChocolaTe]

وين وصل ما أدري الصابرة
<<<< ترى مو فلته بالمنتدى
يعني وين ألقاها ..؟؟

 

[HearT ChocolaTe]

ما فهمت داشه عرض غصب طيب علموني

حيااااتي والله انتي أفا عليج بس
أنا رايحه الطب الطبيعي على عادتي كل مرة مع عزوز ومواعيده
وقاعدة أنطر دوري وتيني بنوته وتسألني وطالع عزيز
انتي تدشين منتدى ..؟؟ وما اذكر بعد شنو ..؟؟
اتينن تبي تتأكد أني أنا .. ام عزوزي .. اهي طلعت بنت المنتدى نكها ( الريادة )
واي واقوم ابوسها أقولها لا هذي يبيلها قومه :eh_s(22):

هذي السالفه وما فيها
يعني بصراحه انا تمنيت أشوف وحده منكم أو وحده من اللي هني
وصدق المثل المصري اللي يقول : (( يا محاسن الصدف ))
عقبال ما اشوفج انتي وأسووم قولوا ان شاء الله