غروب
New member
- إنضم
- 27 يوليو 2008
- المشاركات
- 1,126
- مستوى التفاعل
- 0
- النقاط
- 0
بنات هذي طبخة سهله وطعمها حلو، ويصير اللحم ذايب وترف مع حكوك، تاكلونها وانتوا مغمضين :tongue22:
أولا: اللحم نقطعه مكعبات (واللي بالصورة لحم عجل)، نغسله ونحطه في ماي مع عود دارسين و4 حبات هيل وورق الغار ويسلق اللحم مدة 10 دقائق عشان الرغوه تطلع، وبعدين نشخله ونرد اللحم في طنجرة الضغط مع ماي يديد وبهارات عدلة ومطحونه (هيل-دارسين-بهارات مشكلة-فلفل أسود-لومي أسود-كركم) + بصل مقطع وفصوص ثوم ونخلي اللحم يستوي عدل، بعدها نشيل اللحم من الماي ونصفي الماي من البهارات والبصل.
ثانيا: ماي اللحم نسوي فيه عيش مشخول، ونخليه شوي على ما نسوي حمسة اللحم.
ثالثاً: نسوي حمسة بصل وثوم.
نحط بهارات مشكلة وكركم ولومي أسود وفلفل أسود وشوية دارسين على البصل ونحمسه زين عشان ريحة البهارات تطلع
رابعاً: نحط اللحم المكعبات على البصل ونحمسة، راح شوي يذوب اللحم لأن مستوي عدل، وبعدها نحط عليه قفشة دبس رمان وقفشتين صبار (صلصة جاهزة)، وملح وعصير ليمونتين، وقفشتين زعفران منقوع بماي وماي ورد.
خامساً: بالجدر نصب شوية زيت، ونحط شوية من العيش المشخول ونرش عليه زعفران وبعدين نحط حمسة اللحم ونحط باجي العيش ونضغطه ونصب زعفران مره ثانيه مع زبدة على الويه، ونحط حديده تحت الجدر ونقصر عالنار لما يتخدر العيش عدل.
سادساً: بعد ما يطلع البخار، نقلب الجدر وتاكلون الطبق بالعافية.
الحكوك
وبس،،
أولا: اللحم نقطعه مكعبات (واللي بالصورة لحم عجل)، نغسله ونحطه في ماي مع عود دارسين و4 حبات هيل وورق الغار ويسلق اللحم مدة 10 دقائق عشان الرغوه تطلع، وبعدين نشخله ونرد اللحم في طنجرة الضغط مع ماي يديد وبهارات عدلة ومطحونه (هيل-دارسين-بهارات مشكلة-فلفل أسود-لومي أسود-كركم) + بصل مقطع وفصوص ثوم ونخلي اللحم يستوي عدل، بعدها نشيل اللحم من الماي ونصفي الماي من البهارات والبصل.
ثانيا: ماي اللحم نسوي فيه عيش مشخول، ونخليه شوي على ما نسوي حمسة اللحم.
ثالثاً: نسوي حمسة بصل وثوم.
نحط بهارات مشكلة وكركم ولومي أسود وفلفل أسود وشوية دارسين على البصل ونحمسه زين عشان ريحة البهارات تطلع
رابعاً: نحط اللحم المكعبات على البصل ونحمسة، راح شوي يذوب اللحم لأن مستوي عدل، وبعدها نحط عليه قفشة دبس رمان وقفشتين صبار (صلصة جاهزة)، وملح وعصير ليمونتين، وقفشتين زعفران منقوع بماي وماي ورد.
خامساً: بالجدر نصب شوية زيت، ونحط شوية من العيش المشخول ونرش عليه زعفران وبعدين نحط حمسة اللحم ونحط باجي العيش ونضغطه ونصب زعفران مره ثانيه مع زبدة على الويه، ونحط حديده تحت الجدر ونقصر عالنار لما يتخدر العيش عدل.
سادساً: بعد ما يطلع البخار، نقلب الجدر وتاكلون الطبق بالعافية.
الحكوك
وبس،،
