كادي لكويت الصراحه انا اليوم رحت العياده وسألت عن كل شي الا سعر الجلسه نسيييييييت لان انا الحين مو دافعه سعر الجلسات معطينياهم مجنا مع العمليه بس ان شاء الله بسئلج ,انا حاليا مو قاعده اسوي برنامج ازاله السيليوليت قاعده تزيل الماي من الجسم بس الجلسات اليايه ان شاء الله بتبلش وياي برنامج السيليوليت على نفس الجهاز ان شاء الله اقولج النتايج
مرحبا بنات ,بالنسبه لموضوعي اللي كتبت فيه عن تجربتي اللي اهو "شفط الدهون بتقنيه الفيزر" الموضوع اغلق وتم ظمه لهالموضوع على الرابط بأول صفحه من هالموضوع فبناءا عليه كل التعليقات والتطورات لحالتي والقياسات بالوزن والسانتيات راح تكون بصفحات هالموضوع واتمنى منكم التواصل معاي ولا تقاطعون
هلا سلسلا شخبارج حياتي عسى كل شي تمام والله زين سويتي نا بعد كنت بقترح عليج انا نخلي النقاش في مكان واحد الله لا يحرمنا من سوالفنا
المهم بقولج شي امس قريت بالمنتدى وحده تقول عن لبن مراعي يديد اسمه تريم انا وحده من اهلها استخدمته وضعفت عليه وهي الحين قامت تشربه وحست بنتيجه عاد تعرفيني انا الله خير اي شي يضعف بس مو رجيم ولا رياض يعني من غير تعب اركض وراه
لان اهوا كاتبين عليه انه يخلصج من الدهون
المهم اليوم رحت شريته ينباع بالجمعيه ولولوهايبر وكارفور
طعمه حلو وخفيف اخف من اللبن
انا شريت ثلاث علب علبه وحده تكفيج حق يوم بشوب ادا في نتيجه الصراحه بكمل لاني مااحب اللبن
المهم بقولج شي امس قريت بالمنتدى وحده تقول عن لبن مراعي يديد اسمه تريم انا وحده من اهلها استخدمته وضعفت عليه وهي الحين قامت تشربه وحست بنتيجه عاد تعرفيني انا الله خير اي شي يضعف بس مو رجيم ولا رياض يعني من غير تعب اركض وراه
لان اهوا كاتبين عليه انه يخلصج من الدهون
المهم اليوم رحت شريته ينباع بالجمعيه ولولوهايبر وكارفور
طعمه حلو وخفيف اخف من اللبن
انا شريت ثلاث علب علبه وحده تكفيج حق يوم بشوب ادا في نتيجه الصراحه بكمل لاني مااحب اللبن
حمدالله على سلامتج
بس اختى سؤال انتى سالتى عن مشروعيه النحت جايز ولا ؟
انا بنت حماى وزنها 100وزود وعمرها16 يصلح شفط مو نحت ولها اضرار جانبيه
بس اختى سؤال انتى سالتى عن مشروعيه النحت جايز ولا ؟
انا بنت حماى وزنها 100وزود وعمرها16 يصلح شفط مو نحت ولها اضرار جانبيه
توت عنكبوت
New member
كادي لكويت الصراحه انا اليوم رحت العياده وسألت عن كل شي الا سعر الجلسه نسيييييييت لان انا الحين مو دافعه سعر الجلسات معطينياهم مجنا مع العمليه بس ان شاء الله بسئلج ,انا حاليا مو قاعده اسوي برنامج ازاله السيليوليت قاعده تزيل الماي من الجسم بس الجلسات اليايه ان شاء الله بتبلش وياي برنامج السيليوليت على نفس الجهاز ان شاء الله اقولج النتايج
سلسا انا خذيت نفس جلساتج مالت السيلولايت .. عندي اليوم اول جلسه انشالله .. و يارب نلقى نتيييجه يقولووون وااااااايد زييين هالنووووووع .. خليج معاي اول باول خنشووووف النتيجه اشلوووووون والله يحقق اللي ببالنا ياااااااارب :yaaaaaarb:
هلا حبيبتي فتافيت شلونج ان شاء الله طيبه,بالنسبه للبن انا اكره شي بحياتي منتجات الحليب غير الاجبان طبعا :0bee2e8d89: حتى لمن كان اييني هبوط عقب العمليه امي تغصبني اشربلي لو شويه لبن عشان الضغط ما اشرب ما اتقبل طعمه للاسف بس انتي مدامه شي مفيد وطبيعي جربي ليش ما تجربين,بقولج امس رحت العياده وشفت الدكتور قالي ضعفتي وهالايام الكل يقولي ضعفانه الحمدلله عاد قالي لا تاخذين حبوب تخسس بس قال اعشاب عادي وهم قالي شربي اعشاب وايد عشان ينزل الماي اللي بجسمج انا عاد قلتله يلا ابي اضعف زياده قالي نطري مع الايام راح ينزل وزنج بس عليج بالحركه وقالي من لسبوع الياي اقدر اشترك بنادي انا مفكره ادش نادي عشان السباحه اتوقع بيتغير جسمي وايد وقالي راجعيني عقب شهر طبعا بقالي 4 جلسات ملوت الثيرمو سي طبعا امس قبل الجلسه كان جسمي يذبحني منمل وياااااااااابس يعورني وبالجلسه مت وحييت من الالم لان يعور عشان تلين اليلد عسى الله يريحني لان معاناه صراحه هالماي اللي تحت الجسم,ودي بعد اعلق على شي ما شاء الله الدكتور عيادته حدها زحمه تخيلي فتافيت عنده اربع غرف يستقبل فيهم المرضى يحط كل مراجعه بغرف وكل وحده يمكن 10 دقايق ولا ربع ساعه يكلمج واهو واقف عالسريع اول مره اشوف دكتور جذي ناس وايد عنده بس اهو ذكي ما يعطل الناس يمشي الكل يعني تخيلي بدال لا يقعد واهم ايوله اهو يقعد يتفرفر علغرف لوووول لا ومعاه سسترتين غريب عجيب!
الله يسلمج حبيبتي هيونه,انا صراحه بدايه موضوع الشفط كان لاسباب نفسيه وشكليه وبعد بالنهايه صارت مرضيه لان قام يأثر على حركتي فانا شفت ان هالشي فيه ضروره ولمن شاف الدكتور بطني قالي انتي بطنج مو مال وحده بسنج فتوقعين لو بعيد الكره واتزوج هل راح يتقبل الثاني الشكل؟ الاولاني عايرني بشكلي لمن تطلقت,بس يوم قررت اشفط صراحه انا ماكنت رايحه انحت رايحه اشيل العيب اللي مأثر علي بشكل نفسي وحركي بس حزه الحزه ويوم العمليه قلت حق الدكتور عاد سولي خصر فسوالي نحت للخصر يعني شفط زياده من صوب الخصر,انا طبعا مثل ما شفتي ما اايد الشفط عقب اللي شفته ,اما بالنسبه حق بنت حماج فاهيا لي الحين صغيره حتى جسمها ما كتمل نموه اصلا الدكاتره ما يسوون حق اللي بعمرها اتوقع وترى اذا حالتها حرجه ومأثره عليها بشكل كبير في عمليات ثانيه تنزل الوزن لان ترى والله عن تجربه الشفط ما ينزل وايد من الوزن وهم اتوقع ما يصلح حق سنها وبالنهايه هالشي اقوله للكل سئلوا شيخ اول انا ما ابي اشجع اي احد على شي ما يرضي الله لان ساعات الشيوخ يجيزون للناس اللي عندهم ضروره وحاجه ملحه وهم بعد الطبيب ترى ابخص لان ساعات ايون ناس تكون اجسامهم حلوه بس عندهم زوايد بسيطه وحتى تلاقين الدكتور يقول هالشي ماله داعي ينشفط بس اهي المره تبي تصير مرسومه رسم اتوقع هذا مو زين لانه في تبطر وعموما ترى هم في ناس ضعاف بس وضعهم يستدعي للعمليات ليش؟ لان في شي يأثر عالصحه ولا عالشكل بشكل يخليها مو مثل قريناتها انا هالكلام سمعته بالتلفزيون من شيوخ دين فبالنهايه اقول ترى كل حاله غير عن الثانيه والموضوع مو موضوع وزن بشكل عام انا اطرح الموضوع هذا علشان اللي مستسهل السالفه نفسي قبل العمليه ياخذ باله ويعتبر وهم لان تواصلكم معاي يشجعني ويفرحني والله ,هيونه اتمنى ما اكون اطلت عليج وافدتج
التعديل الأخير:
لووول اي والله صاجه هذا انا كل ما شفت الدكتور اقوله انت مجرم ترست هالقلنات من دمي وبعدين طلبولي دم من بنك الدم ,صاير شكله كوكتيللللللللللل لوووول من جذي اقولكم لا تهورون مثلي..
هنديه ,واي انا مستانسه ان في احد بيشاركني هالمرحله يا معوده خلينا نفيد بعض شوفي اللي بتسويلج اسمها لانا ويمكن اتدخل معاها سستر فلبينيه قاعدين يدربونها بس لانا واااااااااااااايد حبوبه انا امس كنت معاهم قالتلي ما تحتاجين اكثر من ال8 جلسات وترى انا بعد ما بدت معاي برنامج السيليوليت يمكن المره اليايه ابتدي,انا معاج اول باول وانتي بعد خلج وياي انشجع بعض ونفيد بعض وقوليلي كل التطورات..:33_1185028183:
واااااااي سلسا جنج قاعده تسووووولفين عني .. والله نفس معاناتي بالضبط حتى انا جسمي منمل و يااااااااابس .. وظهري جنا داخله طابووووقه لييييييييييش جذيه يصير؟؟ اشوه لقيت وحده نفسي :eh_s(6): واااااااي لاتقوولين يعور مالي خلق عوااااااار بعد .. انتي سويتي الثيرموسي حق اي منطقه بجسمج ؟؟ انا بسوي حق فخوذي و خلفيتي و زنودي .. امبيييييه حتى دكتوري نفس حالت دكتورج بالضبببببببببببببببببط كله يكلمني و اهوه واقف و مستعيييل من الزحمه وامس مسوي شفط بالعياده عنده حق 7 حالات غير الأشياء الثانيه و الليزر و جلسات المساج و غيره و غيره وغيره ماشااااااااااااااااالله .. سلسا اشرايج نفتحلنا عياده انا وياج :dddds: بس بعد صار عندنا ابو الخبره بهالمجااال :dddds:
بنات المساج يسوون لكم باليد ولا بجهاز؟؟ويكون على البطن بعد؟؟احس خطر لو مسويه عمليه شد للبطن انج تسوين في نفس المنطقه مساج
++The DuchesS++
New member
- إنضم
- 28 أبريل 2007
- المشاركات
- 11,628
- مستوى التفاعل
- 3
- النقاط
- 0
هلا هنود ..لالا نفسه الجهاز اسمه ثيرمو سي واهو فيه اكثر من برنامج وتستخدمه فيه اكثر من راس يعني انا مثلا تستخدملي 3 برامج وراسين واحد كبير جنه مال مساج تستخدملي فيه برنامجين واحد فيه مثل شفاطه تشفط الجسم شوي واهو يتحرك عالجسم وبعدين تغير البرنامج من الشاشه وبنفس الراس بس يتغير حركته تصير هزازه اتوقع عشان يحرك الدوره الدمويه وعقبها تغير الراس وتستخدملي راس ضعيف وهم يشفط بس قوي هذا الله يسلمج اهو اللي يريحني عالاخر والاماكن اليابسه بالجسم تصير لينه عقب الجلسه بس يعور واهي تمشيه عالجسم عقبها تحسين براحه يروح التنمل اللي بالجسم وتصير الحركه اسهل صراحه ان شاء الله انتي بتحسين بالفرق اذا استخدمتلج هالبرنامج الاخير..وسلامتج
