رد: حملة (( رشاقتي مع لذوذه )) بالصور
ما قصرتي يالغالية على الرد
بعد قلبي أكيد في شي غلط صار معاج ليش ما كنتي تضيقين الحلقة , أخاف أكلج زراطي اللي يمتن طقة نوتيلا و ربعه ... غريبة عموما ما ودج تجربين مرة ثانية ؟؟ ترا الطب في تطور مستمر .. وليش أكو أثر في بطنج؟؟ انا كانت معاي سوريه بالدوام و سألتها و دشيت بخشمها تقول قضوض صغيرة ما أدري جان تألف علي أو يمكن عشان أهيه برصه من البياض ما يبين ماشاء الله عليها .. ماأدري:0bee2e8d89: بس عموما انا مثل ما قلت لج ودي أضعف انا لي سوابق بالريجيم و الرياضة مرات اوصل 63 و بقدرة قادر ينقز يصير 83 انزين ليش هالخبال ما عودت على الله الجسم يتقسم ,أضعف و أتلبس و أطيح له تشري بالهدوم الا حاشتني اللوثة و هجمت على الأكل و الله أني أتحسر على هذيج الأيام لا و مشي و رياضة جنه صج و هالشي مو من زمان من 3 سنين كنت 63 و تالي حملت وصلت 987654321 كيلو وألحين بس خلاص مالي خلق ريجيم و لا أكو ارادة العادة أحسب الكالوري و مشتطة و لا هذا مو صحي و هذا اورغانك ... عشتو و الحين ينيت و قعدت أف والله مندقه من نفسي
الحمدلله على الصحة و العافية
لا والله فديتج مافي غلط بالعملية كلش والدكتور اللي سوالي اشطر دكتور , واكلي مو كثير بس يبيله إرادة يعني لاتتوقعين الأكل ماراح ينزل الا ينول ونص والله , مع أني كنت اضوق دوم وشلته والله لأنه في النهاية صار لي التهاب في القولون وتعبت وايد فرحت شلته يعني ماصار لي 8 شهور شايلته .
يعني أنا اشوف اللي عنده اراده يسوي ريجيم احسن لأنه حتى ربط المعدة ارادة , والشقوق اللي بطني سألت الدكتور قالي لأن كل جسم غير عن الثاني مع ان المنظار واحد بس أن جلدي حساس والغرز صايرة مرتفعة شوي .
اعرف وحدة من هلي سووته وضعفت 60 كيلو بس بعدين صار له هبوط في المعدة من الضعف وقرحة وردت شلته مثلي ورجعت امتنت أنا الحمدلله حافظت على الـ 12 كيلو للحين .
استيشري أكثر من شخص واستخيري واذا مصممة العملية كلش مافيها تعب بس التعب بعده
