بسرعه شوفوا قناة سكووووووب

[حـلآوة]

أنـآآآ أدري حــدي متأخــرة

لكــن الــبـرق أنـآآ سمآمعتهـآآ إهــي إلي أمس خلت طلآل السعيد يبجي

والله كلآمـهآ دُرر

إهــيآآ إلــي خلــت كــل إلي إتصــلـوا ورآهآ يشيشوون ويصـآرخون

مـع حٌـبي

 

[ام حديجان]

حسااااااااااااافة طافني

شوفي عاليوتيوب حياتي .. والله شي يعور القلب ..

حسبي الله عليهم .. وين راحت اللحيه ووين راح الدين .. قاعدين ترقصون لي عالدبكه وتصفقون ..

ما حبوا راسه الا عشان الفلوس اللي يعطيهم اياها .. حسبي الله عليهم كلهم .. وربي ينصرنا على من ظلمنا ..​

 

[Hello_kitty]

حياج الله حبيبتي

اولا قناة سكوب مشاهدينها وايد بس مو ناجحة لانها شوهت سمعة الكويتيين والله لو الادارة ترضى اني احط روابط لمنتديات ثانية أحطها لج بس عشان تشوفين الناس اللي مو كويتيين شلون يتكلمون عن الكويت ولمن تناقشينهم يقولون شوفوا سكوب يا شعب الطرارة و الفقارة بذمتج ترضينها!!!!

ثانيا انا ضد حدس بس ما اقدر ادخل بنوايا النواب و اتهم نواب انتخبهم الشعب خونة و منافقين و عملاء لحركات خارجية نفس ما تقولين بس لاني اختلف معاهم بالراي و الفكر..

ثالثا:برق واللي مو عاجبة الكويت يروح ديره غيرها لان الكويت مو مقصرة معانا وفرت لنا اشياء واجد انا ارضى لو اعيش على ترابها بس يكفيني اهم شي اندفن بالارض اللي اندفن فيها بابا جابر الله يرحمه و يغفر له ...بعدين اللي صار بالاحتفال مو عاجبني بس مو ضروري كل شي يصير بالكويت يعجبني لان اللي ما يعجبني يعجب غيري وهذي الديمقراطية و بعدين دورنا كمواطنين بدال ما نذكر اللي عطتنا و سوت لنا الكويت نقول الكويت فيها و فيها ابي مره سكوب امدحت شي عن الكويت بعدين شنو كلامها درر و زلازل بالصراخ يعني زلزلت الكويت انا ما اشوفها وصلت لقلوب المواطنين و ابحثي بقوقل و شوفي النتيجة وصلت ولا لأ لقلوب المواطنين.

ثالثا:بالنسبة للمكالمات حبيبتي اتصالات سكوب مفبركة وقالها قبل كم يوم واحد صدمتوني لمن دقيتو علي و لاحظي اذا نام البرنامج دقو على ابو عثمان و الهاجري و حطو حيلهم بينهم و خلو الكويتيين يسبون بعض على الهواء مباشر جدام العالم نطري كم يوم وتصير قناة الجزيرة الثانية بعدين لا حبيبتي سعودية على عيني و راسي بس ما له داعي يدقون و يتكلمون هذيلا نواب كويتيين احنا نقيمهم مو السعودي اللي يقيمه..والله ما انسى اللي دق من العراق يقول يا كويتيين تكاتفو حبيبتي ما له داعي نستقبل اتصالات من بره يعلمونا وطنيتنا!!!

رابعا: والله ثم والله ثم والله اني مو راضية عن الحفلة بس اللي بعرفه شلون حكمتي علي انه عادي عندي الحفلة بس انا اقول رايهم وبالاخير هم كويتيين يعني مراح ازايد عليهم بالوطنية ...

حبيبتي انا معاج اللي يوقف ضد مصلحة الكويت احط ايدي بعينه امثال سكوب...بالنسبة لحماس ايام الغزو ما كان في حماس عشان اقولج اوقفو ضدنا بس الاكيد ان فلسطين اوقفت ضدنا بس شنو تبين اسوي اتشمت بااللي يصير فيهم لا والله ما علي فيهم تصدقت للأطفال الابرياء و الناس المساكين اللي مالهم علاقة لا بفتح و لا حماس وعدوهم اليهود عدونا لانهم يهوووود

ايه حبيبتي اعرف شنو سوو بالغزو هذا تاريخ ديرتي لازم اعرفه واعرف اسرى و شهداء و منهم ولد عمي عمره سنه الله يرحمه يعني طفل ما سلم لا حول و لا قوة الا بالله والمصيبة يا حبيبتي اني اعرف ناس مفقودين يعني ما ندري مصيرهم و لا شفنا جثثهم و بالنسبة للشكر على تبرع الامير صباح الله يطول عمره اميرنا و حنا الكويتيين ما ننطر شكر من حماس و لا غيرهم..

انتي سألتيني سؤال الوطنين اللي قاعد تدافعين عنهم شفتي واحد منهم احتفل بالعيد الوطني او عرض عرضه او شارك بإحتفالات عيد التحرير!!

جوابي والله ما تابعت القنوات بالعيد الوطني ولا رحت عند النواب و لا الوزراء بالعيد الوطني و لا شفتهم بس هذا سؤال طلال السعيد الظاهر حيل متأثرة فيه...

حبيبتي انا ما اقول سكتي و لا سكري الموضوع والله ما قلت فتنه الا لأن شفت اسلوب القناة واغلب الكويتيين عارفين شنو قاعدة تسوي سكوب بالكويتيين...

بعدين شنو اترجى من قناة يقول مذيعها ان سكوب مذكورة بالقرآن

ابو عيده يقول ان قال الله تعالى (( وظل ممدود وماء مسكوب )لو تشيل حرف الميم تطلع سكوب ؟؟؟؟!!!!
الاخ صار مفسر بعد السياسة والتحليل الرياضي

اولا :اشلون حكمتي ان قناة سكوب فاشله؟؟مع احترامي لوجهة نظرج ورايج بس مدامج تومنين بالراي الآخر اللي ما يعجبج يمكن يعجب غيرج؟؟واساس حكمج ان القناة شوهت سمعة الكويت بس لأن بالمنتديات الثانيه يتكلمون من انخلقنا واهم يتكلمون ويعيدون ويزيدون بالكويت والكويتين ما سمعتيهم تطنزوا على المجلس على بلاوي المجلس؟؟ ما سمعتيهم
تطنزوا علينا احنا كشعب وعلى تصرفاتنا بس سمعتيهم يتكلمون عن سكوب ؟؟دعي القافله تسير والكلاب تنبح هذا شي
مو يديد طول عمرهم وقبل قناة سكوب وقبل الغزو وعهم يكرهونا ويكرهون الكويت !! قطيتي السالفه كلها على راس سكوب خل نكون منطقيين بكلامنا شوي!!


ثانيا:احنا صج ضد حدس وضد ان نتدخل بنوايا النواب بس من حقنا نتدخل وننتقد تصرفاتهم اذا كانت ضد الكويت!!
واذا برايج اللي سوه عادي وموضد الكويت ولا ضد مصلحة الكويت فالمشكله اختي عندج وبمفهومج للوطنيه اللي نشكله على حسب اهوائنا وتوجهاتنا!!


ثالثا:صح مو ضروري اللي يصير في ديرتي لازم يعجبني بس لما يكون هالشي ضد الكويت وما يحترم ارض الكويت و مشاعر اهل الكويت هذي خيانه وتعدي ما نسمح فيه ونسكت عنه بحجة الديموقراطيه ..الديموقراطيه تتوقف عند التعدي على الوطن ومصلحة الوطن!!ومن قالج ان سكوب ما تمدح وتمجد بالكويت؟؟ معناته انتي متابعه القناة 24 ساعه ما شالله عليج..حبيبتي سكوب وايد مرات قاعد تمدح وتمجد وتذكر عطايا الكويت وما تنكرها بس مثل ما تذكر المزايا لازم نذكر القصور والجوانب اللي مضايقتنا وكل ديره فيها الزين والشين ماكو مدينه كامله!!
من حقنا نتكلم عن اللي يضايقنا ببلدنا من ناحيه الخدمات الطبيه والتعليميه والواسطات من حقنا لي متى بنظل ساكتين بالله؟؟هذي ديرتنا اذا ما نغار عليها ونبيها احسن واجمل الأوطان شنو فايدتنا عيل؟؟

بعدين انتي ليش وايد شايله على الأخت برق وتهاجمينها مع ان هذا مو موضوعنا ليش انها مواطنه شريفه وقالت كلمة الحق دون لومه لائم؟؟واذا كلامها ما اثر فيج هذا راجع حق احساسج حبيبتي بس اغلب الناس واقري حتى اراء البنات بالمنتدى تاثروا بكلامها ومعجبين فيها والا آراء البنات بعد اهني مفبركه؟؟؟



ثالثا:على اي اساس حكمتي ان اتصالات سكوب مفبركه؟؟وليش تحطين شي بذمتج انتي تشتغلين بسكوب؟؟ وبعدين هذا الإتهام موجديد كل برنامج ناجح او قناة تجذب الناس حجة الضعيف دايما تكون في ترديد ان الإتصالات مفبركه ومشكوك فيها بدون اي دليل!!


رابعا: انه حكمت انج راضيه على الحفله لأنج قلتي حريه شخصيه !! الحريه لما توصل انها تتعدى وتتعارض مع مصلحة الكويت اسمها خيانه ومالها غير هالإسم!!!

مافي حركه حماس وقت الغزو بس ماكان في قيادة فلسطينيه وفتح وحماس هذولي يتبعون منو بالله سويسرا؟؟ما يتبعون وينتمون حق الحركه الفلسطينيه؟؟وبعدين ما سالتي روحج امانه احلفج بضميرج وحبج لديرتج ليش قاعد يشيلونه على اكتافهم ويحببونه على راسه ووجهوله شكر بإسمه الشخصيآخر الحفله اهو بالذات؟؟السؤال ليـــــــــــــــــــــــــــش؟؟؟
معقوله الشي صدفه يعني؟؟

وبعدين منو قالج احنا تشمتنا بالفلسطن ولا قلنالج تشمتي فيهم؟؟من عمرنا واحنا نساعد وفاتحين جيوبنا وبلدنا لهم بس منكر حسنه واجر الكويت على الله

اذا كنتي ما تدرين شسوا بالغزو فهذي مصيبه!! واذا كنتي تدرين واهذا كلامج فالمصيبه اعظم!!

وحبيبتي هذا اليوتيوب وعندج دوري فيه على كيفج لقيتلهم لقطه وحده يرقصون بإحتفالات العيد الوطني او يحتفلون بعيد التحرير ولا جدامنا حرام وما يجوز والحاله حاله ومو هذول نفسهم اللي حرمونا من حفلات وزارة التربيه مالت الأعياد الوطنيه واهم نفسهم اللي حرموا مادة الموسيقى وبغوا يشيلونها من المناهج؟؟ حلال الدبكه والأغاني الفلسطينيه واليباب والإختلاط كله حلال

وسالفة بوعيده انه والله العظيم ما سمعته قال جذيه ؟؟وبعدين هذا مو موضوعنا ليش تحاولين تطلعينا وتشتتينا عن الموضوع تكلمي بتصرف وموقف النواب نفسه صح او غلط!! هذا موضوعنا!!

اتمنى ان تسخرين قلمج و وحبج لوطنج بالدفاع عن ديرتج من ان نداري ونتستر على الغلط واللي يغلطون واحنا نشوف بعينه!!

 

[>> الحور <<]

يويلي يا فضحي فضحاه والله ما يستحون شالمصخره نواب وحالتكم حاله ترقصون اوكي افرحوا بس بحدود هذا وانتو كبار وفاهمين شخليتوا للمراهقين والجهال لا حول ولا قوة الا بالله الله يهدي الجميع

 

[بدوره 22]

والله انا احنا يا الكويتين طيبين ...

صح اطفال غزه مالهم اي ذنب ..


بس ليش نسيتوا اطفال الكويت !!!!!!!!!!!!!!!!!!!!!!!!!!!!!!!

ما في اطفال تيتموا !!! ما في اطفال انأسروا !!! والله كانت معانا بالمدرسه بنت كانت اسيره ..

ومعانا وحده بالثانويه كانت دايما تقول ماراح اتزوج لمن ابوي يرجع من الاسر ..

وعليه وين ابوها الحين !!!!

والله انا كان عمري بالغزو 9 سنين بس اذكر كل شي والله يا بنات كل شي ..

ما انسى الفلسطن شنو سووا بالكويت وشلون تشمتوا فينا .. ورفعوا اسم صدام وعلم العراق بديرتهم ... واحنا بعز المحنه وعضوا الايد اللي انمدت لهم ...

حولي والنقره كانت منطقة الفلسطن ... ما تشوفون فيها كويتيتن وايد ..


ما بقى احد من الجيش والمدنين ما فتنوا عليهم بايام الغزو ... كانوا حتى بالجمعيه والبسطات متحكمين بالاسعار والبضايع وهذا غر البوق يا بنات ... البوووووووووووووووق اشكره يبوقونج وانتي طالعينهم وتضحكين بعد ...

ااااااااااااااااااااااااااااااااااااااااه
والله لمن اشوف احنا شقاعدين نسوي لهم وهمه شقاعدين يجازونا فيه قلبي يعورني ..

بس مثل ما يقول المثل ... عامل الناس بطيب اصلك .... ولله الحمد هذا شي مو يديد على اهل الكويت ..

وبعدين البرق كانت ماخذتها الحميه على الكويت ... والله وايد من كلامها كان عدل ....

انا عن نفسي ما حب قناة سكوب ... ومو دايما اطالعها .. ومو كل البرامج الساسيه اتابعها .....

القناه لها مساوء كثيره .... بس الي قالته امس البرق .... ما شفت فيه سيئة وحده

 

[laura mercier]

أولا السلام عليكم ورحمة الله وبركاته......الي بقوله ....تعوذو من ابليس....وانا كويتيه مردده...اطرتني الظروف اني اعمل خارج الكويت وباسم الكويت امسك منصب امثل فيه بلدي...والله يا بنات كل يوم اتحسر على ريحة الكويت وشوارعها وانا اصلا مومحرومه منها بس الشغل ما نعني من الييه...الي بقوله ماتعرفين قيمة الكويت الا لما تعيشين بعيد عنها ما تتنفسين هواها.......وبالنسبه للي يقولون القنوات تشوه صورة الكويتييين ...اقولهم عن سالف صارت لي مع اماراتيه...اتقولي عن بنات الكويت كلهم اشيشون"يشربون شيشه"...قلت لها لا طبعا قالت انها تشوف مسلسلات الحاقده على الكويت فجر السعيد حاطين هالسوال ...قلت لها حبيبتي عيل الاماراتيين كلهم اخونون زوجاتهم!! قالت لا لايمكن ...قلت لها هذا الي اشوفه بمسلسلاتكم!!...المهم الي يحب الكويت يحسن معاملة غيره ويكرم ضيوفه...ويبتسم بوجه اخوانه بالسفر ويلقي السلام عليهم...ولما اسافر يعطي الانطباع الطيب لان احيانا شخص يغلط ...يذمون الشعب كله من تصرفه...وبالنسبه لنواب حدس"الصانع و وليد الجري"..ولاري...وعبدالصمد بسألكم سؤال يعني الحين بهالهوسات حررتو القدس؟؟؟؟؟؟؟ اذا تحبون فلسطين روحو جاهدو فيها حتى الموت موبس"دق ورقص"....استغنو عن ثرواتكم لاسر الشهداء!! والله يحفظ الكويت حبيبتي الي خلت"التعليم والعلاج والتموين والعلاج في الخارج و التدريس بالخارج والسكن"...مجانا مجانا...ولي مو عاجبه ...يروح كندا ويتجنس....

 

[الحــــــلا كله]

والله صايره فنتنه بعد ماكنا ايد وحده كل واحد قام يقط له كلمه

 

[laura mercier]

قناة سكوب بسميها"الجزيره الكويتيه"....مو من زينها...بس عشان حبها للفتن....شنو قناة فاشله...فرق عم الراي والوطن صج لي قالو الناس مقامات.....

 

[Hello_kitty]

مشكووووووورين كل البنات اللي شاركوا وابدوا رايهم

بس حبيت اذكر بعض البنات بشغله مهمه بالنقاش موضوعنا مو قناة سكوب ترى القناة مو قناتي ولا انتمي لها ولا ادافع عنها

الموضوع عن تصرف النواب وحركتهم انتو مع او ضد اللي صاااااااااااار؟؟

ونبي نتكاتف عشان نوقف هالمهزله هذا الموضووووووووووع

رجاءا اللي بتعلق لا تدخل قناة سكوب وفجر السعيد بالموضوووووووووع

السالفه كلها سالفه الحفله اللي انعرضت امس وتعليقاتكم عليها

 

[دلع الكويت]

اولا حكمت على ان قناة سكوب فاشله؟؟
لانها افشلت في الفن والدليل هواشها مع الهام الفضالة و شجون و مدري منو بعد وراحت للسياسة بعدين وااااااايد منتديات كويتية ضد هالقناة لان لمن يطرحون موضوع باي منتدى كويتي عن هالقناة تلاقين بالكثير ثلاث مع القناة و الباقي ضدها والله لو تسمح لي مديرة المنتدى بنت الكويت احط لج الروابط احطها و شوفيها...غير اللي معاي بالدوام والله كلهم ضدها ما في وحده معاهم و كلهم سوو لها دليت من الرسيفر الا آانا
ثانيا ارد واكرر ما قدر اقول عن واحد كويتي يحمل الجنسية الكويتية انه ضد الكويت..قلت لج اللي سووه مو راضية فيه بس رايهم..

ثالثا:صح كلامج سكوب تمدح و تمجد الكويت والدليل دبلجتها لاغنية بابا جابر الله يرحمه انشاء الله بكتب فيه موضوع و بتعرفين شلون دبلجت وغيرت الاغنية وبما ان كل ديره فيها الزين والشين ماكو مدينه كامله!!ما يحتاج نشر غسيلنا للباجي يتفرجون علينا ...

انا حبيبتي مو شايلة على البرق ولا هاجمتها بس اقول اللي مو عاجبة الكويت لا يطلع و يتكلم عليها بالفضائيات يروح يدور له ديره ثانية وبنات منتدانا على العين والراس ما قلت ان آرائهم مفبركة انا معاهم نفس رايهم ضد الحفلة لا تقوليني كلام ما قلته

ثالثا: يالنسبة لسؤالج على اي اساس حكمتي ان اتصالات سكوب مفبركه؟؟وليش تحطين شي بذمتج انتي تشتغلين بسكوب؟؟ وبعدين هذا الإتهام موجديد كل برنامج ناجح او قناة تجذب الناس حجة الضعيف دايما تكون في ترديد ان الإتصالات مفبركه ومشكوك فيها بدون اي دليل!!
لا حبيبتي الله مالي الشرف اشتغل بقناة مثل قناة فجر السعيد لا حبيبتي مره واحد قال الاخت فجراصرت اني اشارك و المرة الثانية اخو عبدالعزيز اللي قال صدمتوني باتصالكم ولو اني ما ابي اتكلم بعدين المتصلين هم هم ابو عثمان و الجويهل و طارق وغيره


رابعا: انه حكمت انج راضيه على الحفله لأنج قلتي حريه شخصيه !! الحريه لما توصل انها تتعدى وتتعارض مع مصلحة الكويت اسمها خيانه ومالها غير هالإسم!!!

حبيبتي للمرة مليون انا مو راضية بالحفلة وحلفت لج بالله شنو تبين اكثر من حلف بالله بس اقولج هذا رايهم

ما سالتي روحج امانه احلفج بضميرج وحبج لديرتج ليش قاعد يشيلونه على اكتافهم ويحببونه على راسه ووجهوله شكر بإسمه الشخصي آخر الحفله اهو بالذات؟؟السؤال ليـــــــــــــــــــــــــــش؟؟؟
معقوله الشي صدفه يعني؟؟

سألت نفسي قلت يمكن اكثر واحد دبك معاهم

 

[laura mercier]

انا ضد الاحتفال...وباب الجهاد مفتوح لاحباب فلسطين

 

[laura mercier]

يالله عشان صاحبة الموضوع تستانس وتحس انا احنا فاهمنا قصدها...يالله الي وراي ترد "مع ولا ضد".......تفضلو

 

[ام حديجان]

مع والا ضد شنو ؟؟

اذا الاحتفال ..؟؟ اكيييييييييييييد ضد ما يبي له ...

اتوقع كل كويتي رافض هالشي .. ​

 

[دلع الكويت]

يالله عشان صاحبة الموضوع تستانس وتحس انا احنا فاهمنا قصدها...يالله الي وراي ترد "مع ولا ضد".......تفضلو

ضد ضد ضد

 

[barbya_q8]

واااااااااااااااي كلامها يعور القلب ويبجي

وبس ترى القنااااااااااااااااااااااع انكشففففففففففففففففففففففف

 

[Hello_kitty]

ااحترم رايج اختي دلع بس للأسف نقطه الخلاف اللي بينا كبيره اني انه اشوف حريتهم واللي سوه خيانه بحق الوطن وانتي مصره ان رايهم والمفروض تحترمين رايهم بس اذا وصل التجاوز على مصلحة الكويت والكويتين هذي خياااااااااااااااانه وخيانه عظمى بعد!!!
شي يعور القلب لما فعله شنيعه بحجم اللي سوووها نتستر عليها ونغطي عليها تحت مسمى الحريه وحرية الراي الآخر للأسف لما نكون اضعف من ان نصرخ ونقول كلمة الحق على حساب الكويت بغض النظر عن الهدف من هالشي!!!
حبيبتي اذا انتي هالشي عندج عادي احنا عندنا مو عادي ولا يوم من الأيام راح ننسى ويكون عندنا عادي!!

ومدامج تحترمين حرية الرأي احترمي راي الناس ما تقدرين تحكمين بفشل ونجاح اي قناة كل قناة لها جمهورها ومحبينها واذا انتي تشوفينها فاشله كل هالفشل!! ما شالله عليج اشلون وانتي متابعه ومتابعه جيده بعد حق كل برامجها واغانيها بعد حافظتهم!!

حبيبتي كل مواطن من حقه يتكلم ويعبر عن رايه مو من حقج تتكلمين عن الأخت برق او غيرها بهالطريقه وتطردينها من ديرتها
والله لو عندنا مثل هالمراه ومثل هالقلوب النظيفه الطيبه اللي تصرخ من حب الكويت وغيرتها على الكويت جان الكويت بخير
مو ناس حبها للسلف وناس انتمائهم حق حدس والكويت آخر شي بكل شي!! انه قلت البنات تأثروا بكلام الأخت برق واقري آرائهم
ردا على كلامج ان محد تأثر فيها ما يبت طاري الحفله بهالجزئيه لا تلفين وتدورين بالكلام!!

وحبيبتي كلامج اللي قلتيه مودليل على انج تتهمين كل اتصالات سكوب ومشاهدينها بأنها مفبركه وملفقه معناة كلامج انج قاعد تطعنين بكل هالمواطنين اللي اتصلومن بداية القناة لي هاليووووم؟؟؟ كل هالمشاهدين ما عندهم ذمه ولا ضمير ومادقوا الا كلامهم مفبرك؟؟؟ ومثل ما قتلج هذا الكلام دايما حجه الضعيف اللي ما يملك دليل

وحبيبتي تفكيرنا مو بهالسذاجه ان ناصر الصانع اكثر واحد فرحانين فيه عشان اكثر واحد دبك معاهم!! احنا مو بهالسذاجه بتفكير
السالفه اعمق واكبر بوايد من جذيه ..السالفه اهو انتمائه لهم وتمويله لهم وشوفي بعد البلاوي اللي الله بيفضحهم عاجلا غيرآجلا

 

[Hello_kitty]

وفي شغله واضحه وملحوظه اختي دلع الكويت بكل ردودج علي

انج تردين على الشي اللي تبينه واللي تتوهقين فيه تطوووووفينه!! ماعندج الشجاعه الكافيه انج تقولين معاج حق على سبيل المثال لما قتلج

هذول اللي يرقصون ويدبكون مو اهم اللي حرمونا من حفلات وزارة التربيه الوطنيه اللي كانت كل الكويت تنطرها واهم اللي حرموا الموسيقى والنشيد الوطني وحرموا الإختلاط بالجامعه كل هالشي صار حلال عليهم وعلى قلووب الفلسطن

لما قتلج الحفله فيها اختلاط وركزي بالصوت اللي يشكر الأخوان والخوات سكتي وما علقتي!!

ووايد اشياء ما تردين عليها مع ان الموضوع مفتوح للنقاش وانتي اللي شاركتي فيه

وتحولين الحوار حق شغلات ثانيه وتدخلين اموووووور مالها داعي

وانه بكل ردودي احرص على اني ارد عليج بنقطه نقطه وجزء جزء لأني الحمدله واثقه من نفسي ومن وطنيتي ومن قناعاتي وما عندي

اي انتماء الا حق الكوووووووووويت الكووووووووويت وبس!!!

 

[دلع الكويت]

وفي شغله واضحه وملحوظه اختي دلع الكويت بكل ردودج علي

انج تردين على الشي اللي تبينه واللي تتوهقين فيه تطوووووفينه!! ماعندج الشجاعه الكافيه انج تقولين معاج حق على سبيل المثال لما قتلج

هذول اللي يرقصون ويدبكون مو اهم اللي حرمونا من حفلات وزارة التربيه الوطنيه اللي كانت كل الكويت تنطرها واهم اللي حرموا الموسيقى والنشيد الوطني وحرموا الإختلاط بالجامعه كل هالشي صار حلال عليهم وعلى قلووب الفلسطن

لما قتلج الحفله فيها اختلاط وركزي بالصوت اللي يشكر الأخوان والخوات سكتي وما علقتي!!

ووايد اشياء ما تردين عليها مع ان الموضوع مفتوح للنقاش وانتي اللي شاركتي فيه

وتحولين الحوار حق شغلات ثانيه وتدخلين اموووووور مالها داعي

وانه بكل ردودي احرص على اني ارد عليج بنقطه نقطه وجزء جزء لأني الحمدله واثقه من نفسي ومن وطنيتي ومن قناعاتي وما عندي

اي انتماء الا حق الكوووووووووويت الكووووووووويت وبس!!!

لا والله يا اختي قاعدة ارد على اللي عندي معلومات عنه ووزارة التربية ما ادري عنها شكو هم يمنعون؟؟؟باجر بيجي اليوم الوطني و بتشوفين الاحتفالات انشاء الله غصب عن اللي ما يرضى وقلت لج بنحتفل محد منعنا وصدقيني ان امنعونا احنا ما نخليهم يمنعونا وانا والله تعبت ابيج تفهمين اني مو ضدج و لا ضد موضوعج بس انتي الله يهداج فاهمتني غلط والله انا ضد اللي صار والحفلة والمصخرة بس اقول هذا رايهم ما اقدر اقول عنهم خونة ومو سالفة ما عندي شجاعة او ادافع واذا تبين رايي بالصانع والله والله والله ان الصانع هذا قسما باالله ما اعرف اي شي عنه الا انه تبع حدس وانا لمن تكلمت اتلكم عن وجهة نظري و رايي ما اقدر اقول عنه خاين لانه احتفل مو الخرافي و باقي الاعضاء كانو حاضرين الحفلة بعد مو هي اللي بحولي بارك شلون تبين اقول عن نواب يمثلون غالبية الشعب الكويتي اللي هم من دوائرهم انهم خونة ..
تبين رايي بحدس من زمان و انا اقول هذيلا من سقوط لي سقوط والداو ومدري شنو و شوفي آخرتها الحفلة اللي صارت بس ما ابي اتكلم عنهم لان هذا رايهم و يمثلون ناس واكيد فئة كبيرة ولا شلون اوصلو المجلس وعلى فكرة ارد واكرر اختلاف الراي لا يفسد للود قضية شوفي احنا بالبيت عندي اختي نفس رايج وانا اكتب الردود قاعدة اقول لا يكون هذي اختي بالاخير تبقى لكل شخص هذي قناعات ونروح و نرد وقلوبنا على الكويت لان الكويت ديرتي و ديرتج و اجتمعنا على الحلوة والمره و مو حدس و لا حماس الل يفرقون بين الكويتيين احنا اكبر من جذي ...

 

[laura mercier]

حب الكويت اكبر من اي أختلاف بالرأي....ياحلو نقاشكم

 

[دلع الكويت]

حب الكويت اكبر من اي أختلاف بالرأي....ياحلو نقاشكم

هذا اللي انا اقوله مهما نختلف بالراي تبقى قلوبنا تنبض بالكويت ....