بقولكم شلون تسوون الاجراءات وطريقة التسجيل للدراسه برا الكويت (لحد يقص عليكم)

[(كويتيه عسل)]

والله ماقصرتي تسلمين

الله يسلمج نورتي الموضوع

 

[chocolate cake]

يعطيج العافية و يزاج الله خير

 

[(كويتيه عسل)]

يعطيج العافية و يزاج الله خير

الله يعافيج وياج حبيبتي

حيااااج نورتي الموضوع

 

[طال السكوت]

الله يجزاج خير حبيبتى موضوع بوقته

واذا حبيت اكمل عالدبلوم اللى عندى ..........هل ضرورى اداوم واتغررب هناك واخلى عيالي بالكويت

ولااا عادى اروح نهاية كل كورس امتحن وارجع ...امانه جاوبينى لانى بخاطري اكمل بس ما ادرى شلون الطريقة

 

[(كويتيه عسل)]

الله يجزاج خير حبيبتى موضوع بوقته

وياج حبيبتي

واذا حبيت اكمل عالدبلوم اللى عندى ..........هل ضرورى اداوم واتغررب هناك واخلى عيالي بالكويت

ولااا عادى اروح نهاية كل كورس امتحن وارجع ...امانه جاوبينى لانى بخاطري اكمل بس ما ادرى شلون الطريقة

على حسب الجامعه ووين بتدريسن

ترى الكويت فيها جامعات خاصه تقدرين تكملين وتدريس فيها ومالاداعي تسافرين

واذا كان في خاطرج تدرسين برا

على حسب الجامعه كل جامعه لها نظام

في جامعات تداومين يوم واحد كل اسبوع

وفي جامعات كل اسبوع وترك تداومين يومين

وفي جامعات لازم كل يوم وفي جامعات كل شهر على حسب الجامعه

 

[BaTTy]

والله موضوعج صج ما شالله متعوب عليه و ووايد مفيد
الله يجعله بميزان حسناتج قولي امين
و مشكوورة وايد ما قصرتي حبيبتي

 

[(كويتيه عسل)]

والله موضوعج صج ما شالله متعوب عليه و ووايد مفيد
الله يجعله بميزان حسناتج قولي امين
و مشكوورة وايد ما قصرتي حبيبتي

آآآآآآآآآآآآآآآآآآآآآآآآآآمييييييييييييييين يارب العالمين

تسلمين حياج الله نورتي الموضوع

 

[Miss Moma]

بعد عمري مشكورة واااااااااااااايد استفدت وصاجه في ناس نفوسهم ضعيفه الله يسامحهم

انزين اختي انا مدرسه وماصرلي سنتين للحيين شلون الطريقه؟؟؟ يعني انتي ماخذه اجازه دراسيه؟ ولا اقدم استقالتي ولا شنو؟؟

وايد متعبني هالموضوع

 

[Miss Moma]

بعد عمري مشكورة واااااااااااااايد استفدت وصاجه في ناس نفوسهم ضعيفه الله يسامحهم

انزين اختي انا مدرسه وماصرلي سنتين للحيين شلون الطريقه؟؟؟ يعني انتي ماخذه اجازه دراسيه؟ ولا اقدم استقالتي ولا شنو؟؟

وايد متعبني هالموضوع

 

[xxxx7]

أنا لما سجلت في جامعة برا الكويت محد علمني رحت بروحي سويت كل شي بروحي والله العظيم

ورحت وايد اماكن ووايد ضيعت ومابقى مكان مارحتله ماكنت ادري شسالفه ولا وين اروح

وسألت بنات يدرسون برا نحسسس مايعلمون المهم الحين عرفت الطريقه والاجراءات الصح

وبقولكم الطريقة الاجراءات علشان تسون شغلكم بنفسكم لحد يقص عليكم

ولما قمت اشوف في جم موضوع ناس نفوسها ضعيفه وتحاول تفص عليكم وتستغلكم احتريت الصراحه وحطيت هالموضوع



المهم اللي تبي تسجل وتدرس في جامعه خاصه برا الكويت

تسوي هالخطوات والاجراءات و الطريقه كالتالي :


(1) تروحين التعليم العالي تسأل عن الجامعات المعترف فيها مبنى 2 وهم تسألين عن التخصصات المعترف فيها

لأن في جامعات معترف فيها بس في تخصصات في نفس الجامعه مومتعرف فيها


(2) تاخذين من التعليم العالي اوراق فيها اسامي الجامعات والتخصصات المعترف فيها وعناوينهم وتلفوناتهم وويب سايتهم

طبعا في قسم في التعليم العالي للجامعات العربية وفي الجامعات الاجنبيه وفي موظفات متخصصات للبكالريوس

وفي موظفات للدبلوم وفي الماستر والكتوراه


(3) بعدين ترديتن البيت عقب ماتتغدين وتنامين العصر وترتاحين تصلين صلاة الاستخاره

وتدخلين سايتات الجامعت وتسألين عن الجامعه ونظام الدراسه والتخصصات طبيعة الدراسة.. وغيرها
في الاماكن التالية

اذا الجامعه عندها منتدى تسألين عن الجامعه في المنتديات ملوت الجامعه

أو اي منتدى

أو في الفيس بوك او اي مكان في النت

أو تروحين كليتج اللي درستي فيها وتخرجتي وتسألين دكاترتج الحبوبين عن الجامعات لانهم يعرفون عن الجامعات

أو تسألين في سفارة الدولة اللي تبي تدرس فيها عند الملحق الثقافي

أو اذا تعرفين احد يدرس في الجامعه اللي تبينها تسألينه عنها

أو تسألين رفيجاتج يشوفون يدرون ويساعدونج اذا يعرفون احد دارس في هالجامعه

أو تتصلين على الجامعه نفسها وتسألينهم عن اللي خاطرج فيه

أو الموظفات اللي في التعليم العالي يعرفون عن الجامعات

واذا حصلتي احد عنده دليل طالب الجامعه اخذينه واقريه عدل

وضروري تخزين رقم تلفون الجامعه في موبايلج


(4) بعد ماتختارين الجامعه وتسألين عن التخصص وتتأكدين انها معترف فيها وهم التخصص معترف فيه
وخلاص تقريرين قرار نهائي شنو الجامعه الللي تبين تدرسين فيها ويا التخصص


(5) تتصلين على الجامعه وتسألينهم عن مواعيد التسجيل من الساعه جم لي جم يستقبلون المستجدين ومتى يفتحون
لان في جامعات تكون فاتحه بس التسجيل يكون مسكر


(6) تجهزين الاوراق المطلوبه ( الاوراق اللي طابتها الجامعه )
مثل صور من شهادة الثانوية + الدبلوم + صور شخصيه + صور من الجواز .....الخ


(7) تروحين وزارة الخارجية صايرين يم هلال الاحمر اللي بشويخ وتصدقين شهاداتج
وفي رسوم على الطابع جنه 10 مااردي 5 دنانير راح يحطونلج طابع ويوقعون على الشهادات واذا بتروحين وزارة الخارجية روحي قبل ال12ولا تحاتين تخلصينها في نفس اليوم بس لازم تروحين مبجر


(8) تروحين السفارة اللي انتي تبيت تدرسين فيها وتودينها الملحق الثقافي
وتعطينهم شهاداتج اللي موقعين عليها وزارة الخارجيه علشان يحطون عليها طابع الدوله
االلي تبين تدرسين فيها والطابع عليه رسوم على حسب السفارة وحسب كل ديره


(9) تسافرين وتروحين الجامعه ومعاج كل الاوراق المطلوبه ومعاها نسخ زياده من الاوراق المطلوبه
زيادة الخير خيرين تزيد الاوراق ولا تنقص


(10) تروحين قسم التسجيل بالجامعه راح يعطونج طلب الالتحاق وتسجلين بياناتج والتخصص
واذا في امتحان قدرات روحي سجلي مو عد للامتحان وبعدين تدفعين الرسوم


(11) تسألين التسجيل عن المكاتب الدكاترة وين صاير وتسألينهم عن مرشدج شسمه


(12) تروحين للمرشد وتاخذين رقمه و ايميله ضروري وتسألينه عن كل شي

وكلمت استحي مسحيها من قاموسج اذا بتستحين تسألين بتضيعين لازم تسلأين عن كل شي في خاطرج

في شغلات يمكن تكون بسيطه وتعتبرينها تافهه بس بعدين لما تسأبين الدكتور تطلعع مهمه

وسألبه متى اسجل مواد وشلون الطريقه

(12) اذا كان مطبقين على الجامعه نظام الكوتنا

تروحين المحلق الثقافي الكويتي في الديرة اللي انتي فيها علشان يوقعون على قبولج بالجامعه

في جامعات يقولونج احنا نودي اوراقج للملحق الثقافي الكويتي على حسب الجامعه



(13) بعد مايوقعون على الموافقه تردين الجامعه وراح يعطونج شهادة القبول

ولا تنسين تسجلين مواد وتاخذين الجدول وتاخذين ورقة من المرشد فيها كل لمواد المطلوبه منج للتخرج

واذا كنتي تبيت تكملين بكالريوس تعادلين موادج وتاخذين شهادة المعادلة


(14) لما تردين الكويت تروحين التعليم العالي مبنى 4 علشان تصدقين

شهادة قبولج بالجامعه وتكون درستج معترف فيها ومصدقين عليها و معاج تودين شهادة القبول مالت جامعتج

وتودين معاج اوراقج مثل شهادة الثانوية والدبلوم اذا كنتي تبين تكملين بطالريوس والصور شخصيه

وصور من الجواز والبطاقه المدنيه ....الخ

راح يقولونلج اذا خلصت الورقة وصدقنا وتوقع عبيها وكيلة وزارة التعليم العابي راح نتصل عليج
بعد 10 ايام او اسبوع راح يتثلون عليج علشان تاخذينها


وبـــــــــــــــــــس [/size][/color]

بس داشه بقولج الله يوفقج يارب ونورلج دربج ويبعد عنج اعيال الحرام ومشكوره على طيبتج

 

[(كويتيه عسل)]

بعد عمري مشكورة واااااااااااااايد استفدت وصاجه في ناس نفوسهم ضعيفه الله يسامحهم

عــفــوا الحمد الله هذا هدفي من الموضوع ابي الكل يستفيد

أحبـــــــــكم يا بنات ديرتي

انزين اختي انا مدرسه وماصرلي سنتين للحيين شلون الطريقه؟؟؟

يعني انتي ماخذه اجازه دراسيه؟ ولا اقدم استقالتي ولا شنو؟؟

وايد متعبني هالموضوع

صــج الله يوفقج حبيبتي بشغلج أنا بعد مدرسه لا ماتستقيلين ليش تستقيلين ؟

شوفي حبيبتي اذا تبين تدرسين ماستر عندج طريقتين اما

(1) تاخذين اجازه دراسية ولها شروط ويخصمون من معاشج

(2) ماتاخذين اجازة دراسية ومعاشج ماشي
وتقدرين وقت الامتحانات اذا تبين هالشي اختاري
انج تاخذين اجازة اسمها (اجازة اداء امتحان )ي
عني تاخذين اجازة وقت الامتحانات مدتها 45 يوم في السنه بأي وقت تاخذينها
وممكن تاخذينها متصله او متفرقه انتي وكيفيج

أنا النوع الثاني اشتغل وادرس وساعات آخذ اجازة اداء امتحان وساعات ماآخذ

 

[(كويتيه عسل)]

بس داشه بقولج الله يوفقج يارب ونورلج دربج ويبعد عنج اعيال الحرام ومشكوره على طيبتج

آآآآآآآآآآآآآآميييييييييييييين

تسلمين على الدعوه الحلوه

 

[(كويتيه عسل)]

بنات كل مره باييبلكم صور من اوراق حق قرارات التعليم العالي
بخصوص الجامعات علشان لحد يقص عليكم

كل هالقرارات اللي بييبها موجوده في سايت التعليم العالي
شوفو قرار من نورية الصبيح بخصوص تخصص حقوق في جامعة الاسراء في الاردن

السماح للطلبة بمواصلة الدراسة بجامعة الإسراء الخاصة بتخصص الحقوق

القرار صورة من القرار
معتمد بتوقيع وزيرة التربية والتعليم العالي
اتفضلو >>>>>>http://www.mohe.edu.kw/moheweb/karaar/d114_8.pdf

 

[(كويتيه عسل)]

قرار من وزيرة التربية والتعليم العالي :
عدم السماح للطلبة في الإلتحاق بالدراسة في جميع التخصصات الأدبية و العلمية في كافة المراحل الجامعية بالجامعتين الآتية أسماؤهما في المملكة المتحدة :
The American University in London
The American University of London


http://www.mohe.edu.kw/moheweb/karaar/d120_8.pdf <<<<تفضلو

 

[(كويتيه عسل)]

المكتب الثقافي في السفارة الكويتية في لبنان

رئيس المكتب الثقافي اسمها د. منى الغيص

المفتاح الدولي 0096

ارقام التلفونات الخط لمباشر
01745444
01747576

الفاكس
01752666
01751999

 

[Big L]

مشكوره وماقصرتي والله يجعله في ميزان حسناتج

​

 

[(كويتيه عسل)]

مشكوره وماقصرتي والله يجعله في ميزان حسناتج

​

آمييييييييييييييين عفواااااا

 

[(كويتيه عسل)]

المكتب الثقافي في سفارة دولة الكويت في الأردن

المفتاح الدولي 00962

المستشار الثقافي اسمه د. حمد الدعيج

رقم التليفون:
6639 - 562 (6)

في الملحق الثقافي اسمه محمد المعتوق

رقم التليفون
6653 - 562 (6)
6637 - 562 (6)


الفاكس

58563 - 565 (6)

26670 - 562 (6)
81971 - 568 (6)

 

[(كويتيه عسل)]

المكتب الثقافي في سفارة دولة الكويت في ( القاهرة )

المفتاح الدولي 0020

المستشار الثقافي اسمه د. عبدالعزيز سفر

التليفون
8955 - 337 (2)

الفاكس
3734 - 761 (2)


الملحق الثقافي اسمه أنوار القبندي

التليفون
3696 - 760 (2)

وهم في الملحق الثقافي اسمه فاخر ناصر

التليفون

3833 - 748 (2)

الفاكس
4505 - 760 (2)

 

[^مرايم^]

حبيبتي تسلمين عالموضوع المفيد

و ربي يوفقج : )