مدرسة الكويت الوطنيه الانجليزيه knes؟؟ ((استفسار))

[أم ضارى]

بنات لو سمحتوا ابى اسأل عن هالمدرسه لانى بصراحه ماسمعت احد يتكلم عنها خييير شر بالمنتدى

انا الحين مدخله بنتى فيها بدل مدرسة اجيال الدايخه على اساس انها مؤقت بس بنتى مستانسه فيها واحس ان مستواها الحمدلله تحسن وودى اكمل معاهم بس خايفه لانى عمرى ماسمعت احد اييب طاريها

محد كلمنى عنها غير رفيجتى تقولى هاذى مايمدحونها فا بلييييييز احد يعرف اى شى عنها؟

اهيه مكانها بحولى نفس دخلة مطعم بو خضر

مادرى الناس مايروحونلها لان مكانها زحمه والا شسالفه ؟؟؟​

 

[*نور الكويت*]

هلا ام ضاري
آنا دخلتها مرة مع رفيجتي تبي تسجل ولدها يناديهم الصيفي
شكل الصفوف اتينن
بس مادري عن مستواها
وموشرط انه المنتدى ماتكلم فيها معناها موزينه
في مدارس قوييه بالكويت مالها طاري هنيه
آنا أقترح عليج تسألين عنها بالتعليم الخاص اذا معتمده او لا
وتسألين متى افتحوها ؟
شنو طاقم التدريس ؟
اذا كل شي اوكي خلي بنتج فيها دامها حبتها ومستواها تحسن فهذا أهم شي

 

[اخت خالد]

مدرسة قوية كنت مدخلة ولدي فيها بالروضة تعلم عربي وانجلش بسرعة واذكر ابلته مس فيونكا خاصة للصف لانه روضة

ومدرساته الباقي رائعات بس عقب طلعته خليته قريب عندي لانه كان صغير ويروح ويجي بباص

والناس تلومني .

المهم مدرسة حلوة ومديرتهم شانتال الغربللي فرنسية ومتزوجة كويتي

بس ترى اسعارها غالية حيل انا بالروضة قبل 4 سنين كان ب 1450 دينار

اتوقع زادوا الاسعار الحين

ونشاط السباحة كان صيف وشتاء هذا الشي اللي ما شفته بالمدارس الثانية كان كل اسبوع مرة اذكر والله بعز البرد يعلمونهم عادي الماي دافي

صج اهتمام.

 

[أم ضارى]

*نور الكويت* هلا والله نور صاجه بكلامج .... انا مو قصدى عن المنتدى بس حتى بره ماسمع عن هالمدرسه
المدارس البريطانيه القويه بالكويت معروفه ثلاث * كويت انجليش سكول * نيو انجليش سكول * المدرسه البريطانيه فى الكويت

فا كان ودى احد عنده فكره عن المدرسه تدرين فلوس الخاص مو شويه والواحد يبى يتطمن ان حاط عياله بالمدرسه الصج خصوصا ان ان شاء الله السنه اليايه اخوها معاها بالمدرسه
ومع ان المدرسه كاتبين انها مو ربحيه بس والله غاليه مو هينه حتى هدومهم انا بنتى بصف ثانيه روضه كلفتنى هدومها 70 دينار !!!

 

[أم ضارى]

اخت خالد مشكووووووووووووووره وماقصرتى ريحتى قلبى الله يريح قلبج

وبالنسبه للوم عندنا وعندج خير انا الله وكيلج يبتلهم سايق مخصوص علشان يودى وييب لان ظهرى يعورنى ماعبر على السواقه وهممممم الناس تلومنى ان المدرسه بعيده .. وانا قلبى يعورنى بس مطنشه لانى وديتها مدرسه قريبه وراحت فلوسى على الفاضى على الاقل بعيده بس تستفيد

وبالنسبه للروضه الحين بنتى بثانيه روضه ب 1670 دينار

 

[أم ضارى]

اب اب اب

 

[أم ضارى]

هم اب اب اب

 

[Lemona]

السلام عليكم

انا ودي ادخل بنتي مدرسة الكويت الوطنية الانجليزية
ابي اعرف جم اسعار kg ? و اسعار المواصلات ؟
و اذا امكن امتى يبدون تسجيل حق السنة اليديدة(شهر 9 -2009)؟

وشكرا

 

[طيبة الكويتية]

ما اعرف عنها شي والله
لكن اذا تشوفين مستوى بنتج زين و الحمدلله مرتاحه من تعاملهم وياج و ياها خلاص استقري عليها و الله يوفقها ان شاءالله

 

[برونزية رشيقة]

والله مادري ناس يمدحونها وناس يذمون فيها ... بس انا انحشت منهم لانهم كانوا بينزلون ولدي سنة مع إن نظام إنجليزي وولدي مواليد شهر 9 يعني ماشي على عمره قالت لي بتنزله سنة بدخلة pre - kg يعني سنة تمهيدي مو محسوبه !!!!

يا سلااااااااااااااااام أطوف سنة من عمر ولدي ... عاد كنت كلش بسجله عندهم !!!!

وموقف ثاني لمن كنت رايحة أسجل ولدي شفت أبو كويتي عمره بالأربيعينات مسقطين إعياله الثلاثة اثنين ابتدائي وواحد متوسط .. تخيلوا هالحجي بشهر 9 هاه يعني المدارس بادية شتقوله ؟

جدامي الحجي : تقوله إخذ إعيالك مابي ناس ساقطين عندي بالمدرسة ؟؟؟؟؟روح دور لك مدرسة ثانية ؟؟؟

والله يترجاها يقولها عفية بس خليهم هالسنة .... لان المدارس بدت وين اديهم ؟ وين أنقلهم ؟ ليش ما تكلمتي قبل ؟؟؟ الله يخليج بس هالسنة !!!

ومو راضية والستاف طولوا لسانهم عليه !!!

الله واكبر كويتي وريال كبير بشواربه ... جذي تسوون فيه ؟ وجدام إعياله !!!!!!!!!!!!!!!!!!

إنحشت منهم ..... من اللي سووه بالريال وأسلوبهم معاه !!!! وشكو تبي اتنزل ولدي سنة !!!! وترى مادية من قلب !!!! على فكرة ولدي انقبل في مدرسة خاصة وماشي على عمره شفتوا إنها تبي تنزله سنة علشان تاخذ فلوس وبس ؟

 

[أم ضارى]

والله مادري ناس يمدحونها وناس يذمون فيها ... بس انا انحشت منهم لانهم كانوا بينزلون ولدي سنة مع إن نظام إنجليزي وولدي مواليد شهر 9 يعني ماشي على عمره قالت لي بتنزله سنة بدخلة pre - kg يعني سنة تمهيدي مو محسوبه !!!!

يا سلااااااااااااااااام أطوف سنة من عمر ولدي ... عاد كنت كلش بسجله عندهم !!!!

وموقف ثاني لمن كنت رايحة أسجل ولدي شفت أبو كويتي عمره بالأربيعينات مسقطين إعياله الثلاثة اثنين ابتدائي وواحد متوسط .. تخيلوا هالحجي بشهر 9 هاه يعني المدارس بادية شتقوله ؟

جدامي الحجي : تقوله إخذ إعيالك مابي ناس ساقطين عندي بالمدرسة ؟؟؟؟؟روح دور لك مدرسة ثانية ؟؟؟

والله يترجاها يقولها عفية بس خليهم هالسنة .... لان المدارس بدت وين اديهم ؟ وين أنقلهم ؟ ليش ما تكلمتي قبل ؟؟؟ الله يخليج بس هالسنة !!!

ومو راضية والستاف طولوا لسانهم عليه !!!

الله واكبر كويتي وريال كبير بشواربه ... جذي تسوون فيه ؟ وجدام إعياله !!!!!!!!!!!!!!!!!!

إنحشت منهم ..... من اللي سووه بالريال وأسلوبهم معاه !!!! وشكو تبي اتنزل ولدي سنة !!!! وترى مادية من قلب !!!! على فكرة ولدي انقبل في مدرسة خاصة وماشي على عمره شفتوا إنها تبي تنزله سنة علشان تاخذ فلوس وبس ؟

ابيييييييييييييييه شنو هالسوالف ... انا لحد الحين ما احتكيت بالستاف اهناك لانى كنت والده لما انتقل بنتى لهم ويمكن مريت اهناك مرتين بس مامدانى اشوف خيرها من شرها

قطوه بنتج باى مدرسه؟؟ انا قدمت حق عيالى بجم مدرسه قبلوهم اقبلوهم ماقبلوهم بعد ياحيل الله شسوى راح اخليهم فى هالمدرسه ماجدامى حل ثانى

 

[أم ضارى]

انا اللى اشوفه من مستوى بنتى ان المدرسه زينه بس مادرى ليش خايفه من هالمدرسه !!!!

 

[Queen-q8]

ام ضاري

انا مع قطوة 1

في ناس ذموهم وفي ناس امدحوهم

انا اعرف وحدة ذمتهم مو المستوى والقوة بس التعامل يعني كانت مدخلة بناتها 4 فيها وتقول مرة طاقة المدرسة بنتها بالعصا حتى استغربت وهالحجي من 4 سنين يعني من زمان وانها طلعتهم بس مادري وين ودتهم

ووايد ناس انحاشوا منها

وبعدين وايد غالية وسمعتها مو وايد قوية بين المدارس يعني ما تفرق عن المدارس القوية الكيوت انجليش سكول بالسعر ما فكرت فيهم

عموما انتي جربي هالكورس وتالي ودي الحلوة على بداية السنه لوحدة قوية ومشاكلها اقل هذي وجهه نظري

اذا عاجبتج مالج شغل بكلام احد كملي فيها
وبوسيلي اليهال والحمدلله على سلامتج
انا اذكر عندج بنت وولد شكثر عندج الحين

 

[أم ضارى]

كوين مشكوره على النصيحه بس المشكله انى قدمت حق عيالى بالمدارس القويه وسكروها بويههى

يعنى نيو انجلش سكول اشكره قالتلى رفضنا عيالج الاثنين

وكويت انجليش سكول قالتلى الطاقه الاستيعابيه للمدرسه شويه ومافى اماكن وايد لاتتأملين وايد

حبطونى عدل

 

[طيبة الكويتية]

سلام ام ضاري
بشري اشصار معاج على بنتج؟؟؟
خليتها بالمدرسه ولا نقلتيها. قولي لي عن المدرسه قويه بالتأسيس ولا عادي؟
سولفي عن كل شي بالمدرسه

 

[طيبة الكويتية]

الووووووووووووووووووووووو

 

[طيبة الكويتية]

ممكن نعرف اكثر عن المدرسه
ام ضاري ممكن مساعده؟؟؟؟؟؟؟؟؟؟

 

[طيبة الكويتية]

وينكم يا امهات الوطنية؟؟؟؟

 

[mamanoonaa]

حبيبتي ام ضاري انا عندي خبره بأغلب مدارس الكويت بس الصراحه هالمدرسه ما أعرف عنها شي
بس أنصحج انج تسألين بالتعليم الخاص أحسن لأنهم أبخص
وأنا دايما أقول انتي قاطه قاطه أقط على شي عدل ولا مايسوى
يعني اذا في مدارس اقوى واحسن ليش ادفع دم قلبي عليها اروح للاحسن

 

[طيبة الكويتية]

من ناحية الاعترافات فالحمدلله المدرسه معترف فيها بوايد منظمات مثل
cis
و شفت كتبهم, قويه الحمدلله بس ما دري ليش ما يمدحونها
نبي معلومات اكثر عن المدرسه ممكن؟؟؟؟؟؟؟