أحد عنده فكرة عن قشرة اللومينيرز للأسنان؟؟؟

[duha2000]

اشلونكم يا أحلى أعضاء

حبيت أسألكم إذا أحد عنده خبرة عن قشرة اللومينيرز ؟؟؟ آنا ودي أسوي بس ما أدري كم تكلفتها

آنا بسوي الاسنان الامامية فقط اللي أهم 12ضرس

فكم تهقون يطلع علي؟؟؟

ما قصرتو يا قلبي

 

[duha2000]

اشدعوة يا بنات ردو علي اختكم

مو متعودة عليكم الكشتة

 

[شندوخه]

مادري والله قصدج اهيا السيراميك ؟؟ لان السيراميك وايد غاليه الظرس الواحد يطلع 200 دينار بس مانصحني فيهم الدكتور قالي انه تخلي الظرس مو صحي ومعرض للتلف لانهم يحكون نصه وتالي يلزقون التلبيسه فيهم

 

[SAMSAMA]

الي تقصدينى تصير مثل العدسات بس موجودة عند مركز بيان هذي وااايد حلوة ومايحكون الأسنان ولا تخربها بس غالية الضرس الواحد من 400- 450 دقي على بيان سأليهم 22497787

 

[duha2000]

ماااا قصرتو بعد عمري عالردود

وتسلمووولي حبايبي...... اي اهي اللي تصير مثل العدسات

بس وييييييييييييييييي غاااااااااالية حدها واهم 12 ضرس ابي اسويهم تخيلي!!!!

يبيلنا نطلب قرض هههههه

ماقصرتو قلبي

 

[غرشوبه]

شوفي عند عياة لولو اختي تكلم دكتورها تقول كل الأسنان تقريبا 250 او 400 اذا مو غلطانه وتخيلي تكون بيضه سنونج ما تصفر لمدى عشرين سنه واكثر يستخدمونها الفنانين والممثلين انا قلت بسويها بعد ما اخلص التقويم ان شااااااااالله

 

[SAMSAMA]

أهاي بنات جم رقم عيادة لولو والله زين إذا كل الأسنان يسونها 400 سعرهم واايد حلو

 

[جروح76]

آنا سألت دكتور بعيادة الأنصاري قالي إنه الظرس الواحد ب 250 دينار
لكن ما نصحني فيهم لأنه يقول هذي بس حق الناس الفاظية اللي عندها فلوس وماتدري وين تقطهم لإن أسناني الحمد الله مو محتاجه
لكن أحب أنصحج إختي لإني سمعت الشيخ عايض القرني في رمضان الي طاف يقول حتى تبييض الأسنان حرااااااااام لأنه يلفت النظر فبالتلي يكون فتنة .... وصحيح إختي إحنا دايما لما نشوف الفنانات والفنانين نطالع ظروسهم ونقوووول واااااااااااو شحلوهم ملفتين يهبلون... والله أعلم

 

[ام جراح 2]

شوفي عند عياة لولو اختي تكلم دكتورها تقول كل الأسنان تقريبا 250 او 400 اذا مو غلطانه وتخيلي تكون بيضه سنونج ما تصفر لمدى عشرين سنه واكثر يستخدمونها الفنانين والممثلين انا قلت بسويها بعد ما اخلص التقويم ان شااااااااالله

غربوشه يا معوده دلينا تكفييييييييييييين اي عياده هذي

 

[sweet_lady]

جم رقم عياده لولو

 

[!! بطاطه !!]

حلوه بس غالي انا سألت عياده بيان قالو الضرس ب450 و في اقساط يعني حسبيهم اذا بس اتسوين الى جدام فوق وتحت يطلعون ب6750
هذا بس 15 ضرس ومادري اذا في ارخص وهي تصير نفس العدسات تلصق على الضرس بدون اي برد او شي ثاني

 

[duha2000]

وي يا بناتنا الحلوات

ماقصرتو عالرد

غرشوبة حبيبتي.... العيادة اللي تقولين عنها يعني مثل اللي انا طالبته؟؟؟؟ القشرة اللي نفس العدسة أكيد ؟؟؟؟ اذا اي يا رخصي لاني دقيت على عيادة البيان وقالولي لا تحاتين بالاقساط ولا يطلع الظرس الواحد ب 450 حسبي الله عليهم شنو ذهب؟؟؟؟.... اذا الظرس بسووله زراعة ب 500 !!!!....

ماقصرتو حبايبي وتسلمولي كل اللي ردو

 

[SAMSAMA]

مرحبا بنات مرحبا اخت جروح 76 جم رقم عيادة الانصاري بنات آنا سألت عيادة ثانية الي تيجان بالفروانية هم الضرس الواحد 450 صج اذا الواحد بيسوي أقل شي 12 ضرس تكلفتها واايد بس الحلو بالموضوع انهم يتمون معاج 20 سنة بأذن الله ومايتغير لونهم مهم تشربين شاي وقهوة ولا يحكون السن ويخلونه على طبيعيته يلا نظر شوي اتوقع راح ينزلون

 

[duha2000]

الله يسمع منج

 

[النويره]

بنات صج اللومنير يسوي التهاب لثه لانها قشره يقولون الفنير افضل بس عيب الفنير حك الضرس وحك الضرس مو زين تبي رايكم

 

[النويره]

اي صوب عياده لولو

 

[مميزة خلقة]

بنات امي تعالج سنونها بعياده وقالها الدكتور بحطلج اللومينيرز وانا من قبل كنت رايحه لبيان ووفعلا قالو لي السن ب 450 فلمن شفت اللومينيرز عنده بطلت حلجي نفس اللي في بيان ولمن سالته تخيلو بكم قالي 20 دينار واذا عالدكتور شاطر وحريف

 

[نور مصر]

بنات امي تعالج سنونها بعياده وقالها الدكتور بحطلج اللومينيرز وانا من قبل كنت رايحه لبيان ووفعلا قالو لي السن ب 450 فلمن شفت اللومينيرز عنده بطلت حلجي نفس اللي في بيان ولمن سالته تخيلو بكم قالي 20 دينار واذا عالدكتور شاطر وحريف

ممكن اسم العيادة ورقمهم ان امكن

 

[wishesangle]

اي والله فيدونا يا حلوات عن التلبيس ....

 

[سبلاش]

يابنات
القشرة تختلف عن السيراميك والكومبوزايت انه مايتم برد الاسنان بس تلصق عليهم وهذا يفيد انه اذا بغيتي تشيلينه تقدرين عكس الباجي اللي بردتيهم
وشوفو هالرابط
http://www.aawsat.com/details.asp?section=65&issueno=10750&article=470312&feature=
وشوفو هالفيديو شلون يركبون القشره
http://www.youtube.com/watch?v=qGXp1DJ4SwQ&feature=related