تجمع خاص لدبدوبات دكتور طالب الشمري(مدة الموضوع شهر من تاريخه)

[go0omar]

بسم الله الرحمن الرحيم

انا من زماااااان كله اراجع عند دكتور طالب الشمري .... رجيمه سعات قاسي وسعاات ماتصدقين انه رجيم
لاكن والله على ايده حققت حلمي نزلت 30 كيلوو ومااشيه بعد على رجيماته ... وانا توني راده من موعدي ..

فا قررت حق كل الي يراجعون عنده او الي يبي يستفيد يشاركنه في هل تجمع ..

هم عشان نستفيد ونشجع بعض ونشوف شنو الفرق ... ويمكن نشوف بعض بالعياده _03BA:


كل يوم بهل تجمع نكتب يومياتناا ...

والي عندا ورقة المراجعه تقولنه شنو عطهاا ...

وجم كان وزنها في اول مراجعه والحين جم ...


وحياااكم الله

:gathering:

 

[go0omar]

رد: تجمع خاص لدبدوبات دكتور طالب الشمري

خل اقولكم عن نفسي


انا اول شي قطعته سنه ... ورحتله السبت الي طاف زاايده وزني 74.3

وعطاني رجيم

الريوق
نسكافيه + كوفي ميت او حليب بودر

بعدها بساعه

توست اسمر 2 + وحده مرتدله + جبنه سلايس



مكوو غدى لانه ارد من الدوام انااام


لمن اقعد من النوم

اشرب نسككافيه + حليب بودر او كوفي ميت


العشى

توست اسمر مع لبنه و7 زيتون + شرايح خس وطماط و خيار
او
كوب ذوره باليمون والفلفل والملح

مع دايت


والله كريم تكفون بنات ادعولي الله يثبتني هل مرى على ارادتي

 

[mn.mn]

رد: تجمع خاص لدبدوبات دكتور طالب الشمري

الله يعينج ويثبتج على الرجيم

وماشاء الله انجاااااااااااااااز 30 كيلو الله يتمم عليج بصحة وعافية

وأنا مادري ليش رجيمات طالب تسويلي أزمة نفسية

 

[go0omar]

رد: تجمع خاص لدبدوبات دكتور طالب الشمري

تبين الصج اهي اشوي قاسيه بس لاحظت اذا تركت الرجيم ماارد امتن يعني بسنه بس كيلوين ونص متناانه والله رحمه

 

[مدرسة طفشانة]

رد: تجمع خاص لدبدوبات دكتور طالب الشمري

حبيبتي قمر انا كنت عند طالب الشمري قبل جم سنه بس صدقيني >>>>>>>>>وهذا شي امشي واقوله
ان احسن من ريجيمات طالب ما كو والدليل ان اغلب الريجيمات في العيادات والمنتديات تعتمد على الريوق الخفيف والغدا يكون سلطة وبروتين
والعشا يكون خفيف
وابشرج اني ما كو دكتور ما رحت له بالكويت كل عياده عندي فيها ملف بس ما قدر على وزني الا طالب لدرجة اني الحين راده اعيد الريجيمات بنفسي من غير ما اراجعه مثلاك
الريوق 2 توست وجبن شرائح قليل الدسم مع كوب شاي
الغدا سلطة وصدر ديايه أو قطع لحم صغيرة أو علبة تونة صغيرة أو 2 بيض مفيوح
العشا 4 برتقالات او روب وخيار او توست وجبن
طبعا ما ننسى فترة الضحى والمغرب كوب النسكافيه
وان شاء الله نضعف بصحة وعافية وراح ابتدي اكتب لكم يومياتي من باجر عشان نشجع بعض

 

[mn.mn]

رد: تجمع خاص لدبدوبات دكتور طالب الشمري

موفقين واهم شي الوحدة تكون مرتاحة على الرجيم

 

[go0omar]

رد: تجمع خاص لدبدوبات دكتور طالب الشمري

حبيبتي قمر انا كنت عند طالب الشمري قبل جم سنه بس صدقيني >>>>>>>>>وهذا شي امشي واقوله
ان احسن من ريجيمات طالب ما كو والدليل ان اغلب الريجيمات في العيادات والمنتديات تعتمد على الريوق الخفيف والغدا يكون سلطة وبروتين
والعشا يكون خفيف
وابشرج اني ما كو دكتور ما رحت له بالكويت كل عياده عندي فيها ملف بس ما قدر على وزني الا طالب لدرجة اني الحين راده اعيد الريجيمات بنفسي من غير ما اراجعه مثلاك
الريوق 2 توست وجبن شرائح قليل الدسم مع كوب شاي
الغدا سلطة وصدر ديايه أو قطع لحم صغيرة أو علبة تونة صغيرة أو 2 بيض مفيوح
العشا 4 برتقالات او روب وخيار او توست وجبن
طبعا ما ننسى فترة الضحى والمغرب كوب النسكافيه
وان شاء الله نضعف بصحة وعافية وراح ابتدي اكتب لكم يومياتي من باجر عشان نشجع بعض

هلا والله يالغاليه حيااج الله معااي ومع البنات انشاءالله بيكتبوون

اي والله انا بعد جربت هل شي لمن قطعة الدكتور فكرة اجرب غيره لاكن والله ما نفع معااي ... والحمدالله ماشيه على رجيمااته والله يوفقنه

 

[go0omar]

رد: تجمع خاص لدبدوبات دكتور طالب الشمري

موفقين واهم شي الوحدة تكون مرتاحة على الرجيم

معاج حق يالغاليه ... اهم شي الراحه .... والله يوفق الجميع انشاءالله

 

[دفي قلبي وحنيني]

رد: تجمع خاص لدبدوبات دكتور طالب الشمري

عســــــــــــــــالله يثبتكم ياااااااارب

 

[اصعب فراق]

رد: تجمع خاص لدبدوبات دكتور طالب الشمري

والله يابنات يوم السبت الي طاف كنت عنده ومادري ليش حسيت اني راح اظعف بسرعه اهو رجيمه شوي قاسي بس الحين صارلي السبوع والله احس قابيليتي على الاكل حيل خافه يعني اشبع بسرعه الحمد الله بس هو كتبي على اعشاب او شي جذيه ما اخذته مادري اخاف من هسوالف حبيت اسئل اذا جربتوه ولا لا

وشكراً

 

[Q8stylle]

موفقييييييييييييييين

 

[go0omar]

رد: تجمع خاص لدبدوبات دكتور طالب الشمري

عســــــــــــــــالله يثبتكم ياااااااارب

اجمعين يالغاليه

 

[go0omar]

رد: تجمع خاص لدبدوبات دكتور طالب الشمري

والله يابنات يوم السبت الي طاف كنت عنده ومادري ليش حسيت اني راح اظعف بسرعه اهو رجيمه شوي قاسي بس الحين صارلي السبوع والله احس قابيليتي على الاكل حيل خافه يعني اشبع بسرعه الحمد الله بس هو كتبي على اعشاب او شي جذيه ما اخذته مادري اخاف من هسوالف حبيت اسئل اذا جربتوه ولا لا

وشكراً

انا كنت عنده السبت الي طاف :ggdw:

والاعشاب امي تستخدمهم بعد اليوم مشالله انصدمت انها ضعفانه ثلاث كيلوو بسبوع مادري يمكن عشان بعد وزنهاا وايد

وهذي الاعشاب مثل المكمل الغذائي تسد النقص الي بالجسم + تضعف لانه فيها مواد تحرق الدهون

 

[سمسميه]

موفقه قمر شدي حيلج والتزمي

 

[go0omar]

فيج الخير سمسميه على العموم اسفه كان لازم استئذن منج اول وراح عن بالي وحياج الله نورتي الموضوع

 

[سارونه87]

روعه رجيمه خيال
انا انزل بالشهر 10 كيلووووووووووووووووو معاه

 

[go0omar]

الف مبروك حبيبتي

 

[تووتة]

حبيبتي مكان عيادته
ممكن العنوان + الرقم
يعطيج العافية حبوبه :q8:

 

[ayoya]

انا من مده معاه
شكلي بسوي نفس رجيمج go0omar
من باجر إنشالله

انتي تاخذين الحبوب ؟؟؟؟؟؟؟؟؟؟

 

[go0omar]

حبيبتي مكان عيادته
ممكن العنوان + الرقم
يعطيج العافية حبوبه :q8:

حياااج الله يالغاليه

عنوانه سهل ... مركز الطبيعه للتغذيه

بجانب طب أسنان الاميري

ت .. 22455637


ربي يوفقج