! افكار !

[كويتية كشخة]

هااااي
شلونكم شخباركم
شمسويين مع العيد الوطني
بمناسبة العيد الوطني انا سويت هالموضوع

:nbvppw:
انا سويت هالموضوع
انه كل وحدة تدش وتقول شنو سوت حق العيد الوطني هالسنة

يلا انا اول وحدة ببدي

والله انا رحت وشريت من النصر بلايز بيضة
ورحت مركز العايلة وشريت الوان احمر-اخضر-اسود
اول شي سويته خذيت البلايز مركز الطالب
وطبعت عليهم
(we love you q8)
وبعدين من ورا دخلت ايدي بالالوان وطبعت طبعة ايدي على البلوزة من ورا
و البلوزة الي سويتها ينلبس تحتها بدي اسود
ويا سكني اسود
وفي كرفته يبيعون ببو امية على الوان الكويت
شريتها وراح البسها وياهم

شرايكم بالفكرة ؟؟
هالله هالله بالردود

 

[كويتية كشخة]

افا ليش محد رد ؟

 

[ذكراك تكفيني]

انا والله ما سويت شي بس رحت السوق وشريت صور
واعلام اللي تحط على الملابس بجلاب وشريت قميص على علم الكويت
وشريت فوم حق المسيره وبس

 

[كويتية كشخة]

مشكورة يا حياتي عالرد والله انتي الي معبرتني بس

 

[بنت الكويت1]

انا شريت بروش كبييييييير بحطه على عباتي وبروش على العلم حق الملفع لرووعة مع الخاتم علم الكويت يهبببل

 

[<< أزيان >>]

والله ماسويت شي مالي خلق زحمة السوق

اكيد بشتري نفانيف لبناتي والاعلام ترس الكبت ومسيره ماني رايحه صارت وايد مصخره نروح مجمع وايد احسن

 

[دلع الكويت]

احنا كل سنة بالبر و هالسنة طرت علينا فكرة وانشاء الله تتم على خير يا رب شوفي حبيبتي احنا بنحتفل بالمزارع مع الاهل طبعا جهزنا الاعلام والبالونات على اعلام الكويت بنترس المزرعة فيها غير طبعا البالونات اللي راح نطيرها بالهوا وشرينا واااايد جراخيات و حجزنا كيك على علم الكويت هذا غير الحلويات وقاعدين نجهز مسابقات و هدايا للكبار و اليهال...طبعا اللبس راح يكون علم الكويت وبالنسبة للعشا راح يكون بوفيه كل وحده من البنات راح تجيب طبق .... عندنا خيمة كبيرة بالمزرعة اذا الجو بارد بنحتفل فيها و اذا الجو حلو بنحتفل بالهواء الطلق ...
وعشان يكون احتفالنا منظم كل مجموعة من البنات مسؤولة عن شي مثلا التنسيق و الترتيب حق مجموعة من البنات و المسابقات مجموعة ثانية و البوفيه مجموعة ثانية....ومن الساعة 10 الصبح لي الساعة 1 الظهر راح تكون اغاني وطنية لليهال عشان يستانسون واحنا نرتب لتجهيزات الحفلة ومن 1 الظهر راح تبدي حفلتنا...وحجزنا شخصيات لليهال يجون مدة ساعتين مثل بارني وغيرها و جايبين وحدة ترسم لليهال على الوجه ... وكل عام وديرتي و انتم بالف خير

 

[me my self and I]

انا عندي بنطرون على الوان علم الكويت اخضر وابيض واحمر والبس عليه بدي اسود هاذا لبس العيد الوطني اللي قبل اللي فات
والعيد الوطني اللي فات سويت حزام على علم وشال اللي فيه فتحه مكان الايدين على علم ولبست معاهم بنطرون اسود وبدي اسود

بس ما لبستهم بالمسيره احس فشله احنا نسوي حفله بين اهلنا ونسوي مسابقات والعاب ناريه ومسيره وجذي

اما حق هالسنه لي الحين ما سويت شي ويمكن ما اسوي

اما البلايز اللي قلتي عنهم عندي وحده نفس اللي لبسها بشار بهلا فبراير 2007 اللي حمرا وعليها كلمه كويت بالابيض يعني علم الكويت القديم بس مو حلوه عليي بالبس

 

[شباصه ريش]

وااااي ياحلو افكاركم تصدقون انا مخي ماخذ اجازه غصبن علي مو راضي يفكر كلش فشكلي ادور بالسوق شي حق ذرب لبناتي ويمكن اروح بيت ديفا

 

[MoonDiamond]

انا ورفيجاتي راح نلبس ملافع عليها اعلام الكويت..
وقمصان سود ونترسها باجات واعلام من بو اميه وبس

 

[عيون الشقاوية]

هلا والله :eh_s(6):

والله للحين ما شرينا شي بس نبي افكااااااااار قولولنا !!!!


ولا عليكم امر قولولنا المحلات الي تبيع اشياء حلوه :eh_s(6):


نفس الملافع وين نلقاها ؟!!

 

[سمو]

السلام عليكم

اللهم صل على محمد وال محمد


عزيزتي خوووش شغل

احنا جهزنا الاسلحه والذخيره ...وسنقوم بالهجوم المسلح ..على كل من تسول له نفسه برشنا بالفوم ...واللي يرشنا بالفووووووم ...نرشه ....



















اكيد بعد بالفوووووووووم _03BA:


وان شاء الله تكون المسيره نفس العام بصبحان ...وناااااسه :ggdw:





بس طبعا كل مكان بالديره .............مسيره :dddds:







وعااااشت انا الكويت الكويت ..وعاشوا اهلها

 

[نيــلــوفــر]

تشوقت للمسيرة واااااااااااااي

بلبس اسود وبعلق بروشات

بنات لبسوا اسود اذا بتروحون المسيرة لانه الفوم يخرب الملابس ساعات الواحد ينسى بعد ويكشخ واخر شي يتحسف
لبسوا ملابس عادية وغامجه عشان ما يتاثر بالفوم

بشتري كرتون فوووووم

ورشاشين ماي و 5 بطول ماي كبار ذخيرة لوول

ولازم بالسيارة اكو بطاط و مصاص و حلاو عشان نوزعه عاليهال

 

[اللمسة المخملية]

بشتري كرتون فوووووم

ورشاشين ماي و 5 بطول ماي كبار ذخيرة لوول

ولازم بالسيارة اكو بطاط و مصاص و حلاو عشان نوزعه عاليهال

تمام.. خوش تجهيز.. داشة حرب ههههههههههههههههههههههه:ggdw:

 

[zooona]

انا زينت شقتى مدخلها وفى بلكونه ...وشريت من السوق اسكارف وبروش علشان بلبسه كل يوم علما يجى الاربعاء ونحتفل عدل... فديتج

 

[غير كل الناس]

كوويتيه كشخه

حلووو فكرتج وشكلي بقلدج لووول

 

[كويتية كشخة]

لووول

(غير كل البشر) على قولة محمد الويص حلال بلال عليج لوول

(نيلوفر) خووووووش تجهيز لوول وانا شريت بلونات وبترسهم الوان عشان التجهيز لوول


(zooona) حلو تجهيزج

(سمو) مو اهم شي الذخيرة احنا بدونها ما نسوا شي

(عيون الشقاوية) تبين اماكن تبيع ملافع على اعلام روحي الفروانية او المباركية

(nana_cat79) حلوة فكرتج

(شباصة ريش) وي انا كنت نفسج المخ مو بس ماخذ اجازة الا بسابع نومة بس عصرته عصار لوول

(me my self and i) حلوة فكرة البنطلون

(دلع الكويت ) احلى شي انكم رايحين البر

(ماركية وكشخية ) روحي الفروانية تحت مجمع النمران ماكو زحمة وكل شي تبينه موجود و النفانيف احلى شي انهم على 3 او 4 دنانير وتلاقين اقل وكل خرابيط العيد الوطني هناك

(بنت الكويت 1) حلوة فكرة البروش الكبير

(ذكراك تكفيني) احلة شي الفووووم

 

[!!.. غير البشر ..!!]

الله
لو نفتك من الفوم بالمسيرات ويرقصون الشباب احلى
نطالع عدل مو مصكرين الدرايش وخايفين نفتحهم
انا بلبس اسود باسود واحط باجات وعندي ملفععلى علم الكويت شاريته من دبي قبل العام
عاد قبل فتره شفته بسوق السالميه " سيتي سنتر " الكوشكات مالت الاملافع
نفسه يبيعه بس مادري بجم ! انا شاريته من دبي بأربع دنانير
ويمكن اشتري بلوزه على علم الكويت للحين مو اكيد


افكاركم تهبببل =)

 

[LA TROO7]

بشتري كاب وباجات لحموودي لان عيد ميلادة ويا عيدنا الوطني

 

[sara999]

انا شريت من سوق السالميه تي شيرت الي كلا علم الكويت وبلبس عليه جينز وتونز احمر وبحط بروش حلو خذيته على كبر التونز وشيله ملونه بالالوان نفسها
ولدي نفس التيشيرت .... اهوه يكون بولو يعني مع قولا .... وسويتله جاكيت رسمي على علم الكويت شكلا وااايد طلع راقي احلى من الصوره الي صممتها وبعد بحط على جنب بروش كبيييير على كبر الجاكيت وجينز سكني مرسوم من ورى اعلام الكويت

وكان ودي انظم حفل بس الكل بيشيل من المخيم يضيقون الخلق

الحل ماكو الا مخيم البترول او الدفاع والمجمعات والمنتزهات كل يوم مكان اونس ولدي واصور اهم شي التصويييييييييير