حملة (( رشاقتي مع لذوذه )) بالصور--انتهت الحمله وبانتظار النتائج

[ضحى الكويت]

رد: حملة (( رشاقتي مع لذوذه )) بالصور

لذوذة ..... هلا يا قلبى فيج اشلونج شخبارج عساج بخير ويتقبل منا اجميع يا قلبى بالعافيه عليج اكلج وايد حلو وخفيف واعتبرج اليوم رجيم قاسى ودوم بهالشكل عفيا عليج تبارك الرحمن


لذوذه شاركينى بموضوعى وتابعيه دايمااا اتمنى الافاده للجميع يارب


http://www.q8yat.net/showthread.php?p=7698413&posted=1#post7698413

 

[هــنــــــد]

رد: حملة (( رشاقتي مع لذوذه )) بالصور

اي والله ملكوووكه شفنتي شلوون
طلع فوق راسي طحالب وانا مادري عن نفسي.. لول
ملوووك تعالي هني صج انتي من صجج من 13 سنـــه.. انتي عجيييبه حدج
انشالله عقب 2009 خلاص بتوصلين للي تبيه وماكو ريجيمات
واذا عن مرت اخوج.. خخخخخخخخخ.. الله يعينها عليج وعلى ريجيماتج .. احس صار فيج تشبع ريجيمااات
تدرين ولا مره سويت ريجيم عند دكتوور
كله من كيفي
واضعف عليهم اعد الحمدلله.. بس شنو.. مره ما آكل بعد الساعه ثنتين العصر
مره طوول اليوم اقعد على تفاحه
يعني عذاااااااااااب
الله يعينا جميعا

 

[هــنــــــد]

رد: حملة (( رشاقتي مع لذوذه )) بالصور

صافيه حبيبت قلبي شحاالج
ما تبينين
عدل كلامج والله الاتزاام شي حلـــو.. بس الحرماان كلللش مو حلو
عشااان جذي لااازم نختار النظام الصح

انا نفسج لمن أطلع مكان لازم شكر خالي السعرات يكون بالجنطه.. اما غيره فلا.. لأني اسمح حق نفسي اني آكل اي شي مهما كان
بس بكميات صغيره

 

[MeMoOoOo]

رد: حملة (( رشاقتي مع لذوذه )) بالصور

الله يحييكم يا صبايا .. وربي يكتب لكم العافية والصحة مع نزول الوزن

طير الحب .. الله يسلمك حبوبتي

هذه الخلطة اللي آكلها مع الروب من صديقة زوجة أخوي

هي اللي تسويها بالبيت وتبيعها على 10 دنانير



ونظام التنظيف .. هو عبارة عن مجموعة متكاملة من الفيتامينات وعصير وبروتين ينظف المعدة والدم

وطبعاً هالنظام يعتمد بالبداية على يومين بدون أكل بس من هالمجموعة << بهاليومين أنا نزلت كيلو إلا شوي

وبعدين تبدئين تاخذين وجبات بكميات معينة .. وما فيها اي صعوبة .. لأنها مو مثل باقي الأنظمة تعقد الدنيا فينا

هذه المجموعة سعرها 55 دينار ..

والمجموعة هذه وكثير من المنتجات المفيدة والصحية مرخصة من وزارة الصحة الكويتية .. يعني رسمية وما في منها خوف بإذن الله

وأنا جربت كثير من هذه المنتجات والحمدلله كل اللي جربته أعطاني نتائج على الأقل من 80% إلى 90%

وبعض المنتجات أعطتني نتائج 100% ولله الحمد


وانتظروني بموضوع منفصل اسجل فيه كل شي عن هالمنتجات

وأنزل لكم الصور والأسعار

وكيفية الحصول عليها ..


وأي استفسار لا يردكم الا الكيبورد ^_^


وربنا يعطيكم ألف عافية

 

[daloO3a]

رد: حملة (( رشاقتي مع لذوذه )) بالصور

مرحبا بنات

انا اليوم بشترك معاكم بما ان اختنا لذوذه فتحت التسجيل

انا daloO3a
و انا حاليا بمريكا دراسه
و بصراحه هني ما ياخذون الوزن بالكيلو فقط بالباوند و اخر مره قبل 20 يوم كان وزني 175 باوند يعني اتوقع بالسبعينا بالكيلو و انا حاسه الحين زدت و يمكن وزني 79 و توني يايبه بنوته مثل القمر الله يخليها لي
المطلوب اوصل 70
طولي 162
و بمريكا ما احصل ميزان بكل مكان مثل الكويت فا بحاول اشوف وزني و احطه و اتمنى اختنا لذوذه تعذرني

و يلا بنوتات ابي ترحيب فيني و ابي اتعرف عليكم

و ان شاء الله نشجع بعض و نضعف ابي انزل عشره كيلو

 

[عنيّد]

رد: حملة (( رشاقتي مع لذوذه )) بالصور

دلووعه ،، حياج الله ، الباوند = 0.4536 يعني عدله حسبتج وزنج بالضبط 79.38 كجم


صفصف ،، اي جسمج مسكين منصدم من سهرة امس وين تكفيه النومه


لذوذه ،، ألف ألف عاااافيه

 

[daloO3a]

رد: حملة (( رشاقتي مع لذوذه )) بالصور

عنيد يسلمو حياتي

خلاص اذا شفت اي صعوبه بالباوند بقولج و تحسبيلي

 

[daloO3a]

رد: حملة (( رشاقتي مع لذوذه )) بالصور

ملكة روحي اللهم امين

اي ينزل بسرعه طلعتلي هذيج الكرش اللي ذاك اليوم بجتني تخيلي ما اقدر البس شي و السبه كرشتي مو طبيعي كل هذا لني ما حافظت بالنفاس

 

[daloO3a]

رد: حملة (( رشاقتي مع لذوذه )) بالصور

20\2 اكمل شهرين

تدرين بمريكا و نفاس كلش ما حسيت بالنفاس ولا جني بنفاس

 

[عنيّد]

رد: حملة (( رشاقتي مع لذوذه )) بالصور

ههههههههه دلوعه ماتخيل بامريكا ويسوولج حسو

 

[MeMoOoOo]

رد: حملة (( رشاقتي مع لذوذه )) بالصور

الله يحييكِ ملكة روحي

أنا بديت من 25 يناير .. يعني بعد ما كملت شهر

كان وزني .. 86
والحين .. 79

نازلة 7 كيلو ..

يمكن البعض يقول كثير وما يصير ننزل بشهر هالوزن كله

بس أنا أقول لكم الحمدلله ما في اي مضاعفات ونسبة الدم عندي صارت عالية بعد ما كان عندي انيميا

وما في أي أعراض جانبية .. مثل دوخة أو هبوط أو مثلا كسل لأن هالمجموعة لها فوائد كثيرة

 

[daloO3a]

رد: حملة (( رشاقتي مع لذوذه )) بالصور

لوووووول عنيد افا عليج امي كانت تسويلي حسو بس انا ما اكل

ملكة روحي امي كانت معاي

بس انا عنيده كنت اقول هذي خرافات قبل سوالف النفاس

لني اشوف الامريكان ما عندهم هالسوالف

كنت اكل اكل و انا بالنفاس عيوش و وجبات حتى البيبسي شربته لوووووووووول

و الحين حدي متحسفه بس ان شاء الله اتشجع معاكم و اضعف

 

[daloO3a]

رد: حملة (( رشاقتي مع لذوذه )) بالصور

ملكة روحي اهدافج نفس اهدافي بالضبط ودي بالاول انزل عشره و بعدين خمستين ابي انزل عشرين كيلو اوف يصير جسمي حده عجيب لو يصير وزني 60 يا سلام البس اللي ابيه و اللي بخاطري

 

[GAP^^الكبيرة]

رد: حملة (( رشاقتي مع لذوذه )) بالصور

هاللو هاللو بنات

شلونكم وشخباركم؟؟


ثواني اخذ فره على الردود وراجعتلكم

 

[GAP^^الكبيرة]

رد: حملة (( رشاقتي مع لذوذه )) بالصور

مرحبا بنات
شخباركم وشخبار الدايت معاكم
والله اني ولهانه عليكم وعلى اخباركم:hjy5jewf:
انا وصلت من مصر الساعه 10.30 بالليل وقلت اطل عليكم اشوف شخباركم
وانتوا دايما على بالي هناك والدليل اول مره اسافر وانا مسويه حساب لكل شي اكله صج احيانا اخوره والخبط الدنيا بالأكل بس اتذكركم بصراحه اخاف من الملامه :23_asmilies-com: وبعدين مو هاين علي اللي الوزن اللي نزلته ارجعه فأسوي كنترول على نفسي وقلت لكم من قبل لازم ارجع زايده كيلو ونص اوكيلوين اذا كنت بس مسافره يومين واذا اكثر بالراحه ازيد من2 الى 3 كيلو وهاي السفره قعدت 5 ايام يعني على حسب عادتي القديمه المفروض اكون زايده 2 او 3 كيلو بس الحمدلله احس زايده شوي مو وايد وشفت وزني بس بوزن بكره الصبح مره ثانيه وباحط لكم الوزن
وطبعا هذا بفضل الله اولا وبعدين يرجع لتشجيعكم :eh_s(9):
والحين بابدأ اقرا اخباركم وردودكم والله يعيني اقدر اقرا كل اللي فاتني لأني رحت وانا كنت بالصفحه 93 ورجعت الحين ولقيت الموضوع واصل 124 صفحه :cxxxp: ماشاءالله على همتكم واالله الموضوع رووووووعه ومشجع

فكل الشكر للذوذه اولا :e3: على هالموضع القمه وبعدين الشكر لكل البنات _03ba: اللي معانا بهالموضوع سواء مشاركين او متابعين

الف الف الحمدالله على السلامه حبيبتي... مكانج مبين

بشرينا شلون السفره ان شاء الله ستانستو

 

[MeMoOoOo]

رد: حملة (( رشاقتي مع لذوذه )) بالصور

وأنا بعد أبي أوصل حالياً إلى 72

وبعدين أبدأ المرحلة الثانية للوصول إلى 60

وتبون الصراحة المشاركة معكم تونس وتشجع

وإن شاء الله كل وحدة توصل للوزن اللي تبيه

 

[GAP^^الكبيرة]

رد: حملة (( رشاقتي مع لذوذه )) بالصور

اي والله صفصف
امبيه اهلي باجر بيروحون الجاخور وبنام هناك ومابي اخرب رجيمي
بس بروح الحين سوق شعبي بشتريلي بكسات بحط فيهم اكلي مال الرجيم لان الدكتور متحلف فيني تاريخ 28 الشهر لازم اكون نازله 6 كيلو والله كريم
لان حتى يوم الثلاثه بنروح بنام بعطله العيد الوطني لحد السبت والله يستر علي ماخربط
بس لالالالالالالا لاااازم التزم هل مره مانفعتنا البلعه الي بهل كروش والزنود الفخوذ ملينا خلاص الاكل مو طاير

كلالالالالامج عدل وصح
عاد توني بتهور وباكل دولمه بس قريت كلامج واحترمت نفسي ههههه





دلوعه حياج الله معانا .. والحمدالله على سلامتج


صفصف شلونج حبيبتي؟


ميمو حياج الله

فهده شلونج حبيبتي

غاردينيا
حبيبتي توني ارجع واشوف الردود
وانتي سالتيني عن الشوربه.. حبيبتي هذي الشوربه الحارقه للدهون اسويها بس ما امشي على نظامها بس اخليها مع الوجبات
والله يعافيج ويشافيج ويرفع عنج الضر يااااااااارب

ملكه روحي
يا بعد قلبي توني اقرا سالفتج... مادري شفينا نصير حسااسين وايد .. الحمدالله انها عدت على خير
وبالنسبه للترهل بالزنود اكو تمارين خاصه حقها
ترفعين ايدج جنج بتطيرين وتحركينهم فوق وتحت
واكو تمرين ترفعين ايدج وتفرينه يعني تسوين دوائر بالهوا
جسوت
بعد التحري الدقيق لاصل الشوربه لان اكو كذا وصفه لها
طلعت تنزل من 7-10 باوند يعني تقريبا من 3 لي 5 كيلو بالاسبوووع مو بالشهر
بس اللي ينزل سوائل
انا صراحه ما التزمت بالنظام بس اشرب الشوربه واحسها خفيفه على المعده الحمدالله
واذا تبين مور انفرميشن>>> هذي حق حموود الله يخليه لج ان شاء الله ههههه
http://www.cabbage-soup-diet.com/

عنيد
تصدقين انا شكيت بمعلومه الشوره بلي كذا موقع ذاكر هالشي
وهم رجيم سكاريل اذا سامعه فيه ينقص بالاسبوعين لي 14 كيلو
يعني بالاسبوع 7

لذوذه بالعافيه

 

[عنيّد]

رد: حملة (( رشاقتي مع لذوذه )) بالصور

عنيد
تصدقين انا شكيت بمعلومه الشوره بلي كذا موقع ذاكر هالشي
وهم رجيم سكاريل اذا سامعه فيه ينقص بالاسبوعين لي 14 كيلو
يعني بالاسبوع 7

لذوذه بالعافيه

اشدعوااااااااااااااه 7 كيلوات بالاسبوع فلم هندي ولا رجيم هذا :eh_s(6):
بصراحه ماعترف بهالارقام واعتبرها فقاعه :tongue22:

 

[MeMoOoOo]

رد: حملة (( رشاقتي مع لذوذه )) بالصور

يا بنات شوربة حرق الدهون تسوي دوووووووووخة

لأنها تحرق الدهون بسرعة رهيبة ..

وهذه تصلح للي أوزانهم ضخمة جدا

يعني بالـ 160 وفووووق

 

[daloO3a]

رد: حملة (( رشاقتي مع لذوذه )) بالصور

ملكة روحي يلا ان شاءالله يصير خير يمعوده

قاب يسلمو قلبي

برب بنوتات نداء الامومه