الامثال الكويتية القديمة

[futooosh]

خذ الحفنه من اللحيه العغنه:q8:
خير تعمل شر تلقى
عتيج الصوف ولا جديد البريسم
مو كل سوده فحمه ولا كل بيضه شحمه:q8:
عوير وزوير والمنكسر والما فيه خير
اللي في الجدر يطلعه الملاس
اطعم الحلق تستحي العين
ايش حادك يا مسمارقال المطرقه:q8:
اسأل مجرب ولا تسأل طبيب
مهروش وطاح بكروش
اللي هذا اوله ينعاف تاليه
من عافنا عفناه لو كان غالي :q8:

منقوله من كتاب الشيخ عبد الله النوري ( الامثال الدارجة في الكويت ):q8:

 

[futooosh]

اشدعوه محد له خلق يقرا شي عن الكويت ؟؟؟؟؟؟؟؟؟؟؟؟؟؟

 

[Mis$ LeO]

يعطيج العافيه

فعلا الواحد يبي يستمر في ذكر واستخدام الامثال حتى ما ننساها وتندثر مع الوقت

 

[mi corazon]

والله خوش موضوع

عساج عالقوه حبوبه

يالله نبي بعد

 

[بنت المطيييير]

يعطيج العافية ياقلبي على هالأمثال الحلوة
ومشكورة ........

 

[مـيـراس]

يعطيج العافية وحبيت ازيد::

اللي ماله اول ماله تالي

واللي مافيه خير باهله ما فيه خير بالناس

عقربة رمل <<<< هعهعهع

تجيك التهايم وانت نايم

راعي النصيفة سالم

ان بغيت تضمها انشد عن امها

ام عشرة قلع شجرة

الجار قبل الدار

كلن يرا الناس بعين طبعه

من طول الغيبات جاب الغنايم

اللي ما يطول العنقود قال عنه حامض

عبد واستنكر رجليه

الله يهني سعيد بسعيده

شللي حادك عالمر قال اللي امر منه

لله ما يطق بعصى

اللي ما يعلمه قلبه ما يعلمونه الناس

ما يحك ظهري مثل ظفيري

حسدو الميت على موتت الجمعه

الجارة تحر لو هي بالقبر<<< مو متاكدة منه

 

[أنا ذهب لكن قلبي ألماس]

ماشاءالله عليكم ذكرتون بالامثال
يسلموووووووووووووووووووو

 

[الكيكه دندن]

موضوع حلوووووووو وايد

الجارة تحر لو هي بالقبر<<< مو متاكدة منه

اعتقد انه الشريكه مو الجاره

وهم هذي بعض الامثال


إذا صار رفيجك حلو لا تاكله كله

· إذا طاح الجمل كثرت سكاكينه

· إذا طبع دوس على تريجه

· إذا فات الفوت ما ينفع الصوت

· إسأل مجرب ولا تسأل طبيب

· إش حادك يا المسمار ؟ قال المطرقه

· إصرف ما في الجيب يأتيك ما في الغيب

· أضبط من ساعة الملا



· أقضب مجنونك لا يجيك أجن منه

· إكل ما تشتهي وإلبس ما يعجب الناس

· إما طلعه ولا طبعه

· إن طاعك الزمن وإلا طيعه

· إنطر يا حمار لما يجيك الربيع

· إنفخ يا شريم قال ماكو برطم

· الباب اللي يجيك منه الريح سده وإستريح

· بات مظلوم ولا تبات ظالم

· بغاها طرب صارت نشب

· بغى يكحلها عماها

· بغيناه عون صار فرعون

· تجيك التهايم وإنت نايم

· ثوب أطول منك يعتك

· جارك ثم دارك

· حاميها حراميها

· حشر مع الناس عيد

· حط راسك بين رجليك وإشهد على والدين

· حط فلوسك بالشمس وإقعد بالذلال (إجلس بالظل)

· خبز خبزتيه يا الرفله إكليه

· خربان من البيضه

· دابة الله بأرض الله

· الذيب ما يهرول عبث

· راعي النصيفة سالم

· رزق القطاوه على الخاملات

· زرع الميانين (المجانين) يطلعه رب العالمين

· شبعونا طراقات وشبعناهم شتايم

· شمامها لمامها

· طارت الطيور بأرزاقها

· طقاق روحه ما يصيح

· الطول طول نخله والعقل عقل صخله

· عتيج الصوف ولا جديد البريسم

عمره ما تبخر ، تبخر وإحترق

· عومه مأكوله ومذمومه

· غصيت فيك يا ماي ، شدفعك في

· فال الله ولا فالك

· الفرخ يجوجي في البيضه

· قال عندك تاكل ؟ قال لأ . قال عندك تغرم ؟ قال إي .

· قراقيع صيف

· قطو وطقيته بمصير

· كثر الدق يفك اللحام

· كلٍ بقلبه شيقاليله (شقاء له)

· كوم حجار ولا هالجار

· لي بغيب الخبر يشيع عطه (أعطه) أم بزيع

· لو جريت جري الوحوش غير رزقك ما تحوش

· لي طار طيرك قول سبيل

· لي فات الفوت ما ينفع الصوت

· اللي في الجدر يطلعه الملاس

· اللي ما يرضى بجزَه ، يرضى بجزَه وخروف

· اللي ما يستحي منك لا تستحي منه

· اللي ما يطول العنقود يقول حامض

· اللي ما يطيع يضيع

· اللي ما يعرف الصقر يشويه

· اللي ماله أول ماله تالي

· اللي مو على دينك ما يعينك

· اللي هذا أوله ينعاف تاليه

· اللي يجي من الله حياه الله

· ما تعينك إلا يمينك

· ما لك إلا خشمك لو كان عوي (أعوج)

· مال عمك لا يهمك

· مخروش طاح بكروش

· مد رجولك على قد لحافك

· مداح نفسه يبي له رفسه

· مكسورة و تبرَد

· من طمع طبع

· نصيبك يصيبك

· هذا سيفوه وهذي خلاجينه (ملابسه)

· الوجه من الوجه أبيض

· يا شين شيء ما شابه هله (أهله)

· يا من شرا له من حلاله علَه

· يفوتك من الجذاب صج وايد

· يمدح السوق من ربح فيه​

 

[futooosh]

مشكورين على المرور
والامثال الحلوه بعد
صج اللي ماله اول ماله تالي

 

[MiSs Roma]

تسلمين حبوبة على الامثال الحلوة

وفي مثل احبه ومحد قاله

إن حبتك عيني ما ضامك الدهر :q8:

 

[futooosh]

ياكل ويمش ايده بالطوفه :q8:
يامن شراله من حلاله عله
يدخل عصه بشي ما يخصه :q8:
يحسدون الفقيربموتة الجمعة
يمدح السوق من ربح فيه
أدب ولدك ولو ازعلت امه :q8:
حلاة الثوب رقعته منه وفيه
الرزق وهايب ما هو نهايب
يا ماشي درب الزلق لا تامن الطيحه :q8:
ما تعرف خيري لما تجرب غيري
ما تحرق النار الا رجل واطيها
ما يعرف كوعه من بوعه:q8:

 

[غير كل الناس]

يسلموووووووووووووووووووووووو:q8:

 

[futooosh]

اللي ماله اول ماله تالي
عتيج الصوف ولا يديد البريسم:q8::q8::q8:

 

[futooosh]

 

[futooosh]

 

[futooosh]

 

[futooosh]

................................

 

[جمبلو جمبليله]

واخيرا ما بغينا نشوف موضوع جذي والله ودي انزل حتى اللهجه الكويتيه

بعد ومفروض بدل وطن النهار او يضيفون قسم التراث الكويتي


لكل دوله تراثها اللي تفتخر فيه اقترحوا على المديره بنات تفتح هالقسم

مو موجود بكل المنتديات الكويتيه ما يصير يا عيب الشوم ؟؟

 

[gala q8]

يعطيج العافيه فعلا رووعه ..ْ ~

 

[futooosh]