شنو و متى اوكل ولدي/ بنتي ؟ تم دمج جميع استفساراتكم هنا

[سيلينا]

رد: متى بديتي توكلين ولدج \بنتج ؟؟؟

انتي نفسي ودي اوكل بنتي ومحتاره متى شكلي باختار ابدي من الخامس

 

[فروحة الكويتية]

رد: ساعدوني شنو أوكل بنتي؟؟؟؟؟؟؟؟؟؟؟؟؟

رفففففففففع

 

[الاطلسيه]

رد: متى بديتي توكلين ولدج \بنتج ؟؟؟

بديت أوكله بالشهر الرابع وكانت النصيحه من الوالده​

 

[mrs_lonely84]

ودي بشي غير الحليب

مساء الخير ياأمهات




أبي منكم شي بسيط ياليت تفيدوني بخبراتكم
آنه ولدي اسم الله عليه توه مكمل شهرين و داش بالثالث و أرضعه الحمدلله طبيعي
و مثل ماتعرفون ان الرضاعة الطبيعية تخلي الام جنها بسجن و تقيد حريتها لان الطفل يكون معتمد عليها اعتماد كلي
و هذا الشي حيل مضايقني ومتعب نفسيتي لان ودي ارضعه وبنفس الوقت محرومة من النوم والسوق والسفر و الطلعات واليمعات وغيرها من الاشياء اللي ودي اسويها و مااقدر
ودي بشي اعطيه بين الرضعات قولولي انتوا شنو تعطون عيالكم بهالعمر اذا كنتوا ترضعونهم


و مشكورييييييييييييييييييييييييييين عالردود مقدما

 

[نطوووعه]

رد: ودي بشي غير الحليب

انا مارضعت بولادتي الاولى بس هالمره ان شاء الله نااويه

بس ليش ماتشفطين و تخلينه بثلاجه و متى ماصارت رضعة البيبي سخنتي الحليب و عطيتييه ممكن الخداامه تسوي هالشي وانتي ناايمه مرتاااحه

 

[۩۩ الجـــــود ۩۩]

رد: ودي بشي غير الحليب

الشهور الا ولى حليب فقط ما يصير تعطينه شى الا بعد اربع او خمس اشهر
عطيه حليب صناعى فترات انتى طالعه

 

[نطوووعه]

رد: متى بديتي توكلين ولدج \بنتج ؟؟؟

انا بديت الشهر السادس و كنت افووح لولدي خضاار مع عيش و مااي اللحم و اهرسه بالخلاط و شوي شوي دخلت قطعه لحمه صغيره و بعدين عقب جم شهر قمت اهرس الاكل بالشوووكه بدال الخلااط عشان يصير حرش و هلمااا جراااا

 

[fishq8]

رد: متى بديتي توكلين ولدج \بنتج ؟؟؟

انا من الشهر الرابع بديت احط له قطعه بسكوته صغيرة بالحليب مرة وحده باليوم قبل لا ينام عشان يشبعه

بعدين بديت على نهاية الشهر الرابع اوكلة سيريلاك و في اكل وعصير بالجمعية مكتوب عليه حق 4 اشهر كنت اعطيه مرة باليوم

وكنت اذوقه اكل ، مثل تحطين صبعج بالمرق او شوية بطاط المرق عشان يتعلم وما يعذبج لمن يكبر

اول ما يصير 6 اشهر اشتغلي عليه اكل والافضل تودينه عند كتورة يعطيج نظام غذائي اذا تبين اعطيج اسم الدكتور الي سوى نظام حق ولدي وخلاه يربرب ماشالله عليه

 

[فروحة الكويتية]

رد: متى بديتي توكلين ولدج \بنتج ؟؟؟

من الشهر الرابع ابدي اوكل

 

[أم_عبدالله]

رد: ودي بشي غير الحليب

نصيحه من اخت
لا تعطينه شي غير الحليب لما يكمل 6 شهور
واذا حابه اتأكدين انه مو زين على الامعاء سئلي اي طبيب

 

[اللمسة المخملية]

رد: 4 شهوور الطفل

نصيحة الدكتورة كانت قايلتها لي لما كنت ببدي اوكل ولدي..

بسكوت الفارليز والسيريلاك خليهم لما يكمل 6 شهور لان البيبي ممكن يتحسس منهم..
ولا تعطينه الفواكهه قبل الخضراوات.. لان طعمهم حالي اذا ضاقه ماراح يعجبه طعم البطاط والكوسا..

 

[ياقوت و زمرد]

رد: متى بديتي توكلين ولدج \بنتج ؟؟؟

الأحسن 6 شهور تقدرين بأربع شهور تعطين عيش ميلوبا حق 4 شهور و تقدرين تعطين خضار مسلوقة و بسكويت مع رضعة الحليب بس السيريلاك مايصير اهوا مكتوب عليةمن 6شهور شلون تجازفون و تعطون من 4 شهور احتمال كبير يسبب حساسية
انصحج بكتاب د.ريم قنواتي في مكتبة جرير انا ما استغنى عنة فيه اجابة عن كل اسألتج

 

[بنت باباتي]

رد: ممكن مسآعـــده....}

حطو لها شويه حلبه بمطارة الماي الحار

 

[ثلاثينية]

رد: ممكن مسآعـــده....}

اذا بنت اختج بصحه وعافيه ما يحتاج شي يسمنها
واذا تقصدين شي يفيدها ,,, وكلوها كل شي مفيد وعلى حسب عمرها

 

[الحــــــلا كله]

رد: ممكن مسآعـــده....}

الحلبه تسمنهااا وتفيدها وتقوي عظامهااا
حطوها بمطاره الماي الحار قطووو 5 حبات

 

[فروحة الكويتية]

رد: ساعدوني شنو أوكل بنتي؟؟؟؟؟؟؟؟؟؟؟؟؟

رفففففع

 

[أنفاسي دخون]

رد: ممكن مسآعـــده....}

يمدحون الحلبة بس انا ما اداني ريحتها وسويلها تمرة تكونين ناقعتها بماي واشخليها ورضعيها وما عليها الا العافيه ان شاء الله

 

[hneen2]

رد: ممكن مسآعـــده....}

انا بعد ودي ولدي يسمن..........
انا جربت الحلبه حق ولدي ما بين عليه تهقون ليش يفرق من ياهل لي ياهل

 

[جاردينيا_2000]

اشرايكوم ..تعالو ..اقدر اوكل ولدي ..هل الانواع من الاكل

ولدي توه امخلص الخامس ..وقالولي اذا عندكم احد في حساسيه او اكزيما المفروض آخذ حذري ..وأخر الاكل الي اسوي حساسيه
فقلت راح اعتمد على خضار والفواكه ..بس ..أغلب الفواكه اتسبب حساسيه ...وأغلب الخضار أتسوي غازات ...فشلون :eh_s(4):
ألحين أوكله عيش وكوسى وبطاط ...للغداء أما العصر أعطيه تفاح او عرموط ...بس:0bee2e8d89:
أحسه مل من جذي
فأبي أتقولولي شنو أوكله قلت بوكله هل الانواع أصير ولا:
- البروكلي
- القرع
-الباذنجان
- أفوكادو
- ذره
- شوفان
- بصل أخضر
- :gr4uu: بعد شنو ..أبي خضره ماتسبب غازات ولا حساسيه
- بازلاء
- نخي
- بطاطه حلوه
ها بنات شنو اي اقدر اوكله من القائمه وشنو لا مايصير ...وإذا عندكم بعد أشياء او مقترحات من الخضار بعد قولولي ..عفيه
أنطركم يا أمهات المستقبل:ggdw:​

 

[جاردينيا_2000]

رد: اشرايكوم ..تعالو ..اقدر اوكل ولدي ..هل الانواع من الاكل

وييييييييييييييييييييييينكممممممممممم ...يله قولولي