شنو و متى اوكل ولدي/ بنتي ؟ تم دمج جميع استفساراتكم هنا

[عمشه المنتفشه]

رد: شنو اوكل ولدي بو سنه ونص

مشكوره حياتي انا ساعات اسوي هالشوربه بس ماتعجبه

وذكرتيني باليريش والهريس من زمان عنه


يعطيج العافيه

 

[جكورة]

رد: شنو اوكل ولدي بو سنه ونص

الله يحفظه لج إن شاء الله...

النجت والهمبورجر مو مفيدين بالهعمر ... عطيه أشياء مفيدة هو بمرحلة نمو حرام تعودينه على الإكل الغير صحي...
عطيه :
شوربة خضار , شوربة كويكر , معكرونة بالجبن أو بالطماط . فليه دجاج أو سمج تبليه قبلها بليلة وبنفس اليوم بس قليه وخليه على شكل أصابع..., شوربة عدس , جريش , بطاط مهروس مع شوية حليب وملح وجبن , توست , كرواسان مشكل صغير , بيض بأنواعه مرة مفيوح ومرة مقلي , خضار مسلوقـــــــة...سلطة فواكـــــة

 

[جاردينيا_2000]

رد: منو تأخر في ادخال الاكل لشهر السادس لطفله ؟ يتخل

؟؟؟؟؟؟؟؟؟؟؟؟؟؟؟؟؟ظ

 

[أ.م.ع.ل.ي]

رد: ولدي حبيبي عمره جريب السنه وللحين ماني عارفه أوكله صح

بعد عمرييييييييييي كويتيات صج صج صج سنعات مانقصرون

violet ناطرتج حبيبتي والف شكر مقدما

الف عفو ياحلوه ماسوينا شي

 

[chocolate cake]

رد: شنو اوكل ولدي بو سنه ونص

انا ولدي عمره سنه ونص

الصبح اسويله ريوق و اكثر شي اسويله بيض ما يحب الجبن

و الغدا من غدانا
عيش و دياي - مرق - اللي يكون من غدانا

العشا نفس الشي نفس عشانا

و اكثر شي اعطيه شوربة خضار
يحب الهريس و اليريش

سويله معكرونيه

عطيه كورن فليكس

بطاط مهروس

و نوعيله بالشوربات سويله شوربه كويكر
شوربة دياي
شوربه يريش
شوربه بطاط

 

[chocolate cake]

رد: متى ادخل الدجاج او اللحم او البيض على اكل بنتي؟؟؟

انا ولدي من 8 شهور دخلتله الدياي و اللحم

اطبخه مع الخضار و احطه بالخلاص

و كنت اوكله شويه هريس او يريش

 

[الباحثه]

رد: شنو اوكل ولدي بو سنه ونص

حبيبتي اذا انتو ما تطبخون هذا ياهل ماله ذنب لازم يتغذا عدل عنده عظام تحتاج للكالسويم عشان تنمو وراه اسنان ما كملت غير المناعه اللي لازم يكتسبها من الاكل ضد الامراض
شوفي وكليه علي الريوق حليب كامل الدسم طبعاً مع بيض بطماط او بيض بالعسل او بيض مفيوح نوعيله بالبيض عشان ما يمله بس موكل يوم بيض هذا خلال الاسبوع يعني ومره عطيه لبنه مع توست او جبن او قيمر وعسل يعني هالسوالف حتي الفول عادي ياكله لانه محتاج للبقول

والغدا يا الغاليه احرصي عليه حرام موذنبه انكم ما تطبخون لانها وجبه رئيسيه سويله شوربه عدس وحاولي تقطعين معاها دجاج مسحب مشوي لو تطلبين له من المطعم شورمه مع عيش مشخول
اوشوربه كويكر مع مكرونه اوتشريب باالخضار او كفته اللحم المثلجه سويها له حمسه مثل المرق مع مشخول كلش كلش علبه تونه تراها وايد مفيده للياهل
او وانتي راده من الدوام اشتري له من الخباز مال الجمعيه جريش او هريش او آش تراه مفيد للي بسنه وايد

والعصاري فواكه ضروري تفاح وبرتقال وموز وفراوله ومنجو ....... هالسوالف او عصير مع قطعه كيكه

والعشاء افضل يكون شي خفيف عشان ما يثقل علي معدته وقت النوم يعني حليب وبسكوت او كورن فليكس او توست طبعاً مع الحليب

 

[^DanaH^]

رد: متى بديتي توكلين ولدج \بنتج ؟؟؟

يعطيكم العافيه بنات على التجاوب الأغلبيه تقول الشهر السادس ! يعني ببدأ مع بنتي بالشهر السادس بأذن الله ... ودي ابدا معاها بالشهر الرابع مستعيله ههههههه بس مابي اتسبب لها بحساسيه مونااااقصين

 

[أم ^^حمودي]

رد: متى بديتي توكلين ولدج \بنتج ؟؟؟

انا ولدي من 4 شهور قمت اوكله
وخالتي يعطيها العافية ماقصرت
كانت تستلمه وتزطط قيه ليمن تعود

 

[أم ^^حمودي]

رد: شنو اوكل ولدي بو سنه ونص

حبيبتي انا ولدي عمره سنه ونص وهمن انا مااطبخ لاني طالبه وريلي يداوم
بس الصبح ياكل توست وجبن وحليب
وبعدين عالغدا لاااااااااااااااااااااااااااااازم عيش ومرق
لااااااااااازم
لانه ولدي اسم الله عليه يحب العيش
ولو مافي عيش ماياكل
والعشا اذا طابخين ياكل اي شي معانا واذا طلعنا نتعشا برا اطلب له وجبة اطفال نجتس
واذا ماطبخنا اسويله شوربه
وترا اليهال يموتون على الشوربه

 

[LaSt WoMeN]

رد: ولدي حبيبي عمره جريب السنه وللحين ماني عارفه أوكله صح

العصير حاولي يكون فرش كثر ما تقديرين و الجاهز خليه حق الطلعات
عطيه محلبية انا اشتري حق بنتي الجاهزة مرات اغير لها .. و ساقو sago
كل شي تعطنيه بس لا يكون فيه دسومة زايدة و الا بهارات وايد .. و المفروض من 8 شهور انتي بادية تعطينه شوية لحم و دياي

 

[عمشه المنتفشه]

رد: شنو اوكل ولدي بو سنه ونص

يزاكم الله خير مشكورين

بس انا ولدي عنده امسام مزمن من عمره 4 اشهر ومايخرج بالادويه عشان جذي ما اكثر من العيش الا اذا صار مع ربيان او ورق عنب

ولا حتى بطاط احاول ما اكثر

والكورن فليكس مايحبه وغير جذي وايد ناس مايمدحونه ويقلولن من منه اي فايده صج هالحجي ؟؟؟


الريوق انا ماعندي مشكله بس الغدا والعشا

 

[تعَب قُـٍلَبـيے]

ممكن مسآعـــده....}

هــآآي...}
كيفيــكم بنــــــآت ...!!

بليـــز...ابي شيء يسمن بنت اختــي عمرها 7 شهور....
..ويفيدها مو يسمنها ويجيب لهاا الامراض...
ويعطيكــــــم العافيه مقدماًًً......​

​

 

[om_dandona]

رد: الزبيب

السلام عليكم انا توني ام يديده ما اعرف شي شنو فايدة الزبيب والنوع العادي مال الكل يعني

 

[عمشه المنتفشه]

رد: ولدي حبيبي عمره جريب السنه وللحين ماني عارفه أوكله صح

بنات ياريت تكنبون طريقة اعداد الوجبات

 

[فلوريدا]

رد: 4 شهوور الطفل

كل شي بس اهرسيه له خلي يتعود عشان لي يكمل السادس ياكل

الله يخليه لج

 

[توت عنكبوت]

رد: 4 شهوور الطفل

روحي الجمعية واخذي الأكل اللي من 4 شهور بس نصيحة ميلوبا ( التوت البر ييلوع الجبد اكل ميلوبا مو حلو

عندج بسكوت فارليز حلو \

وسلقي له عيش مصري اذا كان ضعيف مع عدس وبطاط

 

[توت عنكبوت]

رد: متى بديتي توكلين ولدج \بنتج ؟؟؟

من الرابع

 

[مســـــافره]

رد: ولدي حبيبي عمره جريب السنه وللحين ماني عارفه أوكله صح

حياكم الله بموضوعي

 

[بسبوووسه]

رد: 4 شهوور الطفل

انا بعد ولدي عمره 4 ونص بس اعطيه بسكوت فارليز الاصلي و ساعات عيش ميلوبا