{ ...الدكتورة رشا الصفي تجيب على استفسارتكم ..} استضافة اسبوعية

[الحــــالمة]

السلام عليكم ورحمة الله وبركاته

د رشا

ولد اختي يعاني من التشنج الحراري

اذا ارتفعت درجة حرارته

عمره الان سنة وتسع شهور

وبدأت هذه الحالة تقريبا لما كمل السنة

وسؤالي هو هل هذه التشنجات لها تأثير مستقبلي على الطفل بأي ناحية من النواحي؟؟؟؟

وسؤالى الثاني هل من الممكن حدوث شي للطفل أثناء التشنج؟؟؟

وشكرا لج

 

[د. رشــا الصفــي]

د رشا
ياليت تكتبين لنا أكل الياهل كل شهر شنو نعطيه؟

يعني الشهر الرابع وبعدين الخامس وجذيه ليمن يأكل أكل البيت

حسب توصيات منظمة الصحة العالمية لازم ما نعطي البيبي قبل 6 شهور ولا شي غير الحليب

ولا حتى الماي خصوصا اللي يرضعون طبيعي

و اللي يرضعون صناعي بالصيف ممكن يحتاجون شوي ماي

و سالفة ان الياهل يصير حول اذا ما عطيناه ماي هذا نسمعها وايد من الحريم الكبار بس مالها اساس من الصحة

المهم من يكمل الشهر الرابع بندا نذوقه الأكل بالتدريج علشان لما يكمل 6 شهور يبدا ياكل الوجبة كاملة

نبدا اول شي بالعيش مسلوق و مهروس

و عقب الخضار

و من الشهر الخامس نبدا نذوقه الفواكه عقب ما يتعود على طعم الخضار

و لما يكمل 6 شهور تصير الوجبة كاملة مو بس يتذوق الأكل

و من الشهر التاسع تقريبا مكن ياكل اكل البيت بدون ملح ولا بهارات

و لما يكمل سنة خلاص كل شي ياكل

 

[د. رشــا الصفــي]

السلام عليكم ورحمة الله وبركاته

د رشا

ولد اختي يعاني من التشنج الحراري

اذا ارتفعت درجة حرارته

عمره الان سنة وتسع شهور

وبدأت هذه الحالة تقريبا لما كمل السنة

وسؤالي هو هل هذه التشنجات لها تأثير مستقبلي على الطفل بأي ناحية من النواحي؟؟؟؟

وسؤالى الثاني هل من الممكن حدوث شي للطفل أثناء التشنج؟؟؟

وشكرا لج

بالنسبة للسؤال الأول

التشنجات الحرارية ليش لها تأثيرات سلبية مستقبلية على الطفل

و أثناء التشنج اخطر شي مكن يصير اللطفل انه يرجع و يشرق بالترجيع ماله

اعلشان نمنع هالشي لازم نخلى الطفل نايم على جنبه اليسار و شوي مايل للأمام و ننتظر2 - 3 دقايق اذا ما وقف

التشنج نحطله تحميلة الفاليوم و نوديه الطبيب

 

[omdoodoo]

السلام عليكم
ولدي بعد اسبوع انشالله يكمل سنه اهوه يشرب حليب سيملاك اكمل على سيملاك ولا اعطيه بديا شور؟
مشكوره

 

[OM-7MaDeeEeeN]

السلام عليكم عليكم دكتوره انا ولدي عمره توه كمل 6 اشهر اهوه يشرب ابتاميل كومفرت 1
يقولون لي قطعيييه من وعطيييه حليب كي دي دي السائل نصف دسم عاديي ولا لا متى انتقل الى ابتاميل كومفرت 2 او اخلييه على حليبه

 

[SweeTa_4ever]

مرحبا دكتورتنا شلونج

حبيبتي ولدي بعد شهر اسم الله علي يكمل السنه اهوو حليبه سيميلاك2 شنو احسن حليب حق السنه سيميلاك 3 او نيدو ؟؟ بروجرس مامدحوو يقولون يشبع الياهل ومايخلي ياكل عدل عفيه ابي راااايج ايهو احسن حليب لسنه؟؟؟


مشكووره

 

[د. رشــا الصفــي]

السلام عليكم
ولدي بعد اسبوع انشالله يكمل سنه اهوه يشرب حليب سيملاك اكمل على سيملاك ولا اعطيه بديا شور؟
مشكوره

كملى على سيميلاك 3

 

[د. رشــا الصفــي]

السلام عليكم عليكم دكتوره انا ولدي عمره توه كمل 6 اشهر اهوه يشرب ابتاميل كومفرت 1
يقولون لي قطعيييه من وعطيييه حليب كي دي دي السائل نصف دسم عاديي ولا لا متى انتقل الى ابتاميل كومفرت 2 او اخلييه على حليبه

لالالا شنو حليب قليل الدسم

الحليب الكي دي دي مو قبل السنتين و في يهال اذا نسبة دمهم زينة ممكن ياخذونه عقب السنة

بس مو قبل جذي

المشكلة مو بالدسم المشكلة بالمكونات

و بالنسبة للسؤال الثاني

من يكمل 6 شهور عطيه ابتاميل 2 و ليس كومفورت

لأنه كومفورت مررررررررررررر ما راح يتقبله الولد بسهولة

و اذا تبين تجربين ما في مانع جربيله رضعة ولا ثنتين اذا شربهم و عنده الوضع عادي كملي

و اذا ما يبي يشرب عرفي ان المشكلة بطعم الحليب فتبدلينه الى ابتاميل 2

 

[د. رشــا الصفــي]

مرحبا دكتورتنا شلونج

حبيبتي ولدي بعد شهر اسم الله علي يكمل السنه اهوو حليبه سيميلاك2 شنو احسن حليب حق السنه سيميلاك 3 او نيدو ؟؟ بروجرس مامدحوو يقولون يشبع الياهل ومايخلي ياكل عدل عفيه ابي راااايج ايهو احسن حليب لسنه؟؟؟


مشكووره

هلا و غلا

سيميلاك 3 احسن من النيدو طعمه احسن و الحديد فيه اكثر و الفيتامينات و المعادن هم اكثر من النيدو

بس اذا الولد صحته زينة و تبين تعطينه نيدو ما في مانع عادي

و بروجرس مثل ما تفضلتي طعمه سويت حيل و ثقيل عالمعدة

اليهال يحبونه حيل طعمه لذيذ و يترس البطن فما يخليهم يبون ياكلون

 

[OM-7MaDeeEeeN]

لالالا شنو حليب قليل الدسم

الحليب الكي دي دي مو قبل السنتين و في يهال اذا نسبة دمهم زينة ممكن ياخذونه عقب السنة

بس مو قبل جذي

المشكلة مو بالدسم المشكلة بالمكونات

و بالنسبة للسؤال الثاني

من يكمل 6 شهور عطيه ابتاميل 2 و ليس كومفورت

لأنه كومفورت مررررررررررررر ما راح يتقبله الولد بسهولة

و اذا تبين تجربين ما في مانع جربيله رضعة ولا ثنتين اذا شربهم و عنده الوضع عادي كملي

و اذا ما يبي يشرب عرفي ان المشكلة بطعم الحليب فتبدلينه الى ابتاميل 2

مشكووورة على الرد بس ما فهمت شغله بليييز

اهوه ياخذ الحين ابتاميل كومفرت 1 ابدله اعطيه ايتاميل كومفرت 2 والا ابتاميل 2 ؟؟؟

سوري على الازعاج

 

[د. رشــا الصفــي]

مشكووورة على الرد بس ما فهمت شغله بليييز

اهوه ياخذ الحين ابتاميل كومفرت 1 ابدله اعطيه ايتاميل كومفرت 2 والا ابتاميل 2 ؟؟؟

سوري على الازعاج

لا جربي اول ابتاميل كومفرت 2 اذا رضى يشربه زين على زين

لأنه طعمه وايد مر

بس

اذا

ما رضى يشربه

حوليه على ابتاميل 2 بس

نفس الشركة و نفس المكونات بس الطعم احلى وايد

 

[أم حيدر]

دكتورة مساج الله بالخير

عندي سؤال واحد :

هل شفاطة الانف اللي تستخدم لشفط المخاط من أنف الأطفال تسبب لحمية؟

مشكووووووووورة

ويامال العافية

 

[ZajiL]

مساج الله بالخير دكتوره رشا ويعطيج العافيه حبيبتي على جهودج الروعه وماشاء كل مره اتصفح الموضوع
والقى اغلب التساؤلات الي في بالي عسى الله يجزيج عنه كل الخير

دكتوره ولدي نومه حيييييييل قليل حسبته بكل اليوم مايوصل 10 ساعات
هل هذا طبيعي وسبب قل نومه انه نووووووووومته حيل خفيفه اقل صوت يقوم والله يادكتوره التلفزيون مايطفي وعيالي
مزعجين وموعودته على الازعااج بس طبعه جذي اقل صوت يقووووووووووم
ولو ارد انومه ماينام يعني لو توه غافي له 10 دقايق وقام بسس يشتر ومايبي ينام
والشغله الثانيه بالليل حييييييييييل عسسسسسسسسسسر وقت النوم يصرخ من قمت راسه يالله ينام
معنه طول النهار هادي وبالطلعه هادي بس حزت النوم احترت اغنيله العب معاه اسولفله اتمشى فيييه
مايفيييييييييد يظل يبجي لين يطخ بروح ويتعب وينام معنه ياخذ مصاصه يمجعها ويقلها وارد احطها
وهذا حالتي كل يوم تقريبا ساعه لويه وبجي وحنه وعساره يالله يطخ وينام
ماادري شسوي معاه احترت شريتله العاب خاصه بالنوم الي تدور الي طلع صور بالسقف
اشربه ماي اشربه حلييبه اغسل ويه عشان يسكت كل شي يطري على بالج اسويه
ادلدغه اصفقله يطخ يطالعني ثواني وااااااااااع وبرد من يديد
مافي فايده لازم يبجي لين ينام تعبت حدي مرات احط مناحتي واصيح معاه :eh_s(4):
شوري عليه شسويله وشلون اخليه ينام اكثر من جذي

 

[د. رشــا الصفــي]

دكتورة مساج الله بالخير

عندي سؤال واحد :

هل شفاطة الانف اللي تستخدم لشفط المخاط من أنف الأطفال تسبب لحمية؟

مشكووووووووورة

ويامال العافية

هلا ام حيدر

لا حبيبتي ما تسوي لحمية

مالها علاقة

بس ممكن صار ارتباط عند بعض الناس لأنه الأطفال في بداية تكوين اللحمية يصب خشمهم وايد و على طول منشولين فالأم تستخدم لهم الشفاطة و عقب مدة يشخصون اللحمية

فصار ارتباط عند الناس ان اللحمية صارت من الشفاطة

و هالكلام غير صحيح

 

[د. رشــا الصفــي]

مساج الله بالخير دكتوره رشا ويعطيج العافيه حبيبتي على جهودج الروعه وماشاء كل مره اتصفح الموضوع
والقى اغلب التساؤلات الي في بالي عسى الله يجزيج عنه كل الخير

مشكورة حبيبتي على مشاركاتج معاي ما سوينا شي

دكتوره ولدي نومه حيييييييل قليل حسبته بكل اليوم مايوصل 10 ساعات
هل هذا طبيعي وسبب قل نومه انه نووووووووومته حيل خفيفه اقل صوت يقوم والله يادكتوره التلفزيون مايطفي وعيالي
مزعجين وموعودته على الازعااج بس طبعه جذي اقل صوت يقووووووووووم
ولو ارد انومه ماينام يعني لو توه غافي له 10 دقايق وقام بسس يشتر ومايبي ينام

اسمحيلي برد على سؤالج كأم مو طبيبة لأنه مشكلة ولدج الله يحفظه نفس مشكلة بنتي بالضبط :eh_s(6):

هذا عادي اذا نومه خفيف راح يتم على طول جذي الا اذا كان نايم و هو حده تعبان ما راح يهمه الصوت انتي اهم شي لا تنومينه على كل حزه

خليه يلعب لين يتعب حيل راح يكمل نومته اطول شوي

والشغله الثانيه بالليل حييييييييييل عسسسسسسسسسسر وقت النوم يصرخ من قمت راسه يالله ينام
معنه طول النهار هادي وبالطلعه هادي بس حزت النوم احترت اغنيله العب معاه اسولفله اتمشى فيييه
مايفيييييييييد يظل يبجي لين يطخ بروح ويتعب وينام معنه ياخذ مصاصه يمجعها ويقلها وارد احطها
وهذا حالتي كل يوم تقريبا ساعه لويه وبجي وحنه وعساره يالله يطخ وينام
ماادري شسوي معاه احترت شريتله العاب خاصه بالنوم الي تدور الي طلع صور بالسقف
اشربه ماي اشربه حلييبه اغسل ويه عشان يسكت كل شي يطري على بالج اسويه
ادلدغه اصفقله يطخ يطالعني ثواني وااااااااااع وبرد من يديد
مافي فايده لازم يبجي لين ينام تعبت حدي مرات احط مناحتي واصيح معاه :eh_s(4):
شوري عليه شسويله وشلون اخليه ينام اكثر من جذي

بنتي جذي بعد عسارتها مو طبيعية بالليل وقت النوم حتى الوالدة تقول لي لوما انج دكتورة اطفال جان قلت لج ودي البنية الطبيب اخاف فيها شي على هالصراخ

المهم اللي اسويه اني اسدحها على الفراش و اسويلها مساج اكثر شي حق ريولها بس اضغط عليها كأنها اعصرها

طبعا مو حيل بس ابدا من القدم و الساق ثم اصعد فوق لي ظهرها و ايدينها و جتوفها

طبعا البنت تغمض و تتبسم
ويهها يصير يهبل اسم الله عليها . تضحك

تحسينها مسترخية و مرتاحة

و بس ما تطول 5 دقايق الا هي نايمة

جربي و قولي لي

تحياتي

 

[ZajiL]

تحياتي

هلا وغلا دكتوره رشا
بعد قلبي والله اشوه طمنتيني في احد مثل معاناتي :tongue22:

شورتج وهداية الله راح اجرب وان شاء الله يفييييييد
ودكتوره على النوم مره قلت بخلييه واحقره ومارح انومه جوود من التعب ينام بروحه
والله دكتوره ظل قاعد 5 ساعات متواصله من غير مايفكر ينام وكل ساع مفرك عيونه
وادري ميت من النوم بس حاقرته تالي دكتوره تعسر فوق الساعه وبس يصرخ
الله يعينه علييييهم هذا عمره 7 شهورو شلون ليه كبر والله صعبه
انا عندي غيره اسم الله عليييهم لو احطه بحظني والمه نام هذا لو المه واحطه بحظني
يكفخني ويمجع المصاصه تقولين ذابحته

الله يحفظلج بنوتج يارب وتشوفينها عروووس وذكرينها بغامراتها الليليه معاج :ggdw: ماقصرتي ياقلبي ولاتنسينه من دعواتج الطيبه بهاليوم الفضيل
خالص تحايتي :eh_s(6):

 

[الجود90]

السلام عليكم ورحمة الله وبركاته

دكتورة بغيت اسألج.. انا بنتي عمرها الحينه 10 شهور (توها كملت)... ماتحبي بس تحاول ومن زمااااااان وهي تحاول

والاسنان ماشي بس توه من كم يوم بدا يشق لها ضرس صغيرون مايبين بالنظر بس باللمس

وانا الدكتور كان وصفلي فيتانيات بيديا فيت نص ملي باليوم... تقريبا صارلي شهر... وقالي ان هذا الفيتامين ممكن يسرع بالاسنان والحركة


شو رايج؟؟ وعادي اعطيها 1 ملي بدل النص؟؟

 

[na3ooma79]

مشكلتي دكتورة حيل متعبه نفسيتي ومأذية ولدي واهي من طلع من الاربعين واهو يعاني من امساك اول كان يوصخ تكرمون كل 4 أيام ما ابالغ اذا قتلكم ساعات توصل 6 ايام وتعدلت حالته لم صار عمره 4 شهور قام يوصخ كل يومين بس الله لا يوريكم حالته يقعد يبجي لين يطلع بطنه واذا طلع تكرمون ناشف حيل الكبير يتعب اذا كان بهشكل فما بالك بطفل عمره 4 شهور والحين عمره 8شهور اسم الله عليه وولحين على هالحالة قلبي يعورني عليه ما خليت مستشفى وماخليت دكتور الا ورحتله غيرت حليبته كذا مرة وماكو فايده ، غيرت اكله والخضار الي اعطيه وماكو فايده الحين المسكين ما يقدر يخرج الا اذا حطيتله تحميله شرجيه فبليـــــــــــــــــــــــز ساعدينيي في ناس انصحوني اني اسويله اشعة حق الامعاء وانا خايفه لان يقووولون يدخلون شي في فتحة الشرح وتعور خايفه على ولد حيل حيل

 

[أم حيدر]

مشكورة دكتورة وققر الدكتور ان لازم نسويله عملية لحمية بس في علاج لازم يخلصه اول ما يخلصه بنسويله العملية انشالله

 

[daloola]

السلام عليكم
انا ودي اسأل عن اكل الطفل
ولدي كمل 10 شهور قاعده اوكله خضار وفواكه ودخلت له اللحم والدياي العيش
في شي بعد اقدر اوكله؟؟

والسؤال الاهم بخصوص الحليب
انا ارضعه طبيعي والحين انا حامل وقالت لي الدكتوره ضروري اوقف رضاعه بس اهوا مو راضي يشرب حليب من المميه
من يذوق طعم الحليب يصارخ لانه متعود يشرب الماي بس من المميه. شنو الحل معاه؟؟ الحليب اللي اعطيه ابتاميل كمفورت 2 لانه سمعت انه اقرب حليب من حليب الام
ومتى اقدر اعطيه حليب فرش ؟؟ يمكن يقدر يتقبله