{ ...الدكتورة رشا الصفي تجيب على استفسارتكم ..} استضافة اسبوعية

[ام عبوووودي]

السلام عليكم يعطيج العافية --دكنورة انا اذا وصل عمر ولدي سنة ونص اقطع الممية واعطية حليب الكرتون لان جربت معاهم يشربون الحليب بكوب مايبون بس استانسو على الكراتين اخاف ماينفعهم ؟ وهل صج ان الياهل لازم يشرب حليب بالليل لان على قولتهم ينفع اكثر انتي شرايج ؟صراحة عيالي صحتهم الحمداللة زينة وحريصة عليهم يعني اكلهم كلة فواكة وبروتينات وفيتامينات ماعطيهم خرابيط بس احس بتانيب الضمير لاني قطعت الممية مبجر

 

[تآعِبنْ قَلْبِيْ]

هلا دكتورة ..

أنا ارضع بنتي والحين عمرها سنة و6 شهور وحملت عليها

وقالوا لي لاترضعينها مو زين وصج لاحظت من ارضعها يجيها تكرمون اسهال وترجيع

بس المشكله اني ابي افطمها بس ماتاكل واليوم عااانيت منها طول اليوم تبجي تبي ترضع بس ماعطيتها ونامت واهي جوعانه خلتني اصيح

معاها كسرت خاطري

فشالحل شلون أخليها تاكل وشالحليب اللي اقدر اعطيها والله ماعرف شئ وانا في غربه وماحد يساعدني

 

[Cute mama]

قوة دكتورة .. ولدي عمره 10 شهور يصير اعطيه منتجات البقر الحين ؟؟ يعني جبن او مثلا اذا بعطيه حليب كاكاو كي دي دي ؟؟ والعصير لازم عصير الاطفال وله يصير اعطيه عصير كي دي دي
ويصير اعطيه تونه وله لا ؟؟ وكريم كراميل ومحلبيه وهالسوالف

 

[قطوطه الحلوة]

السلام عليكم
يعطيج العافيه دكتورة ولدي امس سوه عمليت فتاق تحت وعمره 3اشهر واسبوع صارله شهر خروج يوم اي ويوم لا ومرات كل يوم مره وكل ما اوديه حق دكتور يقول عادي وخروجه مو اصفر اخضر غامج على بني ولين مو يابس هل هذا طبيعي ؟
والدكتورة قالتلي اعطيه عصير عنب وبرتقال رضعه باليوم مخفف اعطيه ولا لا؟وماي التمر؟البسكوت بالحليب متى ابدا فيه؟

 

[ام عبوووودي]

قوة دكتورتنا ادري بتقطعين شعرج من الامهات وكثرة الاسئلة اللي ماتخلص -اللة يعطيج العافية ويجزاج خير -عندي سؤال اخير وعنووووني- عندي ولد عمرة سنتين ونص نبتت سدرة براسي منة وطلعلي شيب وهالات سوداء وارق واعصاااااااااااااااااااب لانة عنيد واذا احد اخذ منة شي يبجي حيل واحس انة مايتنفس ويصير اسود ويرفس يخرعني ويصير نفس الخيط اشيلة اقلبة احس جنة ميت ابي شي مايخلية ما ينصرع جذي تعبببببببببت وياة احس قلبي بيوقف اذا بجا مسويلي ارق تكفيييييييييييييييييييييييييييييييييييييييييين ابي حل

 

[د. رشــا الصفــي]

مشكورة دكتورة وققر الدكتور ان لازم نسويله عملية لحمية بس في علاج لازم يخلصه اول ما يخلصه بنسويله العملية انشالله

على خير ان شاء الله

ما يشوف شر

 

[د. رشــا الصفــي]

السلام عليكم
انا ودي اسأل عن اكل الطفل
ولدي كمل 10 شهور قاعده اوكله خضار وفواكه ودخلت له اللحم والدياي العيش
في شي بعد اقدر اوكله؟؟

عادي حبيبتي ياكل اكل البيت العادي بس مطحون عالخفيف

والسؤال الاهم بخصوص الحليب
انا ارضعه طبيعي والحين انا حامل وقالت لي الدكتوره ضروري اوقف رضاعه بس اهوا مو راضي يشرب حليب من المميه
من يذوق طعم الحليب يصارخ لانه متعود يشرب الماي بس من المميه. شنو الحل معاه؟؟ الحليب اللي اعطيه ابتاميل كمفورت 2 لانه سمعت انه اقرب حليب من حليب الام
ومتى اقدر اعطيه حليب فرش

الحليب الفريش تقدرين تعطينه من عمر السنة؟؟ يمكن يقدر يتقبله

و بصراحة الحليب اللي طعمه وايد يشابه حليب الأم هو الابتاميل بس مو الكومفرت لا العادي

الكومفورت طعمه مر حيل

يمكن علشان جذي ولدج مو متقبله

جربي معاه حليب ابتاميل العادي رقم 3 و شوفي

اذا ما عجبه عندج السيميلاك طعمه روعة يحبونه اليهال وايد

 

[د. رشــا الصفــي]

السلام عليكم يعطيج العافية --دكنورة انا اذا وصل عمر ولدي سنة ونص اقطع الممية واعطية حليب الكرتون لان جربت معاهم يشربون الحليب بكوب مايبون بس استانسو على الكراتين اخاف ماينفعهم ؟

الحليب بالكوب لا الكرتون نفس الشي

دام يحبون الكراتين خل يشربون ما في مشكلة عادي

وهل صج ان الياهل لازم يشرب حليب بالليل لان على قولتهم ينفع اكثر انتي شرايج ؟

ما يفرق بالعكس بالليل قبل النوم مباشرة يزيد فرصة تسوس الأسنان

صراحة عيالي صحتهم الحمداللة زينة وحريصة عليهم يعني اكلهم كلة فواكة وبروتينات وفيتامينات ماعطيهم خرابيط بس احس بتانيب الضمير لاني قطعت الممية مبجر

لا تحسين بتأنيب الضمير ولا شي

انتي خوش ام

لا تحاتين

 

[د. رشــا الصفــي]

هلا دكتورة ..

أنا ارضع بنتي والحين عمرها سنة و6 شهور وحملت عليها

وقالوا لي لاترضعينها مو زين وصج لاحظت من ارضعها يجيها تكرمون اسهال وترجيع

بس المشكله اني ابي افطمها بس ماتاكل واليوم عااانيت منها طول اليوم تبجي تبي ترضع بس ماعطيتها ونامت واهي جوعانه خلتني اصيح

معاها كسرت خاطري

فشالحل شلون أخليها تاكل وشالحليب اللي اقدر اعطيها والله ماعرف شئ وانا في غربه وماحد يساعدني

الموضوع كله يبيله شوية صبر و تحمل منج حبيبتي

اهنيج على الرضاعة الطبيعية لهالعمر

بس المشكلة الحين تعلق البيبي الشديد بالرضاعة الطبيعية

الفطام لازم يكون بالتدريج

و اخر شي رضعة الليل تقطعينها

و الأكل بالتدريج مع الوقت راح تعرف انه ماكو رضاعة و تجوع و تاكل

بس انتي تحملي شوي ميخالف

و الله يعينج و يعينها حبيبتي ترى هم صعب عليها

 

[د. رشــا الصفــي]

قوة دكتورة .. ولدي عمره 10 شهور يصير اعطيه منتجات البقر الحين ؟؟ يعني جبن او مثلا اذا بعطيه حليب كاكاو كي دي دي ؟؟

يصير بس مو اعتماد كلى

يعني توستة مع جبنه عادي ولا حليب كاكاو اذا طالعين و ماتبين تسوين له ممية

بس الرضعات الرئيسية تكون من حليبه

والعصير لازم عصير الاطفال وله يصير اعطيه عصير كي دي دي

يصير عصير عادي الحين مو مشكلة


ويصير اعطيه تونه وله لا ؟؟ وكريم كراميل ومحلبيه وهالسوالف

خل يكمل السنة بالنسبة للتونة و الكريم كراميل

بس المحلبية عادي بهالعمر مو مشكلة

تحياتي

 

[د. رشــا الصفــي]

السلام عليكم
يعطيج العافيه دكتورة ولدي امس سوه عمليت فتاق تحت وعمره 3اشهر واسبوع صارله شهر خروج يوم اي ويوم لا ومرات كل يوم مره وكل ما اوديه حق دكتور يقول عادي وخروجه مو اصفر اخضر غامج على بني ولين مو يابس هل هذا طبيعي ؟

نعم طبيعي


والدكتورة قالتلي اعطيه عصير عنب وبرتقال رضعه باليوم مخفف اعطيه ولا لا؟

اذا معاه امساك عادي ممكنوماي التمر؟

هم عادي علشان ما يصير امساك و يأثر عالعملية

البسكوت بالحليب متى ابدا فيه؟

بالنسبة للبسكوت و الحليب لو تراجعين ردودي السابقوة بالموضوع جان شفتي اني من اشد المعارضين لهالموضوع و السبب بكل بساطة

انج تقدرين تشربين جاي ولا قهوة مو مضبوطة مثلا زيادة شكر و لا طحين مثلا ؟

ما تقدرين صح ؟

ليش تخلين ولدج يشرب حليب مو مضبوط؟

الحليب مسوينه تبعا لمقاييس عالمية لتمنح الطفل اعلى درجات التغذية و تحتوى على فيتامينات و حديد بصورة كافية و مناسبة للطفل

فلما نزيد البسكوت علشان نمتن الياهل نخرب تركيبات الحليب

صح يمكن يمتن الياهل بس نكون تعبنا جسمه بزيادة هالبسكوت بالحليب

 

[د. رشــا الصفــي]

قوة دكتورتنا ادري بتقطعين شعرج من الامهات

لا حبيبتي متعودة لا تحاتين هذا شغلي كل يوم

وكثرة الاسئلة اللي ماتخلص

لا تقولين جذي

انا هني علشانكم و علشان اجاوب أسئلتكم

-اللة يعطيج العافية ويجزاج خير -

جزاج الله خير ما تقصرين

عطينا سؤالج

عندي سؤال اخير وعنووووني- عندي ولد عمرة سنتين ونص نبتت سدرة براسي منة وطلعلي شيب وهالات سوداء وارق واعصاااااااااااااااااااب لانة عنيد واذا احد اخذ منة شي يبجي حيل واحس انة مايتنفس ويصير اسود ويرفس يخرعني ويصير نفس الخيط اشيلة اقلبة احس جنة ميت ابي شي مايخلية ما ينصرع جذي تعبببببببببت وياة احس قلبي بيوقف اذا بجا مسويلي ارق تكفيييييييييييييييييييييييييييييييييييييييييين ابي حل

حالة ولدج يسمونها بالطب Breath Holding Attacks و هي عبارة عن حالة بكاء مستمر تليها فترة توقف بالتنفس و تغير اللون الى الأزرق و رخاوة بالجسم او تيبس

و لا تعتبر هذه من التشنجات

و ليس لها علاج محدد

و تختفى بدون تدخلات من تلقاء نفسها مع مرور الوقت

لا تخافين

اهم شي تكونين هادية و ما تنفعلين

خليني انقل لكم تجربتي عن هالحالة و ردود فعل الأمهات

عندنا بالكويت للأسف انفعال الأهل يزيد الحالة سوء

و كنت اشوف الياهل بالأرض غايب عن الوعي و الأم يمه تلطم و تصارخ

ليش ؟ مو اول مرة ؟ وانتي عارفة السالفة ؟ فالنتيجة الطفل يستعيد وعيه و يشوف امه حالتها حالة تصارخ و مهسترة يقوم يرد يصيح مرة ثانية و هلم جرا

بالمقابل شفت نفس الحالات برة الكويت

نفس الموقف الياهل فاقد الوعى بالأرض بعد نوبة البكاء بس الأم هادية و عارفة الموضوع

قاعدة يمه عالأرض و لامته على صدرها تمسح راسه بدون اي انفعال و تهديه لما يصحى يلاقي الأمور هادية يقوم كأنه مافيه شي

انتي اشرايج تبين تكونين مثل أي ام فيهم؟

​

 

[د. رشــا الصفــي]

هلا وغلا دكتوره رشا
بعد قلبي والله اشوه طمنتيني في احد مثل معاناتي :tongue22:

شورتج وهداية الله راح اجرب وان شاء الله يفييييييد
ودكتوره على النوم مره قلت بخلييه واحقره ومارح انومه جوود من التعب ينام بروحه
والله دكتوره ظل قاعد 5 ساعات متواصله من غير مايفكر ينام وكل ساع مفرك عيونه
وادري ميت من النوم بس حاقرته تالي دكتوره تعسر فوق الساعه وبس يصرخ
الله يعينه علييييهم هذا عمره 7 شهورو شلون ليه كبر والله صعبه
انا عندي غيره اسم الله عليييهم لو احطه بحظني والمه نام هذا لو المه واحطه بحظني
يكفخني ويمجع المصاصه تقولين ذابحته

الله يحفظلج بنوتج يارب وتشوفينها عروووس وذكرينها بغامراتها الليليه معاج :ggdw: ماقصرتي ياقلبي ولاتنسينه من دعواتج الطيبه بهاليوم الفضيل
خالص تحايتي :eh_s(6):

حياج الله زاجل

انتي تتكلمين عن ولدج كأنج توصفين بنتي بالضبط

بس عادي تعودت عليها

و المساج وايد نفع معاها

اهم شي تكونين هادية و ما تنفعلين

 

[د. رشــا الصفــي]

السلام عليكم ورحمة الله وبركاته

دكتورة بغيت اسألج.. انا بنتي عمرها الحينه 10 شهور (توها كملت)... ماتحبي بس تحاول ومن زمااااااان وهي تحاول


بالنسبة للحبي مو كل الأطفال يحبون في اطفال يمشون على طول

و على فكرة الدراية او المشاية تأخر الحبي و المشي

والاسنان ماشي بس توه من كم يوم بدا يشق لها ضرس صغيرون مايبين بالنظر بس باللمس

مبروك الضرس

طبيعي حبيبتي لا تحاتين

وانا الدكتور كان وصفلي فيتانيات بيديا فيت نص ملي باليوم... تقريبا صارلي شهر... وقالي ان هذا الفيتامين ممكن يسرع بالاسنان والحركة


شو رايج؟؟ وعادي اعطيها 1 ملي بدل النص؟؟

لا حبيبتي خليج على كلام دكتورج و بنتج طبيعية ما فيها الا العافية

 

[د. رشــا الصفــي]

مشكلتي دكتورة حيل متعبه نفسيتي ومأذية ولدي واهي من طلع من الاربعين واهو يعاني من امساك اول كان يوصخ تكرمون كل 4 أيام ما ابالغ اذا قتلكم ساعات توصل 6 ايام وتعدلت حالته لم صار عمره 4 شهور قام يوصخ كل يومين بس الله لا يوريكم حالته يقعد يبجي لين يطلع بطنه واذا طلع تكرمون ناشف حيل الكبير يتعب اذا كان بهشكل فما بالك بطفل عمره 4 شهور والحين عمره 8شهور اسم الله عليه وولحين على هالحالة قلبي يعورني عليه ما خليت مستشفى وماخليت دكتور الا ورحتله غيرت حليبته كذا مرة وماكو فايده ، غيرت اكله والخضار الي اعطيه وماكو فايده الحين المسكين ما يقدر يخرج الا اذا حطيتله تحميله شرجيه فبليـــــــــــــــــــــــز ساعدينيي في ناس انصحوني اني اسويله اشعة حق الامعاء وانا خايفه لان يقووولون يدخلون شي في فتحة الشرح وتعور خايفه على ولد حيل حيل

بالنسبة للإمساك مع انها مشكلة شائعة الا انها مزعجة جدا للطفل و الام

خصوصا اذا الطفل صغير ما نقدر نساعده بالأكل

بس اهم شي نتأكد ان التحاليل المخبرية و اهمها تحليل الغدة الدرقية سليم و ما فيها خمول

و رقم 2 لازم يشوفه جراح الأطفال يتأكد انه ماكو ضيق بالقولون لا سمح الله

غير جذي عليج بالتمر و الكشمش و الشوفان

و وقفي البطاط و الرز و الجزر و الكوسا

كلها تزيد الامساك

 

[SweeTa_4ever]

قوه دكتوره شلونج
وديت ولدي الطبيب لانه صدره فيييه بلغم وقصقص ويطلع صوت عطوو دوا بس ابي اشياء طبيعيه اعشاب شنو تنصحيني البنات قالولي ورق الجوافا اشرايج فيه ؟؟
وقالي الدكتور ولدج 11 شهر وعنده ضرس واحد لازم اسوين تحليل عشان انعرف السبب ونعطي فيتاميد( د) خرعني لازم تحليل معنه حركته زيييييينه يحبي ويوووقف اسم الله علي ؟؟

وكتبلي على حليب بيديا شور شلون استخدمه جم مكيال وجم مره باليوم
وقال اعطي اربع رضعات باليوم وحددلي اوقات 6 الصبح و12 و6 المغرب و12 بليل ليش ما اقدر اعطي على مشتها ليش مواعيييد؟؟
وزنه 8.400 كيلووو قالي حييييل ضعيييف ؟؟؟

مع الف شكر لج

 

[د. رشــا الصفــي]

قوه دكتوره شلونج
وديت ولدي الطبيب لانه صدره فيييه بلغم وقصقص ويطلع صوت عطوو دوا بس ابي اشياء طبيعيه اعشاب شنو تنصحيني البنات قالولي ورق الجوافا اشرايج فيه ؟؟
وقالي الدكتور ولدج 11 شهر وعنده ضرس واحد لازم اسوين تحليل عشان انعرف السبب ونعطي فيتاميد( د) خرعني لازم تحليل معنه حركته زيييييينه يحبي ويوووقف اسم الله علي ؟؟

وكتبلي على حليب بيديا شور شلون استخدمه جم مكيال وجم مره باليوم
وقال اعطي اربع رضعات باليوم وحددلي اوقات 6 الصبح و12 و6 المغرب و12 بليل ليش ما اقدر اعطي على مشتها ليش مواعيييد؟؟
وزنه 8.400 كيلووو قالي حييييل ضعيييف ؟؟؟

مع الف شكر لج

هلا SweeTa_4ever

اذا بقول لج عن الأشياء الطبيعية جوابي ما راح يكون عن دراسة

احنا ما درسنا الأعشاب

بس سامعة ان ورق الجوافة زين

و هم بعد منقوع التين المجفف

و الحلبة

كلها زينة للصدر و البلغم



بالنسبة للضرس الواحد عادي على عمر 11 شهر و ضرس واحد اذا الحركة زينة ما شاء الله

اذا ما تبين تسوين له تحليل علشان شكة الابرة قولي له يسوي له اشعة على ايده تبين كثافة العظم و في علامات على لين العظام اذا كانت موجودة ولا لأ بدال التحليل

بس انا ما اشوف في مانع او خوف من التحليل

بالعكس زيادة اطمئنان

نطري عليه خل يطيب صدره و عقب سوي التحاليل احسن



بالنسبة لحليب بيدياشور المكيال ما اتذكره بالضبط تلاقينه عالعلبة تستخدمينه كأنه حليب اطفال عادي بودرة مع ماي

بس المكيال اذا ماي غلطانة 170 مل ماي و عليهم 5 ملاعق حليب

تأكدي بليز ماني ذاكره زين

بالنسبة لتحديد الأوقات علشان ما تنسين ( صعبة بصراحة الوحدة تنسى رضعات ولدها )

و علشان يصير فرصة بالنص البيبي ياكل أكل عادي

تقدرين تعدلين بالأوقات على راحتج

المهم 4 رضعات باليوم

بالنسبة للوزن

شوفي هذا جدول اوزان الأطفال الطبيعية حسب توصيات منظمة الصحة العالمية

ووزن ولدج يعتبر طبيعي مو ضيف حيييييييييييييييييييييل

هالرابط راح يفيدج

http://www.q8yat.net/showthread.php?t=211213

و هذا عمر ولدج عليه الدائرة الخضراء

11 شهر

بالنسبة للأوزان الموجودة كلها تعتبر طبيعية بس في تفاوت طبعا بين كل طفل و الثاني

بس اللي باللون البرتقالي اول و اخر السطر تعتبر اقل و اكثر نسبة نعتبرها طبيعية

يعني اقل منها او اكثر منها يصير الوزن غير طبيعي بالزيادة او النقصان

و الأصفر طبيعي بس مايل للضعف اكثر او المتن اكثر

و الأخضر الوزن المثالي خل نقول او المتوسط



فانتي مثل ما تشوفين وزن ولدج بالمنطقة الصفرا

يعتبر طبيعي و مايل للضعف

بس ما نقول ضعيف حيييييييييييييييييل

​

 

[ام عبوووودي]

يعطيج الف الف عااااااااافية ويصلح ذريتج يااااارب واللة ريحتيني حسبالي ولدي فية شي:ggdw: بس في بعض الدكاترة قالولي اسوي اشعة على المخ احتمال تكون كهربة زايدة او يمكن يكون في خلل باللقلب مادري صراحة هم يتفلسفون على راسي ولا لا بس هو الحمداللة مايعاني من شي بس هالصرعة اللي مع البجي صراحة الاجانب قلوبهم قوية ياليت اتحمل شكلي لا بجا بنحاش غرفتي :eh_s(2):عشان مازيد الطين بلة

 

[فروحة الكويتية]

دكتورة بنتي بيصيرعمرها 6 شهورعطيتها ملوبا فواكه وعيش وخضروات

سويت لها بالببيت قرع+بطاط+جزر وساعات اعطيها تفاح

بغيت منج جدول شنو ازيد لها الحين واذا اقدر اعطيها لحوم؟؟

شلون انظم لها الرضعات مع الاكل؟ يعني بالوقت؟

يصير اعطيها بيض و قيمر وتوست وجبن؟

يعطيج الف عافية

 

[د. رشــا الصفــي]

دكتورة بنتي بيصيرعمرها 6 شهورعطيتها ملوبا فواكه وعيش وخضروات

سويت لها بالببيت قرع+بطاط+جزر وساعات اعطيها تفاح

بغيت منج جدول شنو ازيد لها الحين

ولا شي في الوقت الحالي نظامها تمام بس نوعي اكثر بالفواكه ​

واذا اقدر اعطيها لحوم؟؟

لا تو الناس لما تكمل 8 شهور او تسعة

شلون انظم لها الرضعات مع الاكل؟ يعني بالوقت؟

بالوقت صعب حبيبتي الياهل حسب قعدته و نومته ما نقدر نقول بالساعة\\بس تقريبا

اول ما يقوم الصبح حليب نقول الساعة 7 مثلا

الساعة 9 ريوق مثل سيرلاك او بسكوت معاه عصير

الساعة 12 حليب

الساعة 2 الغدا : خضار

الساعة 4 او 5 : حليب

الساعة 7 : فواكه

الساعة 10 : حليب

و بالعافية

هذا جدول تقريبي اخذي منه اللي يناسبج بالزيادة او النقصان

يصير اعطيها بيض و قيمر وتوست وجبن؟

لا بعد ما يصير الحين

الجبن من 9 شهور

و البيض بعد السنة

يعطيج الف عافية

الله يعافيج​

​