هل لديكم طفل يعاني من التوحد- خلونا نتجمع

[Emanova]

شوفي حبوبه ...الكارز اهو المقياس اللي يقيسون فيه مستوى التوحد عند اليهال , يعني اذا 24 ماكو توحد ...اذا 27 تكون فيه صفه او صفتين

اذا 30 الخط الفاصل بين صفات التوحد و التوحد نفسه

من 31 و فوق توحد ... و كل ما يزيد الرقم كل ما تزيد الحاله

الدكتوره عبير اي ياهل تحت 30 تقول تأخر عقلي بسيط ما تقول عنه توحد ... و انا بعدين لما قمت اقرأ و ادور عرفت شنو معاني الارقام مالت كارز

انتي حطي CARS

childhood autisim rate scale

و راح تقرين بالتفصيل عنه

 

[فرح وسعاده]

عيدكم مبارك :q8:
يعطيييييكم العافيه وموضوعكم كل ماله ويحلى وخاصه ان اعيالكم في تطور ماشاء الله ....
انتي كاتبه اختبار كارز تقدرين اتحطينه ؟؟؟واتقوليلنا اشلون انطبقه على اليهال؟؟؟؟؟ بما انج خبييييييره ماشاء الله :sfg:

 

[Emanova]

اختبار كارز عباره عن اسئله يسألها الدكتور للاهل و يحسب لها نقاط و بالاخير يطلع المعدل

انا ما اعرف الاسئله كلهم بس اعرف جم واحد مثل يصعد الياهل الدرج و ينزل و لا لأ ؟ و لما يصعد ريل و رل و لا كل ادريه ابروحها ؟

يسكر زراير القميص؟

ياكل بروحه؟ ولا مع مساعده ؟ و لا ما ياكل بروحه؟

ينجي انواع معينه من الاكل و ما يغيرها و لا لأ؟

يلعب مع اليهال اللي بعمره ؟

التواصل البصري اشلون ؟

اسئله وايد

 

[BADRO]

السلام انا بنت اختي فيها التوحد وانتبهتلها اختي من عمرها سنتين كان ببالنا انها ماتسمع ولاتكلم ماجا ببالنا انه توحد ومن درت اختي ماخلت دكتور ماراحتله ولامؤتمر ماشاركت فيه اوحضرته حتى انه سوت لعبه لللاطفال التوحديين تلفت نظرهم وتدرب بنتها عليها وانشالله بيطبقونها بروضة بنتها لان الفكرة عجبتهم

 

[Emanova]

وين مدرسه بنت اختج .... و شنو اهي اللعبه علشان نشوفها و نستفيد

 

[BADRO]

لعبة اختي مسميتها الحواس الخمس وعبارة عن خمس علب كل علبه فيها العاب وكتب ترتبط بالحاسه واللعبه الثانيه الليل والنهار والفرق بينهم وطريقة اختي تلفت النظر لان حتى بالروضه طلبوها تشرحها لهم عشان يطبقونها المدرسات وبنتها بام القرى بابو حليفه خاصه

 

[Emanova]

اذا تقدرين تصورين لنا اللعبه و انشوفها عدل

 

[ناني سيكرتس]

السلام انا بنت اختي فيها التوحد وانتبهتلها اختي من عمرها سنتين كان ببالنا انها ماتسمع ولاتكلم ماجا ببالنا انه توحد ومن درت اختي ماخلت دكتور ماراحتله ولامؤتمر ماشاركت فيه اوحضرته حتى انه سوت لعبه لللاطفال التوحديين تلفت نظرهم وتدرب بنتها عليها وانشالله بيطبقونها بروضة بنتها لان الفكرة عجبتهم

الله يشافي بنت اختج..
برافو لاختج على اختراعها, ياليت نشوف هاللعبة, خلي اختج تدخل موضوعنا وتشاركنا بالمهلومات الي عندها, يعني تفيد وتستفيد..

 

[Om eL-3a9aGeeL]

بنات انا ما قريت كل الصفحات بس كلكم تدورون مدارس خاصة ؟
ولا وحدة فيكم جربت مركز الكويت للتوحد ؟؟

 

[Emanova]

بنات انا ما قريت كل الصفحات بس كلكم تدورون مدارس خاصة ؟
ولا وحدة فيكم جربت مركز الكويت للتوحد ؟؟

اتعس مكان شفته في حياتي

 

[توته79]

شوفي حبوبه ...الكارز اهو المقياس اللي يقيسون فيه مستوى التوحد عند اليهال , يعني اذا 24 ماكو توحد ...اذا 27 تكون فيه صفه او صفتين

اذا 30 الخط الفاصل بين صفات التوحد و التوحد نفسه

من 31 و فوق توحد ... و كل ما يزيد الرقم كل ما تزيد الحاله

الدكتوره عبير اي ياهل تحت 30 تقول تأخر عقلي بسيط ما تقول عنه توحد ... و انا بعدين لما قمت اقرأ و ادور عرفت شنو معاني الارقام مالت كارز

انتي حطي cars

childhood autisim rate scale

و راح تقرين بالتفصيل عنه

اهاا انزين اللي يكونون تحت ال30 يعني علاجهم اسرع من التوحد والا نفس الشي ؟

 

[BADRO]

انا كلمت اختي عن الموضوع واختي متشجعه راح تسوي مؤتمر انشاءالله وراح تجمع كذا وحده تعرفت عليهم وعيالهم تحسنم من تدريبهم وعلمتها عن موقع كويتيات وتشجعت بتدخل وبتتعرف عليكم انشالله والله يكتب اللي فيه الخير

 

[Emanova]

اهاا انزين اللي يكونون تحت ال30 يعني علاجهم اسرع من التوحد والا نفس الشي ؟

شوفي مثلا انا ولدي 28 و انتي ولدج 28 لكن ولدج ما يتكلم و انا يتكلم

ولدج يكتب انا ولدي ما يكتب

ولدج ما يروح الحمام بروحه ولدي يروح

ولدج يعرف الارقام ولدي ما يعرف


فتصير اهي كل ياهل شنو الالمشكله الللي عنده و شنو حلها

حتى اليهال اعاديين في يهال اجتماعيين و يهال لأ ...و في يهال شطار و في يهال لأ ... و في يهال عندهم هوايات و يهال لأ


كل ما ارتفع الرقم في كارز كل ما كان الياهل في العالم الخاص ماله ...و كل ما كان صعب ان الاهل اييبونه صوبهم

اذا انتي شايفه فلم توم كروز rain man داستين هوفمان كلن فيه توحد بس اسبارغر ..اللي اهم اذكيه

و اذا شايفه فلم بروس ويليس emeny of the state اذا انا مو غلطانه ...الياهل فيه توحد مو صفات توحد بس كان شاطر بالالغاز و البازلز

 

[المشكاة]

وديت ولدي عند الدكتورة فاطمة عجبني تشخيصها اكثر من عبير ، أنصحكم فيها

 

[Emanova]

انا ولدي يراجع عند فاطمه ... احلى ما فيها تنزل نفسها لمستوى الياهل

 

[مشاعل الشمري]

بنات انا ما قريت كل الصفحات بس كلكم تدورون مدارس خاصة ؟
ولا وحدة فيكم جربت مركز الكويت للتوحد ؟؟

بالنسبه لتجربتي مع ولدي الله ثم مركز الكويت للتوحد اهما اللي احتوو ولدي وعلموا لكن المشكله ان ما في شهاده للطفل اللي ممكن يتعلم:ggdw:

 

[ام التوحدي]

حاليا في الرياض تم افتتاح مركز خاص للتوحد للتخلص من السموم باشرف الدكتورة ليلى العياضي

انا بتابع معاها مع اني جربت كثير وكثير ومافي فايده

انا عندي طفلين الله يشفيهم

املي في الله كبير

راح اتابع معاها واي تطورات ابلغكم

 

[ناني سيكرتس]

حاليا في الرياض تم افتتاح مركز خاص للتوحد للتخلص من السموم باشرف الدكتورة ليلى العياضي

انا بتابع معاها مع اني جربت كثير وكثير ومافي فايده

انا عندي طفلين الله يشفيهم

املي في الله كبير

راح اتابع معاها واي تطورات ابلغكم

الله يعينج حبيبتي, عندج ولدين احتياجات خاصه, الله يشافي عيالج وعيالنا وجميع مرضى المسلمين..

 

[Emanova]

ناني : اشلونج و اشلون يوسف سويتي تحليل الوراثه و لا بعد؟

 

[صرخه توحديه]

الله المستعان أنا عندي وحده أعرفها ولدها في مركز الكويت للتوحد وعيزت منهم تبي تشوف شنو قاعدين يسوون معاه طول اليوم بس مو راضين لأنه كل يوم يرجع منهم متوتر وحالته حاله - وكل ما كلمتهم يقولون لها كتبي بالدفتر ما صار دفتر عيزت وهي تكتب هالمذكرات فيه كل يوم ولا حياة لمن تنادي