اشلون تاخذين راحتج مه زوجج بالسفر ؟؟

[wishesangle]

بناااااااااااااااااااااااااااات العنوان واضخ

انا ناوية اسافر بالصيف مع زوجي لشرق اسيا بعد ما اولد

و بكون عندي اربع عيال الله يحفظهم ..

بس امي مو راضيه تخليهم كلهم عندها .. تقول اخذي معاج الكبير عمره 5 سنوات :krkrkr:


و بصراحة و لا رمه جربت السفرة مع العيال .. كل مرا اكون بروحي ..

و ابي نصيحتكم ... اشلون السفره مع طفل واحد ؟؟ هل متعبه ؟؟ و اشلون تاخذييييييييييين راحتج مع زوجج
و معاج ولدج ؟؟ اشلون تلبسين بالغرفه و تكشخين ؟؟


تكفون والله منقهره حيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييل

 

[coolq8]

سفرة اليهال متعبة ويبيلها طولة بال أنا سافرت مع بنتى سنه وسبع شهور تايلند
صج تعب بس تحملت لأن زوجى مارضى أخليها بالكويت وحجزنا غرفة سويت
وكانت راهية وأتمنى لج رحلة سعيدة

 

[hoooas]

حبيبتي اذا امك ماااااااااااااااعندها خادمه استاجري خادمه بلمده الي بتجلسين فيها وخليها مع اليهال عند امك وحتى لو فيه خادمه وقولي لمج بس اشرفي عليهم طبعن قبل لاتطلبين منها لازم تكونين مزينه الجومعها جيبي لها هدايا ومن هذا الكلام ولا خلي الكبير عند ام زوجك والباقين عند امج ولا قولي لمج ولدي رافض ماااااااااااايبغى يسافر واذا يئستي من امك اذا جت حزة سفرتك روحي دخليهم بيت امج ونزليهم عندها وقولي خمس دقايق وراجعه والفركه هي الفركه ولا تشوفك الا بعد السفره بس لاتنسين تجيبين لها الرضاوه تحياتي
بس لاتنسين ترجعين وتقولين لنا ايش صار

 

[بطه فيها نطه]

اختي اذا انتي مسافره واغلب وقتكم بيكون برا الفندق ... وليه رديتي بالليل عقب اللويه

من التعب بتنامون ... متى بتاخذين راحتك ؟؟؟ وياحلو السفره مع اليهال خاصه

ان بنتك عمرها 5 سنين ... يعني ماراح تعبك كبيره اسمالله عليها

توكلي على الله وسفره سعيده

 

[قوت الأرواح]

الله يعينج بصراحة إنا ماجربت
بس أتوقع إنه حلوة السفرة لأن بنتج كبيرة حرام تخلينها تفقدج

 

[أحب كويت2]

انا سافرت مرة شرق اسيا مع زوجي وخليت بنتي عند امي لان زوجي مارضى اخذها بس بصراحة تحسفت حيييل
وسافرت السنة اللي بعدها لشرق اسيا بعد, واخذت بنتي معاي وكان عمرها خمس سنين بسم الله عليها
والحمدلله اني اخذتها بصراحة استانست وايد وانبسطت لان مثل ماتعرفين شرق اسيا فيها اماكن وايد ممتعة للاطفال
بصراحة انا انصحك تاخذين طفلك معاك ,واكشخي وانبسطي

 

[الجعده]

:ada:عادى حبيبتى اخذيها معاج اشدعوه انا فاهما قصدج معاكم بالغرفه اتنام وسوووووو كل شي بسكااااااااااااااات والياهل بالعمر هذا ما تحس تنام من التعب والفراره بالسوقه:krkrkr::krkrkr::krkrkr:

 

[om-rayan]

وسعي صدرج واخذي بنتج معاج وتوكلي على الله ابصراحه انا عندي 3 اعيال الله يحفظهم بس كل ما اسافر لازم اخذ بنتي اكبيره الي عمره 5 سنين من كانت صغيره ليلحين . ولمن اسافر بعض مرات واخليها تصير السفره مالها طعم لانها امضيعه وقتي وماحب استانس او اشوف شي يونس واهيامو معاي يضيق خلفي . ولاتفكرين ان راح يضيق خلقج لان صج ماراح تستانسين وخلج متفائله وقولي راح استانس مع ينتي و ريلي

 

[wishesangle]

مشكوووووووووووورين حبيباتي والله رفعتوا معنوياتي و على فكرة ترا هو ولد مو بنت ... بس كلا نفس الشي اسمه طفل

انا عندي خدامتين و هم امي عندها خدامتين ... بس امي كلش موراضيه تخلي ولدي الكبير عندها لان حركي و عبثي شوي

بس هم لا يأس مع الحياة و راح احاول فيها تخلية عندها .

و انشالله اسااااااااافر و ارجع معاي تقرير روعه عن السفرة و اذا خذيت ولدي بتشوفونه بالصور

 

[نور الكون]

الصراحة السفر ما يحلى الا اذا عيالج معاج...اصلا قلبج ما يعورج اذا شفتي شي حقهم يونسهم؟؟؟
ما اتحسفين انج هادتهم اتوكلي على الله واخذي ويلدج معاج وريلج لاحقه عليه
وبالنسبة للاخت hoooas اعتقد انه مو هذي الطريقه اللي الواحد يتعامل فيها مع الام ....واهم شي رضى الوالدين علينا عشان نتوفق بهالدنيا.

 

[أحلى همبه كويتية]

اختي اذا انتي مسافره واغلب وقتكم بيكون برا الفندق ... وليه رديتي بالليل عقب اللويه

من التعب بتنامون ... متى بتاخذين راحتك ؟؟؟ وياحلو السفره مع اليهال خاصه

ان بنتك عمرها 5 سنين ... يعني ماراح تعبك كبيره اسمالله عليها

توكلي على الله وسفره سعيده

كلام صحيح 100%
وعن تجربة بالسفر ماكو شي اسمه اخذ راحتي
رحلات وتمشي وطلعات بترجعين بس تدورين الفراش عشان تقعدين نشيطة حق ثاني يوم وخصوصا اذا وراكم رحلة

سافرت اكثر من مكان وعيالي معاي صج اذية
بس والله متعة
حتى العمرة بالسيارة كانوا معاي وأعمارهم كانت 7 و 4 سنوات

اول سفرة عقب النفاس بولدي خليته عند امي وماخذيت البنت الكبيرة وكان عمرها 3.5 سنوات
والله ما تصدقين انا وزوجي تحسفنا هناك وايد كل ما شفنا ياهل مع أهله

والحين ماكو مكان نروحله إلا هم معاي كلهم 2 الله يسلمهم
والحمد لله ولدج كبير وشايل عمره ومن التعب بينام مبكر وتاخذين راحتك
الله يهنيك وسفرة موفقة

 

[أحلى همبه كويتية]

مشكوووووووووووورين حبيباتي والله رفعتوا معنوياتي و على فكرة ترا هو ولد مو بنت ... بس كلا نفس الشي اسمه طفل

انا عندي خدامتين و هم امي عندها خدامتين ... بس امي كلش موراضيه تخلي ولدي الكبير عندها لان حركي و عبثي شوي

بس هم لا يأس مع الحياة و راح احاول فيها تخلية عندها .

و انشالله اسااااااااافر و ارجع معاي تقرير روعه عن السفرة و اذا خذيت ولدي بتشوفونه بالصور

لا تلومين الوالدة الله يطول بعمرها عشان ما رضت بس والله العمر له احكام
والكبير ماله خلق يدور ورا ياهل والخدامة قلبها مو مثل الأم أو الجدة
خصوصا انه في بداية العمر اللي يتحرك كثير :krkrkr:
اسم الله عليه مثل ولدي بس يحوس

 

[أحلى همبه كويتية]

حبيبتي اذا امك ماااااااااااااااعندها خادمه استاجري خادمه بلمده الي بتجلسين فيها وخليها مع اليهال عند امك وحتى لو فيه خادمه وقولي لمج بس اشرفي عليهم طبعن قبل لاتطلبين منها لازم تكونين مزينه الجومعها جيبي لها هدايا ومن هذا الكلام ولا خلي الكبير عند ام زوجك والباقين عند امج ولا قولي لمج ولدي رافض ماااااااااااايبغى يسافر واذا يئستي من امك اذا جت حزة سفرتك روحي دخليهم بيت امج ونزليهم عندها وقولي خمس دقايق وراجعه والفركه هي الفركه ولا تشوفك الا بعد السفره بس لاتنسين تجيبين لها الرضاوه تحياتي
بس لاتنسين ترجعين وتقولين لنا ايش صار

الله يهداج
حركة مو حلوة
رضا الوالدين أهم وراحة عيالي من راحتي
ما يهون علي اسويها

اتمنى تكون دعابة وغشمرة مو من صج

 

[Hello_kitty]

والله حبيبتي ولدج عمره حليو وفاهم اخذيه بالسفر واستانسي معاه

ولا نصير انانيين قدري ظروف امج بتخلين عندها ما شالله الله يحفظهم اعيالج كلهم وانتي واحد واهو ولدج مالج خلق تاخذينه وتتحملين

مسؤليته عيل اهي شتقول مره كبيره وحتى لوالخدم موجودين بس يبيرون بذمتها ولو صار فيهم اي شي بتطيح السالفه كلها على راسها!!

وانتي من كلامج عيالج صغار اذا اكبرهم عمره 5 سنوات بس وتقولين ولامره من تزوجتي سافرتي معاهم؟؟

مثل ما تدوورين راحتج الأولى تدورين راحة امج بعد ما قصرت وكبرتكم وتعبت وتبونها هم تتعب مع اعيالكم ووتحمل مسؤليتهم لله يعينها وكثر الله خيرها

 

[توافيق]

السلام عليكم
من سنتين سافرت مع زوجي ومعاي بناتي 3.
11و 10و5 سنوات .
أخذت غرفتين مفتوحين على بعض إذا بغيت الخصوصيه أسكر الباب وباقي الوقت مفتوح
منها أكون مطمنه على إعيالي ومنها أونسهم معاي. وما أقصر بحقوق زوجي
أشدعوه العيال ترى يفهمون ويحطون بخاطرهم إذا سافرتي وخليتيهم
وامك ما قصرت بعد إذا خلت الصغار معاها
إخذيهم وتوكلي على الله .
وأكيد راح تلقين أماكن خاصة للأطفال
وصدقيني راح يظلون طول عمرهم يذكرون هذي السفره
بنتي الصغيره ليما ألحين إذكرني شلون كانت فرحانه بالسفر
وإذا شاء الله راح آخذهم هذا الصيف معاي
:ioljnmlk:​

 

[ديرتي الغاليه]

لا اخذيه احمدي ربج واحد مو كلهم ........بناتي للحين كل ما خذوا قالولي ايه تسافرين رحتى سوريا وما خذتينا رحتى مصر وما خذتينا والحين بروح تركيا ان شاء الله وباخذهم لانهم حسوا وقالوا ايه خلينا بعد مع انهم صغار اكبرهم7 سنوات ........