امهات التوحديون تعالوا بسألكم ؟؟

[whitish]

السلام عليكم ورحمة الله وبركاته

يعطيكم العافية بنات ويصبرنا وياجرنا اللهم اميين

بنات بسألكم سؤال وابي جواب شااافي وواضح ودقيق وبعديين اقولكم ليش


ابنائكم التوحديون ينادونكم ؟؟

يعني يناديج ماما ؟؟ يقول ماما اذا يبي شيء ؟

باختصار يناديكم ولا هذا الشيء معدووم


وبرد لكم ان شاء الله

 

[الصابرة المحتسبة]

عسى ربي يشفي عيالنا وعيال المسلمين

 

[مشاعل الشمري]

السلام عليكم اول كان ما يناديني ولا يعترف بلي عنده لكن الحين الحمد لله فلا تياسين خلي ايمانك بالله قوي
الله يشافي عيالنا اجمعين

 

[whitish]

عسى ربي يشفي عيالنا وعيال المسلمين

اللهم امين ماقصرتي يالمحتسبة

 

[whitish]

السلام عليكم اول كان ما يناديني ولا يعترف بلي عنده لكن الحين الحمد لله فلا تياسين خلي ايمانك بالله قوي
الله يشافي عيالنا اجمعين

الله يتمم عليج وتشوفينه احسن واحسن

بس ودي تشرحيلي شلون يناديج ومتي ويطالعج لما يناديج ؟؟

 

[Emanova]

كان ما يناديني ... بس الحين اذا يبي شيء اطنشه لحد ما يقول مامي اهني ارد عليه

يبيلها قوه اعصاب و قوه قلب ...طولي بالج و ان شاء الله يناديج

و احنا علمناه انا و ابوه ابوه يناديني و انا اقول نعم ... و انا انادي الابو و يرد علي نعم

بعدين نعلمع اسمه و يرد نعم

 

[مشاعل الشمري]

السلام عليكم شوفي الحمدلله ان هالفتره عدت لكن للحين محفوره بذاكرتي كان يمسك يدي وبدون ولا كلمه يأشر على لي يبيه واعطيه بس بعدين ولان المركز سوو له برنامج تخاطب فتطوور شوي شوي حاولي تمسكين ايده وتقولين له طالع بعيوني منو فيه انت حبيبي اوابوه يناديك جدامه ماما وتردين نعم بس يبيلها طولة بال وما الصبر الا من عند الله:eh_s(8):
اقولك على اشياء سواها ولدي قبل لما كان صغير وابيك تحمدين ربك مره حط نفسه بالغساله واهي ادور
وكان على طول يفتح باب السياره واهي تمشي ومره طلع مشى بروحه عند جيرانه عشان يشرب من برادتهم ماي وبغى يندعم للوما الله ستر ولا تقولين لي انت وين لان سبحانه الله يا اشتغل يا عند خواته وانا نايمه بس ما كنا عارفين اشفيه
احمدك ربي حمدا كثيرا كما ينبغي لجلال وجهك الكريم

 

[whitish]

كان ما يناديني ... بس الحين اذا يبي شيء اطنشه لحد ما يقول مامي اهني ارد عليه

يبيلها قوه اعصاب و قوه قلب ...طولي بالج و ان شاء الله يناديج

و احنا علمناه انا و ابوه ابوه يناديني و انا اقول نعم ... و انا انادي الابو و يرد علي نعم

بعدين نعلمع اسمه و يرد نعم

ياحياتي ما قصرتي والله يتمم عليه ويتحسن للافضل

 

[whitish]

السلام عليكم شوفي الحمدلله ان هالفتره عدت لكن للحين محفوره بذاكرتي كان يمسك يدي وبدون ولا كلمه يأشر على لي يبيه واعطيه بس بعدين ولان المركز سوو له برنامج تخاطب فتطوور شوي شوي حاولي تمسكين ايده وتقولين له طالع بعيوني منو فيه انت حبيبي اوابوه يناديك جدامه ماما وتردين نعم بس يبيلها طولة بال وما الصبر الا من عند الله:eh_s(8):
اقولك على اشياء سواها ولدي قبل لما كان صغير وابيك تحمدين ربك مره حط نفسه بالغساله واهي ادور
وكان على طول يفتح باب السياره واهي تمشي ومره طلع مشى بروحه عند جيرانه عشان يشرب من برادتهم ماي وبغى يندعم للوما الله ستر ولا تقولين لي انت وين لان سبحانه الله يا اشتغل يا عند خواته وانا نايمه بس ما كنا عارفين اشفيه
احمدك ربي حمدا كثيرا كما ينبغي لجلال وجهك الكريم

سبحان الله جنج تسولفيين عن ولدي انا بعد صار معاي جذيه وماكنت ادري شفيه

مره توني صافطه عند الجمعية وينزل ويركض مجبل علي سياره دايسة لولا رحمه الله والريال انتبه وداس بريك
لكن ما نقول الا الحمدلله

وامس راكب فوق الكبت الله سترر ما طاح والله الحاله حاله !!

حياتي الاجتماعية صارت صفر لكن هذي حكمة ربج

والله يصبرنا وياجرنا ويشافيهم

 

[whitish]

بنات انا سألتكم عيالككم ينادونكم ولا لأ مو علشان ولدي ما يناديني لأ.. ولدي نفسكم بالضبط قبل بس يأشر الحين تعلم يناديني

بس المشكلة مو هني

الدكتور امس صدمني

يقولي ولدج مو توحد قلتله ليش كل الصفات فيه

جان يرد علي :ولدج يناديج يقولج ماما التوحدي ما ينادي !!

قلتله تبي تقولي ولا توحدي ينادي امه !!!

علشان جذيه حبيت استفسر منكم

يقولي هو في صفات توحد كثيره بس مابي اظلمه واقول توحدي جذيه ماراح يعلموونه

قلت له شلون

قال يعني التوحدي يعطونهم منهج ضعيف حييل لو احط له تأخر عقلي راح يكون المنهج اقوي ويتعلم اكثر

واحترت اخاف يكون تشخيصه غلط لانه اللي بصفه يفهموون حيييل يتكلموون عدددل واانا ولدي بينهم داش عرض

شرايكم بنات شسوي ووين اروح ولا تقولون عبير لاني اكرهااااا

 

[Emanova]

هذا اي دكتور ؟

 

[whitish]

دكتور بالطب التطوري

 

[مشاعل الشمري]

طيب الحمد لله هذي بشاره خير بس هم سألي شنو يعني تأخر عقلي؟ وروحي حق دكتور ثاني وثالث لا تقعدين لمه اتاكدين وانشاءالله خير وما ابي اقولك ان دكاترتنا خواره فيه وفيه والله يطمن قلبك

 

[wathoo7a]

ماله إسم اللي بالطب التطوري؟
ولا سألتي شنو إسمه؟
وبعدين شدخل يقول ماما ولا مايقول؟
في درجات للتوحد
إستشيري طبيب ثاني وثالث

 

[whitish]

والله ما اذكر شسمه هو مو دكتورولدي بس ابدي رايه لانه دكتوره ماكان موجود لما سمع ولدي يناديني ماما

السالفة القاهرتني انه ولدي ضاع بين تأخر عقلي وتوحد

ناس تقول جذيه وناس تقول جذيه

بس ولدي التواصل عنده ضعيف حييل والتاخر العقلي التواصل جيد

اللي مع ولدي بالصف تقولون جذب هذيلا فيهم شيء

وحاطيين ولدي المسكيين ما يعرف يقول كلمتين علي بعض معاهم

زين الحيين شنو السوات

اطلب اعادة تشخيص حاله ؟؟

 

[مشاعل الشمري]

ولدك اسم الله عليه باي مدرسه وصف وبعدين اذا في امكانيه وديه لدكتور بره التطوري

 

[الصابرة المحتسبة]

رفع للنقاش الجاد

 

[& الذاهبه &]

الله يشافيه

 

[الصابرة المحتسبة]

رفع

 

[بسبوسه حلوه]

الله يشافيه ويشافي ولدي كم عمر ولدك