'*·~-.¸¸,.-~*' (دار المسنين عقوق للوالدين ..؟؟؟ ناقشونا ) ¯¨'*·~-.¸¸,.-~*

[SaD FaCe]

قوه بنــــات :gathering:


هل تعتقد ان فكرة دار المسنين عقوق للوالدين؟؟؟

قال الله تعالى فى كتابه العزيز :

{وقَضى ربك ألاَّ تعبدوا إِلاَّ إِياه وبِالوالدين إِحساناً إِما يبلغن عندك الكبر أحدهما أو كلاهما فلاَ تقل لهما أُفٍّ ولاَ تنهرهما وقل لهما قَولاً كرِيماً }الإسراء23

،،
،،

دار المسنين ( العجزة ) ظاهرة مثيرة للجدل بصورة واضحة وتثير استنكار شريحة واسعة من مجتمعنا، حيث يرفضها الكثيرون معتبرينها شكلاً من أشكال العقوق للوالدين،
وجهة النظر هذه ترتبط بقيم دينية واجتماعية متوارثة في مجتمعنا، حيث انها تعتبر رعاية الوالدين حين يكبران شكل من أشكال رد الجميل لهما

مقابل الرؤية السابقة، تعتقد شريحة في مجتمعنا أن مبدأ دار المسنين يؤمن حلاً عملياً لمشكلة هرم أحد الوالدين وتحوله إلى عبء على أحد الأولاد أو بعضهم، فهو حل ايجابي في حال مرض احد الوالدين وانتشال لهم من الوحده في حال انشغال الابناء

وذلك بعيداً عن المثاليات وكلام المبادئ التي يتحدث بها الآخرون

،،
،،


فـ هل تعتقد أن فكرة دار المسنين عقوق للوالدين ؟

أم أنها حل عملي يبتعد عن كلام النظريات والمبادئ ؟

عطونا رايكمـ

م ن ق و ل

 

[SaD FaCe]

انا عن نفسي اشوفه عقوق بالوالدين لان عقب ما كبرونا انجازيهم ان نوديهم بدار العجزه ..؟ احنا مو عيزانين عنهم

وفي ناس يقولون الفقر مرات يكون سبب ان يودون والديهم هناك لعدم توفر الامكانيات الماديه اللي تساعدهم على اعاله والديهم .. من ادويه وبيئه نظيفه ..

اتركـ لكمـ حريه النقاش

 

[㋡..PRINCESS..㋡]

انا من رايي ان في ناس ما يخافون ربهم يقطون أهلهم بالشارع و بتعذرون بهالأعذار السخيفه !

يعني ما أعتقد أي انسان ثاني يقدر يعتني بالام والابو غير عياااااااالهم لكن للأسف العيال اللي مافي قلوبهم رحمه أتوقع الغريب بيكون أحن على أمهم وأبوهم منهم ..

وفكرة دار العجزة أوافق عليها لسبب واحد و ذكرته اللي اهوا العيال اللي يقطون أهلهم بالشارع حسبي الله عليهم .. فيكون دار العجزة اهوا المكان الوحيد اللي يلقون فيه الرعايه ..

لــــكن اذا كان دار العجزة موجود للأسباب الواهيه مثل عدم قدرتهم على الاعتناء بوالدينهم بحكم المرض و الخ .... فهني آنا أرفض وجوده تماماً !!!

والله يهدي الجميع و يجازي هالناس ان شاءالله ..

مشكوره حبيبتي عالموضوع

 

[SaD FaCe]

العفو ولو حياج

 

[SaD FaCe]

وينكم بنات

اب

 

[SaD FaCe]

 

[MaZyOoOoNa]

اهما ما عيزوو عنا واحنا صغار لا مرضنا ركض فينا احسن المستشفيات لا قلنا اخ بجوو علينا لا نجحنا سوولنا احلى الحفلات لا طلبنا 10 عطوونا 20 انجازيهم بدار المسنيين ؟؟؟؟؟ لا لله عقوووق والف عقووق بعد..ولا تقوولين على قد حاله ولله اوكل اهلي وانا امووت من اليووع ولا احطهم اهناك لله لا يقوله ولا تقولين يمكن ماعندهم مكان ولله انوم عيالي كلهم بغرفه وحده واهما اريحهم بغرفه برووحهم وفوووق هذا كله ولله ولله ما نطلع من يزاهم..كفايه حرموو نفسهم من اشياء علشانه تالي احنا نستخسر عليهم اللقمه ولا المكان ؟؟
لا ولله انا اعترض على هالشي ما اقوول غير حسبي الله على كل واااحد تفكيره جذي ودمووعهم حوبه بعيالهم ولله مهما صار مراح تتعداهم

 

[سعوديه حبيبها كويتي]

ايه عقوق وعقوق وعقوق

شلن يصيرون عبء وهم الي كانويحرمون انفسهم حتى من النوم والراحه عشان عيالهم يرتاحون

والحين عيالهم يحذفونهم عشان يرتاحون!!!

والله ان موضوعك بكاني وقطع قلبي​

​

 

[شندوخه]

اي نعم عقوق بس رحمه للمسنين اللي عيالهم عقو فيهم وجحدوهم من بعد هالسنين

 

[شندوخه]

انا عن نفسي اشوفه عقوق بالوالدين لان عقب ما كبرونا انجازيهم ان نوديهم بدار العجزه ..؟ احنا مو عيزانين عنهم

وفي ناس يقولون الفقر مرات يكون سبب ان يودون والديهم هناك لعدم توفر الامكانيات الماديه اللي تساعدهم على اعاله والديهم .. من ادويه وبيئه نظيفه ..

اتركـ لكمـ حريه النقاش

لا والله كلش ولا الاهل اتحمل الفقر بس اهلي لالا اعوذ بالله
اشيل اللقمه من حلجي عشان اهلي ماعندي مانع
عفيه قلوب قطت ام وابو :0bee2e8d89:

 

[~La PearLa~]

مرحبا
انا لمه كنت ادرس خذيت كورس ميداني و رحت للمسنين
ياابنات يا كويتيات ياحبايبي
لو أكتب محاضرة كامله ماراح أشرح لكم الوضع بالتفصيل و بواقعيه
بس المهم
الكويتيين الحمدلله ليلحين فيهم الخير
تره اللي قاطين اهلهم من الكويتيين جم حاله بس .. جنه ثنتين .. و الله يهديهم

و اللي موجودين هناك طبعا مو كويتيات ... كانو هادين اهلهم و متزوجين كويتيين و يا تطلقو او ماتو رياييلهم و صار مالهم مكان
و في وحده مو راضيه ترجع بيتها .. ولدها يساحلها و اهيه ماتبي على قولة الاخصائية : مستانسه و كل يوم تحصل هدايا

شكثر عندي حجي مايخلص
علطول يطلعونهم يونسونهم ،، يودونهم العمره (اللي واعين بس)، و شكثر ناس يزورونهم و يعطونهم هدايا

الزبده : اغلبهم مو كويتيات و منقطعين عن اهلهم و ماعندهم احد و قعدو بدار المسنين

بس الرياييل بصراحه يكسرون الخاطر اكثر
في بينهم كويتيين و صاحين و ماعليهم ..

الله يساعدهم و يكون بعونهم


وطبعا انا (مليون %) ضد ان الواحد يقط اهله بدور المسنين لا تفهموني غلط .. بس قصدي ان الكويتيين طيبين .. لا تخافون الدنيا ليلحين بخير .. بس قبل لا تحكمون لازم تعرفون الظروف و تشوفون الاوضاع
ودار المسنين الله يعطيهم العافيه قاعدين يساعدون كثر مايقدرون .. و تره من شروطهم انهم ماايستقبلون اي مسن كويتي عنده عيال .. يعني اللي عنده عيال ماياخذونه الا اذا شافو ان صج الحاله بحاجة الدار

سامحوني على الاطاله
​

 

[~La PearLa~]

نسيت اقولكم ان اغلب الحالات يا سريريه( يعني مو صاحيه بس مخدرين بالفراش)
او فيهم تخلف عقلي
و الصاحين قليلين حيل ينعدون عالاصابع

 

[[[ عيون جابر ]]]

ووااااااي عورتي قلبي
أكيد عقوق
اهم لما يابونا ماعيزو عنا وقطونا ربونا وكبرونا وتحملوو أذيتنا .. ليش انقطهم بدار المسنين حرام!!! الحين ببجي عليج ترا

تقبلي مروري وموضوع رائع

 

[SaD FaCe]

مشكورين بنات على الرد الحلو

ومو انا اللي قلت اذا الواحد كان فقير عاد يودي اهله .. هذا راي واحد من منتدى ثاني وحبيت اعرف رايكم فيه

 

[شرووود]

هلاااااااا


ممممم تخيلو لو كنتو بمكان واحد اهله تركوه وهو صغير وقالو مب قادرين نربيه

شو بيكون شعووركم؟ اكيد ما بتعذرونهم وبتلومونهم على هالشي اللي سووه



فكيف نقوول ان هذا عذر عشان نترك والدينا بس لاننا مشغولين ومب قاادرين على رعايتهم بشكل واافي...؟



انا اشووف ان واجب عالابناء يرعون والدينهم وخصوصا عند الكبر....لو مرضى ومحتاجين رعاااية ضرورية ما يخالف هاتولهم ممرضين واجهزة في البيت.....اذا حالتكم المادية ما تسمح وكان وضعهم الصحي حررج في هالحالة ممكن الواحد يعتمد على مراكز الرعااية بس يدااوم عالزيااارة وما يحسسهم بالبعد....و الله عالم بالنياات




وربي يحفظلكم اهلكم ياا رب

 

[شرووود]

مشكورين بنات على الرد الحلو

ومو انا اللي قلت اذا الواحد كان فقير عاد يودي اهله .. هذا راي واحد من منتدى ثاني وحبيت اعرف رايكم فيه

اي قلبي فاهمين عليج شدعوة بتقوولين هالكلاام اللي ما يدش العقل لووول

 

[استبرق أم علاوي]

اي والله عقوق
انا رحت دار المسنين يعورون القلب
حتن واحد يقول حق وحده مسنه وين عيالج اتقول انا بنتي ماتت ماتت حسيتها تقولها وهي منقهره الظاهر بنتها اللي مدخلتها
حرام عورو قلبي
وصج اغلبهم جنهم مو صاحين ليش

 

[فجر الغلا]

عقوق وبس إلا ظلم وتعذين للوالدين انه انتخلا عنهم وهم بامس الحاجه لنا
حسبي ياالله على إلي يتخلون عن والدينهم عشان ناس مايسوون شي

 

[SaD FaCe]

يسلمووو عالرد بنات

 

[music_teacher88]

La pearla صاجه انا كنت اروح ازورهم مافي حالات وايد قاطينهم اهلهم

من الحالات الي عورو قلبي
في وحده مالها اهل سعوديه تزوجت كويتي وتزوج عليها وطلقها تخيلو تمشي وتغني ياحر حراه ياويلي ويلاه تحب ريلهاااا حسبي الله عليه

والحاله الثانيه اللي صج صج اثرت فيني كويتيه من عايله معروفه كانت متزجه وريلها توفى والله ماكتبلها عيال قامت تربي بنت اخوها
عندها بيت وخدم وحشم عاد المره كبرت وتموووت بهالبنيه وسجلت كل حلالها لها
تخيلو شسووت!!!!!!!! والله ماتصدقوني جنه فلم هندي
طردتها بنت اخوها من البيت والمشكله اخوها عادي تكيت ايزي

والمره عاقله وواعيه ومافي شي ينفع دام سجلت الحلال باسمها يعني لا محاكم ولا بطيخ

وعندها موبايل وتدز مسجات وتدق تسولف لما اكلمها تقولي قوليلي يمه
تقولي جم مره ادق على فلانه من خطي لما تسمعني تسكره بويهي
دقي من خطج بس بسمع صوتها دقي جنج غلطانه بس بسمعها مابي شي
اخيييييييييييييه والله لو تروحون لهم تكسبون اجر في ناس صاحيه بس يبون احد يسولفون معاه