هل لديكم طفل يعاني من التوحد- خلونا نتجمع

[صرخه توحديه]

:cxxxp:الله المستعان أنا عندي وحده أعرفها ولدها في مركز الكويت للتوحد وعيزت منهم تبي تشوف شنو قاعدين يسوون معاه طول اليوم بس مو راضين لأنه كل يوم يرجع منهم متوتر وحالته حاله - وكل ما كلمتهم يقولون لها كتبي بالدفتر ما صار دفتر عيزت وهي تكتب هالمذكرات فيه كل يوم ولا حياة لمن تنادي

 

[wathoo7a]

بنات شلونكم
متابعة معاكم على طوووووووووول

 

[ناني سيكرتس]

ناني : اشلونج و اشلون يوسف سويتي تحليل الوراثه و لا بعد؟

اهلين امون: سويت التحليل وناطره النتيجه..

 

[ناني سيكرتس]

بنات شلونكم
متابعة معاكم على طوووووووووول

وضوح وينج يالقاطعه..؟

اشلون فهودي ..؟ باي مدرسه اهو وشنو اخر التطورات وياج..؟

 

[Emanova]

اهلين امون: سويت التحليل وناطره النتيجه..

الله كريم ان شاء الله نتيجه تبرد القلب

 

[مشاعل الشمري]

الله يطمن قلبك

 

[Emanova]

اليوم كان اجتماع اولياء الامور في مدرسه حمودي و الحمدالله بردوا قلبي

و شفت ناني اهناك وهم شكلها بردوا قلبها

لك الحمد يا رب

 

[ناني سيكرتس]

الحمد لله ياامون, ربي بعد عيني ما يقصر, برد قلبي وقلبج بعيالنا, بصراحه المدرسه وااااااااااااااااااااااااايد ممتازه اهتمامهم باليهال مو طبيعي..

عموما انا قاعده افكر بالكلام الي قلتيتي اياه امس بالاجتماع وان شاء الله جاري التنفيذ..

 

[مشاعل الشمري]

انا اعتبر نفسي جديده معاكم بالمنتدى ونظرا لمسؤلياتي كربة بيت فانا ما ادش عالنت وايد وكان اسعد يوم في حياتي لمه لقيت اسره واحده واجتماعنا لله ثم لمصلحة اولادنا وقعدت اليوم اتصفح المشاكرات حبيباتي احترمكم اجمعين على رايكم وارجو ان تتقبلون مني رايي بسعة صدر
في كلمه لازم اقولها بحق مركز الكويت للتوحد فعلا اهما عائله انا شفت هالشي بعيوني وحسيته بولدي اللي لما دخل عندهم كان ما يتكلم ولا كلمه وماشي على الروتين حتى في اكله لا انحكم على المركز من شكله انما تعالي شوفيهم مع عيالنا والله لوما الشهاده ما طلعت ولدي من عندهم وهو لحين يشرق فيهم ويتذكرهم اهما وحنانهم عليهم في شي لاحظته بالمدارس المبنيه على طراز لا ودخلت ولدي عندهم وادمجوه مع احتياجات خاصه ادنى م مستواه وهم كانو مواعديني ان يحطونه في ما يتناسب مع قدرته طلع كله بوش وهالشي ما سووه مركز التوحد لمه كان عندهم مع انهم كلهم اطفال توحد
لا تعتبرون هذي دعايه للمركز لاني ماتعاملت معاه الا كام كانت تائه وحيرانه في السؤال ؟وين المكان اللي يناسب عيالنا؟
الا ان هذه شهاده اقولها امام الله حتى لا اسال عنها
احبكم في الله

 

[Emanova]

مشاعل : حياج الله في تجمعنا و هذا رايج عقب تجربه و كل وحده فينا لها تجربه غير عن تجربتج

 

[Emanova]

ناني : الله يكتب اللي فيه الخير ان شاء الله

 

[مشاعل الشمري]

حبيبتي ايمانوفا شنو عندك من عيال ؟حابه اتعرف عليكم وحده وحده اذا تسمحون .ومايكون مني فضول

 

[Emanova]

انا بس عندي حمودي و ان شاء الله في بالطريج

و انتي؟

 

[توته79]

السلام عليكم بنات

احد يعرف دكتور تخاطب وتعديل سلوك ايي البيت ؟

 

[مشاعل الشمري]

انا بس عندي حمودي و ان شاء الله في بالطريج

و انتي؟

لله الحمد عندي نعمه من الله7 ويويو قبل الاخيير فديته الله يتمم عليك وتولدين بالسلامه انشاءالله ولا قربت ولادتك بخيرخلينا ندري عشان نغرقك ب:aha:شنو فيه حبيبي ولييدك وجم عمره الله يسلمه

 

[hnoof]

ياربيشافيهم ويعافيهم عاجلا غير اجل بنات لو واحد فيه التوحد وعمره تقريبا 17 او 15

فيه امل بعد رحمة الله في الشفاء ؟؟

هالولد محبوس بيت اهله كاسر خاطري وامه مسكينه مو عارفه شتسوي لكن هم مو كويتيين من اهل السعوديه

بس ودي اساعدهم

وجزاكم الله خير

 

[Emanova]

والله حبوبه التوحد ما يروح مره وحده .... تتعدل اموره ...بس ما يصير طبيعي 100%

لازم يروح المدرسه ...و مادام مو كويتي يحق له يدش مدارس الاحتياجات الخاصه الحكوميه اللي يسونها المعاهد الخاصه

ما ينفع ينحبس ...

 

[سنع ومنع]

ياربيشافيهم ويعافيهم عاجلا غير اجل بنات لو واحد فيه التوحد وعمره تقريبا 17 او 15

فيه امل بعد رحمة الله في الشفاء ؟؟

هالولد محبوس بيت اهله كاسر خاطري وامه مسكينه مو عارفه شتسوي لكن هم مو كويتيين من اهل السعوديه

بس ودي اساعدهم

وجزاكم الله خير

وليش حابسينه حرام .. ما راح تتعدل أموره مع الحبس مسكين ..
والسعوديه فيها مراكز ممتازة للتوحد .. آخرها مركز الدكتورة ليلى العياضي .. هذي الدكتورة ممتازة ما شاء الله ..
سويلها بحث بالنت عن أقرب مركز للتوحد وشوفي وين يناسبها ..
عسى الله يشافيه يارب

 

[ناني سيكرتس]

السلام عليكم بنات

احد يعرف دكتور تخاطب وتعديل سلوك ايي البيت ؟

في استاذ اسمه محمد لطفي بس للاسف كله مزحوم, عندج استاذ بلال بالمدرسه النموذجيه يعطي حصص تعديل سلوك بس بالمدرسه العصر, روحي شوفيه , ولدي ياخذ عنده تعديل سلوك بالمدرسه وايد تعدل الولد..

 

[ناني سيكرتس]

سنوعه , وينج حبيبتي فقدتج والله ..

طافج شفت امون بالمدرسه النموذجيه, شكلها كيوت بالحمال, الله يهون عليها ويقومها بالسلامه..