{ ...الدكتورة رشا الصفي تجيب على استفسارتكم ..} استضافة اسبوعية

[انا مميزه]

السلام عليكم
دكتوره انا ولدي معاه حساسيه با؟لأنف عمره 11شهر ودايما خشمه يصب ويتنفس على طول مع حلجه صار البلغم ينزل على صدره وسبب له حساسية بصدره اللي ابي اعرفه انا رحت لدكتوره وعطتني ادويه الل اهيا
مضاد وعلاج ديكدارون ومذيب بلغم مع الكمام وقطره مدة اسبوع وهم ماكو فايده ضل على حله رحتلها وردت عطتني مضاد وعطتني القطره اللي فيها كرتيزون انا اللي مخوفني المضاد احس وايدلأن اهوا 450mgوقالت ياخذ3.5 ملي احسه وايد

 

[د. رشــا الصفــي]

لا حبيبتي مو وايد

الدكتورة تحسب على وزنه مو عمره

و قوليلها على موضوع احتمال وجد اللحمية اذا تبي تسويله اشعة للحمية

 

[انا مميزه]

اهوا وزنه 9 كيلو وقلتلها على اللحميه قالت ولدج مشكلته الحساسيه اللي بخشمه انا اللي مضايقني ان المضاد اثنين ورا بعض يعني اسبوعين اخاف الناعه تنزل عنده

 

[د. رشــا الصفــي]

لا حبيبتي المناعة ما تنزل ولا شي

المناعة ما تنزل اذا الطفل محتاج المضاد

 

[SweeTa_4ever]

مرحبااا دكتوره شلووونج

حبيبتي ولدي عنده ضرسين تحت بس المشكله الضرسين عويان مو سيده شسوي ؟؟ وهل طبيعي

وشي الثاني اسم الله علي يمشي واهوو ماسك القنفه او اي شي بس اذا وقفته بدون شي يخااااااااااااااااااااااف على طووول يطيح نفسه معنه ادري انه يقدر يمشي امسكه ويوقف بس اهد ايدي يوقف من يشوفني هدييته يقط نفسه ويبجي شسوي عشان اوخر الخووف عنه ابي يمشي بروحه بليز ساعديني

ولك جزيييل الشكر

 

[رؤى القلوب]

هلا دكتورتنا العزيزة أن شاء الله على القوة
أنا عندي بنتي عمرها سنة ونص بسم الله عليها وايد نحيفة مع أني أسويلها عيش وبطاطا مهروسة وسمك فيليه شوي وشوربات ودجاج ولحوم وفواكهة والصبح يأما بيض وجبن ويأما كورن فلكس تعبتني والله أبيها شوي تمتن
ومشكورة حبيبتي على أجوبتج الي تريح الأم

 

[د. رشــا الصفــي]

مرحبااا دكتوره شلووونج

حبيبتي ولدي عنده ضرسين تحت بس المشكله الضرسين عويان مو سيده شسوي ؟؟ وهل طبيعي

وشي الثاني اسم الله علي يمشي واهوو ماسك القنفه او اي شي بس اذا وقفته بدون شي يخااااااااااااااااااااااف على طووول يطيح نفسه معنه ادري انه يقدر يمشي امسكه ويوقف بس اهد ايدي يوقف من يشوفني هدييته يقط نفسه ويبجي شسوي عشان اوخر الخووف عنه ابي يمشي بروحه بليز ساعديني

ولك جزيييل الشكر

هلا سويتا

شخبارج

حبيبتي عادي الضرسين العويان

باجر يتعدلون لما يطلعون جيرانهم

و بالنسبة للمشي

لا تضغطين عليه

بروحه راح يجرب يهد القنفة و يمشى بروحه

انتي لا تحاتين ولا تضغطين عليه

خليه براحته

ممكن توقفين على بعد خطوة ولا خطوتين من القنفة و تنادينة

و كل مرة تبعدين شوية

 

[د. رشــا الصفــي]

هلا دكتورتنا العزيزة أن شاء الله على القوة
أنا عندي بنتي عمرها سنة ونص بسم الله عليها وايد نحيفة مع أني أسويلها عيش وبطاطا مهروسة وسمك فيليه شوي وشوربات ودجاج ولحوم وفواكهة والصبح يأما بيض وجبن ويأما كورن فلكس تعبتني والله أبيها شوي تمتن
ومشكورة حبيبتي على أجوبتج الي تريح الأم

هلا رؤى القلوب

ما قلتيلي جم وزنها و اذا صحتها العامة و شهيتها للأكل

عالعموم

شوفي هالجداول بهالموضوع و قارني وزن بنتج

و اذا طلع وزنها طبيعي لا تحاتين المتن

مو لازم تكون متينة

و على فكرة 90 % من الأمهات اللي عيالهم اوزانهم طبيعية يشوفونهم ضعاف حيل

جداول معدلات اوزان الأطفال لمنظمة الصحة العالمية

 

[طير الحب]

السلام عليكم

دكتوره ولدى عمره 10 شهور
ما قام يشرب حليب يشرب اليوم مرتين وبالكثير 3 ويشرب رقمين وام ثلاث مو اكثر


عادى ولا لا

واذا مو عادى شنو الاشياء المفروض انها تعوض عليه الحليب

وابى لسته ممنوعات حاسيه البقوليات ما عليج امر

جزاك الله خير وما قصرتى

جم وزنها

و جم طولها

و ضروري تسوين لها تحليل دم cbc علشان نشوف هالشحرب من فقرد م لا سمح الله ولا مجرد لونها جذي

احتاج منج اجابة و ارد عليج عقب

وزنها 23

وطولها 125

سويت لها تحليل مره قالت دمها نازل فى البدايه بس ما عطتنى شى

وحتى عيونها فيها جحوظ شوى

 

[new mother 2008]

حبيبتي

احسن شي سويتيه انج وديتي البنت الطبيب

و احسن شي بعد انج تاخذين راي دكتور واحد فقط لا غير و هو الدكتور اللي مقيم حالتها عدل و يبي يتابعها

انا اقدر ثقتج فيني و اعتز جدا بهالشي

و لكن طالما في طبيب اطفال شاف البنت و فحصها فبهالحالة اهو اعلم و اخبر مني بحالتها

و انا مهما صار ما راح اعدل على الكلام اللي يقوله

شكلج تعبانة من سالفة رضاعة بنتج و اكلها

بس لازم تكونين متماسكة علشان تقدرين تساعدين بنتج

طالما انتي محبطة و متشوشة ما راح تقدرين تسوين شي

لازم تاخذين قرار ان مهما صار راح اتم قوية و ماسكة نفسي علشان مصلحة بنتي

و ما راح اخلى مشكلة الوزن تهزني

اذا انتي اهتزيتي و تخربطتي ما راح تقدرين تساعدين البنت

سمعي نصيحتي و مسكي نفسج و خليج واثقة من نفسج و من قدراتج كأم و البنت مافيها الا العافية

مجرد سوء تغذية مو شي خطير و لله الحمد​

مشكورة دكتورة على ردك و رفعك لمعنوياتي جزاكي الله كل خير

و بالنسبة لكلام الدكتور , هل فعلا بيكفي مرتين حليب بس باليوم و هل ممكن تحلية الحليب بالعسل و إذا ممكن شو أحسن نوع عسل ممكن إستخدامه مع الأطفال.
و عندي سؤال أخير : هل ممكن إضافة الكاكاو (النسكويك البودر) لحليب الأطفال يمكن تحب طعمه ؟؟
و هل ممكن إستخدام حليب نيدو العادي(نيدو العادي تبع الكبار) و ليس نيدو 1 للأطفال من عمر السنة؟؟؟

و شكرا جزيلا دكتورتنا الغالية و الله يجازيكي ألف خير يارب:e3:
والله يقدرني يارب على تربية بنتي و إني أكون أم صالحة لها يارب
و الله يسعدك يارب و والله والله بدعيلك من كل قلبي الله يوفقك و يريح قلبك متل ما بتريحي قلوبنا و تساعدينا الله يسعدك يارب
مشكورة مرة أخرى و آسفة على الإزعاج
:aha:

 

[كشاكش]

السلام عليكم دكتورة
عساج عالقوة ياربي

حبيت استشيرج شنهو الوقت المناسب عشان افطم طفلي مع العلم انه عمره الحين سنه وثمان شهور واكله طبيعي نوعا ما مو وايد بس زين مع رضعات الحليب الصناعي تقريبا 3- 4 رضعات

وشنهي الطريقة الانسب عشان افطمه بحيث اني ما تعبه نفسيا ولا جسديا

وجزاج الجنه يارب

 

[joooly]

السلام عليكم

دكتورة ولدي عمره 3 سنين

وكل شهر يتعب من الحرارة وحرارته تكون مابين 38 و39 واحيانا 40بسبب اللوز

وصعب انها تنزل مع الادول

والكمادات

وقال لي الدكتور لازم يسوي عملية يشيل اللوز


وانا ابي اي حل ثاني غير العملية

واكون شاكره لج

 

[حدي كيووت]

سلام اشلونج دكتورتنا
انشاالله تمام
حبيت اسألج
انا بنتي عمرها سنتين ونص وتحب تشرب حليب التعاون اليه بالتمويل يعطونه
عادي ولات مو زين ثقيل ولا عادي

ومشكووووره يعطيج العافيه

 

[ضحى ام قاسم]

السلام عليكم
الله يعطيج العافية دكتورة
بس لو سمحتي بغيت اسأل اذا ممكن


ولدي عمره الحين سنة و4 شهور ما يمشي وطلع له اسنان فقط اثنين من فوق يوم كان عمره 10 شهور
وزنه 6.800كيلو فقط، يوم اولده كان وزنه 2.600كيلو

علما بأنه كان يشرب حليب طبيعي لكن بعد سن 9شهور قطعته صار يشرب حليب اطفال(صناعي)

1.ما يحب يأكل ابدا يشرب فقط زجاجة الحليب بالليل 180 ملم فقط. ماذا افعل معه (جربت كل محاولات الجذب حتى يأكل)؟؟
2.اسنانه ما اكتملت وبدت باللي فوق هل هذا طبيعي اولا؟
3. اشلون اساعده انه يمشي(يوقف قليلا لكن ما يتخطى)؟
4.كل شهر تقريبا ترتفع حرارته هل هذا طبيعي ام لا؟
5. ابغي يزيد وزنه وش الاكلات المفيدة ؟

 

[د. رشــا الصفــي]

وزنها 23

وطولها 125

سويت لها تحليل مره قالت دمها نازل فى البدايه بس ما عطتنى شى

وحتى عيونها فيها جحوظ شوى

حبيبتي وزنها و طولها طبيعيين جدا جدا على عمرها

اصلا شوية فوق المتوسط بعد

اذا دمها نازل و ما عطاج دوا معناته ديري بالج على اكلها و بس ممكن ما تحتاج حديد زيادة

 

[د. رشــا الصفــي]

مشكورة دكتورة على ردك و رفعك لمعنوياتي جزاكي الله كل خير

و بالنسبة لكلام الدكتور , هل فعلا بيكفي مرتين حليب بس باليوم

عطيني اسم دكتورج بروح عنده افتن عليج

اقول له مريضتك مو واثقة فيك انت تقول كلام و هي تسألني تبيني اغير كلامك

​

و هل ممكن تحلية الحليب بالعسل و إذا ممكن شو أحسن نوع عسل ممكن إستخدامه مع الأطفال.

العسل ممنوع لما تكمل سنة

و عندي سؤال أخير : هل ممكن إضافة الكاكاو (النسكويك البودر) لحليب الأطفال يمكن تحب طعمه ؟؟

لا مو ممكن اي اضافات قبل السنة

و هل ممكن إستخدام حليب نيدو العادي(نيدو العادي تبع الكبار) و ليس نيدو 1 للأطفال من عمر السنة؟؟؟

هم لأ

ماكو نيدو الا بعد السنة و بشرط انه يكون وزنها طبيعي

و شكرا جزيلا دكتورتنا الغالية و الله يجازيكي ألف خير يارب:e3:
والله يقدرني يارب على تربية بنتي و إني أكون أم صالحة لها يارب
و الله يسعدك يارب و والله والله بدعيلك من كل قلبي الله يوفقك و يريح قلبك متل ما بتريحي قلوبنا و تساعدينا الله يسعدك يارب
مشكورة مرة أخرى و آسفة على الإزعاج
:aha:

حياج الله حبيبتي

 

[صبره بنت حلتيته]

مرحبا دكتوره ولدي عمره شهرين واليوم تطعيمته والحين فيه حراره شسوي عطيته ادول ماكو فايده؟

 

[د. رشــا الصفــي]

السلام عليكم دكتورة
عساج عالقوة ياربي

حبيت استشيرج شنهو الوقت المناسب عشان افطم طفلي مع العلم انه عمره الحين سنه وثمان شهور واكله طبيعي نوعا ما مو وايد بس زين مع رضعات الحليب الصناعي تقريبا 3- 4 رضعات

وشنهي الطريقة الانسب عشان افطمه بحيث اني ما تعبه نفسيا ولا جسديا

وجزاج الجنه يارب

هلا كشاكش

نيك نيمج يونس



حبيبتي لا تفطمينه قبل ما يكمل سنتين

الطفل عنده عادة المص غريزة مثل الجوع و العطش و تنتهي كفطرة او غريزة بعد السنتين

انتي من يكمل سنتين ابدي قللي عدد الرضعات

من 3 الى 2 لمدة اسبوع تقريبا و الرضعة لناقصة قدميها بكوب شكله حلو

و هكذا لما يصير باقي رضعة باليوم و الأفضل انها تكون رضعة الليل وقت النوم

و عقب قللي الكمية لما توقفين نهائي

طبعا راخ يتعسر و يصيح بس مو وايد

و هم بعد لا تحاولين انه تخلينه يمص و ينام على طول علشان ما يتعب لما تقطعين الممية عنه

 

[د. رشــا الصفــي]

مرحبا دكتوره ولدي عمره شهرين واليوم تطعيمته والحين فيه حراره شسوي عطيته ادول ماكو فايده؟

عطية أدول نص القطارة كل اربع ساعلت

و الكمادات دافية على مكان الأبرة

و كمادات ماي فاتر على راسه و جسمه

و ما عليه شر

لا تحاتين

لحرارة بعد التطعيم شي طبيعي تاخذ يومين و تروح

 

[د. رشــا الصفــي]

السلام عليكم

دكتورة ولدي عمره 3 سنين

وكل شهر يتعب من الحرارة وحرارته تكون مابين 38 و39 واحيانا 40بسبب اللوز

وصعب انها تنزل مع الادول

والكمادات

وقال لي الدكتور لازم يسوي عملية يشيل اللوز


وانا ابي اي حل ثاني غير العملية

واكون شاكره لج

اذا المشكلة عنده من اللوز و تلتهب كل شهر

مالج الا العملية

ترى بسيطة و سهلة و ما تخوف كلش

و اذا تبين ممكن تاخذين راي دكتور ثاني تشوفين رايه

مع اني ما افضل اللف على اكثر من دكتور الوحدة تتخربط بهالطريقة

و تسمع كذا راي فتتشتت و ما تدري تسمع كلام منو

انتي صلى استخارة و شوفي الله راح يسهل لج الخير