رابطة "دودات الكتب " .. حياكم

[camilia]

هلا اشلونكم بنات -- حبيبة امها انا كتبتلج رد اشطوله بس توني دشيت مالقيته مادري ليش
المهم بالنسبة لمرتفعات وذرينغ فعلا رواية غاية في الروعه راح تحبينها وتقرينها اكثر من مررررره واي كنت اتمنى احب عقب ماقريتها
مشكله مانصلح لهسوالف احنااااا هههههههه رياجيلنا ماكو رومانسية ميح الرومنسية تطلع اذا ضبطتي سفرة الغدا خخخخخخخخخخخخخخخخ
المهم انا اول ماشريتها شريتها من الظمني كنت اشتري حال كل البنات خذيتها ثلاث كتيبات اصغار من سلسلة كتابي الترجمة مابخست حق الرواية شي واكثر من رائعة بس القرائة في كتب اكبر من كفج بشوي بالنسبة لهذه الروايه خصوصا هالرواية اللي اعتقد انج بتحتفظين فيها صعب واكيد فاهمه قصدي المهم بالنسبة للمثنى انا اعتقد عندهم كل شي بس الصراحة انا لمن بديت اشتي منهم قمت اشتري غبر مترجم لانه يدعم دراستي عرررفتي اتمنى اكون افدتج عزيزتي

عاد تصدقين يوم اني قريت مرتفعات ووذرينج انصصصدمت من القصة , كنت حااطه ببالي انها رومانسية بحتة ومن طقة ذهب مع الريح لكنها طلعت غييييير, وللحن انصدم لما الناس يقولون عنها رومانسية ! يمكن نظرتج لها جذي بس بالنسبة لي الرواية تحجت عن جميع المشاعر اللي تجتاح النفس البشرية لما الانسان يكون حاقد وناقم ! عندج هثكليف : يتيم وضيع طول القصه محسسينه انه مثل الحثالة فهالشي خلى الحقد يكبر بداخله ضد عايلة ايرنشو ! كاترين : هثكليف يحبها لكني وحسب ماتذكر نادرا ما دار بينهم اي حوار رومانسي ! بالعكس كانت كله تتحرش فيه وتتطنز عليه , وبالاخير تزوجت واحد غني ! عندج بعد الشخصيه اللي تزوجها هثكليف بس عشان ينتقم من ريل كاثرين ..
اللي بقوله اني انصدمت من كثرة المشااعر السلبية اللي بالقصه, القصه حلووووة ما اذمها , لكن انتقادي الوحيد اهو ليش انها تصنف ضمن القصص الرومانسية الكلاسيكية ؟ فيها حب نعم , بس حب غرييب من النوع الدرامي المليء بالمشاعر السلبية .
اللي شدني اكثر بالرواية اني مرة قريت الكاتبة ايميلي عمرها ماطلعت برة الحي اللي ساكنه فيه , والناس اللي قابلتهم بحياتها عددهم قلييل جدا ومحصوور , فشلون تخيلت هالشخصياات مع كل هالمشاعر الدرامية اللي بكل شخصيه عالرغم من ان احتكاكها بالبشر كان محدود ؟

 

[سلايل*عبس]

اعذروني بنات على قلة سوالي بس ظروف والله وتعب
واقرا كلااامكم والله بس ماااقدر ارد كل مافيني يعورني
وحبيبة امها بعد روحي سوالج علي اسعدني والله فيج خير وكلكم والله بنااااااااااااااات تستاهلون كل خير
جالاكسي لاتعبين روحج روحي مكتبة المثنى افضل شي
انا بعد ارشح لقب ملكة الدودات اشرايكم بنااات
تشاورو وعلموني
عاااد مادري متى راح ادش طبعا ذس ويكند ماراح تشوفوني مشغوووووولاااااه====>عشتاااااااااااو هههههه

 

[camilia]

السلام عليكم
شلونكم دودات ؟؟؟ امبيه حدي من زمان وايد ولهت عليكم
ما ادري فقدتوني والا عادي ؟؟!!! ( يعني غصب فقدوا ؟

بنات انا اخر قرائاتي مو خوش كلش
بشكيلكم الحال شوية انا بعرف انتوا مثلي والا لا
انا مرات اتشدني عدد الطبعات .. يعني احس الرواية انجحت واكون يعني طالعه فيها مكتشفة كتاب يديد علشان ارشحة حق رفيجاتي ..واخر شي يطلع مقلب

خل اقولكم مثال :
قتلكم شريت رواية اسمها ( المنتظرة ) وطبعا مترجة والكاتبة اسمها : كاتلين ماك غوان
انا قالولي انها تكملة لدافنشي كود ... امبيه طلع الاجانب يستغلون نجاح كتاب ثاني نفسنا
على قدر ما اقول سيئة سيئة ... صج تقليد فالسو وما فيها تشويق ولا افيها معلومات عامة ومفيدة مثل دافنشي كود
والي حرني انه مكتوب عليها ... ترجمت الى 22 لغة !!!!!! ما ادري على شنو

- الرواية الثانية يمكن هبوا فيها من زمان بس انا توني اقراها (عاشق مهزوم - عبدالله غازي المضف )
امبيه لا ... مع احترامي الشديد ..وتعصبي انه ولد بلدي ... بس لا امبيه الرواية كلش ميح
لا الاسلوب .. لا الاحدداث ... يعني اسمحولي على الكلمة تعد من اسوء ما قريت ...
وهم مكتوب الطبعه الثامنة .. هم نفس السؤال على شنو؟
عاد كنت شارية رواية يديدة له اسمها ( المنتظر ) طبعا مافكر كلش اني اقراها
- لاحظتوا انه تشابة الاسامي .. ما ادري شعندهم الناس على الانتظار .. او منو ناطرين ما ادري !!


سوري طولت عليكم بس من حرتي .. يضيق خلقي لما اقرا كتاب وما يعجبني حدي اتحسف

ولا تنسون اتجاوبون على سؤالي ... على اي اساس تختارون الرواية؟؟​

هلا والله شلوونج , من زمان عنج
حتى انا صرت مادخل هالقسم وااايد , بالنسبة لقراءاتج ( الفاشلة ) ..عاااد انا لما اووصل لنص الرواية واكتشف انها جد فااشله او اني موقادرة اتحملها ماا اكملها , كنت اقرى رواية المزحة واللي تتحجى عن واحد متفاني من الحزب الشيوعي لكن بسبب مزحة كتبها انقلبوا اعضاء الحزب ضده وتخلوا عنه , مااكملت الرواية مو لانها خايسه , بس لاني ماقدرت اتحمل احداثها الباردة , فوقفت قرائتها حتى اشعار اخر
ماقريت رواية عاشق مهزوم , لاني افكر الف مرة قبل لا اقرا لكاتب عربي حديث العهد , فأنطر اراء ناس مثقفه واشوف هالكتاب يسوى فعلا وقتي او لا .
جم رفيجه من رفيجاتي امدحوا عاشق مهزوم بس هالبنات ماكان بينهم وبين القراءة اي علاقه ,يعني احتمال اي شي يعجبهم فماخذيت رايهم بجدية , بعديييين طلعت الانتقادات لهالرواية وان مالها اي داعي

المهم , توني من فترة بسييطة خلصت رواية بنات ايران



اهي سيرة ذاتية لوحدة ايرانية من زمن الشاه , تتحجى عن طبيعه الحياة الاجتماعية بايران ووضع الحريم اهناك , عالرغم من تحرر الشاه الا ان النظرة الشرقية للمراة مازالت تأسرها , الراوية سلت الضوء على تقريبا اغلب اهلها , خواتها عماتها , امها ابوها , خالتها اللي تبنتها ,وشلون امها قدمتها حق خالتها كهدية لان خالتها ماتنجب , وبعد 9 سنين يا ابوها وخذاها على غفله من امها ( خالتها اللي ربتها) وشلون الفرق بين حياتها مع امها (خالتها الشيعيه المتدينة) قبل ومع امها الصجيه وابوها وخواتها المتحررين نوعا ما واللي مايربطها بينها وبينهم شي ماعدا رابطه الدم .. المهم الاحداث تتطور بس اكيد ماتبوني اقولكم الرواية كامله

رايي ان الكاتبه حاولت تكون محايدة قدر الامكان لما يتعلق الموضوع بسياسة ايران ايام الشاه وبعد الثورة , انقدت الاثنين نقد منطقي نوعا ما بالنسبة لي , يابت طاري جهاز الاستخبارات مال الشاه وشلون كان يقتل الناس من غير محاكمه , وشلون كان الشاه يلعب بالفلوس والشعب ميت يوع وفقر والامريكيين والبريطانيين لاعبين لعب بنفط ايران , وشلون الثورة خذلتهم تماما , قيدت حريتهم , تعاليم صارمة , ردت الاعدامات مثل ايام الشاه. هذا بالنسبة لحياة ايران السياسية
بالنسبة للحياة الاجتماعية , اهي سلت الضوء اكثر عالنساء الايرانيات اللي يبون ويبون لكن سيطرة الرجال تمنعهم , فالبنت بس تخلص ثنوية مالها حق تدخل الجامعه , التعليم يقتصر عالرجال لانها مهمه الرجل الكد والصرف عالبيت , ابو البطلة مايصلي وسكير لكن العادات الشرقية تلعب دور كبير في تربيته لبناته ! حلمها تروح امريكا وشلون تحقق هالحلم اللي كان مستحيل بالنسبة لها , واشلون حياة اختها تدهورت حييييل بعد ما وقف الابو ضد زواجها بحبيبها , فزوجوها واحد وحشي و و و ..
اسلوب الكاتبة خفيف وبسيط وماندمت على قراءة الرواية لاني تعرفت على ديرة غريبة وعلى احداث تاريخية ماكنت موجودة حزتها , بس عندي ملاحظه , اهي قالت ان البنات مو ممنوعات رسميا من اكمال الدراسة لكن المنع ايي من الاهل اللي مايشوفون بالشهادة اي جدوى لحياة البنت,بعدها ذكرت ايران وشلون تغيرت من بعد الثورة , لكنها ماتحجت عن نقطه التعليم هذي ! لاني اسمع ان الايرانيات صاروا ينافسون الذكور بمجالات العلم ..

 

[camilia]

اكيد عزيزتي حبيبه امها


الواحد كثر ما يقرا


يرتقي بذوقه .. مو يصير أصعب


و في وسط التفاهات المنتشرة هذه الايام في وسط الكتابه و الكتاب و الكتب ... بصراحة صار من الصعب فعلا ان تجدي كتاب يناسب رغبتك و طموحك و افقك ...


و لو انه انا قلت من قبل .. ماكو كتاب مو مفيد ... لكن صار من الصعب ان تجدي كتابا مفيدا " جدا جدا " ...



بس روحي مصر .. ولا لبنان .. او دول ثانية وايد ..

و دشي اي مكتبه هناك !!


يتاخذين و تقرين الاكوووووووووووووو و الماااااااااااكووووووووووووو ! لا تقولين ذوق صعب ولا ذوق سهل والله كل شي هناك بتاخذينه من كثر ما اكو كتب فعلا ذات جوده و قيمة فكرية كبيرة


تضيفلج فعلا اشياء لما تقرينها

مو مجرد تقليب صفحات و اكتساب اشياء بسيطة ممكن اكتسابها من اماكن و وسائل متعددة أخرى

فعلا صح كلامج , اغلب قصصي اللي باللغه العربية اذا مو كلهم شاريتهم من مصر ..مناك الكتب تنزل اول بأول , كذا طبعة من كذا دار نشر , وتلقين روايات اهني مستحيل تحصلينها بسبب ( الرقـــــــابــــة )

 

[camilia]

روووونة .. الله يبعد عنا الاثام و إياج ...


الله يهدي الجميع بس انا مانكر اني اسمع اغاني حاليا و انشالله الله يوفقني لما فيه مرضاته ...

بس الحمدلله ذوقي الحمدلله راقي بالاغاني ... و انا احب اسمع الاغاني عشان القصايد و الكلمات بالدرجه الاولى مو عشان الاغنية نفسها ...

ما اسمع الاغنيه العربية الا لماجدة
تحسين فــن حقيقي , حتى اغانيها بالعامية حلوة مثل (انت الماضي)

 

[camilia]

لا كلامج صح يا سلايل عبس ..


بحثت شوي في قووقل على العشق الالهي و قريت لرابعه العدوية .... كنت قارية لها جم قصيدة و عاجبيني ..

و امس و انا ابحث قرأت لها أكثر ..... صحيح انه اشعار جميلة و بليغه لكن سرعان ما استوعب انها تتحدث عن الله ...

ما اعتقد العشق صفة انسانيه .. العشق اولا و اخيرا مشاعر ... و الواحد يحب الله و يحب الرسول ... فما المانع ان يصل إلى درجه العشق ؟
بس شوفي انا اوافقج ان اهي نوعا ما فيها مغالاه .. بس اهو العشق الالهي مصطلح ينطبق على هذه النوعية من الادب


الادب الذي يتحدث عن حب الانسان لربه ...
و قد يكون مصطلحا مضللا او مبالغا فيه .... و لكن هذا ما تعارف عليه الجميع و خلاص مشى ....

الواجب علينا الحين انه لما نبي نقرأ في هذا الفن ... ان نختار بعناية ما نقرأه .. لأن فعلا في قصايد تروح واااااااايد بعيد ...

لكنه كموضوع أجده رائع .. و من يستحق الحب أكثر من الخالق ؟

عاد امي تقول والله اعلم انها ماكانت ترفع راسها للسما استيحاء من الله ! يعني شوفي لاي درجه

 

[camilia]

دودات بقولكم شي ... يمكن ماله دخل بس لاني حيل مستانسة

انا ان شاء الله برد الديرة بعد اسبوعين بعد غيبة 7 اشهر برا للعلاج مع الوالدة
و ما ادري شفيني مو مصدقة

تعرفون لما تنطرين شي مدة طويلة ولما يقرب مو مصدقة انه بيصير .. وايد ولهت على الديرة اول مرة اطول هالكثر ..

لكن طبعا الاهم انه والدتي ماشاء الله وبفضل من ربي تحسنت وايد .. الف الحمدالله لك ياربي

سوري قرقت عليكم ... بس ما ادري شفيني يمكن من الوناسة ابي اقول للكل اني برد:eh_s(8):​

انشالله توصلون بالسلامة وماتشوفين مكروه باي شخص عزيز عليج .. صعععبة 7 اشهر بعيدة عن الديرة .. بس اللي يشفعلج امج معاج , وعشان برها

 

[سلايل*عبس]

عاد تصدقين يوم اني قريت مرتفعات ووذرينج انصصصدمت من القصة , كنت حااطه ببالي انها رومانسية بحتة ومن طقة ذهب مع الريح لكنها طلعت غييييير, وللحن انصدم لما الناس يقولون عنها رومانسية ! يمكن نظرتج لها جذي بس بالنسبة لي الرواية تحجت عن جميع المشاعر اللي تجتاح النفس البشرية لما الانسان يكون حاقد وناقم ! عندج هثكليف : يتيم وضيع طول القصه محسسينه انه مثل الحثالة فهالشي خلى الحقد يكبر بداخله ضد عايلة ايرنشو ! كاترين : هثكليف يحبها لكني وحسب ماتذكر نادرا ما دار بينهم اي حوار رومانسي ! بالعكس كانت كله تتحرش فيه وتتطنز عليه , وبالاخير تزوجت واحد غني ! عندج بعد الشخصيه اللي تزوجها هثكليف بس عشان ينتقم من ريل كاثرين ..
اللي بقوله اني انصدمت من كثرة المشااعر السلبية اللي بالقصه, القصه حلووووة ما اذمها , لكن انتقادي الوحيد اهو ليش انها تصنف ضمن القصص الرومانسية الكلاسيكية ؟ فيها حب نعم , بس حب غرييب من النوع الدرامي المليء بالمشاعر السلبية .
اللي شدني اكثر بالرواية اني مرة قريت الكاتبة ايميلي عمرها ماطلعت برة الحي اللي ساكنه فيه , والناس اللي قابلتهم بحياتها عددهم قلييل جدا ومحصوور , فشلون تخيلت هالشخصياات مع كل هالمشاعر الدرامية اللي بكل شخصيه عالرغم من ان احتكاكها بالبشر كان محدود ؟

اول شي هلا فيج اختي كاميليا اول شي انا معاج في ذكرج انه الرواية تكلمت عن جميع المشاااعر اللي تجتاح النفس البشرية وكن!!!!! منو قااال انه القصه رومانسيه بحته مع العلم الرومانسية لها تصنيفات اهيااا فعلا رومانسيه لكن بطابع اخر فالرومنسية عزيزتي يجسدها الكاااتب بحبكته للقصة والقارئ بانطباعه عن الرومنسيه الشخصي مثل مانتي ((اعتقدتي)) انها غير رومنسي وهذا يضل رايج عزيزتي واحنا نحترم الاخرين في ارائهم ولكل شخص رأيه عزيزتي كان لج طريقتج في نقد الرواااية ولكن هذه الرواية لها نصيبها من النقد البنااااء الايجابي بلساااان اعظم نقاد وادباء التاريخ وراح انسخلج نقده حيث صنفها خامس اروع ماكتب "
آخــــر ما گـــــتب خليــــل عبد الله الحاج
عشـــــر روايــــــات خالـــــــدة
كتب الأستاذ الراحل خليل عبد الله الحاج في أخريات أيامه مذكراته، وهي تحتوي على خلاصة تجربته في الحياة، وقد ولد خليل عام 1925م وتوفي عام 2007م، وقد كتب عن أفضل عشر روايات رشحها للخلود: (مجذوب)1
2
3
4
والخامسة كانت من نصيب:" 5ـ إيميلي برونتي وروايتها مرتفعات وذرينغ، تنتمي هذه الرواية إلى أسرة تجري في عروقها جرثومة الأدب، فهي شقيقة شارلوت برونتي مؤلّفة رواية «جين اير» فالبنتان واخوهما الشاعر كلهم أدباء وماتوا جميعاً في سن مبكّرة بداء السل، وروايتها مرتفعات وذرينغ كتبتها ايميلي برونتي بكل ما تملكه من يراع مبدع، وقلم خلاّق.

وبالنسبة للي قلتيه عن بيئة الكاتبة المغلقة هذا جااانب ايجابي فيها ودليل قاطع على قمة ادبها الراسخ ومثل ماذكر هي من عائلة ادبية مبدعه وان كااانت لها هذه المخيله المبدعه على ضيق مستوى العيشا فهذا يحسب لها لاعليها

ويبقى رأي ونحترمه اسعدنا وجودج بيننا عزيزتي ومشاركتج اسعدتناااااااااااااااااا
===============================================

 

[camilia]

اول شي هلا فيج اختي كاميليا اول شي انا معاج في ذكرج انه الرواية تكلمت عن جميع المشاااعر اللي تجتاح النفس البشرية وكن!!!!! منو قااال انه القصه رومانسيه بحته مع العلم الرومانسية لها تصنيفات اهيااا فعلا رومانسيه لكن بطابع اخر فالرومنسية عزيزتي يجسدها الكاااتب بحبكته للقصة والقارئ بانطباعه عن الرومنسيه الشخصي مثل مانتي ((اعتقدتي)) انها غير رومنسي وهذا يضل رايج عزيزتي واحنا نحترم الاخرين في ارائهم ولكل شخص رأيه عزيزتي كان لج طريقتج في نقد الرواااية ولكن هذه الرواية لها نصيبها من النقد البنااااء الايجابي بلساااان اعظم نقاد وادباء التاريخ وراح انسخلج نقده حيث صنفها خامس اروع ماكتب "
آخــــر ما گـــــتب خليــــل عبد الله الحاج
عشـــــر روايــــــات خالـــــــدة
كتب الأستاذ الراحل خليل عبد الله الحاج في أخريات أيامه مذكراته، وهي تحتوي على خلاصة تجربته في الحياة، وقد ولد خليل عام 1925م وتوفي عام 2007م، وقد كتب عن أفضل عشر روايات رشحها للخلود: (مجذوب)1
2
3
4
والخامسة كانت من نصيب:" 5ـ إيميلي برونتي وروايتها مرتفعات وذرينغ، تنتمي هذه الرواية إلى أسرة تجري في عروقها جرثومة الأدب، فهي شقيقة شارلوت برونتي مؤلّفة رواية «جين اير» فالبنتان واخوهما الشاعر كلهم أدباء وماتوا جميعاً في سن مبكّرة بداء السل، وروايتها مرتفعات وذرينغ كتبتها ايميلي برونتي بكل ما تملكه من يراع مبدع، وقلم خلاّق.

وبالنسبة للي قلتيه عن بيئة الكاتبة المغلقة هذا جااانب ايجابي فيها ودليل قاطع على قمة ادبها الراسخ ومثل ماذكر هي من عائلة ادبية مبدعه وان كااانت لها هذه المخيله المبدعه على ضيق مستوى العيشا فهذا يحسب لها لاعليها

ويبقى رأي ونحترمه اسعدنا وجودج بيننا عزيزتي ومشاركتج اسعدتناااااااااااااااااا
===============================================

شكلج مافهمتي اللي كتبته , الرواية عاجبتني , وماانقدت الرواية انا كللش
نقدت ( تصنيف الناس) لها , ذكرت سابقا ان فيها رومانسيه وحب , but its not what the novel is all about
الرواية اشووفها من الادب الاجتماعي الرومانسي ومايعجبني لما الناس يصفونها بالرومانسيه وخلااص ! جذي احنا نظلم القصه ,تماما مثل الي صارلي , من خلال الالتفاف على اراء الناس خذيت فكرة انها رواية راح تعيشني بعالم وردي لما اقراها .. فعشان جذي انصدمت لما فعلا قريتها واكتشفت انها عكس الي يقولونه ,, لكن صدمتي هذي ما شملت احداث الرواية (لانها من اروع القصص) لكنها صدمه من التباين الواضح مابين راي الناس ( السطحي) ومابين حقيقة الرواية !
وبالنسبة للنقطه الاخيرة .. هم ماعتقد انج قريتي كلامي عدل
((اللي شدني اكثر بالرواية اني مرة قريت الكاتبة ايميلي عمرها ماطلعت برة))
واللي قصدته من كلمه شدني = حببني اكثر بالرواية وكبرها بعيني
يعني لو قارية ردي عدل راح تفهمين ان هالنقطه اللي ذكرتها ماكان القصد مني الاستهزاء بالكاتبة ابدا

 

[galaxy]

جلاكسي ياعمري ..
المكتبات تارسة الديرة .. عندج مالت رونة المفضلة "ذات السلاسل" .. وهم اكو بالمثنى تحت وفيرجن مارينا واممم السنافر فيها شغلات تحت والعجيري تينن عموما صفة المكتبات بحولي كلها حلوة
اليوم انا شفت كتاب اسمه "حياة مميزة" عند رفيجتي مترجم طبعا من مكتبة جرير .. هذا اللي تقصدينه ؟؟ >>>مضيعةخخخ ..
.مشكورة يالغاليه

رحت الي بالمثنى مو موجود وذات السلاسل وين مكانها

يمكن القاه هناك

 

[Bq]

لااااااااااااااااااااا


انا خل أسكت احسن !

اول شي " دمعت " ... بدال دمعة !


و الحين اتيصال .. بدال اتصال !



خلوني ساكته و متابعه بصمت ليما أسترد ذاكرتي اللغوية العدله ..... لا أفشلكم !

لوووووووول لاعادي حبيبتي اصلا انا ماطحت على البدلية عاااادي متعودين على البدليات الكمبيوتر <<< والله يزيد البدليات خخخخخ

 

[هوى الدار]

عاد تصدقين يوم اني قريت مرتفعات ووذرينج انصصصدمت من القصة , كنت حااطه ببالي انها رومانسية بحتة ومن طقة ذهب مع الريح لكنها طلعت غييييير, وللحن انصدم لما الناس يقولون عنها رومانسية ! يمكن نظرتج لها جذي بس بالنسبة لي الرواية تحجت عن جميع المشاعر اللي تجتاح النفس البشرية لما الانسان يكون حاقد وناقم ! عندج هثكليف : يتيم وضيع طول القصه محسسينه انه مثل الحثالة فهالشي خلى الحقد يكبر بداخله ضد عايلة ايرنشو ! كاترين : هثكليف يحبها لكني وحسب ماتذكر نادرا ما دار بينهم اي حوار رومانسي ! بالعكس كانت كله تتحرش فيه وتتطنز عليه , وبالاخير تزوجت واحد غني ! عندج بعد الشخصيه اللي تزوجها هثكليف بس عشان ينتقم من ريل كاثرين ..
اللي بقوله اني انصدمت من كثرة المشااعر السلبية اللي بالقصه, القصه حلووووة ما اذمها , لكن انتقادي الوحيد اهو ليش انها تصنف ضمن القصص الرومانسية الكلاسيكية ؟ فيها حب نعم , بس حب غرييب من النوع الدرامي المليء بالمشاعر السلبية .
اللي شدني اكثر بالرواية اني مرة قريت الكاتبة ايميلي عمرها ماطلعت برة الحي اللي ساكنه فيه , والناس اللي قابلتهم بحياتها عددهم قلييل جدا ومحصوور , فشلون تخيلت هالشخصياات مع كل هالمشاعر الدرامية اللي بكل شخصيه عالرغم من ان احتكاكها بالبشر كان محدود ؟

اوافقج الراي القصه المفروض ما تندرج تحت مسمى قصص رومانسيه

احسها دراما اجتماعيه اكثر منها رومانسيه

انا حبيت التناقضات بالشخصيات خاصه هيثكليف يمكن لان طريقه تربيته ونشأته غريبه فكبر متناقض

هالروايه قريتها اول مره بالجامعه وحبيتها من اول صفحه >>>على وزن حبيتها من اول نظره:dddds:

بس الفعل روايه تستحق ان تقرأ

 

[.]

هلا والله شلوونج , من زمان عنج
حتى انا صرت مادخل هالقسم وااايد , بالنسبة لقراءاتج ( الفاشلة ) ..عاااد انا لما اووصل لنص الرواية واكتشف انها جد فااشله او اني موقادرة اتحملها ماا اكملها , كنت اقرى رواية المزحة واللي تتحجى عن واحد متفاني من الحزب الشيوعي لكن بسبب مزحة كتبها انقلبوا اعضاء الحزب ضده وتخلوا عنه , مااكملت الرواية مو لانها خايسه , بس لاني ماقدرت اتحمل احداثها الباردة , فوقفت قرائتها حتى اشعار اخر
ماقريت رواية عاشق مهزوم , لاني افكر الف مرة قبل لا اقرا لكاتب عربي حديث العهد , فأنطر اراء ناس مثقفه واشوف هالكتاب يسوى فعلا وقتي او لا .
جم رفيجه من رفيجاتي امدحوا عاشق مهزوم بس هالبنات ماكان بينهم وبين القراءة اي علاقه ,يعني احتمال اي شي يعجبهم فماخذيت رايهم بجدية , بعديييين طلعت الانتقادات لهالرواية وان مالها اي داعي

المهم , توني من فترة بسييطة خلصت رواية بنات ايران



اهي سيرة ذاتية لوحدة ايرانية من زمن الشاه , تتحجى عن طبيعه الحياة الاجتماعية بايران ووضع الحريم اهناك , عالرغم من تحرر الشاه الا ان النظرة الشرقية للمراة مازالت تأسرها , الراوية سلت الضوء على تقريبا اغلب اهلها , خواتها عماتها , امها ابوها , خالتها اللي تبنتها ,وشلون امها قدمتها حق خالتها كهدية لان خالتها ماتنجب , وبعد 9 سنين يا ابوها وخذاها على غفله من امها ( خالتها اللي ربتها) وشلون الفرق بين حياتها مع امها (خالتها الشيعيه المتدينة) قبل ومع امها الصجيه وابوها وخواتها المتحررين نوعا ما واللي مايربطها بينها وبينهم شي ماعدا رابطه الدم .. المهم الاحداث تتطور بس اكيد ماتبوني اقولكم الرواية كامله

رايي ان الكاتبه حاولت تكون محايدة قدر الامكان لما يتعلق الموضوع بسياسة ايران ايام الشاه وبعد الثورة , انقدت الاثنين نقد منطقي نوعا ما بالنسبة لي , يابت طاري جهاز الاستخبارات مال الشاه وشلون كان يقتل الناس من غير محاكمه , وشلون كان الشاه يلعب بالفلوس والشعب ميت يوع وفقر والامريكيين والبريطانيين لاعبين لعب بنفط ايران , وشلون الثورة خذلتهم تماما , قيدت حريتهم , تعاليم صارمة , ردت الاعدامات مثل ايام الشاه. هذا بالنسبة لحياة ايران السياسية
بالنسبة للحياة الاجتماعية , اهي سلت الضوء اكثر عالنساء الايرانيات اللي يبون ويبون لكن سيطرة الرجال تمنعهم , فالبنت بس تخلص ثنوية مالها حق تدخل الجامعه , التعليم يقتصر عالرجال لانها مهمه الرجل الكد والصرف عالبيت , ابو البطلة مايصلي وسكير لكن العادات الشرقية تلعب دور كبير في تربيته لبناته ! حلمها تروح امريكا وشلون تحقق هالحلم اللي كان مستحيل بالنسبة لها , واشلون حياة اختها تدهورت حييييل بعد ما وقف الابو ضد زواجها بحبيبها , فزوجوها واحد وحشي و و و ..
اسلوب الكاتبة خفيف وبسيط وماندمت على قراءة الرواية لاني تعرفت على ديرة غريبة وعلى احداث تاريخية ماكنت موجودة حزتها , بس عندي ملاحظه , اهي قالت ان البنات مو ممنوعات رسميا من اكمال الدراسة لكن المنع ايي من الاهل اللي مايشوفون بالشهادة اي جدوى لحياة البنت,بعدها ذكرت ايران وشلون تغيرت من بعد الثورة , لكنها ماتحجت عن نقطه التعليم هذي ! لاني اسمع ان الايرانيات صاروا ينافسون الذكور بمجالات العلم ..

هلا كاميليا..

شكلها خوش قصه ..

شوقتيني اقراها..

ومرتفعات وذرينج شريتها قبل جم سنه بس ماكملتها جنه فقدت الذاكره بس هم شوقتوني اقراها..

مشكووره..

 

[حبيبه امها]

هلا دوادت
شلونكم حبايبي ؟؟

سلايل
شلونج حبيبتي ؟ وما تشوفين شر .. وربي يعينج ... ومعذورة والله اذا ما قدرتي تكتبين.. بس حاولي تطمنينا عليج ...
شجعتيني على ( امل) بمس ون الي بقرطبة؟؟؟ انزين نوعها اتعرف شنو يناسب الوية وجذية؟؟بعضهم ماشاء الله يعطونج رايي صج مفيد ..

واذا على الويك ايند معذوووووورة :eh_s(6):
يوصل بالسلامة وتقر عينج بشوفته ان شاء الله


كامليا

وينج يا الغالية ؟؟؟ والله مكانج مبين .. فقدناج وايد.. والله يسلمج حبيتي .. والشر ما اييج .. وصاجة الي مصبرني انه كل هالشي علشانها ربي يخليها لي ويطولي ويباركلي بعمرها ...
وبخصوص الكتب وانا مثلج مرات صج الكتاب يصير لا يطاق ما تقدرين تكملينه .. بس انا ما احب اخلي رواية ما انهيها .. بس الحين اقول ما انهيها وايد احسن من اضيع وقت اكثر عليها
وبصراحة صج استغرب من ناس وايد يمدحون اشياء ميح مثل ما قلتي عاشق مهزوم... بس اظاهر صحيح كل شخص على حسب خبرتة بالقراءة



انا حاليا اقرا رواية( فسوق ) عبدة خال ... احد قراها منكم دودات؟؟​

 

[سلايل*عبس]

عزيزتي كاميليا فعلا مافهمت قصدج وانا فعلا معاج في رايج بعد الفهم وانا جين اير و وذرينغ هايست من اروع ماقرأت ففعلا اتحمسلهم حيل لمن تكلمون عنهم ودي ارد اقراهم مع العلم انه كل وحده فيهم قرتها اكثر من مررررررررره واو فعلا واااااو
===
حبيبة امها يسلم عمرج ويطمنج ربي على امج تسميلي على هالدعوات يالغالية وعلى طاري القص فعلا امل رووووووووعهوتعرف شيناسبج وتنصحج ومن النوع اللي تخاف لى شعرج وبعض المرات ماتطيعج تقول لاحرام هالقصه تخرب الشعر بس احاول اضبطها اذا بخاطرج عرررفتي
بس في شغلة ترى اهيا مسااااااافرة وتجي تاريخ1-4 انا اماقصيت عشان جذي لايمكن اسلم شعريوحده غيرها لاردت اروح اقص عندها بس حساااافه خرب اللوووووووووك والمفااااجعه

 

[camilia]

هلا دوادت
شلونكم حبايبي ؟؟

سلايل
شلونج حبيبتي ؟ وما تشوفين شر .. وربي يعينج ... ومعذورة والله اذا ما قدرتي تكتبين.. بس حاولي تطمنينا عليج ...
شجعتيني على ( امل) بمس ون الي بقرطبة؟؟؟ انزين نوعها اتعرف شنو يناسب الوية وجذية؟؟بعضهم ماشاء الله يعطونج رايي صج مفيد ..

واذا على الويك ايند معذوووووورة :eh_s(6):
يوصل بالسلامة وتقر عينج بشوفته ان شاء الله


كامليا

وينج يا الغالية ؟؟؟ والله مكانج مبين .. فقدناج وايد.. والله يسلمج حبيتي .. والشر ما اييج .. وصاجة الي مصبرني انه كل هالشي علشانها ربي يخليها لي ويطولي ويباركلي بعمرها ...
وبخصوص الكتب وانا مثلج مرات صج الكتاب يصير لا يطاق ما تقدرين تكملينه .. بس انا ما احب اخلي رواية ما انهيها .. بس الحين اقول ما انهيها وايد احسن من اضيع وقت اكثر عليها
وبصراحة صج استغرب من ناس وايد يمدحون اشياء ميح مثل ما قلتي عاشق مهزوم... بس اظاهر صحيح كل شخص على حسب خبرتة بالقراءة



انا حاليا اقرا رواية( فسوق ) عبدة خال ... احد قراها منكم دودات؟؟​

هلا حبيبتي ... بخصوص روايتج فسوق ماعمري قريتها .. بس من فترة اطلعت على مقتطفات من (الموت يمر من هنا) لعبده خال وعجبني حيييل اسلوبه .... انشالله بشتري روايته الموت يمر من هنا +مدن تأكل العشب لان وايد مادحينها ..
انشالله ان تكون فسوق في المستوى اللي يعجبج ...واتمنى لج قراءة ممتعة

 

[نماين]

اتوقع هالقصة تعرض الويه .. وتبين الصراحة خرابيط يصلحلي مايصلحي سوي اللي تشتهينه ولا يهمج مرده شعرج بيطول
.
وجان تبين خدود كان في موضوع قديم هني مال بدوية ستايل جنه :bbbiu:ماذكر والله .. المهم انه امدحت سيروم كولاجين مال ريكسول بتسعة وقصور بالصيدلية .. + سيروم بايوت بستعش سائل احمر شفاف +سيروم فيتامين سي وإي من ريكسول او اي ماركة ثانية عشان يساعد على الامتصاص .. خذتها امي وخالتي وداومو عليها صج كل ليلة اول شي تغسلين ويهج بعدين تحطين سيروم فيتامين سي عقب ماينشف تحط فوق سيروم كولاجين ريكسول .. و بالنهار باي وقت الا وقت الطلعة طبعا واهيا بالبيت تحط سيروم بايوت .. وماشا لا اله الا الله الحين خدودهم تهبل بلا تفخ بلا بطيخ ..
وحدة من جماعتنا الا الا تتفخ خدودها .. آخرتها طقو عرج بالغلط والحين مااااتترقعع ..
.
اي صج دوراتها ..اذا ريلج تحسينه يتقبل سالفة الدورات قوليله عادي بروح دورة مهمة حق تنمية الحياة الزوجية (أهم شي) بالعكس بعض الرياييل يستانسون .. واخذي منه الفليسات (مع تفليس الرجل قوليله حقك مو حقي ههه) جنه الدورة بثلاثين وشوي اليوم الواحد .. شوفي اذا رضا يوديج كان بها مارضا مولية روحي مع خواتج ولا رفيجاتج لا وصي وحدة منخم تروح وتشتريلج سيدياتها وكتبها ..
عموما اهيا دوراتها ما تتعدى ثلاث ايام بس و ترى وكله حريم اهيا ناعمة ملتزمة ما شا الله عليها.. واذا كلش مارضى دشي موقعها مركز بلقيس ملخصات دوراتها كلها هناك تقريبا .. مو بس الزوجية حتى الاسرية والذاتية .. تهبل ناعمة الله الود ودي اروووح بس ممنوع للفصعونات هههههه

ويي فشلاااا .. قلبنا الموزوع لوكات وعناية وخخخ .. كلة منج سلايلوو هههه السموحة بطبوط لتول :wqedqw:
.

اهلللللللللين بالكوفييييييييييييييييرة جوجو

شجعتيني اقصها بس مو اللحين لان عندنا عرس قريب عقب العرس ان شاءالله وبروح ادور هالموضوع لاني حيييييل محتاجة

والله


واليوم شجعت وشيشت اختي وقلتلها احنا لازم نطور نفسنا وناخذ دورات ( ومن هالكلام ) وخليتها تدق وقالوا الدورة الوحدة ب 40 د.ك

وقلتلها اذا نروح خلي نروح لكوني ملكة ( لفوق 18 ) .......... عييييييييييب بنات المراهقااااات ما يدخلونها عييييييييب

وان شاءالله الله يهدي زوجي ويقتنع بسرعة اروح للدورة لان مشكلته يناقش احيانا اكثر من الازم ( يتفلسف )


ادعوووووووووولي يوافق بسررررررعة ما لي خلق للعجاااف والتملق

 

[نماين]

هلاااااااااااا وغلااااااااااااااااا لكموووووووووو كلكموووووووو يادودات مومدوداااااات هاااههاهاهااهاي
اشلونكم وشخباركم مشتقتلكن كتيييير كتييير ياااااااااااااصبايا واذ في صبيااااااااااااان يالللا بررررررررررررا بس نبي بنياااات
امبيه حدي حبيتكم صار ادمااان ادش المنتدى عشانكم واالله
حبيبة امها بعد عمري مشكووووورة فعلا رااايج سليم انا ودي اقصه موعلى طوله بس قصه طويله شوي وعلى النفاااااس احششششه بقصه يونيك وجديده علي بعد امهده نفسيا الاخ متمسك بالشعر الطويل مادري حسباله شمس الباااارودي اااااااااااااااااااااه ماااكومثلها الشعر الطويل لها وبس
بالنسبة لقصااااصة حلووووه قصااااصتي المفضلة والوحيده من 10سنين او اكثر امل اللي بصالون مس ون جم مره بدلت وبالكونتينينتال وغيره قصييييت كلش شعررري عدم راااح بس على ايدها تبارك الله الله مبارك فيها وعلى كل قصة شعر تقول بسم الله حتى بنت خالتي خنت حيلي شوي وتقرع مشاللله قلتلها روووحيلها وكل شهر استمرت عندهااا شعرها الحين جنه باااروكه
====
دمعت غلاااامشكوووره حبيبتي
====
جوجو مشكورة حلووووه القصااات اعجبتني بس صدمه عقب الطويل اشوي اشوي بتدرجلها
بس شنوماااركة السترينر الززززينه مانبي نحرق شعورنا ولازم استشوار قبله او لأ
====
نمااااين حبيبتي مشكوره ويعلج دايم حاااضره ويبيله قص يالله شجعيني واشجعج
ومشكوره عالنصايح غلاتي تسلمين == نماين مادري ليش احس انج جارتي اللي فوقي هههههههه @@

اهلين سلووووله شخبارك ومشاءالله امل هذي كل من يمدحها بأذن الله بجربها

وعلى فكرة ترى انا للاسف مو جارتك ...... والله يالييييت اكون

 

[نماين]

كاميليا اهلين

هلا بالي بالي يغييييييب شخبارك

انا اوافقك برواية مرتفعات انصدمت لمن قريتها ختى اني ما اندمجت حيييييييييييل معاها بس يمكن لاي قريتها وانا صغنونة شوي او كان ببالي على قولتك رواية رومانسية

شكلي بعيد قرايتها عاد سبحان الله من كم يوم وانا ارتب قصصي القديمة شفتها

 

[Little_Queen]

ماشاء الله

دوداتي العزيزات نشطااااااااااااااات جدا جدا جدا في هذا اليوم ..


اسعدتن مساء عزيزاتي و اخواتي ..

------------

مرحبا بك يا كاميليا .. عودا حميدا عزيزتي و فعلا حضورك كان دينامو نشط الموضوع فشكرا لك ... و شكرا لوجهات نظرك الجميلة و الراقية في طرحها ...

بالنسبة لموضوع : عدم القراءة لأدباء عرب ... عزيزتي العلة ليست في الادباء ولا في اللغة ولا في الاثنين مجتمعان ... المشكلة في انحدار و تدهور الذوق العام للقارئ .. فصار الكاتب السخيف هو من يعجب الناس و تقام له الدنيا و الاعلانات و المهرجانات .. و الكاتب الجيد ذو القلم الحقيقي .. يقال عنه " مغبر .. قديم .. عتيج .. شخبااااااااري ... شنو هذا .. شهالخرابيط .. هذا شقاعد يتفلسف يقرق على مخي ! "

لأنه فقط يقدم فكرة حقيقية .. فيها عمق .. فيها تأمل ..


صار القارئ كسوووولا عزيزتي .. لا يريد التفكير ... يريد نصا يأتي بكل ما فيه "على الجاهز" لا يريد التأمل لا يريد التفكر ..

و لهذا ترين انتشار السفه .. و انحدار الكنوز .. و لكن انا فعلا انصحك و بشدة الا تفكري ألف مرة .. فقط قلبي الصفحات .. و لا تشتري شيئا موضوعا في رف " الاعلى مبيعا !" .. ابحثي عن الكتب التي لا يشتريها احد ! ففي ايامنا و بلدنا .. هذه هي الكتب التي تستحق القراءة


------------


حبيبة أمها : حمدلله عالسلامة .. يا جاااي من السفر .... اسأل الله ان يفرح قلبك دائما و أبدا حبيبتي بالخير و الصحة و " الزوج الحلو "

------------

جالاكسي .. اتمنى ان تكوني قد وجدت ما تبحثين عنه في موضوعنا .. و أرجو ان نرى مشاركاتك الجميلة معنا دائما و أبدا و هيا انضمي و " يا بنية طبي حياج " ..

------------

نماين .. أهلا اهلا .... وللللللكم باك على قولتهم


------------

سلايل عبس ... ايضا نقولج ولكم باااااك .. و نعذرك لانشغالك و تعبك عزيزتي

------------

جوجو ! لا تعليق عليكي فأنت فاكهة هذا الموضوع بحق !


-----------

ضيفة الشرف المميزة مشرفة القسم : الاخت هوى الدار حللتم اهلا و نزلتهم سهلا

-----------

لماذا أتكلم الفصحى اليوم ؟؟؟؟لا أعلم .. انها مجرد حالة ... تتملكني منذ الصباح !

------------