شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههههه

[!! الواصليّـــــة !!]

شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههههه

شلونكمـْ ياعسّولاتْ ؟
،،
اتمنى موضوعي مايكون مكررْ .. واذا مكررْ حذفوا الموضوع القديم وخلّوا موضوعي :ggdw:

،،

اكيد كلّناااا متوهقين مع اغراضنااا اللّي ماتخلص .. ومهما رتّبنا فيهااا تبقى حوسهْ ومزعجهـْ ..

وانا ابصراحه وحده نظاميّه اكره الفوضى اللّي تجيب لي ضيقهْ بالنفس والله :0bee2e8d89:

،،

الحينْ انا بقولكم أشيا اعجبتني و رحْ اطبقهااا ع غرفة نومي الجديده << للحين تحت الأنشاء .
،،

اول حاجه اعجبتني .. تعليقاتْ البنطلوناتْ واللّي مسببه ازمه لكبتي .. :/ ... شوفوهااا .. واعذروني التصوير من تليفوني فعشان جذي مو واضحه :/ وماقدرت اسحبها من موقعهم.. وهم فيه بالجهة اللي عاليمين تحتْ تعليقات خاصه بالبديات اعجبتني .



~


وهذي الثانية طريقة تخزين حلوة وتشيل واااايد :eh_s(6): شوفوها اللي يم الكبت .. وعبارة عن ستاند وفيه مجموعة صناديق وشكلها جد جد ذرب ..



~

وفي طريقة 3 اللّي اهي الأرفف اللّي تتعلق بالطوفه .. وتقدرين تحطين عليها جم صندوق .. حق اكسيسوريز او اسكارفات او حزامات << مادري الجمع صح ؟:dddds:

~

وبعد لتخزين الملافع اعتقد كلنا عارفينهااا .. التعليقات الداوئر .. هذي حلوة بس مسكينه حطيتها بالكبت واغرقت فيه ماعاد تبين

~

يلّه بنااات مو تبخلون علينااا .. خلّونا نتعاونْ حتى نقضي ع الفوضى وضيقة الخلق ...

 

[أغلى حبيبه]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

لي عوده ان شاءالله


اصور اغراضي وارجع لج

 

[!! الواصليّـــــة !!]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

بإنتظآركْ حبيبتي
،

وين الباقي ؟ مآشاءالله !! لاتقولون انكم مرتبات وماعندكم فوضى ! ترا ما اصدق

 

[الشيخه فطامي]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

انا حبيبتي سويت نفسج او خذيت الكبت بس من كثر الكلابس ماعاد تشوفين شي لا بديات ولا بنطلونات خصوصا هذا الدوائر للشيل كلش مانفعني
جم شيله بحط احنا ماشاء الله مليون شي ناخذ حطيتهم في صرت ماشوف شي مادري وين الشيل او لويه صار عندي يعني احنا حق اغراضنا اوشغلنا ماينفع

 

[قمردين]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

تسلمين

 

[لون المطر]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

موضوع حلو ومفيد

لي عودة بعد

 

[الخيلاء]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

استفدت وايد من تخزين ايكيا ...تقريبا نفس اللي عندج بس اليهال اسم الله عليهم قامو يلعبون بالكبتات حتى عندي كبت جرار كبير قامو ينخشون فيه لما ادورهم ..اعفسوا التنظيم علي ...اللي بعد استفدت منه سلال ايكيا القش المربعه ..وعندهم اكياس نايلون كبيرة وشفافه حق التخزين ممتازين , وبعد الصناديق البلاستيك البيضا احجام ممتازه حق التخزين

 

[حلم الامس]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

موضوع حلوو ومفيد

يعطيج العاافيه

 

[شموووسة]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

يعطيج العافية

 

[!! الواصليّـــــة !!]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

يعافيكم بنااات
بس ياليت كل وحدة ترد .. تعطينا فكره من افكارها .. حتى لو صغيرونه لاتستصغرونهااا . يمكن تفيدنااا .. وتحل جزء من المشكله ..

،،
بإنتظآر الباقي ؟

 

[nono78]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

حق غرفة الغسيل



رف للصابون

رف للملابس

ولتعليق الملابس

 

[!! الواصليّـــــة !!]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

روعه نونوووو

يامال العافيه

 

[الحــــــلا كله]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

مشكوووووووووووووره حبيبتي

 

[nono78]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

روعه نونوووو

يامال العافيه

الله يعافيج ياقلبي

حاضرين للطيبين

:eh_s(6):

 

[ترف 111]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

يعطيج العافيه فكره حلوه

 

[chocolate - BH]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

فكرة جهنمية

 

[روزالكويت]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

مرحبا ياقلبي
شلونج
انتي مثلي اكره الزحمه واحب التنظيم
وحاليا بسوي لي مخزن للكفرات ولاغراضي بس ناويه على ارفف بالطوفه للسقف بحط الكنابل والكفرات فيه وجناط السفر اذا عندكم صور للارفف الكبار فديتكم حطوها..بس شرايج افصلها مع ابواب ولا اخليها بالهواء الطلق راح تغبر صح طبعا انا اكيد ماراح اخزنها الا مكيسه ومغسوله بس الكبت احسن صح
وبرتب غرفة الغسيل ان شاء الله
وعجبتني صوره نونو لارفف الغسيل حلوه شوفي الصابون فوق بعيد عن ايد الجهال الله يصلحهم ويرتب المكان جدا عطاني فكره حلوه
انا مفكره اشتري الاكياس المضغوطه اللي تنشفط بالهواء لو تدرون من وين ناس تقول دايسو وناس تقول بالشويخ مادري وين باللضبط لان الكفرات والكنابل بتاخذ مكان كبير وحيز بس لو شفطيتها بالهوا راح تصير خفيفه وضعيفه وتترتب فوق بعض وبجذى نستغل اكبر قدر من المكان...

 

[orangeya]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه


موضوعج روعه...
انا بتكلم عن تجربتي الشخصيه

اول شي اختيار الاثاث اهم نقطه بالموضوع لاني في اختياري السابق اهتميت بالديكور ومافكرت بالتخزين مع مرور الايام!

وكبتي اليديد خذيته من ايكيا

المهم... لازم تتعودون ماتشترون اشياء بتتخزن بالكبت او ماراح تستهلكونها صج! لازم نتخلص من هالطبع البايخ

ثانيا لاااااااازم تسوين جرد كل ماتميتي يعني عالاقل بالسنه مرتين او حتى مره!


انا الحمدلله تخلصت من كبتي التعيس الله يعافي رفيجتي اللي شجعتني واقنعتني اغيره يزاها الله كل الخير ويوفقها دنيا واخره يارب :yaaaaaarb:

المهم...

لما شريت الكبت اليديد راعيت ان حجمه يكون مناسب جدا وفيه مساحات تخزين...

طبعا فيه ارفف وفيه اماكن للتعليق

بالنسبه للارفف خصصت شي لكل رف..

وتقدرين تستغلين علب التخزين عباره عن علب او بوكسات مادري شسميهم
(لونهم اوف وايت اذا ماني غلطانه الست الواحد فيه 6 قطع باحجام مختلفه مفتوحين من فوق)
ينباعون في ايكيا حق الارفف . اللي عندها صورة ياليت تحطها

انا شريت اكثر من ست لانهم وايد يرتبون ويوفرون مساحه..

المهم بالنسبه لارفف الكبت:
خليت رف لملابسي الداخليه :-


خليت الاطقم في بوكس
وخليت البرا في بوكس
والكلوتات مع الكيرفري في البوكس العود

و رف
حطيت الشلحات وهالسوالف في بوكس
والدلاقات الشفافه والهيلاهوبات الشفافة في بوكس
ودلاقات القطن وملوت البيت شكثرهم فحطيتهم في البوكس العود

و رف للجناط طبعا تخلصت من وايد جناط كانت مسويتلي زحمه عالفاضي

و رف للكفرات

وخليت البديات والحفرات بروحهم

والبنطرونات واللقنزات بروحهم

والبجامات بروحهم

رتبتهم بطريقه لما تفتحين الكبت ينشرح صدرج وتوصلين للي تبينه بسرعه :sfg: لاني راعيت ماسوي زحمة عالفاضي

ونفس الشي بالنسبه للتعليق

خليت التنانير يم بعض.. والقمصان الطويله يم بعض.. والقمصان القصيره يم بعض وجذي
وفي علاليق تكون فيها كلبسات انا استخدمتهم حق الشيلات..

وراعيت شغله:

اني اخلي الالوان المتشابهه يم بعض يعني القمصان البيضه يم بعض ودرجات الوردي يم بعض وجذيه وهالفكره تعلمتها من المنتدى

هذا اللي اذكره

اهم شي لاتخلين الكبت يسير دثره ووايد اشياء عالفاضي!

خلج عمليه وترى مو ضروري ينترس الكبت لان احنا مشهورين انا نشتري عشان نكوّد بالكبت ومانحب نكرر اللبس

على طول

في حل حق هالشغله اهوا انج تركبين الاشياء.. يعني تستعملين التنوره الوحده باكثر من ستايل واكثر من شغله


وبالنسبه للاكسسوارات خليهم بمكان واحد وبطريقه مرتبه... ابي شغلات حق الاكسسوارات والساعات من وين؟ شفت موضوع وحده قالت من المباركيه وبصراحه انا مووايد مع المباركيه ودواعيسها

عندكم اماكن ثانيه اقدر احصل فيها هالاشياء؟ترى مايهني الديكور كثر مايهمني الترتيب لاني ماراح اعرضهم بينخشون داخل
انا حاليا حاطتهم بعلب عاديه


والكريمات بعلبه من الاوف وايت ملوت ايكيا

والعطور كذلك بعلبه

والمكياج بمقلمات مكياج العين بمقلمه والحمر والقلوسات بروح وجذي

طبعا الصور تعبر وتوفر علي القرقه اللي عورت راسكم فيها


بالنسبه للعلب اللي ذكرتهم منزلين الحين شغله يديده بشتريها ان شاء الله اهيا حياكه وموجوده بكتالوجهم صفحه 162
وصفحة 269


بس انا ماعرف انزل صور للاسف...

بنوتات في منظم للاحذيه بصفحه 162 منو مجربته؟


عورت راسكم بقرقتي ويمكن طلعت عن الموضوع شوي بس حبيت افيدكم بتجربتي وسامحوني :hjy5jewf:

 

[!! الواصليّـــــة !!]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

مشكورين بنات . ماقصرتوا
،،

روز الكويت
اختي اشترت أرفف الحديد واحسهم حلوين ماشاءالله . بس مادري انا من رايي الكبت أفضل خصوصا ان جونا غبار بغبار .
،،

اورنجيه

وه بس وه يابعد قلبي والله يسلم هاليدين .
شفتي البوكسات اللي تقولينها ؟ في منها بصفاة الغانم الوان فوشيه وتركواز واوف وايت وبنكي والله احلى من ايكيا مليون مرة وارخص بعد ...
لايطوفونج
وستاند الشوز شوفيه بأول موضوعي حاطينه داخل الكبت اذا اهو اللي تقصدينه .
..
انا عندي اشيا كثير مالها داعي خصوصا العبي والملافع .. اجمع عالفاضي !

 

[ام دودو المزيونه]

رد: شنو التخزينآتْ اللّي إستفدتيهآ منْ ... Ikea...؟؟ [ هنالك صور ] <<اسلوبْ تشويق ههه

هلا خواتي انا شاريه كبت خشبي يتعاق بالطوفه ( مثل الي بغرفة تبديل الأطفال في ايكيا ) حق الأجهزة مثل كامرات التصوير والبلاي ستيشن ووالوايرات من 10 اشهر مقطوط بالممر خايفه اعلقه بروحي يطيح علي عيالي مع ان في ايكيا امعلقينه بس ابراغي وودي اييب نجار يعلقه لي بس خايفه ما يكون ثابت وزوجي متخوف منه مع ان انا عندي عادي اقدر اعلقه ابروحي عندي الدريل خو كل شيئ ابيتي انا امعلقته والزوج يتسدح وعندي توني شاريه منهم ارفف المنيوم للتنظيم سعرهم 900 , 3 ثبت واحد بالمطبخ حده حلو وخفف علي الدثره الي علي طاولة المطبخ وثاني نفسه في البلكونه لزوم عدتي ( لاحظوا عدتي مو زوجي ) وحاطه صناديق شفافه حق البراغي وادوات التغليف والشرايط طار شكل البلكونه مرتب وحلوه ونفس الصناديق الشفافه فيهم ملابس عيالي كل دخلت شتي ولا صيف ومحطوطين فوق الكبت شكلهم حلو وارتب من الجناط
عاد انا وحده غرامها الترتيب وشيئ اسمه ايكيا ( احب اتفرفر فيه )