مثل ماوعدتكم-تقرير شامل عن سفرتي لامريكا 11-12/2008

[batoulizm]

السلام عليكم
شلونك بنات وشخباركم

آسفة والله ادري اني متأخره بالتقرير :ssssso:
وادري اني فجأة قطعت عنكم
بس صارت لي ظروف صعبه شوي

مثل ماقتلكم قبل سفرتي كانت اي 24/11/2008
قبلها باسبوع بنتي وبعدها زوجي طاحوا مرضة ومازهبت شي
بس تاريخ 19/11/2008 كنت ماخذه اجازة وقعدت الضحى وقررنا نبدى نزهب اغراضنا
تونا بطلنا الجناط ماحطينا شي بعدنا
ولا اييلي تلفون ...
|
|
|
|
|
|

يدتي عطتكم عمرها وتوفت :krkrkr:
مت مت مت من البجي
ومافكرت بولاشي غير اني طرت عندها المستشفى عشان اشوفها
لانها اليوم الي قبله كانت بالبيت عادي وكان الخبر مفاجأة
المهم اليوم الي ورى لمن وعينا شوي
فكرنا انا وزوجي شنسوي على السفرة
وقلت الموافقه بيد الوالد العزيز :fun22:
طبعا ماقدرت اكلم ابوي بالعزا
لي تاريخ 22/11/2008 الساعه 9 بليل بعد ماخلص العزا
كلمت ابوي شسوي اكنسل ولا اروح ...
|
|
|
|
قالي خلاص بابا يدتج الله يرحمها اذا سافرت ماراح يردها
وحرام تخسرين كل شي وخصوصا الطيران قالوا مواقرباء درجة اولى فماانرد التذكره وهم فندقين يروحون علينا الفلوس!!!


وطبعا يوم الاحد23/11/2008 قمنا من الصبح ورحنا صرفنا ورحنا السوق ورحنا شرينا اغراض الجمعية
وزهبت اغراض بنتي عشان بتروح تنام عند امي
وغيره وغيره لا تسألون شلون تزهبت وسفرتي طبعا اليوم الي بعده !!!!
وبجذي سافرت وانا بقلبي غصتين
وفاة يدتي وفقدان ومرض بنتي

يالله نكدت عليكم وايد
آسفة
بس هذي ضروفي وحظي الي ماادري شلون صاير :denya:
ماتهنيت بسفرتي صراااااحة

راح ابدى معاكم من اول ماقررت
وشوي شوي انزل التقرير
بس انشالله اخلصه باجر واذا لا راح اوقف اسبوع لاني مسافره على ماارد اكمله انشالله

:68_asmilies-com:

 

[batoulizm]

اول شي هذا تقرير
قبل كل هالظروف
حطيته بتاريخ 18/11/2008
بس بحطه هنيه عشان يكون متكامل
وبضيف عليه شويه



بعد ماتوكلت على الله

وبعد مااستشرت احلى بنات بالمنتدى

http://www.q8yat.net/showthread.php?t=241883

انصحوني وقررت اني اروح كاليفورنيا ولاس فيقاس
وبصراحة كان نعم الاختيار لو اني يديده على المنطقة ومااعرف الاماكن الرخيصة فيها
لان التاكس بكاليفونيا اعلى تاكس والجمعيات والمطاعم بصراحه ناااااار

وهذا الشي عفس شوي من الميزانية

وبدأت رحلة التزهيبات

اول شي قدمنا على الفيزا اب تاريخ 27-10-2008
طبعا عن طريق موقعهم
https://evisaforms.state.gov/ds156.asp?lang=1



هذا حقي ومره حق بنتي ومره حق زوجي

وطبعا زوجي بعد ابلكيش زيادة خاص للذكور

Supplemental nonimmigrant visa application (DS-157)

والطلبات كانت:
1- الابليكيشنز
2- صور قياس 5×5 بخلفية بيضا
3- الجواز وصوره عنه
4- رسوم دفع الفيزا عن طريق بنك برقان 40 دينار لكل شخص
5- انا وزوجي ودينا شهادة راتب من الدوام وكشف حساب من البنك بس ماطلبوهم (بس ساعات يطلبون فاخذوهم احتياط)
6- صورة عن الموعد الي خذيناه عن طريق الانترنت
الموقع:
https://evisaforms.state.gov/default...=KWT&appcode=3

وطبعا زهبنا الاوراق

ورحنا صورنا جنا مجرمين



وبعدها كانت مقابلتنا تاريخ 3-11-2008

ولمن خلصنا قولولي انا وبنتي بعد 3 ايام وزوجي بعد اسبوع قلنا نابيهم كلهم مع بعض وعطونا هالورقه

حق زوجي مت من الخوف قلت اخاف رفضوه
طبعا طلعنا بره عند مبني ال DHL وعطيناهم 5 دنانير عشان يوصلونهم



والنتيجة


هيااااااااااااااااااااااااااااا




عطونا انا وريلي 10 سنوات وبنتي 5 سنوات هيااااااا هيياااااااا
وطبها انا الي داقه ومجيكه معاهم اذا وصلت ورحت استلمتهم من مبناهم ماكان فيني صبر 


وبعدها يا القرار الصدمه ...

قررت اني مااخذ بنتي لمن شفت الرحلات والتعب عليها والرحله 15 ساعه قررت اني اخليها وخصوصا اني بعد ماارجع اب 3 ايام مسافره دبي فحراام راح تتعب وايد
وقبل لا اسفر بيومين صارت حرارتها 41 عشان اسنانها غيران انها لاعزا كانت وايد تحت وطبعت وديتها الطبيب ولا فيها التهاب الاذن الوسطى وغير انه فيها لحمية
والدكتور ممنوع ابدا ابدا تتعرض للهوا البارد
حتن من البيت لي السيارة تغطين ويها وتطلعين !!!!

ورحنا ثاني يوم طيراااان على السفريات وحجزت الرحلة


حجزنا طيران دلتا وكان نعم الاختيار بصراحة



ومبين طبعا التوقيت وسعر التذكره تحت


الرحلة



المده اسبوعين-- ادري شوي بس هذي اجازتي وبعدها عندها كورس

بدبي فمايمدي يالله العوض ولا القطيعه


وهذي البدايه للحديث بقية بس عشان مااعور راسكم مره وحده

 

[batoulizm]

بسم الله حجزنا فنادقنا
وبعد بحث واساله كانت هذي الفنادق وطبعا افضل اسعار كمستوى
مجموع حجز الفنادق 480 دينار حق اسبوعين
طبعا كنت ادش على اكثر من موقع للحجز غير موقع الفندق نفسه واشوف ارخص مكان واجز منه
طبعا الاغلب كان من الموقع العجيب Travelocity.com
بس سان فرانسيسكو كان من موقع الفندق نفسه

فنادق


24 - 28 نوفمبر سان فرانسيكسو

فندق Parc 55 Hotel



28-نوفمبر الى 1 ديسمبر لاس فيقاس

فندق Planet Hollywood Resort & Casino


1-3 ديسمبر سان ديقو

فندق Holiday Inn San Diego Downtown


3-9 ديسمبر لوس انجلوس

فندق Holiday Inn Anaheim Resort



الفنادق كلها تقريبا 4 ستار وبصراحه اسعارها وايد كانت مناسبه لي ومكانها اهو الافضل لي ولو ان كان ودي اخر 3 ايام من لوس انجلوس اقعد بال Sunset St بس الفنادق 3ستار وغاليه



اما الطيران الداخلي
من سان فرانسيكسو لي لاس فيقاس
عن طريق طيران
السعر 56$ للشخص



ولمن كنا ابلاس فيقاس زوجي قرر انه انسافر سانديقو عن طريق الطيارة
وصج نزلنا وحجزنا على طيران ساوث ويست

واااايد احسن من ايونايتد الي ماعندهم اخلاق
بس بصراحه مااذكر السعر
http://www.southwest.com/


أي صح
نسيت اقولكم
بعد حجزت الشوز ملوت فيقاس هم عن طريق الانترنت قبل لااسافر عشان يعطوني مكان زين واوفر الوقت
طبعا بعدين اقولكم شنو حجزت


ورحنا شرينا ملابس
اريح واحسن شي التريننقات
بس خذيت لي بدلتين رسمتيين حق فيقاس شوز





وعزكم الله جواتي مشي وجناط


وباجي المشتريات كله حق بنتي زهبتها عدل عدل حق الاشتا والعيد والبرد وكل شي قبل لا اسافر


بشوف القبله بكاليفورنيا ولاس فيقاس



مايندرى الصلاة مقبوله بلاس فيقاس ولا لا

وهذا الموقع عطتني يه الحبوبه
malekatsabaa

http://www.islamicfinder.org/cityPra...home=2008-6-18

وللاسف هذا الموقع للمطاعم الحلال ماحصلته الا لمن رديت من السفر
http://www.zabihah.com/
اتمنى انه يفيدكم
ويفيدني حق السفرات اليايه انشالله

اذيتكم بالتفاصيل سامحوني
وطوفوا بدلياتي
وانا ترى قراقه بس حبيتا فيدكم
فسامحوني على الازعاج

 

[batoulizm]

يالله بسم الله


اليوم الأول

يالله خلنا نبلش بالرحلة

تاريخ 24/11/2008
بعد مابوست بنتي حبيبتي وديتها بيت امي وودانا حماي حق المطار
وقلبي كان مييييت خلاااااص من هاللحظه
ابي بنتي :""""""""""""""""""""""""""""""(
وسافرنا بجنطتين فيهم اغراضنا كباره
وجنطتين صغار احتياط وحده حطينها مع الكبار
والثانيه الي فيها العده (ككاو وبطاط ومجلات وغيره ) دخلت معانا الطيارة
طبعا لأسف ماوديت اللابتوب معاي
سويت سيرج قبل لا اسافر وقالوا يوقفونكم بالمطار ويبطلون اللابتوبات ويفتشون وغيره وغيره وتحقيقات
فقلت ليش الاذيه بلاها خلاص انا مضبطه كل شي

بس هناك وايد حتجته خصوصا حق تحويلات البنك والانترت كان غالي داخل الفنادق ونتعييز انروح كوفيات

وهذي السايد باق كانت بيدي وين مااروح
واااااااااااااااايد فادتني بصراحه





المهم

سهلات الحمدلله دخلنا جناطنا ودخلنا الطيارة وكل شي كان طبيعي وسهل
طبعا الرحلة كانت 15 ساعة تقريبا لي مطار جورجيا
حاشني ارهاق مو طبيعي
طبعا الطيارة كانت فاضية
فالي عارف شنو السالفة اول ماطب الطيارة دورلة 3 كراسي فاضية وقعد فيهم
وبجذي من طارت الطيارة كل واحد فرش على الثلاث كراسي ونام
انا وزوجي الفقارة ماندري شالسالفة وقعدنا مكانا
شوي اهو انسدح وانام وانا حاشتني حالت ارق كنت ابجي من التعب
بس قزرتها على الشاشه لاين والافلام والمسلسات
ولا قدرت انام ولا ثانيه



تبون ؟؟؟؟


العشا



الريوق


منظر من داخل الطيارة


بالسلامة وصلنا مطار جورجيا
طبعا وايد كنت خايفه انه يأذونه ويعطلونه
بس الحمدلله بس ريلي سووله Special Registrations
وهذا شي عادي جم سؤال وبصمه وصورة وطلعونا
والتفتيش وكل شي تمام
وبعدها رحنا الطيارة الداخليه لي مطار سان فرانسيسكو
طبعا طيران داخلي فرق بالشكل والحجم وكانت تقريبا فل
بس اشوه 4 ساعات اهون
ووصلنا الحمدلله
وهذا المطار



هذا القطار ياخذج لي مكان تاجير السيارات



طبعا اذا قريتوا الشي الياي
بتقولون هذي جبانه وايد

من ماكنت اصور وايد في ناس قالوا من كثر ماصورا وسألوا بالمجمعات مره مسكهم السيكيوريتي ومنعهم يدشون مره ثانيه !!!!
وطبعا Batoulizm الجبانه قامت تخاف تصور وتسأل
بس يالله عشانكم جم صوره حق مطار سان فرانسيسكو

 

[batoulizm]

وداخل المطار رحنا حجزنا سيارة من Thrifty



لا تحجزون من النت نصيحه
لان هناك يسوونلكم عروض
يعني جيكت على السعمر وقتلهم خلاص اشوف الباجي واقولكم
قالتلي خلاص انا اعطيج ياها بسعر حجم السيارة الاصغر 
فارخص من المطار او من الشركه المهم مو النت عشان يخصمون لكم
وهذي السياره بس صورتها من النت 
Chrysler PT Cruiser GT



وشغلنا الGPS وحطينا عنوان الفندق
ولمن وصلنا الفندق شفنا ان المواقف عندهم غاليه
وعلى طولت حطيت بال GPS
Public Parking
واتجهت حق اقرب واحد خذى منا باليوم
تقريبا 24$
معلومه مهمه جدا عن سان فرانسيسكو اكتشفتها نفس اليوم بليل انه ماله داعي سياره !!!!
مشهوره بااكثر من وسيلة نقل
عشان جذي ثاني يوم لقينا ورا الفندق مكتب للشركة وردينا السيارة وخذوا منه بس مبلغ يوم واحد

وصلنا الفندق
هذي غرفتنا



الموقع عجيب
بنص السوق
ويمج اليونين سكوير
والمكان راقي حتن كل الي بالفندق ملوت شركات الطيران
السنغافوري والالماني وغيره
وعندهم مكان خاص للخدمات السياحية والي فيه وايد زينيين يساعدونج واااايد
وكل شي بالفندق كان تمام والحمدلله
وبعدها نزلنا نشتري شوية اغريضات وطبعا طبعا موبايل عشان اكل بنتي حبيبتي

هذا الكرت الاصفر عجيييب
كثر ماتقدرون اشتروا منه لان ماتحصلونه كل مكان
5 $ بس تتكلمين اكثر من نص ساعه حق الانترناشينال
والثاني طبعا تعبأة حق التلفون

هذا المنظر من غرفتنا



هذي انواع الكولا الي بجمعيتهم


وبس تمشينا بالسوق




والمنطقة الي حولنا شوي وتعبنا وردينا
الى اللقاء مع اليوم الثاني من مغامرات San Francisco

 

[batoulizm]

اليوم الثاني
هاليوم قررنا نرد السيارة
شغلت الGPS ودورت اقرب فرع للشركة وكان ورا الفندق
ورحنا ردينا السيارة وخصموا بس ليوم واحد
وبعدها رحنا المحطه الي قبال الفندق كانا محطة بداية ال cable car
واهو من اشهر وسائل النقل في سان فرانسيسكو

وهذي خريطه توضح شلون تتنقلون بالمدينة

شرينا التذاكر حق يوم واحد وصعدنا



وهذا السايق حاب يصور معاي

طبعا اهو مثل باص مبطل رووعه الجو وتشوفين كل شي

وتشوفين الجزيرة من بعيد


واخر شي وصلنا الlombard street
وهذا شارع متعرج مشهور عندهم
وطبعا احنا نزلناه مشي
بس شوفوا السيارات شلون نازله
وناسه

 

[batoulizm]

تمشينا نتبع الخريطه
بالطريج شفنا
Coit Tower
كان ودي اروح بس مايمدي كنا حاجزين حق رحله حق الكتراز





مشينه لين وصلنا PIER 33



واهني المحطة لل Cruise
يحليله يعني منزل راسه عشان مايبين


وهذي بعض الصور بالطريج لي الجزيرة
الجو والمناظر مو طبيعية





ووصلنا جيزرة الكتراز



طبعا هذا سجن مشهووووور وايد عندهم
ومثلوا في افلام منها THE ROCK
ويقولون بعد مسلسل بريزن بريك
حتن القصه مقتبسه من سجناء كانوا موجودين صج بهالسجن
هذي مجموعه صور للسجن

 

[batoulizm]

بعد شوية صور من سجن الجزيرة

 

[batoulizm]

وبعد مامشينا وافترينا
نزلنا على نفس ال PIER
ومشينا لين PIER 39

وهذي محطه بعد مشهوووووره عندهم
بصراحه صج صج روعه
اول شي دشينا جذي عن خاطرنا الكواريم كان عادي وصغير





ولقينا نيمو ودوري

 

[batoulizm]

وبعد تمشينا داخل
طبعا انا راح اخلي الصور اتعبر



التحميل من هنا








وبعدها على طول اتييه محطه Fishermans Wharf



تمشينا صوبها وافترينا بعدين ردينا اخذنا ال Cable Car
وردانا صوب الفندق

اليوم كان ممتع وغطينا اغلب معالم سان فرانسيسكو
والجو بعد وايد كان حلو ويساعد
والحلو بالموضوع
انه عندج الخريطه
امشي عليها وبسهوله توصلين حق كلشي تبينه
يعني جنها رحلت البحث عن الكنز
بصراحه متعه


بصراحه كان ودي تفصيل اكثر خصوصا عن اسعار الكروز
بس تاخرت على ماكتبت التقرير فنسيت
بس كل شي بالنت
والكيبل كار كان الكشك الي يمه يبيع التذكره
والكروز حجزتلنا وحده بالفندق من ال tourist Office
والحجز كان من هالموقع
http://www.alcatrazcruises.com/website/buy-tickets.aspx

يالله هذا مشوار اليوم الثاني في سان فرانسيسكو
اسفة اذا طولت

 

[rawona]

الحمدلله على سلامتج بولتزم بصراحه فقدناج !!

بس زين مثل ما يقولون من طول الغيبات ياب الغنايم :eh_s(6): وتقريرج يا بوقته للي يبون يروح كاليفورنيا ولاس فيغاس هالسنه انشالله


ومتابعه معاج البقيه .. لا تبطين علينا :ggdw:
​

 

[غلا فهد]

الحمدالله علي سلامتج وسلامت ابنيتج واشوة انج ماخذيتها خيييييييييييييييييييييييييييرة

وعظم اللة اجرج بوفاة جدتج

وووووووووواوووووو تقرير متعوب علية الصراحة يعطيج العافية

 

[batoulizm]

الحمدلله على سلامتج بولتزم بصراحه فقدناج !!

بس زين مثل ما يقولون من طول الغيبات ياب الغنايم :eh_s(6): وتقريرج يا بوقته للي يبون يروح كاليفورنيا ولاس فيغاس هالسنه انشالله


ومتابعه معاج البقيه .. لا تبطين علينا :ggdw:
​

حياتي راوونا
الله يسلمج
والله انتي الي ماقصرتي
لولا مساعدتج ومساعده بنات المنتدى جان انا مفقوده لي الحين بامريكا :dddds:

وانشالله لازم اكمل اليوم على الاقل سان فرانسيسكو لاني بسافر باجر لمده اسبوع وبس ارد انشاللله اكمل الباجي

بس انا وايد زعلانه شدعوه مافي الا ردين !!!! :0bee2e8d89:

 

[batoulizm]

الحمدالله علي سلامتج وسلامت ابنيتج واشوة انج ماخذيتها خيييييييييييييييييييييييييييرة

وعظم اللة اجرج بوفاة جدتج

وووووووووواوووووو تقرير متعوب علية الصراحة يعطيج العافية

حبيبتي الله يسلمج واجرنا واجرج

الله يعافيج وجودج بتقريري يشرفني

 

[سياسية]

الحمدلله على السلامة

وأمريكا تونس صراحة و ما تنعاف

عليج بالعافية يا قلبي..

 

[batoulizm]

الحمدلله على السلامة

وأمريكا تونس صراحة و ما تنعاف

عليج بالعافية يا قلبي..

الله يسلمج

والله يعافيج ياقلبي

مشكوره على المرور

 

[rawona]

لا يضيق خلقج حبوبه التقرير يديد وهم تغير ترتيب المنتدى والقسم يديد عن التقارير المصوره ...

لا تحاتين انشالله الكل بيشوف تقريرج المميز وبيشكرونج عليه لانه صج متعوب عليه

ناطرين البقيه :eh_s(6):​

 

[batoulizm]

لا يضيق خلقج حبوبه التقرير يديد وهم تغير ترتيب المنتدى والقسم يديد عن التقارير المصوره ...

لا تحاتين انشالله الكل بيشوف تقريرج المميز وبيشكرونج عليه لانه صج متعوب عليه

ناطرين البقيه :eh_s(6):​

كل شي لاجل هالمنتدى يهووووون :klhfl:

 

[batoulizm]

السلام عليكم
اليوم الثالث
San Francisco

مشكورين حبايبي على الردود
وعشانكم وعشان ابري ذمتي راح اكمل لكم الموضوع
زميل معاي بالدوام مدح لي هالمكان الي اليوم بنشوفه
وصممه اني لازم اروح ولا راح اكون جني مورايحه سان فرانسيسكو
وجنين على زوجي الا انروح
ومسكين طاوعني ووافق
المنطقة اسمها
Yosemite National Park
وهذا مكانها مبين بقوقل ماب

وهذي صورها بالنت




طبعا حجتلنا موظفت الفندق باص
مرنا عند الفندق ورحنا مع قروب اغلبهم اسيويين وجم واحد امريكي
انا وريلي الوحيدين العرب اتكلنا على الله وحركنا
وهذي صور من الطريج





وهذي تسلايه



شوفو وين صرنا الطريج حده يخوف

 

[rawona]

وناسه الطريج يشوق ..

انا كنت ناويه الغي سان فرانسيسكو من الرحله علشان اكسب وقت اكثر في لوس انجلوس بس شكلي الحين باصر عليها وبقوه :ada:

تابعي متابعه بقوه :ggdw:
​