{ ...الدكتورة رشا الصفي تجيب على استفسارتكم ..} استضافة اسبوعية

[د. رشــا الصفــي]

سلام اشلونج دكتورتنا
انشاالله تمام
حبيت اسألج
انا بنتي عمرها سنتين ونص وتحب تشرب حليب التعاون اليه بالتمويل يعطونه
عادي ولات مو زين ثقيل ولا عادي

ومشكووووره يعطيج العافيه

لالا عادي حبيبتي

ما فيها شي خل تشربه مثل ما تبي

بس مو اكثر من كوبين باليوم علشان ما يسويلها امساك

 

[د. رشــا الصفــي]

السلام عليكم
الله يعطيج العافية دكتورة
بس لو سمحتي بغيت اسأل اذا ممكن


ولدي عمره الحين سنة و4 شهور ما يمشي وطلع له اسنان فقط اثنين من فوق يوم كان عمره 10 شهور
وزنه 6.800كيلو فقط، يوم اولده كان وزنه 2.600كيلو

علما بأنه كان يشرب حليب طبيعي لكن بعد سن 9شهور قطعته صار يشرب حليب اطفال(صناعي)

1.ما يحب يأكل ابدا يشرب فقط زجاجة الحليب بالليل 180 ملم فقط. ماذا افعل معه (جربت كل محاولات الجذب حتى يأكل)؟؟
2.اسنانه ما اكتملت وبدت باللي فوق هل هذا طبيعي اولا؟
3. اشلون اساعده انه يمشي(يوقف قليلا لكن ما يتخطى)؟
4.كل شهر تقريبا ترتفع حرارته هل هذا طبيعي ام لا؟
5. ابغي يزيد وزنه وش الاكلات المفيدة ؟

اهم شي انج تودينه الطبيب يتأكد من الكالسيوم عنده و فيتامين د

الأطفال اللي يرضعون طبيعي معرضين اكثر حق هالشي

عوضيه بالجبن و الروب بالفواكه مال الأطفال

هذا بالنسبة للأسنان و المشي

شيلي المشاية تأخره بالمشي

و الحرارة مرة بالشهر عادي كل اليهال جذيه

و الوزن

الحين المفروض ياكل اكل البيت

بس زيديله الخضار بالأكل و ممكن تحطين له نتفة زبدة مع الأكل

و عندج حليب بيدياشور يزيد الوزن

 

[سحااايب]

مرحبا دكتورة يعطيج العافيه ولدي عمرة سنتين ونص

طوله94

ووزنه15


طبيعي؟؟

للعلم دكتورة اهو ضعيييييييييييف وماياكل وسويتله تحليل دم طلع زين

 

[د. رشــا الصفــي]

مرحبا دكتورة يعطيج العافيه ولدي عمرة سنتين ونص

طوله94

ووزنه15


طبيعي؟؟

للعلم دكتورة اهو ضعيييييييييييف وماياكل وسويتله تحليل دم طلع زين

تبارك الرحمن

وزنه و طوله اكثر من المتوسط بالنسبة لعمره

المتوسط لعمره بالنسبة للطول = 90

و الوزن 13.5

الله يخليه و يحفظه لا تحاتينه كلش

 

[MeLLoN_LoVeR]

شلونج دكتوره بصراحه يعطيج الف عافيه على ردودج ونصايحج الي استفدت منها من خلال قراءتي لأسئلة الخوات
انا عندي جم سؤال اذا تسمحيلي ، بنتي عمرها 5 شهور واهي بجري عقب نطرة سنين
1- عندي مشكله اني من يبتها وايد كانت ترجع واكثر شي من خشمها وتختنق فكنت كله انيمها على جنب عشان لا تختنق والحين يقولولي راس بنتج صاير طويل لازم اتنام على ظهرها عشان يتعدل ولي الحين مرات ترجع من خشمها شنو الحل؟

2- بنتي لي الحين ترضع طبيعي ولله الحمد بس مشكلتي شعري وااايد قام يطيح وزني وايد نزل وكلماله ينزل معني اكل عدل عمري 30 وزني صار 49 من عقب ما كان اواخر الخمسين كلش مو طبيعي شسوي؟؟؟

3- شنو الاكل الي اعطيه حق بنتي بهالعمر على فكره اهي وزنها الحين 6 و200 جرام ويوم ولدتها وزنها 2و600 جرام هل وزنها طبيعي لأن الكل يقولي بنتج نتفه الي كبرها المفروض متروسين وايد محبطيني
وسامحيني عالاطاله

 

[fife4ever]

مرحبا دكتوره
انا بنتي عمرها ثلاث اشهر وعطيها حليب طبيعي وانا اكل حبيب مالت الرضاعة علشان تساعدني فيها فيتامينات
بس ابي اعرف هل لازم اكل حبوب كالسيوم وكم كلاس حليب لازم اشرب
وشلون اعرف انها مستفيده من الحليب هل بالوزن شنو الوزن المثالي لعمر ثلاث اشهر

وهمن ابي اسأل ولدي اربع سنين بس ضعيف وهمن مو طويل مقارنه بولد عمه في فرق كبير على
ان لما ولد ولدي كان طوله 52 وولد عمه 50 بس الحين في فرق كبير في الطول هل السبب الغذاء وانا مشكلة ولدي يحب الخرابيط والمشروبات الغازية

 

[د. رشــا الصفــي]

شلونج دكتوره بصراحه يعطيج الف عافيه على ردودج ونصايحج الي استفدت منها من خلال قراءتي لأسئلة الخوات
انا عندي جم سؤال اذا تسمحيلي ، بنتي عمرها 5 شهور واهي بجري عقب نطرة سنين

الله يخليها و يبلغج فيها عروس

1- عندي مشكله اني من يبتها وايد كانت ترجع واكثر شي من خشمها وتختنق فكنت كله انيمها على جنب عشان لا تختنق والحين يقولولي راس بنتج صاير طويل لازم اتنام على ظهرها عشان يتعدل ولي الحين مرات ترجع من خشمها شنو الحل؟

ممكن تخلينها احيانا تنام على ظهرها بس في كرسي الأطفال يعني تكون مرفوعة شوية مو منسدحة كلش
و اذا خليتيها تنام على جنب و راسها صار طويل
ما رده بيتعدل بروحه لا تحاتين

2- بنتي لي الحين ترضع طبيعي ولله الحمد بس مشكلتي شعري وااايد قام يطيح وزني وايد نزل وكلماله ينزل معني اكل عدل عمري 30 وزني صار 49 من عقب ما كان اواخر الخمسين كلش مو طبيعي شسوي؟؟؟

طبيعي حبيبتي الشعر يطيح بعد الولادة كل الناس جذي
و ماكو طريقة توقفين هالشي
ممكن تخففين منه انج تاخذين فيتامينات للشعر
راح يصير تحسن بسيط
و بالنسبة للوزن الفيتامينات راح تحسن شهيتج وايد و يزيد وزنج

3- شنو الاكل الي اعطيه حق بنتي بهالعمر على فكره اهي وزنها الحين 6 و200 جرام ويوم ولدتها وزنها 2و600 جرام هل وزنها طبيعي لأن الكل يقولي بنتج نتفه الي كبرها المفروض متروسين وايد محبطيني
وسامحيني عالاطاله

اول شي لا تعطينها شي لما تكمل 6 شهور
وزنها طبيعي و الحمدلله
و اللي يقول لج نتفة
قوليله أحسن شتبي بالمتن
المهم انها فعليا مو نتفة ووزنها طبيعي بالنسبة لعمرها ووزن ولادتها

اتمنى اني اكون جاوبت على اسئلتج عزيزتي

 

[د. رشــا الصفــي]

مرحبا دكتوره
انا بنتي عمرها ثلاث اشهر وعطيها حليب طبيعي وانا اكل حبيب مالت الرضاعة علشان تساعدني فيها فيتامينات
بس ابي اعرف هل لازم اكل حبوب كالسيوم وكم كلاس حليب لازم اشرب

لا حبيبتي اذا تشربين 4 اكواب حليب باليوم ما تحتاجين كالسيوم ولا شي

وشلون اعرف انها مستفيده من الحليب هل بالوزن شنو الوزن المثالي لعمر ثلاث اشهر

و تعرفين انه مستفيدة من الحليب بزيادة وزنها
على عمر 3 شهور الوزن وايد يعتمد على وزن الولادة
فالمفروض تكون زايدة بحدود كيلوين عن وزن الولادة
غالبا يكون بين 4 - 6 كيلو حسب وزن الولادة

وهمن ابي اسأل ولدي اربع سنين بس ضعيف وهمن مو طويل مقارنه بولد عمه في فرق كبير على
ان لما ولد ولدي كان طوله 52 وولد عمه 50 بس الحين في فرق كبير في الطول هل السبب الغذاء وانا مشكلة ولدي يحب الخرابيط والمشروبات الغازية

بالنسبة للولد
اهم شي ما تقارنين الأولاد مع بعض
كل واحد بنية جسمه غير عن الثاني
عطيني وزنه و طوله و انا اقول لج طبيعي بالنسبة لعمره ولا لأ
و الغذاء شي اكيد له علاقة بالطول و الوزن
بس قولي لي قياساته أول و نحدد بعدين طبيعي ولا لأ

 

[فروحة الكويتية]

دكتورة شخبارج؟
يعطيج الف عافية والله يجزاج خير

سؤالي بنتي الحين عمرها 7 شهور شنو اضيف لها بأكلها غير القرع والجزر والبطاط

 

[++The DuchesS++]

مشكووووره دكتوره على جهودج يعطيج الف عافيه
بغيت بس اعرف الوزن المناسب للخدج
عيالي انولدو بالاسبوع ال 31
صلوح كان وزنه كيلو و800
نونو كام وزنها كيلو و400
الحين عمرهم 7شهور
الدكتور يقولي عمرهم التقريبي 5 شهور يعني انقص شهرين


ويعطيج الف عافيه

 

[فروحة الكويتية]

نسيت دكتورة اسألج يصير اعطيها عدس والا يريش وهريس علما انها 7 شهور

 

[حدي كيووت]

مشكووووووره ويعطيج الف الف الف عافيه على نصايحج ومجهودج الرائع

بس عندي سؤال ثاني اذا ممكن

بنتي عمرها 2ونص وماشاالله عليها وااااااااااااا يد واااااااااايد عنيده ومت تسمك كلامي
وما ادري اشلون اتعامل معاهه اهيا وحيتي

 

[د. رشــا الصفــي]

دكتورة شخبارج؟
يعطيج الف عافية والله يجزاج خير

سؤالي بنتي الحين عمرها 7 شهور شنو اضيف لها بأكلها غير القرع والجزر والبطاط

اول ما تكمل 8 شور تقدرين تحطين ماي سلق الدجاج او اللحم و تخلطينه مع الخضار

و عقب تحطين لها قطعة صغيرة من اللحم او الدجاج مسلوقة و بدون دهن بأكلها

 

[LA TROO7]

دكتورة الله يعطيج العافية

ولدي عمرة سنه واسبوعين دايم يضرب راسه بالسرير قالي الدكتور ان فيه اذنه ماي وعنده لحميه واخذت ادويه تنشف الماء وموعدنا بعد اسبوع

دكتورة احاتيه حيل وخاااايفه تأثر على سمعه شتنصحيني ؟؟ وهل الماي خلف الاذن خطير ؟

 

[MeLLoN_LoVeR]

اتمنى اني اكون جاوبت على اسئلتج عزيزتي

بعد قلبي ما قصرتي الله يجعله في ميزان حسناتج ويوصلج اعلى المراتب قولي آآآآمين

طبيعي حبيبتي الشعر يطيح بعد الولادة كل الناس جذي
و ماكو طريقة توقفين هالشي
ممكن تخففين منه انج تاخذين فيتامينات للشعر
راح يصير تحسن بسيط
و بالنسبة للوزن الفيتامينات راح تحسن شهيتج وايد و يزيد وزنج

حبيبتي ممكن اتفيديني بأسامي الفيتامينات للشعر وزيادة الوزن اذا ما عليج امر
:33_1185028183:

 

[د. رشــا الصفــي]

مشكووووره دكتوره على جهودج يعطيج الف عافيه
بغيت بس اعرف الوزن المناسب للخدج
عيالي انولدو بالاسبوع ال 31
صلوح كان وزنه كيلو و800
نونو كام وزنها كيلو و400
الحين عمرهم 7شهور
الدكتور يقولي عمرهم التقريبي 5 شهور يعني انقص شهرين


ويعطيج الف عافيه

يكون وزنهم بين 5.5 - 8 كيلو

 

[د. رشــا الصفــي]

نسيت دكتورة اسألج يصير اعطيها عدس والا يريش وهريس علما انها 7 شهور

خل تكمل 8 شهور و عطيها عدس و هريس بس

اليريش ثقيل عليها

 

[د. رشــا الصفــي]

مشكووووووره ويعطيج الف الف الف عافيه على نصايحج ومجهودج الرائع

بس عندي سؤال ثاني اذا ممكن

بنتي عمرها 2ونص وماشاالله عليها وااااااااااااا يد واااااااااايد عنيده ومت تسمك كلامي
وما ادري اشلون اتعامل معاهه اهيا وحيتي

طبيعي العناد بهالعمر

اهم شي انج ما تحطيني راسج براسها و تعاندينها

اخذيها بالهداوة و سايريها و خليها تسوي اللي تبينه بدون ما تتعسر

و لما تكبر شويوي علميها انها تسمع الكلام و ما تعاند

و في بالمنتدى اكثر من موضوع عن عناد الأطفال راجعيهم و ان شاء الله يفيدونج

 

[د. رشــا الصفــي]

دكتورة الله يعطيج العافية

ولدي عمرة سنه واسبوعين دايم يضرب راسه بالسرير قالي الدكتور ان فيه اذنه ماي وعنده لحميه واخذت ادويه تنشف الماء وموعدنا بعد اسبوع

دكتورة احاتيه حيل وخاااايفه تأثر على سمعه شتنصحيني ؟؟ وهل الماي خلف الاذن خطير ؟

اللحمية و الماي ورا الطبلة ما يأثر على الطفل الا اذا ما تعالج

ممكن يأثر على السمع و النطق لو ما تعالج

بس اذا تم علاجه ما يأثر أبدا

 

[د. رشــا الصفــي]

بعد قلبي ما قصرتي الله يجعله في ميزان حسناتج ويوصلج اعلى المراتب قولي آآآآمين

طبيعي حبيبتي الشعر يطيح بعد الولادة كل الناس جذي
و ماكو طريقة توقفين هالشي
ممكن تخففين منه انج تاخذين فيتامينات للشعر
راح يصير تحسن بسيط
و بالنسبة للوزن الفيتامينات راح تحسن شهيتج وايد و يزيد وزنج

حبيبتي ممكن اتفيديني بأسامي الفيتامينات للشعر وزيادة الوزن اذا ما عليج امر
:33_1185028183:

والله معرفتي محدودة بفيتامينات الكبار

اللي اعرفه اسمه بيرفكتيل

حلو للشعر و البشرة و الصحة العامة

و يفتح الشهية اذا خذيتي الحبة بالنهار

بعد الريوق

و الأفضل انج تسألين الصيدلاني او طبيبة كبار أحسن