تجمع امهات 2008 حياكم

[إستبرق]

صباحووو

شلونكم شخباركم

سلامتهم عيال التجمع صلوح وزيونه والبطل ان شاء الله يتعافون كلهم وما يشوفون شر

شقورة ودردر سلامت لاب توباتكم

تمتم سلاماااات اللع يعينك دوام ومرض

آنا اليوم ما داومت طمطم تعبت وايد بالليل وما نامت وطول الليل واهي بس تبجي وتخربط مع انه مافيها حراره الحمد لله
قريت عليها وماكو فايده وديتها الصبح الطبيب مافيها شي الحمدلله بس قعدت خفت تتعب مره ثانيه

وكاهي قاعد بحضني تبوق ألعاب وجيه وتبجي وتقعد مثل البريئه

وي اسم الله عليهم شفيهم هاليهال متناوبين المرض
واخاف بدايه مرض انا استبرق اول مابدت مرضتها جذي اسم الله عليهم
والعياره تبوق وبريئه :dddds:
لا انا تو ضحكتني استبرق شالت جنطه الابتوب وتطلع من الدار وتقولي باي ورايحه صوب باب الشقه وتقول للخدامه باي :dddds:

 

[داريني]

استبرق
يا حلو حركات بروقه والله انج شوقيتنا نشوفها
خل نشوفج ونشوفها يالنحيسه


ام وجيه
فطومه متعسره تبي شعرها الي طار بالهوا شاشي ههههههه
حبيبتي ما تشوفين شر القرعوونه
وزين سويتي قعدتي بالبيت معاها اريح لج ولها



بنات محتاره وين اشتري حق عيالي
مره اقول بروح الافنيوز فيه كل شي

شرايكم بنكست منزل اشيا تطير العقل
وقاب حق علاوي باشا
ولا زارا حق رقيقات الي عندي

 

[أم وجيه]

هههههههههههه بروقة اي يما منهم البنات أهم شي عندهم الباي

آنا فطومة تيبلي الحجي من أبوها كله تبي تطلع توقف عند الباب وتشيل تكرمون الجوتي وتقول باي باي

يقول أبوها على منو بتطلعين تحبين الفراره مثل أمج ... مع اني بريئه والله بس ما يصدق يلاقي شي يستفزني في

 

[داريني]

بنات مساعه رحت مريت علاوي ولدي علشان عنده تطعيم طايف من اول شهر
ولما وصلت بالزور
وعطيت شهاده الميلاد حق السستر
ولا تبحلق بعيونها
وتقولي اي ده
الولد اسمه دانه
وانا اقولها لا علي اشفيج
جان تضحك وتقولي دي شهاده دانه مش علي

وااااااااااااااااي بغيت اشق هدومي
طقيت كل هالطريج واخر شي ماخذه شهاده ميلاد غللللللط

واخذت علاوي ورحت روضه الضياء يم بيت اهلي وسجلته
واخر شي تقولي لازم ابوه ايي يكمل بيانات
بالله انا مو تارسه عينيج
وليش ملطعتني طول هالمده

حدي فوووورت

وقطيت علي عند امي مسكينه ولا عندها النسره بنت اخوي الصغيره

خخخخخخ ودها امي تكفخني
بس قلت لها تكفه يمه برجع الدوام ومالي خلق اقطه صباح السالم
وابي بعد منج غدا===طل طل طل بيعني رجيم موووووو

 

[أم وجيه]

لوووووووووووول دردرذكرتيني بنفسي مره سويتها على تطعيم طمطم طقيت درب وآخر شي ماخذه شهادة ميلاد جوجو

على الملابس والصيف الصيف طويل دردر يعني شهر بلاقين موديلات يديده يعني لا تكثرين من أولها عقب تتحسفين بس شي يمشي الحال
لأنه ألوان الصيف تهبل وتلاقين كل شهر موديلات أحلى من اللي قبل أهم شي للبيت والطلعات العادية
بش الكشخة لا تكثرين
أمس زوجي قالي نروح نشتري للعيال للعيد لأني أكون والدة بالعيد توني ويمكن ما أقدر قلتله انطر شوي لما تهل ألوان الصيف اللي تزغلل
وي هالعيد بزيد واحد يا ربي الحمد لله توني أتذكر لازم آخذ للبيبي بعد يا حياتي

دردر لا وبعد تبين غدا الله يعين أمهاتنا علينا

 

[الاستاذة]

الله يسلمكم ماتقصرون

توني ودتها عند دكتور مدثر حافظ بانترناشونال كلينك قالي اذونه ملتهمبه وبلاعيمها ونشله واحتقان حبيبتيكلشي صار بوقت واحد واهوى يفحصها ساكته بس عيونها ادمع تكسر الخاطر بغى يبجي الدكتور من شكلها وعطاني ادويه وطبعا الحكومه الحلوين تشخيص ماكو انزين شوفو اذونها حللو معاشاتكم شوي واي قاهريني

 

[الاستاذة]

لوول داريني ما استفدتي كلش من زرقتج هذي يالله خيرها بغيرهاوبالعافيه الغدى والله يخليلكم امكم يارب من غيرهم مانسوى شي

 

[إستبرق]

بنات يالله شرايكم يوم اليمعه مو هالاسبوع الاسبوع الي وراه تسافرون
بس بالديره

لغز مو خخخخخخخخخخخخخخخ


شرايكم تييون بيت اختي هي عندي بسعد العبدالله نطرت نطرت راعي البيت يشيل الغبره الي عند بابه للحين ماشالها والصراحه ودي اشوفكم عاد قلت لاختي قالت عادي خل ييون عندي خو بيتج عند بيتي خل نتيمع ونشوف بعض ادري طريج بس اعتبروا نفسكم يايين شاليهات سليل وتيمعوا كلكم وتعالوا مع بعض سلوا بعض بالطريج والبيت مايضيع
ومني لي الاسبوع الياي ضبطوا بعولتكم وكلكوا عليهم بس بشوفكم عاد

 

[إستبرق]

داريني يالله فيها تعالي الاسبوع الياي وخل نشوف بعض




ام وجيه يختي عليهم البنات الله يحرسهم






الاستاذه ماتشوف شر يفلبي عليها مثل مرضه بروقه الي من فتره بس استبرق زياده كل 6 ساعات كمام الله يشافيها لج يارب

 

[mrs_sugar]

مساء الخيييييييييييير
انا عيل حدي مريضة بلاعيم و نشلة و شكلي عاديت الملوح شوي و اليوم من الصبح فرارة رحت الصالحية شريتلي جنطة صارلي دهر أزن عليها و بعديها تغدينا بألتيسمو و عقب سلطان و ردينا البيت بالأخير قعدت أدرس و الحيييييييييييين اشتغل علي التعب و كملتها السخووووووووووووونة عاد كلش مو وقته دوامي باجر من صباحية ربي للعصر و عندي ميدتيرم بعد
الله كريم

ما تشوفين شر توما انتي و ملوح

و قود لك بالميدتيرم

 

[mrs_sugar]

هاااي ياحلوين يا امورين


انا من امس واليوم حدي مزحومه
امس طلعنا من العصاري انا وخواتي وامي خلينا يمعتنا فالبحر وردينا على الساعه 12 ونص بليل بس صج استانسنا والجو حلو واليوم من العصاري يولي خواتي وامي وتيمعوا عندي قبل شوي راحوا
وطبعا بروقه حدها مستانسه الله يديمها يارب امس بس تلعب بالالعاب ومع اليهال واليوم مع البيبيات تفتر وتلعب

عليكم بالعافية

ان شاء الله دوم هالوناسة

 

[mrs_sugar]

شقوره حمدالله على سلامة اللاب توب

الله يسلمج حبيبتي

 

[mrs_sugar]

الله كريم استبرق
انا قلت لكم عن الماي اللي تجمع مثل الورمه براسه كل يوم يسحبونه بابر

واسبوع اذا ماخف راح يضطرون يسووون عمليه ثانيه <<يارب لا

ان شاء الله ما يحتاج لا عملية و لا شي

و يخف و يروح الماي بروحه

 

[mrs_sugar]

صباح الخيييير يا حلوين
شلوونكم وشلون عيالكم مع الحوسه
انا من راحت خدامتي وانا مو قادره اقعد على حيلي مع عيالي
اسمالله عليهم ثلاثتهم سنهم خراب وشطانه
والله حسيت يقيمه خدامتي الزفته===مكسورة وتبرد

علشان جذي ما اقدر اشبك بالبيت بناتي كسروو الكيبورد شلعوو جم حرف
والله يفشل لاب توب حده تسكرب

ما يشوف شر اللابتوب

العيال بيشلعون ضروسه كلهم الظاهر

 

[mrs_sugar]

السلالام عليكم
شخباركم

عليكم السلام

انتي شخبارج

 

[mrs_sugar]

واي بنات زيونه تعبانهضايق خلقي عليها بس ابجي

ودينها مستشفى مبارك يوم اليمعه وقال فيها التهاب ابلاعيمها ونازل صدرها بغلم تكرمون عطوها كمام وادويه برفين وادول وقطره وزيرتك طبعا مافاد معاها بس نزلت الحراره امس واهيا نايمه كل شوي تبطل عينها واطالعيي بنظره تعور القلب واي شبيدي ياربي شافيها عاد توني حجز عند مدثر حافظ بانترناشونال بوديها بنتا ادعو لها حبيبتي اول مره يصير فيها جذي

ما تشوف شر حبيبتي

الحين وقت مرض مع تغيير الجو

لا تحاتين كلها يومين ولا ثلاث و تتحسن

بس الياهل لما يصخن ينهد حيله و يصير وايد تعبان

انتي اهم شي اهتمى بالسوائل عطيها اعشاب دافية و حليها بالعسل

و الحمدلله شي زين ان نزلت حرارتها

 

[mrs_sugar]

بنات محتاره وين اشتري حق عيالي
مره اقول بروح الافنيوز فيه كل شي

شرايكم بنكست منزل اشيا تطير العقل
وقاب حق علاوي باشا
ولا زارا حق رقيقات الي عندي

الأفينيوز حبيبي اصلا

اموت عليه

روحي و تشري حق البنات عليهم بالعاية

بس عاد لازم تراوينا شنو شريتي

 

[mrs_sugar]

بنات مساعه رحت مريت علاوي ولدي علشان عنده تطعيم طايف من اول شهر
ولما وصلت بالزور
وعطيت شهاده الميلاد حق السستر
ولا تبحلق بعيونها
وتقولي اي ده
الولد اسمه دانه
وانا اقولها لا علي اشفيج
جان تضحك وتقولي دي شهاده دانه مش علي

وااااااااااااااااي بغيت اشق هدومي
طقيت كل هالطريج واخر شي ماخذه شهاده ميلاد غللللللط

واخذت علاوي ورحت روضه الضياء يم بيت اهلي وسجلته
واخر شي تقولي لازم ابوه ايي يكمل بيانات
بالله انا مو تارسه عينيج
وليش ملطعتني طول هالمده

حدي فوووورت

وقطيت علي عند امي مسكينه ولا عندها النسره بنت اخوي الصغيره

خخخخخخ ودها امي تكفخني
بس قلت لها تكفه يمه برجع الدوام ومالي خلق اقطه صباح السالم
وابي بعد منج غدا===طل طل طل بيعني رجيم موووووو

اليوم مو يومج

ههههههههههه

الله يعينج

انا خلصت تسجيل شيوخة بالروضة

او بالأحرى ابوها اللي سوى كل شي مو انا

لأن نظامهم لازم الأبو يسوى كل الأوراق و الأم بوووووووووووووووووووش




الله يخلي لج امج و لا يحرمج منها ولا من غداها

 

[mrs_sugar]

بنات يالله شرايكم يوم اليمعه مو هالاسبوع الاسبوع الي وراه تسافرون
بس بالديره

لغز مو خخخخخخخخخخخخخخخ


شرايكم تييون بيت اختي هي عندي بسعد العبدالله نطرت نطرت راعي البيت يشيل الغبره الي عند بابه للحين ماشالها والصراحه ودي اشوفكم عاد قلت لاختي قالت عادي خل ييون عندي خو بيتج عند بيتي خل نتيمع ونشوف بعض ادري طريج بس اعتبروا نفسكم يايين شاليهات سليل وتيمعوا كلكم وتعالوا مع بعض سلوا بعض بالطريج والبيت مايضيع
ومني لي الاسبوع الياي ضبطوا بعولتكم وكلكوا عليهم بس بشوفكم عاد

انا ما عندي مانع

نعدها رحلة ولا كشته

بس عفية اذا الموضوع اوكي

عطينا التاريخ بالضبط علشان دوامي تدرين صبح و عصر

و لا يكون 9 و 10 و 11 ابريل

راح اكون بالخيران

 

[كويتيه وافتخر]

صباااااااااااااااااااااااح الخير

اليوم جايبين حق ولدي كرسي مثل الديرفه حدي استانست عليه
من الوناسه ودي اقعده من نومته واديرفه