وين احفط مجلاتي الوايد ؟؟

[ام بنتها]

السلام عليكم

شلووونكم بناات :68_asmilies-com:

بسألكم شلون تحتفظون بمجلاتكم
بعضكم بيقول نقطهم نفس امي
بس انا من النوع الي احب احتفظ بالمجلات بين وقت ووقت ارد اتصفحهم مرا ثانيه مو كلهم طبعا بس فيني هالطبع الخايس :0bee2e8d89:

معني كل جم شهر اسوي تصفيه اقط القدم كلش و لا السخيفين و انا نوعي اشتري وايد مجلات يعني كل اسبوع لازم اشتري مجلتين 3 و مشتركه بسمره و ابواب كل شهر اشتريها و هابه الحين بالمجلات الانجلش
فيدوني وين احطهم ؟؟

 

[ام بنتها]

شدعووه بنااات ويينكم

 

[SpiceGirl]

حبيبتي يبيعون أرفف و خزانات تقدرين تحطين فيهم مجلاتج

و إذا كلِّش كلّش .. حطيهم بكراتين بطاط كتكو و قطيهم فوق السطح _shh_:​

 

[شقردية ذهبية]

آنا من رأي أختي سبايس قريل حطيهم في كرتون يبيعون في إيكيا حق مجلات أو أغراض..
أو مثل تبروير وحق ألعاب ملوت يهال حطي مجلاتج فيهم و حطيهم داخل كبت ماتستخدمينه وايد أو حطي في كبت ..
آنا مثلج أقرا مجلات واللي يعجبني أخذه وأحطه في ملف أو صندوق وأكثر شي مجمعه مال أكلات و فنون (الرسم وطرقه و هوايته)

سوري طولت عليج وهذول أحسن طرق ..

 

[AFRoDiT]

إي والله انا بعد أبي طريقه مرتبه حق تخزين المجلات

انا عند كل أعداد مجلة الأسطوره
بصراحه مااقدر استغني عن ولا عدد ..

في سلال مربعات بحجم كراتين الكتكو على قولة سباي قيرل
تقدرين تحطينهم فوق الكبت وتعبينهم مجلات ..

انا شفتهم في دريم مول و وصيت أمي اتييبلي جم وحده
أو أفكر اخذ رفين من مكتب الوالد حق مجلاتي ..


اممم .. هم دام عندج بنوته عندي فكره حلوه
صناديق الألعاب الكبار اشتريلج واحد حطيه في غرفة بنوتتج و حطي فيه مجلاتج ..


واذا لقيتي أفكار يديده هم فيديني


وبالتوفيق

 

[*دانة الخليج*]

الاخوات ماقصروا بس انتبهي من الرطوبه
يعني لاتحطينهم بالمخزن لان الرطوبه تسبب بلاوي للمجلات

 

[أساور]

لازم تتهوى المجلات بوقت التخزين علشان لاتيها الارضة

 

[brownness]

انا ناوية اقص الصفحات الي ابيها واستفيد منها واحطها بفايل واقط الي مابي

 

[برونزية رشيقة]

انا ناوية اقص الصفحات الي ابيها واستفيد منها واحطها بفايل واقط الي مابي

نفس راي الأخت .. ناوية أسوي تصفية عليهم وآخذ الصفحات أللي أبيها وأفيلهم .....

الترجمة أفيل = أحطهم في ملف :ceaf32e183:

 

[سوشيه الفوشيه]

بالنسبه لي الصراحه اقصن منها اللي ابيه يعني كم صفحه والباقي اتبرع فيها لعيادات واخذهم لدوام غيري يستفيد منهم

 

[ام بنتها]

فكرت بسالفة القص و ما قصيت الا من مجله وحده احس هالحركه يبيلها فضاوه معنها خووش فكره

مشكوووورين بنااات و جاري التفكير في حل
الي عندها بعد افكار لا تبخل علينا

 

[بـشـوره]

حطي الكميه الكبيره بسطح او المخزن اي مكان .......وشتريلج رف او سله تكون تحت السرير تشيل 30 او 40 مجله وكل ما مليتني من الي عندج روحي المخزن وبدليهم

 

[فراشة الليل]

في افكار كثيره ممكن تسوينها و انا بساعدج بهالصور

و الصوره الاخيره حق السيديهات - - - بس في عند ايكيا نفسها بس حق المجلات و تتعلق بالطوفه

وس

و اتمنى اني اكون افدتج

​

 

[ورده بنفسجيه]

انا مثلج اتحسف اقط المجلات عاااااااااااااااااااد اشكثر عندي

عاد اقولج شنو سويت

المجلات اللي ما اقدر اقص منهم احفظهم بكراتين اكيا عشان يكون شكلهم حلو بالغرفه واللي فيهم صور ابيهم اقصصهم والزقهم بدفتر

والمقالات اللي ابيهم احطهم بفايلات واشوي اشوي لما خلصت من المهمه الصعبه

 

[Bnt.Azmer]

بنات فوق السطح احس وصخ لو كان بغرفة انا بعد اعاني والله الحين قاطة فوق ال500 مجلة عاد اطالعهم اقول كل وحدة اكثر من دينار لو ماخذة فلوسهم وشاريتلي جنطة ماركة خخخخخخ بس جد قطيت وايد والحين صفيت على اهم المجلات طبعا فوق 300 مجلة بس حاطتهم بكبت والي قاصتهم بس من سجلت بالمنتدى للامانة قمت ما اشتري وقتي كله لكم حبايبي هههههههههه

 

[مروقه على الكوفي]

والله افكاركم حلوة تسلمون اخواتي
انارميت كثيرمن المجلات ولسه باقي بعضهااعجبتني المشكلة ان مجلات المكياج حاطتهم لحال في دولاب ثاني
شكلي باتفرغ وارمي المجلات والمهم احط الاوراق في كبت والله مسويةزحمة هالمجلات

 

[قهوة برية]

أثره في ناس مثل حالتي ..!!

بس لأمانه خفت حالة شراء المجلات من دخلت هـ المنتدى

صار ماخذ اغلب وقتي

انا بعد اعاني والله الحين قاطة فوق ال500 مجلة عاد اطالعهم اقول كل وحدة اكثر من دينار لو ماخذة فلوسهم وشاريتلي جنطة ماركة خخخخخخ بس جد قطيت وايد والحين صفيت على اهم المجلات طبعا فوق 300 مجلة بس حاطتهم بكبت والي قاصتهم بس من سجلت بالمنتدى للامانة قمت ما اشتري وقتي كله لكم حبايبي هههههههههه

جنج أتكلمين عن حالتي بالضبط ..!!!

 

[خليج***]

عندي لكم كذا حل:

في شركة شباب كويتين ياخذون الجرايد والمجلات المكودة عندكم ويستفيدون من اوراقها,,
رقمهم\94444927
ان شاء لله الرقم صح

وعلى مااعتقد انه بدون مقابل
بس دقوا وحطوا مجلاتكم عند الباب اهمن بياخذونهم..


\\\\\\\\\\\\\\\\\\\\\\\
انا بعد عندي مجلات حيل قديمة وفيها معلومات حلوة حرام تنقط بالزبالة..
انا شسويت يبت مقص وقعدت اقصص الاشياء المهمة يمكن قعدت يومين او 3 ايام اقصص ..
واللي اقصصهم ادبسهم بدفتر فاضي انا اللحين صار عندي دفترين وفيها صفحات من المجلات والمعلومات المفيدة..

والدفترين صارلهم تقريبا سنتين محتفظة فيهم وشكلهم حلو ومرتب..
حرام لا تحطينهم بالسطح من الشمس والرطوبة الاوراق بتتعفس..

انتي كل اللي تحتاجينه\
دفتر غلافه حلو.
مقص.
دباسة.

ترا لما تقصصين وتنقين الصفحات بتحسين بمتعة.



وممكن بعد تعطينهم حق الصالونات..


وادعولي بالتوفيق,,

 

[TWEETY]

يابنات ياحلوات حق شنو المجلات...وخسارة الفلوس يعني اللي عندها 500 مجلة وكل مجلة بدينار اونص او 750 جم تصرف بالشهر !!!!! صج وناسة تتصفحين وفيها متعة بس النت موجود بالأخير منتي محصلة منها شي وتتكود عندكم..........تبرعي فيها ولاتكودين فلبيت تاخذ مكان زايد و الموضوع اللي تبينه طلعيه من النت......