واااااااااااااالــــد المـــعـــاااااق ؟؟؟؟؟؟

[Miss-LuLu]

السلام عليكم


شلووونككم شخباركم بنات


حبيت احط هالموضوووع عشان نستفيد من بعض


شنو شعور والد الطفل لما استقبل الخبر بان الطفل معاق؟؟


وشلون تعامل ويا الخبر؟؟



وشلون تعامله مع الطفل الحين؟؟


هل يميزه عن باقي عياله ؟؟؟


هل يدور عى راحته ؟؟


هل يبحث عن اخر تطورات الطب نسبه لحالته ؟؟



؟؟؟

اتمنى تشاركون وياي وتضيفووون على هالاسئلة ..



...


..

 

[الصابرة المحتسبة]

خوش موضوع

 

[HearT ChocolaTe]

طبعا ردة فعل والد الطفل دائما تكون ردة فعله أقل من الأم
الإهتمام موجود ولله الحمد بالنسبه للخبر احنا عرفنا بروحنا فردة الفعل ما كانت
مفاجأة بالنسبه له لأني نقلت الموضوع بالتدريج
وبالنسبه للدلع ... أعتقد ما راح يقصر عليه شي ولازم بدلل

مشكورة حبوبه على الموضوع

 

[مشاعل الشمري]

خوش موضوع اولا
كانت ردة فعله ان هذا شي الله كاتبه وكان دايما يقولي ان تحسن يوسف او عدمه هذا شي غيبه وعلمه عندالله،ومع تطور يوسف كان دايما يقول اني مدلعته وانه يفهم بس كان ما يحسس اخه اللي اكبر منه انه مهتم بيوسف لانه يغار من يوسف بشكل مو طبيعي مع اني مومقصره عنهم لا باهتمام ولا بدلع
يشجعني على اي خطوه اتخطاها ليوسف من خلال دكتور او نت اومدرسه ويرفض ان يوسف ينحط مع دون مستواةياربي والله يوسف اهو يحسسني انه غير

 

[مرمر]

بالنسبة لي انا دريت من الدكتور والصدمة خلتني ساكته ولا حس
وعقب ما بلغني الا بدخلت ابو مرمر الصراحة كان احسن مني قال هذا امر الله ولا اعتراض عليه وبدينا مشوار الدكاتره

 

[@شمس الضحى@]

الاب اكيد غير عن الام صحيح يحب اسوم ويطل عليها بس مو مثلي..

 

[..مفاهيم الغرور..]

اللله يشفيلكم عيالكم




و الطب كل ماله و يتحسن و يتغيير

و يتطور



و تذكروا قول الرسووول لكل داااء دواء

 

[Miss-LuLu]

خوش موضوع

تسلمين حبيبتي:68_asmilies-com:

 

[Miss-LuLu]

طبعا ردة فعل والد الطفل دائما تكون ردة فعله أقل من الأم
الإهتمام موجود ولله الحمد بالنسبه للخبر احنا عرفنا بروحنا فردة الفعل ما كانت
مفاجأة بالنسبه له لأني نقلت الموضوع بالتدريج
وبالنسبه للدلع ... أعتقد ما راح يقصر عليه شي ولازم بدلل

مشكورة حبوبه على الموضوع

الله يخليه لكم انشالله


تسلمين حبيبتي وثنكيو عالمرور:68_asmilies-com:

 

[Miss-LuLu]

خوش موضوع اولا
كانت ردة فعله ان هذا شي الله كاتبه وكان دايما يقولي ان تحسن يوسف او عدمه هذا شي غيبه وعلمه عندالله،ومع تطور يوسف كان دايما يقول اني مدلعته وانه يفهم بس كان ما يحسس اخه اللي اكبر منه انه مهتم بيوسف لانه يغار من يوسف بشكل مو طبيعي مع اني مومقصره عنهم لا باهتمام ولا بدلع
يشجعني على اي خطوه اتخطاها ليوسف من خلال دكتور او نت اومدرسه ويرفض ان يوسف ينحط مع دون مستواةياربي والله يوسف اهو يحسسني انه غير

الحمدلله ان زوجج يساندج

والله يخلي لكم يسوفي انشالله


يسلمووو عالمرور

 

[Miss-LuLu]

بالنسبة لي انا دريت من الدكتور والصدمة خلتني ساكته ولا حس
وعقب ما بلغني الا بدخلت ابو مرمر الصراحة كان احسن مني قال هذا امر الله ولا اعتراض عليه وبدينا مشوار الدكاتره

الحمدلله على كل حال

والله يخليلج مرمر الحلوه سلم قلبها


يسلمووو عالمرور:68_asmilies-com:

 

[Miss-LuLu]

الاب اكيد غير عن الام صحيح يحب اسوم ويطل عليها بس مو مثلي..

اكيد حبيبتي بس ماشالله في آباء مايقل اهتمامهم عن اهتمام الام

تسلمين عالمرور قلبي :68_asmilies-com:

 

[Miss-LuLu]

اللله يشفيلكم عيالكم




و الطب كل ماله و يتحسن و يتغيير

و يتطور



و تذكروا قول الرسووول لكل داااء دواء

تسلمين عالدعوه حبيبتي والله يشافي مرضا المسلمين


يسلمو عالمرور

 

[نونا العتيبى]

أختي لولو, آنا في البدايه أنصدمت بس تقبلت الواقع وحمدت ربي أنها أحسن من غيرها ,,,

وطبعا الحب شي مو طبيعي أسم الله عليها مآخذه قلبنا كلنا ,,وطبعا ودي أسوي اللي أقدر عليه عشان تصير أحسن

 

[ظلال القرآن]

انا ريلي تفاجا مثلي لان ما كنا ندري قبل الولاده
درينا بعد الولاده مباشره اهو تفاجأ بس كان خايف علي يسوي روحه عادي ويقولي ماكو شي لا تبجين
وابوي اشوى يانا على طول وشد من ازره واخذ ولدي ولمه وأذن باذنه وقال هذا امر الله وريلي ويهه اصصصصصفر ويبين نفسه عادي بس اهو بعدين اعترفلي انه لما رد البيت وقعد بالدار بروحه تأثر وبجى وحتن عمي وخالتي قعدو عنده يهدونه وكملوها وبجو معاه وصارت مناحه >>>ولادتي افلام :0bee2e8d89:
ماالومه مسكين بجر وماكان متوقع واول حاله بالعايله
وطبعا كان مهتم فيه من اول يوم ويتابع مع الدكاتره ولازال الحمد لله عسى الله يخليه لنا

 

[الصابرة المحتسبة]

رفع

 

[مشاعل الشمري]

رفع

 

[ام ناييف]

انا لما ولدت ما عطوني بنتي خلوها بجناح الولاده
من الظهر الا الليل وكل ما اقول وين بنتي يقولون تعبانه شوي وراح نسوي لها فحوصات
اتصلت بزوجي يروح يشوف الموضوع ودكتورتي اتصلت وقالت انها بتمرني
بعد مده اتصلت بزوجي قلت البنت اشفيها قالي ما فيها شي مشتبهين فيها انها منغوليه
والا على دخلت دكتورتي وضمتني وقعدنا نبجي وقالت انها تدري بوضع بنتي بس ما حبت تقول لي الا بعد الولاده لان هذا قضاء الله وقدره
انا ليومكم بالعتها بس حامده ربي وشاكرتها على كل نعمه
قل لن يصيبنا الا ما كتب الله لنا
والله لا يبتلي الا عباده الصالحين
زوجي قعد اسبوع وجهه منصفق
ويرفع معنوياتي ويقول شافوا وجهها مدور مثلك قالوا منغوليه
بنتج طبيعيه بس اطباء ما يفهمون يحبون يخرعون الناس
اهله واهلي مازالوا يؤكدون انها طبيعية وانها احلى بنت في العالم
الله يخليهم لي ويخلي بنتي لنا
دخلت على النت لمعرفة حالتها وكيف التعامل معها ومتابعه مع الاطباء
والله خلقها والله يعتني بها

 

[توت وتين]

كانت صدمة كبيرة لنا وشي طبيعي لأنه البكر وكنا أصغار بالعمر

والولد كان صغير عمره ثلاث شهور لكن الحمدلله عدت على خير

ومدللهم ويحبهم لدرجة أن الناس يستغربون كل هالأهتمام مستكثرين عليهم

غريزة الله أودعها في عبادة عسى ربي مايحرمنا منه ويحفظه من كل شر

 

[ام^صالح]

اللهم امنحنا نعمة الرضا...

اولا شعوري كاام ماراح اقول صدمه كثر ماكان حزن ..اما بالنسبة للاب فكان غير مصدق ولا يريد ان يصدق
((ولدي مافيه شي انتي جننتي الولد))

وبفضل من رب العباد سخره لي حس ان الامر غير ..لا لازم نشوف الولد

والحمدلله كان معي خطوه بخطوه ارى التشجيع والكلام الطيب والاهتمام

بالنسبة لمعاملتنا لابني ماراح اخبي عليكم قد ماانقدر نحاول مانفرق بينهم ولكن شي طبيعي ان هو الاولى بالاهتمام

والمحبه ...اصلا انا مسميه ولدي الساحر لان عليه ابتسامه تبارك الله تسحر الواحد ((فدييييييييته))

انا لو بتكلم عنه بيوقفون عضويتي

وشكرا على هالموضوع الحلوو