== هل ستشاركين في الانتخابات القادمة ؟ أم لا ؟ و لماذا ؟ ==

[**توفا**]

مساااء الخير ..
لأهل ديرتي .. ديرة الخير ..
بصراحة حابة أسوي استطلاع لمشاركتكم في الانتخابات القادمة من عدمها مع بيان الأسباب ..
و راح أكون أنا أول وحدة .. و أتمنى من كل حبايبي بنات ديرتي المشاركة في الاستطلاع ..
أنا ما راح أصوت و لا راح أختار أي شخص ....
لأني ببساطة أحـــــــــب الكويــــــــت .. و ما أبي أساهم في تخريبها ..

 

[a7la samra87]

فكرتج
هم انا اوفقج الراي اختي توفا ومراح اصوت

 

[**توفا**]

شكرا للمشاركة اخت أحلى سمرة

 

[بنت بابا جابر]

انا بصوت ...

بس لازم أفكر عدل منو بختار عشان لايتكرر اللي صااار ...

الصوت امانه ولازم اصوت ...​

 

[<<لمار>>]

ماراح اشارك لانة ماكو احد يهمة مصلحة الكويت بس اصراخ واستجوابات وناسينا

 

[**توفا**]

فعلا هالمرشحين من يفوز الواحد فيهم أول شي يتزوج و ياخذ مرة ثانية ..
و ثاني شي يشتري بيت جديييييد ..
و ثالث شي يطالب بزيادة راتبه ..
و رابع شي يسافر و يلف الدنيا مع عائلته الكريمة !!!

 

[me my self and I]

انا ما راح اصوت لان تحت السن القانوني

بس لو اقدر اصوت اكيد بصوت لان التصويت جدا مهم الدول تفتخر بنسبه التصويت اللي فيها لان هاذا يدل على الوعي عند سكانها واحنا نسبه التصويت عندنا ما توصل ال 60%

المفروض الكل يصوت عشان تساهمون بالتغيير اذا مو عاجبكم الوضع مو تستسلمون لازم تغيرون الوضع وتعرفون تختارون

 

[ghalaty]

لا ما راااااااااااااح اصوت مافي احد قلبه على الكويت

 

[عاشقة الكاكاو]

محد يهمه مصلحة الكويت

مارااح اصوت حق احد

 

[**توفا**]

اشدعوة كويتيات وين المشااااركة ؟؟؟؟؟؟
بس 12 صوتوا !!!

 

[mo3lema2007]

اكيد بصوت بس للتغير للافضل وللاجدر بس اذا مافيه ماراح اصوت
واحتمال كبير تكون مراة

 

[الـفـجـر الـبـعـيـد]

انا ماراح اصوت

لأني ما حولت بطاقتي ومافي احد يستاهل

 

[charming girl]

لا والله ماني مشاركه منزينهم

 

[سنفورة]

ماني مصوته محد يستاهل وصوتي ما يستاهلونة

 

[jasmine_flower]

ردى اهوه رد العتوى مهموم​

[/url][/IMG]​

 

[حسايف]

انا بصراحه ماسهمت من اول بالانتخابات ومارشحت لثقتي انه محد يقدر يوصل همومي للحل كمواطنه..
وحاليا زادت ثقتي بانه محد يقدر يوصلها.....
بس كنت اتمني اتزوج رجل يصير عضو علشان ادور العالم بفلوس الدوله واشتري اللي ابيه..
وشكراااااا
وتقبلوا تعليقي بصدر رحب​

 

[AL-BaNDry]

طبعاااا


راح اصوووووت


بشارك ديرتي بختيار نائب يخاف على مصالحها

وانشاءلله الغلط اللي صار ماراح يتكررر

 

[عسولة الكويت]

راح اصوت بس حق اصحاب الشهادات والوجيه الجديده
وان شاء الله يتغيرون ديناصورات المجلس

 

[حناينq8]

تم التصويت - ماراح اعطي صوتي حق احد
لاني ما شفت فيهم احد قلبه على الكويت كلمن يدش المجلس لمصلحته الشخصيه

 

[*تسواهن*]

انا بصراحه ماسهمت من اول بالانتخابات ومارشحت لثقتي انه محد يقدر يوصل همومي للحل كمواطنه..
وحاليا زادت ثقتي بانه محد يقدر يوصلها.....
بس كنت اتمني اتزوج رجل يصير عضو علشان ادور العالم بفلوس الدوله واشتري اللي ابيه..
وشكراااااا
وتقبلوا تعليقي بصدر رحب​

انا بعد معاج بكل كلمه قلتيها ... مستحيل احط ثقتي باي نائب لانو الوضع حاليا .. الوعود الخداعه واذا طلبناهم .. اخلفو بوعودهم ... ما شفت اي نائب تعاطف مع الشعب وحط ايده بيدهم ..


لحد الان كل اللي اشوفه من النواب الهياط بالهياط ..



بس احسسن شي انج تكونين زوجه نائب وتلفين العالم بفلوسسه .. لانو فلوسه اللي معاه رفعت خششمه على الشعب .. ونسى انها فلوس دوله !